夫婦情感 今日: 5 | 主題: 42742

積分: 14127

好媽媽勳章醒目開學勳章睛靈勳章

1^#

發表於 10-9-2 14:01 |只看該作者 |倒序瀏覽 |打印

我有病,唔係普通既病,係甲狀腺出問題(成條甲狀腺脹左),近呢個月開始我成日都會心跳加速(係跳到好似想走出黎咁,最嚴重既可以去到18x下)手震頭暈腳冇力仲成日嘔,1個月內我輕左10磅,成日食唔落野,禽日仲開始發燒添(100-101),今朝老公放工,到12:10都未訓,仲響電腦前面睇緊卡通片,我又好唔舒服(又心跳加速手震頭暈兼發燒),好聲好氣問佢訓未,佢話就訓,咁我咪同佢講話我又好唔舒服,叫佢幫我落去接女囉(我女今日放12:00,坐校車,由我屋企行去車站都係3分鐘唔駛),佢就發脾氣話我訓喇(以前每次叫佢都係咁講,好喇,我自己去,但我同阿女買完野食番黎都係未訓,甚至幾個鐘之後都仲未訓),咁算,我都已經嬲嬲地,好喇,佢問我要唔要落呀(態度係極度差),咁我話唔駛你喇,我出廳換衫,我同佢講:我唔係講笑,我真係有病,唔係普通病,你上網自己睇啦,會死人嫁,如果有一日我響街訓低左,你自己同我媽咪解釋(事實係我媽咪好唔高興我病成咁佢都唔幫下我手,事源係我99去澳門,要上99屋企整99d寵物,我媽咪話:點解你病成咁,你老公都唔幫你上去整,仲要成個大少咁等你買早餐等你煮飯等你落街買野),佢就發我脾氣扔杯扔mouse(你地冇睇錯呀,佢響電腦睇卡通都唔肯幫我,仲要發脾氣呀,個mouse而家中間個滾軸爛左喇),仲係咁鬧我話:我有話唔落去咩%&.係,佢最後有發脾氣話落去,講真,你發晒脾氣我仲叫你去咩...,我喊住同佢講: 我有病嫁,你關心下我都唔可以咩,幫下我手都唔得呀,你發晒脾氣咁,我做咩仲要求你落去呀,我唔想求你呀..
我同佢不止一次講過,我個病仲未check到咩事(我媽咪有甲狀腺cancer),醫生估我係甲亢(但我上次驗血d指數係正常範圍,今次再驗多次,因為媽咪有甲can,所以醫生話遲d再同我用核子check-其實佢想check,不過部機壞左,要遲d check),我同佢講醫生話甲亢可以死人,仲吩咐我叫我唔好激動受刺激唔好太開心,即係話情緒唔可以大上大落,因為如果係甲亢既,會有影響,由於到而家都未confirm,所以我只得心跳藥食..,我同佢講完,佢都冇任何反應,剩係話:哦.
我唔係想點,剩係想要少少關心同體諒姐,咁都唔可以?我平時對佢無微不至,日日都煮飯,冇要求過要d咩(就連結婚介子我都同佢慳,叫佢買鋼介好喇,唔好side錢),我生阿女果陣,我體諒佢好攰,叫佢唔駛陪我,我生日佢少少表示都冇,我都冇埋怨,開開心心去煮飯叫佢食,佢唔鍾意去我阿媽度食飯,ok,唔係咩節日或者阿媽生日,我都唔駛佢去,佢話想用耳筒,我出去幫佢搵,佢話想食咩,我都煮比佢,佢同朋友出街冇我同個女份,ok,我同阿女食自己,我自己去買米,冇要求佢一定要幫我,就算明知自己冇力拎唔到, 我會同佢搵共同興趣,希望有多d話題, 個女舊年上小一,名女學校d野同功課都係我自己跟,就算勞氣到想死都冇要佢幫手,但掉轉頭,一個冇付出既爸爸(即係我老公),就埋怨我教得個女唔好,d成績唔好,我同佢講:阿女已經進步左好多,慢慢黎啦..佢就話: 咁都叫好.. 佢咁講,但又唔幫手教個女,一日到黑就埋怨我教得唔好,明明見我病左響張床,佢都可以問得出:你仲唔同個女溫功課?
自問,我呢個老婆冇滿分都合格掛,我響佢屋企人同親戚朋友面前比足面佢,從來幾唔高興我都唔會黑面,佢d親戚朋友仲算第1次見我都會話我好相處,個人好好,好和善,99有過份既時候,我都冇博過99一句咀,而家我同99既關係好轉,都係我自己既成果,因為我唔再推99既要求,99咪覺得呢個新抱識做人左好多囉,就算我而家有病,99都每日一個電話問候下我,又會話要點調理下,又話要買d白花膠我補身(我有睇中醫,中醫話我而家既身體唔食得),仲叫我唔好煮食外賣,太唔舒服就call白車,佢幫我睇我.我覺得我99都比我老公關心我,佢大男人,成日話人地d老婆唔好(黑面博咀),話:你睇我老婆幾好,,..咁點解仲要咁對我?點解唔可以對我好d?至少都比我覺得你有擔心過我個病丫..離婚呢個念頭..第1次響我腦中出現, 我真係好唔開心, 由開呢個topic到而家,眼淚都未停過,我冇要求過佢要買乜買物,帶我去玩去旅行,我只要求體諒下我錫下我姐,比個鼓勵我,話我知就算我病,佢都會陪住我直到我好番姐...唔通我要求好過分咩....

