夫婦情感

跳至

首頁
12

尾頁
   0


珍珠宮

積分: 41526


1#
發表於 10-5-15 00:40 |只看該作者
我同男同事a君都算係幾好朋友, 我地一齊食飯, 當然有多幾個同事啦..

有一日, 佢係食完lunch既時候, 攞左部psp出黎,我好奇, 咪問佢借黎睇囉, 之後還返比佢既時候, 我當時用隻右手攞住佢部機比返佢, 佢伸左隻左手出黎搭係我手腕對上4吋, 再用佢隻右手放係我隻手下面手腕對上4吋, 雙手就係咁夾住我隻右手, 由手腕對上4吋開始好慢咁掃我隻手, 掃到我手板時候先夾走左部機, 歷時都有10秒左右, 我當時好奇怪,咁咪望住佢囉, 佢望住我...
其實當時我冇反抗, 因為佢係我幾好既朋友, 我對佢又冇反感, 不過...我成日都諗起呢件事...

佢又結左婚,有對幾歲既仔女, 我又結左婚, 我地成日講仔女經..

其實我真係唔明, 佢攞返就得, 點解要摸我既手?
我唔係男人, 我真係唔知..
我唔知佢會唔會中意左我, 我唔肯定, 我又唔敢問, 我驚冇左個朋友, 如果佢唔係, 大家都好監介

如果佢係, 仲死...我都唔知比咩反應佢...

各位...我點好?我真係當佢係好朋友, 我又唔想傷害佢...
我又好驚, 佢如果下次又係咁...咁點算...??

我又諗, 會唔會係我多心...

[ 本帖最後由 小mama 於 10-5-15 00:58 編輯 ]


侯爵府

積分: 20738

好媽媽勳章 醒目開學勳章


2#
發表於 10-5-15 01:04 |只看該作者
測試緊你
應該會有下一次
覺得係有心嘅身體接觸就不妨明顯D/大動作DD俾佢知你冇心
唔出到聲大家都好落台
放低自己,尊重別人
提升內蘊,不為別人為自己


大宅

積分: 3197

好媽媽勳章


3#
發表於 10-5-15 01:13 |只看該作者
為免尷尬又傷大家友情, 扮冇事, 但我會以後有所警惕, 保持返少少距離~~

我以前有個姊妹, 佢同佢老公感情一向唔系好好, 成日嗌交, 我都識佢老公, 起初我地都會一齊出來飲下野喫下飯, 後來有一輪我地好耐冇見, 咁佢老公又約埋我, 佢老死, 仲有我朋友一齊出來打邊爐, 我姊妹因為o個陣有事唔得閑冇來, 食完飯幾日, 有次我姊妹同我朋友傾電話(同我地一齊食飯果位), 同我朋友講

"上次我老公同你地出來食飯, 佢話xx(我)索左好多wor!, 系咪丫~~ ,我都好耐冇見佢la, 佢而家點丫~~~?"

我朋友轉述返我知, 我聽完後, 知咩事, 因為佢老公好少讚人, 而且我性格系佢老公like o個類型來(辣椒)!~

自此之后, 佢老公凡約食飯, 我都推三推四, 又成日sms我幾時得閑就我d時間出來(但佢唔會預佢老婆份..)....我每次都揾藉口推, 什至我生日, 佢老公又特登sms比我~~ 雖然佢老婆唔知乜事, 但一個我好姊妹, 就算我冇心, 我都唔想佢誤會,亦唔想遭人話柄lo!

我什至系fb block左佢老公, 佢老公仲問我點解block佢, 不停pm比我, 我都冇應佢,冇任何解釋~~~後來佢冇癮, 就冇找我了.....
到而家我姊妹都唔知點解我唔揾佢(因為揾得佢, 又會見到佢老公..), 但唔通我同佢講, 我怕你老公丫!! 咪唯有慢慢疏遠lo.....


大宅

積分: 1473


4#
發表於 10-5-15 02:08 |只看該作者
我都好唔明, 點解d男人明知人地有老公都要咁。

小mama, 下次佢再係咁你要比佢知, 妳係介意。


珍珠宮

積分: 48784


5#
發表於 10-5-15 02:31 |只看該作者
樓主,你唔須要知佢係咩意思,你知你自己咩意思咪得囉!當時的情形,如果你唔想對方誤會,唔須要開口講任何嘢,只要你好快縮手就得啦!

