2010年8月1日係我第一日搬入呢間屋既開始,亦係我地2個既開始,估唔到既係,2012年3月21
號晚你開始玩失蹤,人唔見左,電話冇開,之前記得你略略提過你間公司名,我打去問,竟然話冇
你呢個人返工,後來我想清楚,唔知你仲有幾多野係呃我既呢?之前你講我知因為你婆爛賭,攪
到你要問晒咁多間財務公司借錢,另外再拎左成副身家幾萬蚊出黎比你阿婆去還澳門大耳窿
條賭債,總數加加埋埋大約廿幾萬,後來還唔到,我幫你代你同財仔個邊既大耳窿職員傾掂數,
每個月還幾錢,之後有錢啦就去做iva傾掂數就話還3千,正常黎講每個月會鬆動好多,因為你除
左比iva條數之外,仲有家用,其他咩錢都唔駛比,後來你話公司冇糧出,爭落成萬6蚊糧,iva供左
2期之後已經甩左,所有數都未還過,而家追緊上門,我一早勸你唔好再返呢份工你唔聽,直到返
多左2個月冇糧出你先肯聽我話轉工,後來有個朋友好好,知你做開金融,幫你搵埋工比你轉,你
就話冇底薪唔返,ok冇問題,之後你話你朋友介紹你入去佢做開間金融公司度返,因為你未有客
底所以未有糧出,講左要搵到客開到單先出糧,ok,冇問題,之後你2月同我講3月一定有糧出,開
頭就話月中,後來又話20號前,之後再話21號出,ok我再信你,後來20號晚你6點幾打比我,話我
知你朋友8點零9點會返黎出糧比你,我7點幾開始打比你你就冇開手提直至而家玩失蹤,我開
始係度諗你失蹤係咪有預謀既,你阿婆條數係咪真係爭咁多要你幫手係咪真既,你舊公司冇糧
出係咪真既,你後來返邊度工都係一個迷,係咪點都好,都唔再重要,因為我唔會再信你,你真係
令我覺得好失望,火火,豹豹,係你最錫既仔女你都可以唔要,唔理,ok冇問題,你之前同我講既將
來就當風咁吹走左,因為我部手提壞左,後來豆豆好心幫我出部新既,我將佢比左你用而我用你
部舊機我都覺得冇問題,因為我當正你係我另一半,開頭你好錫圖圖,後來變左佢有d咩做錯,唔
岩,發脾氣,你淨係鬧佢打佢,你識我既時候你都知我有個仔架,你知道晒所有野,點解你可以突
然之間變左個咁既人?為左你,我得失左好多人,我好多謝豆豆,2個契爺,nickie,aska,媽咪仲有
個個係我呢刻失控既時候依然冇唔理我,仲聽我呻,個個都好擔心我對個仔不利,反而我經過呢
2日你既失蹤,我亦諗清楚一樣野,就係,就係你係個咩人,你成日話你屋企細個點辛苦,你阿媽點
捱大你地幾個,冇1個家庭唔駛捱架,除非佢地個個好似而家d富2代咁有錢啦,你淨係話你媽靠
你份家用,我問你,你話你大家姐同我同年既,而家先走去讀全日書冇比家用,2家姐呢就有男朋
友照顧,比錢佢返學而且唔駛做冇家用比到,如果係真既話,我相信你屋企係悲哀點解3個仔女
都要攪成咁,我就迫於無奈,冇人幫我湊圖圖所以我要自己湊,冇得比家用屋企,反而係我爸幫
補我,呢獲野我預左返去比我父母剷獲金架啦因為你,不過我講左比佢地知我會覺得舒服好多,
起碼唔駛再好似唔見得光咁,同埋亦都唔駛再理你屋企人點睇我,因為2年黎我地都冇見過對
方屋企人之餘你父母唔知我有個仔既,今日係你失蹤第2日,希望你好自為之之餘以後永遠健
康快樂,仲有放心啦朋友,經過呢件事之後,我唔會再信男人,因為男人冇個好既
除了你我誰都不愛,to have but not to hold
發表於 
返回列表
