母乳餵哺

收藏本版
回覆 發帖
返回列表
跳至頁

首頁
12345...80

尾頁
   0
yanyan0629


大宅

積分: 1648


1#
發表於 03-5-18 02:44 |只看該作者

*有無2003年1月-4月bb的餵全人奶媽媽呢?大家交流下好嗎?

我個囡囡三個月大.出院回家後一直都是吃母乳.初頭真係食得好密吓!日頭三至四小時食,食完就訓.有時食得耐有時食得快,但到了半夜就可以話係不停咁食,攪到天光都唔願睡.
由兩個月大開始就好好多lu!而家佢一日吃六餐,半夜12點吃完嗰餐後就睡至6-8am左右,之後再睡,到11-12點倒再吃,有時會起床,有時繼續睡到2-3pm左右.其餘都係3小時吃一次,不過每次都食成個鐘,食成個鐘都唔緊要,有時間唔中佢會食下停下仲trouble,攪成個半鐘都有.
我個囡食奶會食幾淡,又停幾秒,跟住又繼續,好少會不停口咁不斷吃,唔知係咪因為咁樣所以要餵成個鐘呢?你地d bb係唔係咁樣架呢?分享下好嗎?
私人傳訊回覆 引用

CY-Mama


民房

積分: 49


2#
發表於 03-5-18 04:12 |只看該作者

Re: 有無2003年1月-4月bb的餵全人奶媽媽呢?大家交流下好嗎?

yanyan0629:
我個B現在2個多月﹐每晚都要起身餵夜奶﹐餵飽之後又要掃風﹐令到我醒後很難再入睡﹐唯有上網消磨時間﹐同時好好彩發現到baby-kingdom這個好綱站﹐能夠找到同是天堐輪落人

最近發現到個胸開始走樣﹐見其他媽咪分享餵母乳令胸部縮細﹐真係有點兒擔心﹐而我個B食得不算太好﹐就好像你囡囡一樣﹐每次食的時間長﹐食得漫又食得少﹐但很快又肚餓要再食﹐所以我想我會餵母乳直至BB六個月大改餵奶粉
私人傳訊回覆 引用

霖媽


複式洋房

積分: 386


3#
發表於 03-5-18 14:36 |只看該作者

Re: 有無2003年1月-4月bb的餵全人奶媽媽呢?大家交流下好嗎?

我個囡都係三個月大.出院後是吃母乳與奶粉，目標是邁向全母乳之路，最近在餵奶上有點麻煩(早牌埋身餵，bb將乳頭盾出吮入，弄得我好痛)，但已逐步改善。
私人傳訊回覆 引用

譚媽媽


大宅

積分: 1623


4#
發表於 03-5-18 16:41 |只看該作者

Re: 有無2003年1月-4月bb的餵全人奶媽媽呢?大家交流下好嗎?

CY-Mama：
寶寶六個月大以後更應該持續餵母乳，因為半歲以後寶寶來自母親的抗體會漸消失，奶粉寶寶這時會較易病，母乳寶寶則會因繼續從母乳取得抗體，所以會較健康，即使病了也較快好．
而且餵母乳真的是先苦後甜的事情，若你捱過了頭幾個月，餵母乳是比餵奶粉輕鬆的，至少出街不必帶瓶瓶罐罐，晚上寶寶要吃奶也不必爬起床沖奶粉，真的，別輕易讓成果溜走．

私人傳訊回覆 引用

connieckyip


大宅

積分: 2789


5#
發表於 03-5-20 19:00 |只看該作者

Re: 有無2003年1月-4月bb的餵全人奶媽媽呢?大家交流下好嗎?

我個囡都係三個月大, 初頭有補少少奶粉, 現在全人奶, 佢日間食無定時, 有時2個鐘,有時5個鐘, 夜晚就1:00,4:00,7:00, bb現在同我訓大床先叫做有得訓下,之前佢訓床仔, 一放低就哭, 我成晚就係咁將佢搬上搬落, 差d有產後抑鬱.
初頭囡囡每次都食1個鐘, 最近2星期半個鐘內食完, 但佢成日都要人抱, 滿月之後, 仲要打直抱, 我隻右手就痛到死, 妳o地係咪咁.
仲有呀, 妳o地係咪bb一哭就比佢食, 定係抱住都哭先比佢食?



