本帖最後由 大力大力 於 12-3-13 12:13 編輯
其實我想寫這主題己很久..............
現今社會，每個家庭的父母，每天都勞勞碌碌，為生活打拼，計著每天開支，又要擔心子女升學.............社會絕大多數人 "年青時，用健康換金錢！年老時，用金錢換健康" !
健康 vs 金錢.....雖然問十個人有十個都話健康重要，但有幾多人，真正在年青/中年時，己注重身體健康呢？
又試問 "養生在少年"，又有幾多人做到呢？
以前的我 ：
我近二十年都可以把體重，保持上下高低 6 磅，我一直體重中位數是 147 磅 (因我骨幼)，無食早餐 (我知唔健康)，平常我食到約 150 磅 都開始減，每天上午衹食一碗淨麵 + 菜，晚上回家祗食半碗飯 + 少肉多菜，到體重跌到 144 磅又食返多 d。
之前成日開會，又費事成日去洗手間，所以又好少飲水，有鼻敏感幾十年，成日有胃氣漲，腸胃唔好，另外可能體重落差太大，抵擴力差所以成日感冒。。。(我一直都不煙不洒)
現在的我 ：
食多左一倍食物 (晚飯碗半飯)，早上都係食淨麵，飲水多左三倍, 體重保持 148 磅, 鼻敏感無左，胃氣漲無左，腸胃明顯好晒，一年一兩次感冒，唔使見醫生，訓完一兩日就好番, 我為什麼會改變甘大 ??
一個字甘淺就係 "運動" !! 因為衹有運動出汗，才能把身體的費有害物質，完全排出體外！
專家話過左 30 歲, 平時無做開運動就唔好跑步，因長久會傷關節, 而心臟科醫生話每星期幾天， 急步行 30 - 60 分鐘對心臟也足夠運動 (心跳過 120 下) 。
好多人一聽到去做運動，就立刻想起跑步, 事實上跑步對於一個己過重, 或無做開運動的人來講太劇烈，身體大多支持不到，所以好多人好快好容易放棄............... 
怎樣開始做運動 :
1. 首先諗一下，自已屋企樓下有沒有埸地 (可以急步行)，我就公園，落雨就在屋苑的長長樓底 (我係風雨不改)
2. 最好找個伴，可以傾下計， 無適合人選，就帶電話用耳線聽收音機， 這樣才唔會悶。
3. 落樓前飲杯水，食件餅，我就帶樽水放在公園。
4. 堅持到兩星期，就要買對輕身合適的跑鞋！
4. 頭一星期急步行 15 分鍾，然後慢慢加上去，直至可以行到 45分鍾以上。
我朋友膝頭成日痛，西醫話有晶體聚在膝頭，每年有幾次要痛到入院打止痛針，他行了 6 個月，膝頭再無痛過，他說真係好過中獎！！
試一下在百忙中閒，尤其 FTM，連續性三個月，一定會感覺到身體會有 "明顯" 改善............
大家唔好再遲疑，的起心肝，明天就開始，努力呀！！
***** 如有會員做左運動，身體又改善左，請上黎報告一下啦 ! ******
大力理財篇 之 子女理財！
http://www.baby-kingdom.com/forum.php?mod=viewthread&tid=3868590&extra=page%3D1
買基金真係好傷
http://www.baby-kingdom.com/forum.php?mod=viewthread&tid=3294843&extra=page%3D1
發表於 
mouth:
返回列表
