少年成長今日: 0|主題: 16075

收藏本版

發帖

返回列表

跳至頁

查看: 2673 | 回覆: 0

為認叻而睇書 [複製鏈接]

csir3290

子爵府

積分: 12345

1^#

發表於 20-8-9 11:57 |只看該作者 |倒序瀏覽 |打印

家姐同細佬都係自細就已經培養佢哋閱讀嘅習慣，所以到而家其實都已經唔需要太擔心佢哋閱讀呢個問題。但係成日都係覺得佢兩姊弟睇書嘅範圍比較窄，尤其是係家姐。家姐最鍾意睇就係睇小說，其實可能好多小朋友都係咁，可以成日自己揸住本小說嚟睇，細佬好啲反而唔係太過鍾意睇小說所以佢攝獵其他書嘅範圍亦比較廣。

最近我老婆買咗套叫[萬物起源]嘅書一套三本返屋企畀佢哋睇，兩姊弟都好有興趣，最奇怪係連家姐都竟然可以放低吓啲小說好快咁就睇曬嗰三本書。原來我老婆買呢套書之前同佢哋兩個行書局嘅時候，就借啲意攞起本書嚟睇，跟住仲同佢兩姊弟講問佢哋知唔知羽毛球嘅起源係點，因為佢哋鍾意打羽毛球。跟住就同佢哋講話本書幾得意，但係因為兒童書而且係我老婆話佢唔太鍾意睇嗰啲好多圖畫嘅書，所以就同佢哋講問佢哋兩姊弟可唔可以睇咗然之後話畀佢聽。點知兩姊弟忽然好有興趣，咁我老婆就買咗套書畀佢哋。佢哋一上車就已經開始睇，返到屋企就用好專業嘅口吻問我哋知唔知啲嘢係點樣發明，咁我哋梗係扮到好有興趣咁，佢兩姊弟就好似專家咁講畀我哋聽。

第二日我放工返到屋企食完飯，阿仔就問我知唔知道馬拉松嘅起源係乜嘢，咁我大約記得少少就講咗畀佢聽，跟住佢哋就繼續用佢好專業嘅口吻同我講解釋馬拉松起源係點。家姐又問我知唔知可樂點樣發明，佢又係好專業咁解釋畀我聽，咁嗰晚佢哋就好似玩問答遊戲咁仲講咗幾樣嘢添。我同老婆就算知都梗係扮唔識啦，仲問佢哋點解咁叻識得咁多嘢，佢哋就話啱啱睇過幾本書講嘅。所以我咪讚佢哋，仲同佢哋講睇呢類書書幾好吖，可以一節一節咁睇，鍾意幾時睇都得，亦都可以揀鍾意睇邊一個題目就睇邊個題目又唔洗好似小說咁要追，亦都可以知道咁多嘢。讚完之後佢兩個更加得意洋洋，然之後跟住嗰幾日我都見到佢哋成日揸住嗰幾本書好快就已經睇曬，仲成日同我哋講入面嘅內容。

如果平時，細佬都好啲佢都會去到書局會睇吓呢類型嘅書，家姐就只會行去睇小說，但係今次原來我經老婆輕描淡寫咁講咗幾句，就令到佢哋覺得套書好有興趣同埋最重要係可以認叻，咁就可以叫家姐嘗試睇下唔同類型嘅書。閱讀需要講興趣，如果可以搵到佢哋嘅興趣加以發揮就好似今次咁唔使提佢哋自己都會睇曬啲書。真係唔知我老婆今次係有心定無意，但係佢係幾句說話就提起咗佢哋睇呢本書嘅興趣同埋目標。雖然一開始佢哋未必可能係為咗興趣，只係為咗認叻，但係當佢哋嘗試慢慢睇落去嘅時候，佢哋就會發現本書嘅興趣喺邊度。但係唔理點都好總言之肯閱讀就係有益。