佢有心就會明白你咩事,佢無心亦唔會覺得你有問題。只要你表明立場,佢有心當你係朋友,佢唔會試探你。如果佢一直係別有用心,只係假意做朋友,揾緊機會的話,只要你係無意思,你亦唔須再當佢係朋友。


子爵府

積分: 13193


6#
發表於 10-5-15 10:09 |只看該作者
O....做MUG樓主咁心亂如麻


[ 本帖最後由 jennyleung 於 10-5-15 10:33 編輯 ]


民房

積分: 21


7#
發表於 10-5-15 10:25 |只看該作者
其實遇到d咁既情況,正常唔使諗都會縮手啦

樓主會唔會你自己都有少少鐘意左佢,所以連咁基本既反應你都唔做呀....你自己要諗下喇


原帖由 小mama 於 10-5-15 00:40 發表
我同男同事a君都算係幾好朋友, 我地一齊食飯, 當然有多幾個同事啦..

有一日, 佢係食完lunch既時候, 攞左部psp出黎,我好奇, 咪問佢借黎睇囉, 之後還返比佢既時候, 我當時用隻右手攞住佢部機比返佢, 佢伸左隻左手出黎 ...


珍珠宮

積分: 42987


8#
發表於 10-5-15 10:33 |只看該作者
其實如果您即時覺得奇...而您又講到咁熟就可以即時開聲話佢啦!
"喂...做咩呀!!!拎您就拎啦...做咩摸我呀!!!,想死呀???唔好扮哂野呀"


複式洋房

積分: 466


9#
發表於 10-5-15 10:43 |只看該作者
妳暫時不作聲息,也是一個好辦法,繼續留意他的舉動,不可有單獨的約會。如他向妳訴說自己的婚姻不如意等問題,就更要小心了。最重要是妳要保守妳自己的心懷意念


複式洋房

積分: 466


10#
發表於 10-5-15 10:53 |只看該作者
還有~ 最重要一點就是妳都肯定自己沒有意思,否則因情慾而生,有性無愛的火花一爆發就不可收拾了,到時傷害到的人和事就更廣了,婚姻之內絕不應想要發展這些事情的,要小心 !


珍珠宮

積分: 41526


11#
發表於 10-5-15 11:16 |只看該作者
原帖由 女強人 於 10-5-15 10:25 發表
其實遇到d咁既情況,正常唔使諗都會縮手啦

樓主會唔會你自己都有少少鐘意左佢,所以連咁基本既反應你都唔做呀....你自己要諗下喇


其實當時我真係冇諗過佢會咁, 少少都冇諗過, 我唔縮手有兩個原因:
1. 我真係呆左, 同埋比唔切反應 (可能你地會諗我搵緊借口), 當時我只有震驚...
2. 佢真係用雙手夾住我隻手, 我覺得我縮唔到...
同埋如果我一縮, 個動作好大, 到時四圍既同事都會見到...
我唔想比人講閒話


珍珠宮

積分: 41526


12#
發表於 10-5-15 11:24 |只看該作者
原帖由 little_george 於 10-5-15 10:53 發表
還有~ 最重要一點就是妳都肯定自己沒有意思,否則因情慾而生,有性無愛的火花一爆發就不可收拾了,到時傷害到的人和事就更廣了,婚姻之內絕不應想要發展這些事情的,要小心 ! ...


我唔會想破壞人地既家庭, 自己個家庭更加唔想比人破壞..
我諗住如果佢唔係有心就算啦, 其實佢都做到好高級..
全世界都覺得佢係一等好男人..
我諗佢唔會掛...有都可能係一時衝動
費時化大啦...我都唔敢同其他同事講...我都冇同c6講...佢地識...費時發生事啦....

不過希望冇下次...如果有...唔通我鬧佢咩.....