私人傳訊回覆 引用

yanyan0629


大宅

積分: 1648


6#
發表於 03-5-21 01:35 |只看該作者

Re: 有無2003年1月-4月bb的餵全人奶媽媽呢?大家交流下好嗎?

CY-Mama ,
嘻!你好似我初頭呢!我bb兩個月大前我都係凌晨時份上網,有時餵奶悶到一路餵一路上網tim!
我個胸都無生之前咁靚了!因為成日谷奶又吃完鬆哂!有少少紋,但又唔敢擦野.駄住bb時已經有d青根,我mummy仲笑我話我個胸有靜脈曲張.
我對自己個囡食奶的情況己很滿意了,起碼唔駛餵半夜奶.不過每次吃約一小時真係長左少少.喺屋企就無所謂.去街街就trouble d lu!真係等到我老公頸都長埋!

霖媽,
努力呢!我左邊都係損左少少好耐,成兩個月都未好,好彩我忍得痛.不過唔知咁様去唔去得游水呢?會唔會細菌感染呢?

Connieckyip,
嘻!我個囡都係由個半月大開始我試過打直抱佢之後佢就好鐘意我打直抱佢,仲要貼到實哂個身嗰隻.到左佢三個月大時,有時我手累就算喺屋企都照用揹帶打直抱佢.
你個bb半夜三小時吃一次,日頭又可以隔成五個鐘先再吃.可能佢係仲未識分日夜呢!我個囡之前都係咁!但我同佢去健康院打完兩個月針後,姑娘比左份野我看,入面講到一d關於讓bb入睡的方法.我跟左d之後而家就好好多lu!

不如同大家分享下.
我每晚約十一點左右就會在睡房只開一小燈,跟住同bb玩一陣,約十一點半左右就開始躺在床上餵奶,餵半至一小時倒待佢睡著,我就會等約五至十分鐘,之後靜靜離開房間.(有時佢都會喺我出左去之後醒番,咁我物再餵多一陣.)
隔多十五分鐘等佢再睡熟d,我就移佢去床仔,咁佢就會一覺訓天光架啦!
姑娘比嗰份野話每晚要在睡前營造一個讓bb知道係訓覺的環境,如每晚都咁上下時間開一小燈,同佢玩同一様野,做同一様事情等等.仲要唔好喺唔同的睡房或地方訓,否則都係無用.咁bb知道係夜晚要訓覺,就會一覺訓天光.同埋日頭訓嗰d小睡就唔好連續超過二小時.
私人傳訊回覆 引用

yanyan0629


大宅

積分: 1648


7#
發表於 03-5-21 01:40 |只看該作者

Re: 有無2003年1月-4月bb的餵全人奶媽媽呢?大家交流下好嗎?

connieckyip,
我個囡有時哭唔係要食奶架,佢想訓都會哭架!悶又會哭.你試下打橫抱佢看佢會唔會個咀找乳頭就知佢係咪肚子餓架啦!
私人傳訊回覆 引用

candace


男爵府

積分: 5464


8#
發表於 03-5-21 08:58 |只看該作者

Re: 有無2003年1月-4月bb的餵全人奶媽媽呢?大家交流下好嗎?

我bb就快三個月, 起初有補奶粉, 現在可以全人奶. bb是大size, 現在食6 oz (如果pump出來餵), 佢都係鍾意直抱, 仲開始食拳頭 (係成個拳頭 !!!) 佢一個月已經由十二點 '目訓' 到六點, 近來早o左 十一點前 '目訓'. 我怕冇餵夜奶,奶量減少, 所以半夜有起身pump奶.
好開心有bk,識o左好多同路人,教識我好多餵人奶technique, 如果唔係可能一早就放棄bf.
私人傳訊回覆 引用

connieckyip


大宅

積分: 2789


9#
發表於 03-5-21 15:24 |只看該作者

Re: 有無2003年1月-4月bb的餵全人奶媽媽呢?大家交流下好嗎?

yanyan0629
自從我試過打直抱佢之後, 佢就唔肯打橫抱, 我都試過用揹帶打直抱佢, 可能佢唔夠高, 條揹帶o左住佢視線, 佢又唔高興, 同埋會好熱.
訓覺時候, 我都會在睡房只開一小燈, 但就無同佢玩同一様野,做同一様事情(餵奶算唔算), 等我今晚試下妳個方法先.

