工人係印印. 佢工作勤奮, 很用心, 為人亦算老實, 雖然與我的舊賓姐比較, 佢的確較鈍, 但工作態度很好, 比起之前賓姐的小姐脾氣, 已經好好多, 我都有讚佢工作表現好.
但係…可能佢個仔同我個b差唔多大, 所以將感情投射咗喺我個b身上, 佢真係勁錫阿b, 但係變咗好心做壞事, 事例:
1.
阿b一喊兩聲或者小小跌親, 我哋都未行到埋去, 佢就9秒9衝埋嚟爭住抱阿b, 我都同佢講過, 如果在安全地方小小跌親唔怕, 唔使即刻扶, 要教佢自己起身. 我明白佢都係護主心切, 總好過疏忽, 但係佢攬住阿仔唔願放手, 就真係誇張d.
2.
有時要佢抱住阿b, 到我要抱番, 佢會話, “唔使啦, 太太好攰喇”, 我要堅持話“得喇你比我抱, 我攰會出聲”, 佢都唔願放手, 我要用d力先可以抱返阿b過嚟
3.
阿b而家啱啱學講嘢, 佢又好熱心咁教阿b, 但係始終佢d廣東話唔正, 英文就更加唔識, 阿b睇書時, 佢會好細心咁教阿b讀, 通常都會教錯, 當然我聽到都會糾正, 但平時返工聽唔到嘅都冇法.
4.
有日我同阿b喺書局睇書, 我喺度講書嘅內容, 佢又好投入咁加把口一齊教, 其實嗰一刻覺得好annoying, 我個心真係忍唔住喺度諗, “我教仔, 唔使你參與”, 另一方面又覺得姐姐都係一片好心, 自己好似好衰咁, 但最終都忍唔住同佢講, “我同阿b講緊, 你唔使講喇, 如果唔係佢會好亂, 唔知聽邊個講架”, 當時我睇得出佢好唔開心咁企埋一邊, 咁都冇法.
5.
因為佢覺得我個b都算乖, 所以佢平時都會用心觀察我點教仔, 佢話我知佢第日返印尼都會咁教佢個仔, 而佢自己又會學我咁教我小朋友, 但係工人又點同阿媽呢, 有時聽到佢用我嘅口脗同阿b講嘢, 我都唔係咁鐘意.
我明白好工人難求, 佢又實在好用心咁教我個小朋友, 事實上又真係好難平衡, 有時真係覺得工人僭越咗我做阿媽的角色, 應該點同佢講好呢, 唔通叫佢做番工人本份, 教養留番我做阿媽嘅做啦? 我驚自己講得唔好會傷害咗佢, 變得冇心機做嘢.
應該點做好?
發表於 
返回列表
