Baby Kingdom - 親子王國 香港 討論區 › 首頁 › 1-3歲› 過來人分享返playgroup

1-3歲

收藏本版
發帖
返回列表
跳至頁
過來人分享返playgroup [複製鏈接]

首頁
1

尾頁
   1
tiff1228


複式洋房

積分: 262


1#
發表於 23-4-8 23:47 |只看該作者
講少少背景
第一胎新手媽媽，重要係全家族入面第一個生小朋友，所以無同齡小朋友玩伴
無論工作定讀書科目同幼兒教育完全沒有關係，所以對育兒教養，成長心理，完全唔識
有bb之後先會睇下書同聽下網上zoom講座，基本上連點同bb玩都唔係好識，更加唔好講話教bb，根本無從入手
由bb 大約10個月開始，轉左做full time mum，亦開始同bb報下唔同playgroup 試堂 ，到宜家14個月，我同bb大概都試左十幾間大大小小唔同style ，亦有regular 上緊其中兩三間

對於bb咁細個其實應唔應該返playgroup？學到d咩？值唔值得花時間同錢？同屋企自己教有咩分別？
私人傳訊

tiff1228


複式洋房

積分: 262


2#
發表於 23-4-8 23:49 |只看該作者
個人覺得最大嘅得著其實係家長自己
例如學識點樣同bb相處，有咩遊戲適合同bb玩，學老師點樣講野/唱歌/講故事吸引小朋友
未上堂之前，真係連咩兒歌都唔識，睇研究話音樂對bb腦部發展好，就自己上網揾song list全天候日播夜播，以為係好，點知playgroup老師話咁樣反而令bb好混亂

另一方面，上堂係同差唔多月年齡嘅小朋友，可以比較下自己小朋友同其他小朋友，有乜嘢叻啲，有乜嘢需要再進步

上堂前我成日覺得bb好瘦好矮好唔健康，日日迫佢食野，搞到bb同我一食飯就好大壓力⋯⋯上堂眼見其他小朋友都係差唔多，之後就放鬆左，宜家食幾多由得bb，反正下一餐又會食返，反而咁樣bb愈食愈叻
私人傳訊

tiff1228


複式洋房

積分: 262


3#
發表於 23-4-8 23:51 |只看該作者
想講嘅係教養上點都會有盲點，去playgroup 見多d人就會開放d；當有比較之下，就會更加了解自己小朋友係咩性格，有咩優點同缺點
同時又可以觀察一下其他家長點樣同小朋友相處，有d咩行為係連老師都覺得唔好要求停止

之於小朋友學到幾多
好老實講學術上嘅真係好少，但聽指令、收拾玩具、聽音樂做動作、同其他小朋友互動（以我小朋友為例）係上左playgroup 兩三堂之後已經有明顯進步

最後值唔值得花時間同錢，我自己就覺得有幾個前題下係值得嘅：
一、獨生子女或者無同齡玩伴
二、家長好似我咁唔識教/或者同小朋友玩
三、家長能夠陪上堂
四、揾到夾bb同家長style嘅playgroup
私人傳訊

Michunny


洋房

積分: 76


4#
發表於 23-4-9 19:12 |只看該作者
我覺得其實咁細個小朋友未係好識同其他BB玩，亦都唔係真係話好明白老師教緊乜嘢。話想建立社交能力其實去公園同吓其他小朋友玩都做到。
不過報幼稚園係真係有幫助嘅，填表嗰陣多啲嘢填，比幼稚園覺得家長好注重教育咁。而且小朋友習慣咗個「群體上課」模式之後去到面試會表現得好啲？因為幼稚園面試都係做返嗰啲嘢，唱吓歌跳下舞咁，同埋知道老師嘅角色咁。

私人傳訊

J_2008


大宅

積分: 1492


5#
發表於 23-4-10 23:01 |只看該作者
個人覺得太細個上真係當落去玩...所以而家14個月只係試堂, regular 諗住再大啲先算
私人傳訊

Mondou92214


大宅

積分: 1678


6#
發表於 23-4-16 01:45 |只看該作者
本帖最後由 Mondou92214 於 23-4-16 02:04 編輯

我之前做幼教，宜家係ftm ,小朋友就15個月，都無畀佢返playgroup

雖然之前做幼師，但其實我都未接觸過咁細嘅小朋友，所以我同個女做嘅嘢都好簡單，相信媽媽你都可以做到，就係拍手做動作唱吓歌、講故事，跟字讀又得，講吓啲圖畫又得、一齊玩玩具，示範點樣玩煮飯仔，一邊講一邊玩、疊積木、推吓玩具車、帶佢去公園盪韆鞦，玩滑梯、去康文署遊戲室玩、去街市去商場行，其實小朋友已經學到好多嘢

值唔值好睇個人，對經濟無負擔，而又學到嘢，上下都無妨嘅

學到啲咩，應該你最清楚，例如有無啲咩你無教佢，佢都識做嘅嘢，e.g收拾玩具之類，你可以問吓playgroup 老師上堂玩咗啲咩，然後你返屋企同小朋友一齊做吓，睇吓佢識唔識就知， 如果喺playgroup 係唱歌聽故事，未必即時可以知佢學到啲咩，其實老師都係誇張啲、扮吓聲、用吓手偶咁講故事，你都做到

playgroup 同屋企嘅分別可能係 playgroup 資源相對屋企多，正如我話用手偶講故事，小朋友探索嘅機會有機會多啲，而且係群體生活，不過如果同班嘅都係一嚿飯咁，其實去公園遊戲室會更加好，因為可以接觸多啲哥哥姐姐，透過觀察模仿學習
前提我覺得你唔好依賴咗Playgroup 先，如果你只係畀小朋友返playgroup ，而平時大部分時間都唔同佢睇書、玩、出街、溝通等等，其實返playgroup 未必咁大幫助，你應該當佢係輔助，當係有個途徑有咩唔識問吓playgroup 老師意見，問吓小朋友發展如何
私人傳訊

新人中新人


別墅

積分: 934


7#
發表於 23-4-21 13:10 |只看該作者
tiff1228 發表於 23-4-8 23:47
講少少背景
第一胎新手媽媽，重要係全家族入面第一個生小朋友，所以無同齡小朋友玩伴
無論工作定讀書科目同 ...

我覺得識行之後開始返都係好事。 playgroup 有啲資源係屋企未必有， 例如big book, 多樣玩具， 較大嘅空間（至少我無）。 一個星期一堂， 一個月都係千幾兩千蚊， 如果覺得ok, 我都建議比多一種體驗小朋友。 有時會覺得小朋友係playgroup 都唔知學咗咩， 但其實比機會出去見下人已經係學習。 去公園當然得， 不過太細嘅細路仔其實唔識同人玩， 去到公園都係自己跑完就走， 好難有交流。 但係playgroup 焗住都會同隔離Bb有交流。
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy