咩都唔識 寫道:
我老公同JODY媽咪你老公一樣
佢呢排又係要輪更番夜, 之前都有返夜, 但就幾個月先得
一次, 而家就晚晚都要返, 頭一個星期我好唔慣, 我返工
佢放工, 生活完全倒轉哂, 一日都見唔夠兩個鐘, 我唯有日日
放工第一時間飛返屋企同佢食飯...晚晚自己一個人訓, 成日
覺得自己好淒涼, 差不多晚晚喊, 老公好擔心怕我有事,
叫我返娘家訓, 但諗深一層, 佢又唔係去玩到唔返黎訓,
自己都諗通左, 睇開左, 約多d朋友出街, 分散下注意力,
而家好好多喇...冇再鑽牛角尖。
唯有星期日或等佢放假再出去玩多d.....
冇計啦...要搵錢....
雲的孩子都在跳舞 寫道:
我老公都係一個大忙人黎架，唔好話係咪星期六、日或要出 trip 啦，佢有時大時大節都番唔到黎過節（得我一個出席佢家人既飯局），就算連我生日及結婚週年（係同一日黎架）都可以因為臨時被個客 call 而唔能夠陪我，不過呢ｄ我都體諒架，佢都唔想既，你估佢有時間唔想多ｄ享屋企咩？！
所以我建議你加強多ｄ自己嗜好，唔好比自己太得閒，唔好將老公當為自己生活既全部，咁你會好過ｄ架。
以自己為例，我好鍾意玩電腦，對電腦既常識也算可以，但呢ｄ全部都係享圖書館借書番黎學架，學完做左個網站娛人娛己（之前因為做網站而識到一班網友，我老公話我見網友仲忙佢見客，哈），仲有試過幫朋友做網站黎賺錢。
其實結左婚生左小朋友唔等於就無哂自己既野架，我一樣有我喜歡既樂隊（三十幾歲人仲鍾意ｄ rock band 你話係咪攪笑丫，連我老公都頂我唔順架，仲話到我生既時候佢唔使陪產，帶果隊樂隊既歌入去陪我得架啦，哈哈），有我既嗜好。你會覺得唔開心某程度係你比自己既身份局限左自己，放開一點去接觸番一ｄ你以前會做既野，你會發現就算老公享唔享身邊你都好忙架！
慢慢發掘下一定搵到，成日坐享度亂諗野只會越諗越唔開心架咋！
發表於 
返回列表