[ 本帖最後由 lauretta 於 10-9-2 14:22 編輯 ]

0 0 0

私人傳訊

wtma

別墅

積分: 659

2^#

發表於 10-9-2 14:19 |只看該作者

會唔會係你對佢太好了, 佢從沒有想過沒有你佢會點過? 我覺得你應該係時候比佢知道, 你離開佢會有咩後果 -- 例如同女女回娘家幾天, 起碼有媽咪照顧, 又唔使理佢! 病都好快d!

私人傳訊

積分: 14127

好媽媽勳章醒目開學勳章睛靈勳章

3^#

發表於 10-9-2 14:29 |只看該作者

原帖由 wtma 於 10-9-2 14:19 發表
會唔會係你對佢太好了, 佢從沒有想過沒有你佢會點過? 我覺得你應該係時候比佢知道, 你離開佢會有咩後果 -- 例如同女女回娘家幾天, 起碼有媽咪照顧, 又唔使理佢! 病都好快d! ...

我都覺得我對佢太好太週到,有一次我病(感冒),佢叫我煮野比佢食,我話: 唔得喇,我好唔舒服.跟住佢一路唔食等我起身, 我唔忍心,起身煮個麵比佢, 我問: 老公, 如果我有咩事死左,你係咪打算狠狠咁餓死自己同個女? 佢竟然答我: 係呀,冇左你我唔得嫁,娶左你係我一生人最明智既決定.
當時我唔出聲,因為我唔係大病, 好喇,我而家真係大病喇, 佢完全冇改變過, 我依然要照顧佢同個女, 個女都好d, 起碼都錫我,見我唔舒服會扶住我,仲會講: 媽咪唔好煮飯喇, 買野食啦,你唔舒服要訓多d嫁..
唉, 真係好心淡..

今日真係有諗過返外家嫁,但又唔忍心要媽咪擔心,佢8月頭先整親腳入醫院,我真係唔想佢憂心喇, 打比爸爸(我父母離左婚唔同住嫁), 又唔想同佢講, 怕佢唔高興唔開心(爸爸成日話: 我個女又獨立又堅強, 係佢最引以為傲), 唯有忍住一穀眼淚話佢知: 我個甲狀腺仲未知咩事..

