尋日, 我媽媽係屋企昏迷, 送左入QM急症,
原因係血糖過低, 好彩佢後尼清醒番,
但要留院觀察, 於是我同佢辨入院手續,
上到病房, 安排左臨時床位,
護士話一陣有人出院,
就會比個正式床位我媽媽,
我媽因為好累, 想休息, 但個床位好簡陋,
但冇法, 因為未有位, 我地都明白。
我媽身型大, 佢如果轉身, 就好易跌落地下,
佢老人家行動已經唔方便, 再跌一跌就真係會好大鑊。
過左兩個鐘後, 有幾個人出左院, 有吉床位,
我以為D護士忙緊, 唔好意思催佢地,
於是再等多半個鐘, 都未有通知我地換床,
我媽又話瞓得好唔C服, 咁我就再去問護士,
幾時可以轉正式病床比佢,
個護士話, 要等醫生尼幫我媽檢查完就轉比我地,
於是又等多45分鐘,
醫生尼左, 檢查完, 我地再等多15分鐘,
D護士都仲未叫我地轉床, 於是我又要再問幾時轉,
個護士呢次就話, 就算有吉位, 都未可以轉比我地,
因為每個醫生有唔同區,
會集中同一個醫生既病人係同一個AREA,
所以而家仲未轉得。
好...我又再等多一個鐘,
我行晒成個大房, 每個AREA都有吉位,
咁即係無論邊個醫生AREA既病床, 都有吉位啦,
於是我又再問護士幾時可以轉比我媽,
點知個護士長話, 就算有吉位, 都唔會轉比我地,
因為D床係留比唔行得個D人瞓喎,
嘩, 我聽完真係火都尼, 有冇搞錯,
佢一而再, 再而三咁同我地講話有位就會轉,
但最後竟然咁講野, 於是我咪話,
有冇搞錯, 有成10張吉床都要個病人瞓臨時床位 ??
我媽雖然係行得, 但唔係好靈活個隻,
加上佢身型都幾大, 瞓臨時床真係會隨時碌落地,
因為臨時床係比正式病床細 1/3。
我同個護士講, 你唔比佢轉病床, 我就唔會走,
我要陪我媽, 因為我怕佢半夜碌落床,
雖然最後佢都換左, 但佢竟然話如果有須要,
半夜都要我媽換床, 我真係睬佢都傻呀,
我同我媽講, 如果佢要你換床, 你唔好換,
即刻打比我, 我飛的即刻過尼。
我最唔明既係,
1 ) 明明問左好多次, 都話有床就轉比我媽, 點解後尼又話唔換。
2 ) 成個病房有成10張吉病床, 點解都要個病人瞓臨時床 ?
3 ) 咁啱有個街坊因血壓高又係同一日入院, 同一個大房, 只係唔同AREA, 佢都係行到, 但佢有病床瞓, 點解就唔想我媽有床瞓。
真係好嬲, 呻完。
如晴報或任何記者刊登此留言, 必追究。因為我唔認為係度講就預左比人抄!!!
發表於 
返~
返回列表