Candace
(好開心有bk,識o左好多同路人,教識我好多餵人奶technique, 如果唔係可能一早就放棄bf.) 我都係咁話, 如果唔係有bk, 我會以為自己有問題, 不識合餵人奶, 因為真係無諗到初頭會咁辛苦.
我個囡暫時仲係食手指, 不過已經食緊4隻手指, 距離食拳頭應該不遠了:-P.



私人傳訊回覆 引用

Small-kin


複式洋房

積分: 399


10#
發表於 03-5-21 17:10 |只看該作者

Re: 有無2003年1月-4月bb的餵全人奶媽媽呢?大家交流下好嗎?

yanyan0629:

我就快返HONG KONG啦!!
比你睇下我仔仔個動畫簽名~~~

candace:

我BB都有吮拳頭,我見到佢好得意呀!!其實我知佢肚餓至真,但令願吾餵住都想望多幾眼呀!!

其實好多BB都鍾意打直抱嫁~~~
HI!!各位媽媽~~~ 我番左HONG KONG啦！請多多指教!!
私人傳訊回覆 引用

yanyan0629


大宅

積分: 1648


11#
發表於 03-5-22 02:30 |只看該作者

Re: 有無2003年1月-4月bb的餵全人奶媽媽呢?大家交流下好嗎?

Candace,
你個囡囡係咪唔食奶咀架呢?我個都係呢!食拳頭食到啜啜聲,近排出街居然識得手多多,坐車仲拍落隔離位個人倒.真係開始要小心lu,要同佢多d抺手lu!
connieckyip,
可能打直抱抱身貼身好似擁抱咁,所以舒服d卦?!
你用邊款揹帶呢?我用拉孚兒嗰款四合一,有條帶支持住個頭後面嗰塊咭紙,嗰條帶阻哂bb視線,我拆左佢落黎就唔阻,又無咩影响嗰塊咭紙support個頭.不過就真係好熱.我喺個星加坡網站訂左條揹巾,但暫未收倒,用過再話你知好唔好用.嗰d有厚棉的揹帶真係唔係好適合夏天用呢!
small-kin,
你帶你bb去左hair cut??
咁短頭髮呢?!
不過都好型仔!!
我個囡前面分介,頭頂d hair打直向天,後面就訓到平哂!我老公話佢個hair style有d似岑健芬,哈哈!!
私人傳訊回覆 引用

connieckyip


大宅

積分: 2789


12#
發表於 03-5-22 18:09 |只看該作者

Re: 有無2003年1月-4月bb的餵全人奶媽媽呢?大家交流下好嗎?

yanyan0629
我個條係Tommee Tippee二合一, 但咩呀囡時, 都要抱住佢個Pat Pat, 我o個條後面都有塊咭紙, 但阻住bb視線條帶係咩佢o個條帶.
妳喺星加坡網站訂o個條揹巾是否這裡的媽媽介紹過, 我都有睇過, 係咪好似打側咩, 如果好用, 我都想訂番條.



私人傳訊回覆 引用

hellokm


大宅

積分: 2968


13#
發表於 03-5-22 19:58 |只看該作者

Re: 有無2003年1月-4月bb的餵全人奶媽媽呢?大家交流下好嗎?

bb26日就兩個月
食奶大概時間如下
6:00am
10:00am
1400pm
1800pm
2400(整醒佢)
不過如果帶佢出街就會亂晒

私人傳訊回覆 引用

yanyan0629


大宅

積分: 1648


14#
發表於 03-5-23 01:40 |只看該作者

Re: 有無2003年1月-4月bb的餵全人奶媽媽呢?大家交流下好嗎?

hellokm,
你個b一日食五餐咋??
請問每次食多久呢?
你個b係咪好鍾意訓覺架?!
私人傳訊回覆 引用

yv


洋房

積分: 709


15#
發表於 03-5-23 05:12 |只看該作者

Re: 有無2003年1月-4月bb的餵全人奶媽媽呢?大家交流下好嗎?

l fed my baby breastmilk and formual at first 2weeks but then ..... l don;t know what happened. he didn't eat that much or l got more milk then he need. But his 2 months old check up show he gaining weight very nice so l just take it easy. he want eat then l let him eat otherwise don't eat. so l really don't have his eating time table and don't know how many meals he eat per day. he will be 4 months old in 2 weeks, he still waking up at nite but as long as he want eat l pick him up let him eat.
Alex and Ryan
私人傳訊回覆 引用

candace


男爵府

積分: 5464


16#
發表於 03-5-23 09:16 |只看該作者

Re: 有無2003年1月-4月bb的餵全人奶媽媽呢?大家交流下好嗎?