[ 本帖最後由 lauretta 於 10-9-2 14:32 編輯 ]

私人傳訊

美亞

禁止發言

積分: 16954

4^#

發表於 10-9-2 14:42 |只看該作者

提示: 作者被禁止或刪除內容自動屏蔽

私人傳訊

CarrieTo

積分: 3717

5^#

發表於 10-9-2 14:48 |只看該作者

試下離開下啦，你唔好擔心你媽媽會因為咁唔開心，因為若果你抑鬱太多令病情加深，你媽媽才真正難過。

你老公真是好差，點解佢可以咁有福氣取到你?

原帖由 lauretta 於 10-9-2 14:29 發表

我都覺得我對佢太好太週到,有一次我病(感冒),佢叫我煮野比佢食,我話: 唔得喇,我好唔舒服.跟住佢一路唔食等我起身, 我唔忍心,起身煮個麵比佢, 我問: 老公, 如果我有咩事死左,你係咪打算狠狠咁餓死自己同個女? 佢竟 ...

My baby girl: Samantha: 10 Oct 2009
Sammi: 15 March 2011

私人傳訊

積分: 14127

好媽媽勳章醒目開學勳章睛靈勳章

6^#

發表於 10-9-2 14:54 |只看該作者

原帖由美亞於 10-9-2 14:42 發表
我擔心你現時有危險(你心跳過動)立即看醫生(可能住院安全的)....OR去一清靜地方養病.別再把C6放心上.愛自己吧!再如此生活.我怕你無命LA....

美亞,多謝你既關心,其實30號已經見左專科醫生喇,佢將我既心跳藥由10mg加到20mg, 暫時佢話冇需要住院, 為左擔心我既女女,我會好好生活落去嫁喇. c6就..算啦, 我都估到佢今晚又死狗say sorry嫁喇(次次都係咁嫁啦),我會同佢好好地再講清楚我既情況,希望佢會明白同體諒啦

私人傳訊

積分: 14127

好媽媽勳章醒目開學勳章睛靈勳章

7^#

發表於 10-9-2 15:01 |只看該作者

原帖由 CarrieTo 於 10-9-2 14:48 發表
試下離開下啦，你唔好擔心你媽媽會因為咁唔開心，因為若果你抑鬱太多令病情加深，你媽媽才真正難過。

你老公真是好差，點解佢可以咁有福氣取到你? ...

carrie,

thanks!! 我唔知點同媽咪講好,其實我個人好怪,我有時真係幾燥底下, 我媽咪自從陪我見過醫生之後,佢成日都提我唔好發脾氣, 佢知道我禽日開始發燒之後,已經好擔心喇, 我都唔知我當日點解會肯嫁比佢,可能佢當初真係對我好好掛,或者咁講啦,緣份黎既,千世修來共枕眠嘛..放心啦, 我係一個唔會抑鬱既人, 一,兩日之後我又會冇事嫁喇, 而且我女女好識tum我開心嫁,佢會jump水比我,又會同我探熱,仲會同我come被,又會問我夠鐘食藥未,夠鐘既佢又識拎比我,所以放心啦, 我今晚會好好咁再同c6講清楚嫁喇

私人傳訊

janeleung

公爵府

積分: 27683

8^#

發表於 10-9-2 15:25 |只看該作者

睇完你ge post都好登你難過

我吾知點安慰你不過你要為左自己同個囡比心機, 加油呀

唔好再為你老公勞氣會令個病加重ga. 努力!!

私人傳訊

MINIBEAN

積分: 2328

好媽媽勳章

9^#

發表於 10-9-2 15:26 |只看該作者

你老公真係....我覺得佢需要一個工人多過需要你囉,有時真係唔可以對d男人咁好,你服侍到佢咁好,慢慢佢已經習慣晒,已經覺得係必然,所以佢今日變成咁,都係你慢慢,慢慢咁寵成架,

我唔係話佢唔愛你,只係一開始你就冇要求過,到而家大病先要求就遲左喇,佢已經以為你冇需要被愛

既然而家病左,你鐘意煮就煮,唔想煮就叫外賣,如果想佢同你湊女,就同佢講,"喂,你12:00落去湊女啦,我要訓一陣"唔洗問佢好唔好架,你係通知佢,唔係要求佢,你明唔明個分別?

