1-3歲今日: 0|主題: 19615

收藏本版

發帖

返回列表

跳至頁

查看: 13874 | 回覆: 9

教小朋友講嘢小小心得分享 [複製鏈接]

stewie_griffin

複式洋房

積分: 401

1^#

發表於 19-7-4 14:01 |只看該作者 |倒序瀏覽 |打印

本帖最後由 stewie_griffin 於 19-7-4 15:34 編輯

利申, 唔係咩專家, 只係想分享吓一啲簡單心得.

大囡由歲半開始已經識好多單字, 2歲時已經好流利用句子溝通. 3歲會自己作故事講我聽. 我一直覺得呢個女表達能力幾叻喎, 到我而家細女15個月大, 識講詞彙起碼30-40個, 然後覺得原來我一直做嘅嘢應該可幫助小朋友語言發展:

1) 由 BB 開始已經多同佢傾計, 同 BB 換片, 換衫, 沖涼, 做咩都好, 都會講出嚟, 例如 "而家同你換片片喇! 片---片 (重要嘅詞語慢慢重覆講多1-2次, 並拎起該物件), 好喇, 換完片我要去洗手喇, 洗---手). BB 1歲前通常都唔會回應你, 但其實好多詞彙佢已經入咗腦

2) 1歳後繼續同佢咩都講一餐, 例如"枝奶奶仲好熱呀,未食得住呀, 熱---熱 (俾 bb 摸吓枝奶, 重覆幾次)", 好快 bb 會跟住你講"熱熱". 呢個時候就要用唔同嘅語氣讚吓佢, 拍吓手, 話佢叻叻, 俾個 message 佢知道當你放慢講嘅字佢重覆講你係會讚佢, 佢好快就會習慣跟你學講嘢

3) 教佢講嘢時要俾佢望到你, 你都要望住佢對眼, 講時可以指住自己個咀, 等佢留意你咀型嘅郁動

4) 每日都會同佢一齊睇書, 開頭佢可能睇唔夠一兩頁已經走咗去, 可以先由簡單到齋講個封面開始, 唔使心急讀書嘅內容, 形容吓封面有啲乜. 慢慢佢開始有興趣先打開書講內容

5) 到小朋友大個啲, 同佢一齊睇書時大人好自然會睇文字, 但小朋友只會留意圖畫, 所以我同大囡睇書前我會自己先睇咗本書, 知道故事後我都只會望住圖畫講故事, 然後慢慢發現因應圖畫講出嚟嘅故事會變得有趣好多, 好多小細節位喺文字上冇交代到, 我都可以天馬行空加入故事入面,咁樣同一本書, 可以每次睇都會有唔同嘅演繹, 加深小朋友對書本嘅興趣

當然每個小朋友都有佢自己嘅成長時間表,未做到都唔使急, 但小朋友早啲識得表達自己, 可加深父母同子女嘅溝通同了解, 滿足到小朋友嘅心理層面.

0 0 0

私人傳訊

Yvonne@NUTRICIA
首1000日營養專家

2^#

發表於 19-7-5 11:14 |只看該作者

本帖最後由 Yvonne@NUTRICIA 於 19-7-5 11:16 編輯

stewie_griffin 發表於 19-7-4 14:01
利申, 唔係咩專家, 只係想分享吓一啲簡單心得.

大囡由歲半開始已經識好多單字, 2歲時已經好流利用句子溝通 ...

Hello stewie_griffin，媽媽做得好好呀，好有心機同小朋友相處和互動，有助提升佢地講說話的意欲!
小朋友鍾意模仿爸媽，由BB發出「咿咿啞啞」開始可以模仿下佢的外星語，每日安排20分鐘同BB唱兒歌、講故事，對佢學語言有幫助。市面上都有不同類型的圖書，有布做的、彈出圖畫的、巨型的、配合手指布偶的……方便爸媽生動地同BB講故事，俾佢更多機會聆聽不同的讀音和聲調。平時多同BB講眼前嘅事物及日常活動，講單字/詞語時指住實物，亦可加上一些常用的手勢，使說話更有趣、更形象化。各位媽媽加油!

NUTRICIA多年來一直專注BB首1000日營養研究，因為BB的健康是我們的動力。
讓我陪伴你在BB的成長路上，作出最好的營養選擇，帶動寶寶健康成長。