吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 呢排好煩, 希望大家可以幫我比D意見

自由講場今日: 795|主題: 1368654

收藏本版

發帖

返回列表

跳至頁

查看: 2041 | 回覆: 41

呢排好煩, 希望大家可以幫我比D意見 [複製鏈接]

12 3

hohodemama

大宅

積分: 4225

畀面勳章叻叻勳章 wyeth冷知識勳章親子達人勳章 hashtag影視迷勳章

1^#

發表於 12-5-9 14:47 |只看該作者 |倒序瀏覽 |打印

有D長, 又唔知post呢度適唔適合. 希望大家唔好介意. 亦都唔好仇恨內地人,
因為我, 我屋企人落來香港, 都係好勤力做野養自己既.

希望大家可以幫我比D意見.

我好細個同阿媽落左來香港, 之後老豆過左身, 捱到就大學畢業, 阿哥同細家姐落左來香港.
佢地初初同我同阿媽同住, 後來佢地屋企人都來埋香港, 自己搬左出去, 組織自己既家庭.
之後我結左婚, 有埋兩個小朋友, 一個1.5 歲, 另一個3.5歲. 媽媽同我地同住.加埋老公同工人6個.

舊年政府放寛左政策, 大陸另外兩個家姐都落埋來.
雖然佢地結左婚, 有自己家庭, 但屋企都唔係有錢, 落來香港都係想努力搵錢寄番鄉下.
有得慳都盡量慳, 因為阿媽同我地同住, 咁好當然, 佢地就同我地一齊住.
咁所以而家屋企700呎就住左八個人啦.

以前六個人都還OK, 而家多左兩個人, 多左好多雜物, 真係覺幾逼下.
工人自己瞓雜物房, 以前阿仔同阿媽瞓,
而家兩個家姐同阿媽瞓, 我地一家四口就逼埋一間房瞓.

不過住都係一個小問題, 家下工人就來完約, 唔肯同我續約.
咁我再搵工人, 先覺頭大. 之前因為有婆婆係屋企, 已經好難請人,
而家再多兩個, 好多agent 都唔show 我, 一係叫我搵海外完全無經驗既.
但婆婆又唔識英文唔識廣東話, 好難溝通. 叫個完全無經驗既點掂啊.
同埋我心又唔 Gur, 無理由因為咁我要降低晒我d要求, 但求有人肯來我家.

之前講我仲有一個阿哥, 同埋細家姐都住係香港.
阿哥一家四口, 家姐都係一家四口再加個工人, 佢地屋企都同我屋企一樣有700呎到.
其實我有諗過不如叫兩個家姐過去同香港o個個家姐住. 或者一個跟我地住,
另一個跟家姐住. 不過我講唔出口, 點講都係同阿媽住舒服d啦.

但係我更加擔心請唔到工人, 到時要搵邊個同我湊仔? 阿媽提議請唔到工人叫家姐幫我
湊. 但一來, 佢地係香港做工都可以搵到七八仟一個月, 唔通我叫佢地唔好返工幫我湊?
咁我要比幾錢人工佢地? 再者, 大陸既手法同香港好唔同, 我都唔想有咩争拗影響感情.

而家好煩, 唔知點算.
如果係你地, 你地會點? 點樣可以有個兩全其美既方法呢?

點評

MariaTsui 你老公好好人,俾我老公一定SAY NO. 發表於 12-5-12 12:53

0 0 0

私人傳訊

bananamom

禁止訪問

積分: 31970

畀面勳章環保接龍勳章大廚勳章親子達人勳章

2^#

發表於 12-5-9 14:52 |只看該作者

引用：有D長,+又唔知post呢度適唔適合.+希望大家

提示: 作者被禁止或刪除內容自動屏蔽

私人傳訊

ipipipip

侯爵府

積分: 24598

3^#

發表於 12-5-9 14:58 |只看該作者

基本上........
請工人都唔係最大的問題
個問題係
五大兩細屈係七百尺,咁同歡樂滿東華表演冇乜分別
難得你老公冇不滿

同你兩個家姐傾下啦......