yanyan0629,
我個b都係食到啜啜聲, 仲用隻口水手擦到成面口水 !

hellokm,
我bb大你個bb一日,大家都bf, 可以有好多分享 :)
私人傳訊回覆 引用

yanyan0629


大宅

積分: 1648


17#
發表於 03-5-24 00:59 |只看該作者

Re: 有無2003年1月-4月bb的餵全人奶媽媽呢?大家交流下好嗎?

Candace,
我個囡兩個零月倒就開始超多口水,玩到成面成個上半身濕哂,要成日換口水肩.之前我買落d口水肩同埋bb會送嗰d我仲以為會無用,點知而家先知原來好彩啱啱夠用.
yv,
你係咪全職媽媽呢?你住喺U.S.?
私人傳訊回覆 引用

泡泡媽咪


別墅

積分: 951


18#
發表於 03-5-24 01:31 |只看該作者

Re: 有無2003年1月-4月bb的餵全人奶媽媽呢?大家交流下好嗎?

我囡囡到8號先至兩個月! 滿月前食奶都好有規律ga, 每三至四個鐘一次, 每次10至15分鐘! 而且由朝訓到晚, 好少喊(除左肚餓o個陣)! 所以第一個月我覺得唔算太辛苦!
反而到d兩個星期, 唔知係咪佢大食左, 有時隔兩個鐘就喊要食奶! 佢已開始有需求, 要人陪佢, 抱佢...好多時夜晚4am先肯真正入睡!日頭又唔多訓, 所以我覺得滿月後辛苦d!
仲有兩個星期就要返工la, 唔知我可唔可以捱倒繼續以全人奶去餵我囡囡呢? 由於奶量問題...
有時真係好想放棄, 我而家pump定d 奶for第時返工, 可以預留比囡囡食, 但係pump出黎的多數都好少量 , 最多得4安 (兩邊乳房夾埋); 又唔穩定(有時只pump得1安)...見倒有好多bb大大下d食量有成6安, 就覺得自己冇可能夠奶!!!

咁多位媽咪駛唔駛返工ga?

泡泡媽咪
私人傳訊回覆 引用

yanyan0629


大宅

積分: 1648


19#
發表於 03-5-24 02:59 |只看該作者

Re: 有無2003年1月-4月bb的餵全人奶媽媽呢?大家交流下好嗎?

泡泡媽咪,
我個囡之前都係咁!由二三週開始至兩個月嗰陣時要佢睡真係好辛苦,不過由兩個月大開始就無lu,你可以參考下我之前的留言,希望幫倒你.
我係全職媽媽,我都唔係好識pump奶,bb三星期左右時我身體有d問題要去看醫生,都試過pump出黎,都係pump得好少,而且我仲覺得好痛tim!後尾六星期大時我再試過pump就好d lu!不過之後我都再無試過.
努力呀!飲多d湯水囉!不過如果你想增加奶量就要比bb食夜奶架啦!食得幾多得幾多.你返左工真係唔夠存貨比佢食先加奶粉囉!如果你差唔多放工就千祈唔好加奶粉,寧願佢餓一陣,等你返黎比佢吮多d,可能遲遲下就會夠奶呢!
我知道譚媽媽係在職的餵人奶媽媽,佢成日喺呢個討論區出現架呢!我諗你有問題可以請教下佢!
私人傳訊回覆 引用

yv


洋房

積分: 709


20#
發表於 03-5-24 05:24 |只看該作者

Re: 有無2003年1月-4月bb的餵全人奶媽媽呢?大家交流下好嗎?

yanyan0629,

yes ar l am full time mum with two boys and live in cleveland ohio usa. are you living oversea? how old is your baby girl? mine younger one will be 4 months old in coulpe weeks.
Alex and Ryan
私人傳訊回覆 引用


首頁
12345...80

尾頁

跳至頁
返回列表
回覆
發帖
高級模式 | 發表帖子
B Color Image Link Quote Code Smilies
你需要登錄後才可以回帖 登入 | 註冊

© 2025 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見