[ 本帖最後由 小mama 於 10-5-15 11:25 編輯 ]


複式洋房

積分: 466


13#
發表於 10-5-15 11:34 |只看該作者
對的,暫時都不要跟同事說起,同事之間閒話會多,更不要跟老公說起先,暫時無事,以免節外生枝,令老公生懷疑之心,就會有條刺喇。


瑪瑙宮

積分: 131782

好媽媽勳章 醒目開學勳章 畀面勳章 環保接龍勳章 親子達人勳章 BK Milk勳章


14#
發表於 10-5-15 11:51 |只看該作者
原帖由 lovelykitty 於 10-5-15 10:33 發表
其實如果您即時覺得奇...而您又講到咁熟就可以即時開聲話佢啦!
"喂...做咩呀!!!拎您就拎啦...做咩摸我呀!!!,想死呀???唔好扮哂野呀"




我都會咁做.... 除非我都果位同事有好感...俾人搏下矇都制


瑪瑙宮

積分: 131782

好媽媽勳章 醒目開學勳章 畀面勳章 環保接龍勳章 親子達人勳章 BK Milk勳章


15#
發表於 10-5-15 11:57 |只看該作者
原帖由 imaikoya 於 10-5-15 02:08 發表
我都好唔明, 點解d男人明知人地有老公都要咁。

小mama, 下次佢再係咁你要比佢知, 妳係介意。




一來就手, 二來可以食免費餐唔駛上身


瑪瑙宮

積分: 135731


16#
發表於 10-5-15 13:20 |只看該作者
以後同佢保持距離, 身體唔好有任何接觸, 您唔反抗佢會當您認可, 亦會估您 c6 滿足唔到您, 抽水行動會升級, 唔好咁笨啦.

我以前公司有 d 男人, 多數係結左婚有仔女(反而未婚無咁離譜), 傾偈為名, 抽水為實, 有免費對象日日o係公司比佢抽水唔知幾好啦, 因為佢地生活(返到屋企又係黃面婆,仔女) 實在太沉悶了, 又唔敢出去曳曳.

好似我而家有個男同事 (中年,單身), 有時佢一定要對我講公事, 佢試過用手背掂我手臂, 可能佢覺得啱咀形, 但係我會即刻輕輕 tun 後, 或者將坐住o既椅 tun 一 tun 後, 兩次都係咁去表示我不接受身體的接觸黎 stop 佢. 您唔表示, 後悔係自己呀~


侯爵府

積分: 20738

好媽媽勳章 醒目開學勳章


17#
發表於 10-5-15 13:45 |只看該作者
好多時對陌生人/唔熟嘅人警覺性會好高
但係對熟絡嘅(尤其D公認好老實人/冇侵略性嘅人)就放鬆咗
D男人就屎忽痕試吓你抽吓水
都唔知佢哋個腦諗乜
放低自己,尊重別人
提升內蘊,不為別人為自己


珍珠宮

積分: 48784


18#
發表於 10-5-15 16:33 |只看該作者
原帖由 小mama 於 10-5-15 11:16 發表


其實當時我真係冇諗過佢會咁, 少少都冇諗過, 我唔縮手有兩個原因:
1. 我真係呆左, 同埋比唔切反應 (可能你地會諗我搵緊借口), 當時我只有震驚...
2. 佢真係用雙手夾住我隻手, 我覺得我縮唔到...
同埋如果我一縮, ...


我又唔覺得會有咩閒話俾人講喎~ 竟然你講到大家平時係 friend,咁縮手跟住大大聲話"玩嘢呀!"D人又唔知你哋做咩,有咩好講? 反而你唔縮由佢捉住你隻手,人哋見到,有心就會覺得你哋可能係有嘢,咁就有閒講話啦!換個角度,你係外人,見到有兩個同事咁捉住隻手,你又會點諗?根本好易明。你麻煩,會唔會係你自己都有D十五十六,有D嘢呀?

可能真係好似你咁講你震驚唔識做反應啦!唔係點會仲有無知婦孺係地鐵俾人搏矇噁忍唔出聲啫!要學識保護自己,係須要時 say No!


禁止發言

積分: 55904


19#
發表於 10-5-15 17:46 |只看該作者
提示: 作者被禁止或刪除 內容自動屏蔽


珍珠宮

積分: 41526


20#
發表於 10-5-15 20:32 |只看該作者
原帖由 維港 於 10-5-15 17:46 發表
攞明有心抽妳水啦, 尼d仲算朋友?


其實佢平時好正經架..好正派囉,絕對唔係乘人之危既人..
我都唔知個日佢做乜咁樣..

佢係一個正經到令我覺得佢心中只有佢老婆同對仔女既好男人..

佢咁正派我先同佢friend架咋..如果係咸濕花心佬, 我一早一腳踢左佢走..仲比佢埋身咩...

首頁
12

尾頁

跳至