私人傳訊

ipipipip

侯爵府

積分: 24598

4^#

發表於 12-5-9 14:59 |只看該作者

你三大兩細
要請工人唔係好難

仲要有你亞媽睇住
又唔駛驚個工人搞事
其實你呢種家庭請工人唔係話特別難呀

點評

hohodemama 真的嗎? 點解D agent 唔 SHOW 我既? 要我加人工? 發表於 12-5-9 16:41

私人傳訊

picc

大宅

積分: 4165

5^#

發表於 12-5-9 15:00 |只看該作者

本帖最後由 picc 於 12-5-9 15:01 編輯

我不是想講工人問題，我想講落黎做o野問題！

落黎香港搵錢寄返上去，心態上本來無錯，問題是在香港溫錢有沒有計埋香港的衣食住行呢？若果長期寄居在你們處，你們是否真的可以忍受呢？！

私人傳訊

oooasis

子爵府

積分: 14840

好媽媽勳章陪月勳章

6^#

發表於 12-5-9 15:03 |只看該作者

大家都成年
無理由個個住你屋企，如果間屋係你阿媽，咁你同你老公搬出去住算了。

私人傳訊

cyhin

男爵府

積分: 8533

7^#

發表於 12-5-9 15:09 |只看該作者

引用：有D長,+又唔知post呢度適唔適合.+希望大家

原帖由 hohodemama 於 12-05-09 發表
有D長, 又唔知post呢度適唔適合. 希望大家唔好介意. 亦都唔好仇恨內地人,
因為我, 我屋企人落來香港, 都係 ...

其實你申請屋企人落香港時又無考慮住既問題咩！講真一句香港地留食就唔留宿！仲要你自己已有一個家！真係易請難送！就算兄弟姊妹幾好感情都假！搵社區議員幫下手！

私人傳訊

augustbee

子爵府

積分: 10711

畀面勳章環保接龍勳章 BK Milk勳章

8^#

發表於 12-5-9 15:46 |只看該作者

回覆 hohodemama 的帖子

唔好自己頂哂 ,
同阿媽講 ,
等佢主持公道咯 !

我工人主力負責照顧三隻貓大爺 !!!

私人傳訊

joannewu_0302

珍珠宮

積分: 40639

認識瑞士牛牛第二回認識瑞士牛牛第一回我的育兒心得勳章熱血勳章玩具勳章好媽媽勳章 wyeth冷知識勳章遊學勳章 hashtag影視迷勳章 DHA勳章

9^#

發表於 12-5-9 16:03 |只看該作者

如果間屋係你既, 咁你2個家姐都要比家用.
兼計劃幾時可以搬出去.
如果間屋唔係你既,
計劃自己搬走.

私人傳訊

淚城堡

子爵府

積分: 13126

10^#

發表於 12-5-9 16:18 |只看該作者

引用：基本上........請工人都唔係最大的問題個問

原帖由 ipipipip 於 12-05-09 發表
基本上........
請工人都唔係最大的問題
個問題係

對5住........歡樂滿東華表演...笑咗!

其實可5可以你地搵過間屋or你2位姐姐+媽媽搵間屋?租房?買房?申請公屋?因為你2位姐姐落左來!其實一個人都可以搵8，9千啦，要生活應該不難!

而你照樣比生活費比mami，BB千期5好比親人湊!費是麻煩!

點評

hohodemama 間屋阿媽有份, 我唔會叫佢搬走的. 發表於 12-5-9 17:07

私人傳訊

valentinored

男爵府

積分: 5263

11^#

發表於 12-5-9 16:32 |只看該作者

回覆：呢排好煩, 希望大家可以幫我比D意見

你老公好好, 成排人住係你屋企都無炸型, good!

