有人在另一個討論區的分享,以下轉貼,但有小小修改了(省了粗口字)~~
我平時返工都唔帶公事包，兩手空空幾嘆呀，就係為咗呢舊解碼器攪到我日日袋住佢係公事包返工，我唸住睇下幾時可以行開一陣閃上去有線度 cut，不過真係忙到抽筋行唔開，如事者我就揸住佢日日返工放工、happy hour、睇戲食飯，總之佢在我在，佢亡我亡，真係好似一個傻仔，日日袋住都唔知為乜，一來舊野已經重二來真係驚自已大頭蝦整唔見，比人執到都當垃圾”DUM ” 咗，到時連個公事包都蝕埋我就真係要攞日大假去遊行。
起初d同事仲以為我買咗部新 NOTEBOOK，我都唔識點答佢地，求其笑吓就算，費事比佢地見到我有舊咁既野係袋以為我痴咗線。不過我知道紙係包唔住火，有一日成班同事去飲茶，當埋單之際，我唸住係個公事包攞個銀包出嚟，點知我攞錯咗，潛咗個remote出嚟當銀包，我果刻真係唔知可以講乜好，成間酒樓好似靜晒，d茶客仲以為我想轉台…..就係咁我一手揸住個remote，一手揸住個銀包埋單……..丫……果條酒樓亞姐重好意思問我個搖控係咪佢地，我面都紅埋同佢講我袋入面仲有舊解碼器連插蘇你要唔要呀。
睇完我忍唔住笑左出黎~~
一家人,最緊要開心,快樂~~~老公,收入大增~~~
發表於 
funny
細b駿晞
返回列表
