1-3歲今日: 4|主題: 19636

收藏本版

發帖

返回列表

跳至頁

查看: 8230 | 回覆: 4

荃灣學前適應班 [複製鏈接]

TrikWong

民房

積分: 17

1^#

發表於 23-4-25 11:23 |只看該作者 |倒序瀏覽 |打印

小朋友今年3歲，9月會返K1，因疫情關係，之前大部分時間都在家，少接觸外人，也沒有返N班，想在這幾個月俾佢返下學前班，適應下，訓練下，請問媽媽們有冇好介紹？謝謝(emoji)(emoji)

P.S：之前返過幾個月的playgroup，但一齊上課d小朋友太細，學d嘢太淺，唔係好適合佢，效果一般。

0 0 0

私人傳訊

CCHINGC

子爵府

積分: 12071

2^#

發表於 23-4-26 16:03 |只看該作者

小朋友有無咩特別問題需要改善，怕唔怕接觸陌生人？我細仔今年8月就3歲，9月入K1，1歲起繼繼續續返親子班，主要因為疫情關係，佢語言、社交都無問題，因為屋企有家姐做模仿對象，至於學術，始終呢個年紀係發展身體大小肌肉為主，太早接觸反而影響佢日後學習能力。

我大女入K1前無任何學術訓練，約2歲10個月入K1，表面睇可能比大B差D，但K2下學期就好自然追上，太早去訓練反而弄巧成拙，尤其寫字，因為本來6歲先應該識嘅野，提早到4歲早已經係太早，再提早到3歲，會嚴重影響佢日期發展。

私人傳訊

TrikWong

民房

積分: 17

3^#

發表於 23-4-26 21:30 |只看該作者

CCHINGC 發表於 23-4-26 16:03
小朋友有無咩特別問題需要改善，怕唔怕接觸陌生人？我細仔今年8月就3歲，9月入K1，1歲起繼繼續續返親子班， ...

多謝呢位媽媽回覆。

小朋友成日係屋企，大部分時間由婆婆湊，可能成日自己一個，比較自我中心，外出不怕陌生人，但語言發展較慢，未係好組織到句子，也未係好識得與外人對答，溝通，因為好少外出，對好多野都非常好奇，外出不太聽指示，例如唔肯排隊，外出見到想玩嘅嘢，如果強行拉走佢，佢會扭計，訓地下，都幾頭痛。去playgroup，唔肯坐定定聽老師講故事，會走去玩自己想玩嘅嘢，都幾令人頭痛。

私人傳訊

CCHINGC

子爵府

積分: 12071

4^#

發表於 23-4-27 10:52 |只看該作者

回覆 TrikWong 的帖子

2-3歲幼兒經歷人生第一個反叛期，自我中心係非常自然嘅事，可以多同佢以遊戲，去建立分享、排隊概念，例如輪住拍球，汽車排隊出發咁，亦可以用繪本，以故事去解釋點解要分享、排隊。
至於語言，每個小朋友嘅發展都唔同，佢地透過模倣學習，你可以幫佢延長句子，例如佢講食蘋果，你可以講傑傑(小朋友名)想食蘋果，另外，佢問點解時，我地都要清晰表達，例如點解唔可以去公園，我地就講因為落大雨呀，去公園玩會濕晒架，所以留係屋企囉，佢地好快就識用「因為」「所以」

在家多同小朋友玩實體遊戲，少電子產品，放假多d出去行下、野餐、跑下草地，更有利佢地發展。