如果真係頂唔順,就番亞媽度住幾日啦,費事激親自己呀,你個女好需要你架

私人傳訊

xxaprilxx

禁止訪問

積分: 4077

10^#

發表於 10-9-2 15:34 |只看該作者

提示: 作者被禁止或刪除內容自動屏蔽

私人傳訊

HerKing

積分: 2770

11^#

發表於 10-9-2 16:23 |只看該作者

原帖由 lauretta 於 10-9-2 14:01 發表
我有病,唔係普通既病,係甲狀腺出問題(成條甲狀腺脹左),近呢個月開始我成日都會心跳加速(係跳到好似想走出黎咁,最嚴重既可以去到18x下)手震頭暈腳冇力仲成日嘔,1個月內我輕左10磅,成日食唔落野,禽日仲開始發燒添(100- ...

樓主，我既前男友同你老公係同一種人…
我地一齊住，但係層樓係我供既，我病左都要服侍佢起居飲食，佢少少事就會發脾氣，一發脾氣就會整爛野，我放工放得夜，佢會返自己屋企食飯但係唔會理我放左工有冇飯食，仲要怪我放工放得晏，佢亞媽會當我係亞四 (我既身份只係女朋友，並唔係老婆)，去佢屋企食飯要洗埋廚房咁滯，諸如此類不能盡錄…

最後，我一走了之，重過新生活。

我而家C6問我，咁既生活你都可以忍到8年既？哈哈！我都唔知…

私人傳訊

小小小BB

積分: 3459

醒目開學勳章

12^#

發表於 10-9-2 17:44 |只看該作者

原帖由 HerKing 於 10-9-2 16:23 發表

樓主，我既前男友同你老公係同一種人…
我地一齊住，但係層樓係我供既，我病左都要服侍佢起居飲食，佢少少事就會發脾氣，一發脾氣就會整爛野，我放工放得夜，佢會返自己屋企食飯但係唔會理我放左工有冇飯食，仲要怪我放工放得晏，佢 ...

原來咁經典既男人唔止樓主遇到, 連herking同我都有份!

對於你個病來講, 我媽同你都有, 但佢好返啦! 係要家人強烈要求瑪嘉烈醫院做抽血檢查得悉, 食醫生開既藥, 令甲狀腺分泌降低, 但唔可以長期服用! 再返發既話就要服食放射性藥物殺死甲狀腺或開刀切走! 雖然我媽有服藥仲聽醫生叫戒食海帶, 深海魚,海鮮, 紫菜, 碘salt, 含有碘質既都一律唔可以食, 但佢病情仲有起伏, 係坊間佢知連雞蛋同花生都要戒之後就好返, 依家連藥都唔駛食, 但以上食品佢好間中會淺嘗囉! 希望你早日康復!

至於你與丈夫相處問題, 我都有好似你咁做夠一百分但都滿足唔到佢要求, 仲係大肚時遇到佢同佢家人惡劣行為對待, 一心想小朋友有個健全既家庭生活, 曾經放低不快之事再俾機會佢, 但都唔見得對方會珍惜, 所以我就索性做單親媽媽! 依家我唔係鼓吹你離開, 只係想提醒你, 你對佢太太太太太好啦! 你試想想, 無失意, 點知依家既幸福, 因為無比較, 你長期俾佢係一個咁好既環境下, 佢都唔知自己原來係與港孩無差別既港夫, 仲一次又一次出言傷你心, 不如你先收起對佢既溺愛, 一心一意對自己先, 愛惜自己再愛女兒, 有剩先去關心丈夫啦, 佢係成年人來架啦, 唔係下下仲要你湊住嘛!

祝, 早日康復生活美滿

私人傳訊

MINIBEAN

積分: 2328

好媽媽勳章

13^#

發表於 10-9-2 17:55 |只看該作者

原帖由 小小小BB 於 10-9-2 17:44 發表

原來咁經典既男人唔止樓主遇到, 連herking同我都有份!

對於你個病來講, 我媽同你都有, 但佢好返啦! 係要家人強烈要求瑪嘉烈醫院做抽血檢查得悉, 食醫生開既藥, 令甲狀腺分泌降低, 但唔可以長期服用! 再返發既話就 ...

《港夫》實在形容得太貼切,唔知佢老婆一個月唔返屋企,佢會唔會餓死呢?

私人傳訊

積分: 14127

好媽媽勳章醒目開學勳章睛靈勳章

14^#

發表於 10-9-2 19:13 |只看該作者

原帖由 janeleung 於 10-9-2 15:25 發表
睇完你ge post都好登你難過

我吾知點安慰你不過你要為左自己同個囡比心機, 加油呀唔好再為你老公勞氣會令個病加重ga. 努力!!

JANE,

THANKS!!

私人傳訊

積分: 14127

好媽媽勳章醒目開學勳章睛靈勳章

15^#

發表於 10-9-2 19:15 |只看該作者

原帖由 MINIBEAN 於 10-9-2 15:26 發表
你老公真係....我覺得佢需要一個工人多過需要你囉,有時真係唔可以對d男人咁好,你服侍到佢咁好,慢慢佢已經習慣晒,已經覺得係必然,所以佢今日變成咁,都係你慢慢,慢慢咁寵成架,

我唔係話佢唔愛你,只係一開始你就冇要求 ...

minibean,

我以前成日話佢,一個賓賓已經可以做到佢既要求囉, 佢就會唔出聲囉..我明白你講既分別,就等於我以前有返工既時候,老闆會講: 我而家係order你做野,唔係求你做野"..係咪咁既分別? 唔理佢喇,其實阿女識自己行番黎,又唔需要過馬路,阿女今日講: 如果你好唔舒服, 唔駛落黎等我校車啦, 我自己返上黎叫你開門咪得囉. 有個咁乖既女,我會為左佢繼續努力!!!

[ 本帖最後由 lauretta 於 10-9-2 19:37 編輯 ]

私人傳訊

積分: 14127

好媽媽勳章醒目開學勳章睛靈勳章

16^#

發表於 10-9-2 19:17 |只看該作者

原帖由 xxaprilxx 於 10-9-2 15:34 發表
你對佢太好...佢係唔會珍惜你....

我C6都係咁...不過我就比你好D...我身體好健康....

以前我會同C6吵...結婚唔夠2年...吵到試過電腦主機都飛埋黎添....依家我唔會同佢吵囉...佢鬧就當佢唱歌...見到佢都當睇唔到... ...

april,
嘩,連主機都飛埋..以前女仲細,我都有同佢鬧交,後來佢話佢會改,我就冇再同佢鬧交喇,好左2年,而家又打回原狀...

私人傳訊

積分: 14127

好媽媽勳章醒目開學勳章睛靈勳章

17^#

發表於 10-9-2 19:20 |只看該作者

原帖由 HerKing 於 10-9-2 16:23 發表

樓主，我既前男友同你老公係同一種人…
我地一齊住，但係層樓係我供既，我病左都要服侍佢起居飲食，佢少少事就會發脾氣，一發脾氣就會整爛野，我放工放得夜，佢會返自己屋企食飯但係唔會理我放左工有冇飯食，仲要怪我放工放得晏，佢 ...

herking,

呢d男人就係比阿媽寵壞嫁囉...咁我好彩d,我個c6放工會問我食唔食野既..恭喜你呀,咁你c6咁講得,佢應該好ok啦

私人傳訊