你如實同你阿媽講, 等佢主持大局吧

點評

hohodemama yes, 我老公好好. 無咋係我煩. 發表於 12-5-9 16:42

私人傳訊

ppsfung

伯爵府

積分: 17160

12^#

發表於 12-5-9 16:57 |只看該作者

hohodemama 發表於 12-5-9 14:47
有D長, 又唔知post呢度適唔適合. 希望大家唔好介意. 亦都唔好仇恨內地人,
因為我, 我屋企人落來香港, 都係 ...

接受AGENT建議, 請海外工人, 有些海外工人雖沒香港經驗, 但有去其他地方做工人的都OK.
我反而鐘意請沒香港經驗的, 因為至少開頭無咁煩, 唔會將你呢度同舊僱主比較... 請本地的雖然訓練會比教容易, 但佢地通常都無咁聽話, 到時樣樣嘢同你講數, 你仲激氣呀....唔識廣東話唔係大問題, 工人有心學一定學到, 你媽做一定, 佢記住下次就識做.

現在的工人真係超級選工做, 我覺得你太美化本地的工人, 我屋企有2個小朋友 (7YR & BB), 奶奶間中過來幫手, 都無本地工人肯做...
你2個小朋友咁細, 又有阿媽係度, 就算你家姐唔同住都不一定有本地工人肯做, 所以我覺得你唔需要因為工人而叫你家姐搬走 (除非你真係想佢地搬走)

私人傳訊

hohodemama

大宅

積分: 4225

畀面勳章叻叻勳章 wyeth冷知識勳章親子達人勳章 hashtag影視迷勳章

13^#

發表於 12-5-9 17:04 |只看該作者

間屋係我同阿媽聯名既. 不過咁多年都係我供既. 首期係阿媽比既.

我老公好好, 從來無炸我型. 不過同佢結婚後層樓都係我自己供既, 我只要求佢
比家用我. 可能佢都唔好意思炸我型.

當初知道佢地可以落來時, 我阿媽歡喜得不得了. 有乜理由潑老人家冷水啊.
老人家都想承歡膝下啦. 再講, 佢地係大陸一個月搵仟零蚊, 落到來可以搵多
D點解唔比佢地上來呢? 無理由我呢個細妹落左來就唔比家姐上來喎. 再講,
佢地落來人生路不熟, 無理由我唔幫佢地仲唔比佢地住喎.

之前天氣濕, 太多衫唔乾, 日日都開抽濕機, 佢地就咁手洗衫又比樓下管理員
投訴屋企晾衫滴水, 我都煩過話屋企人多辛苦. 阿媽有講過, 點講得出口,
都無辦法要忍下啦.

如果我唔係有小朋友, 要請工人難請, 我都無所謂既. 始終剛剛來香港要適應,
我都捱過來. 未結婚前都試過阿哥一家同我地七八個住係而家呢度, 以前都
無問題. 但係而家為左小朋友, 其實內心真係想佢地可以搬開住. 但真係做唔出.

家姐佢地有比家用阿媽既. 我就唔想收啦.
所以我有諗過佢地搬去同細家姐住, 細家姐生活都好拮据, 一齊住大家既支出
可以少d, 可以儲到錢. 但用咩理由呢?

私人傳訊

hohodemama

大宅

積分: 4225

畀面勳章叻叻勳章 wyeth冷知識勳章親子達人勳章 hashtag影視迷勳章

14^#

發表於 12-5-9 17:21 |只看該作者

諗番我老公真係好好, 從來都無怨言.
其實我阿媽都唔易相處, 佢都無問題.
佢好唔LIKE 我阿媽食煙, 不過佢都無出聲.
我都好討厭, 不過佢係我阿媽, 食左六十幾年唔會介啦, 我無得揀.
我唯一要求阿媽唔準係兩個小朋友面前食.

再講兩個家姐, 佢真係對佢地好好, 家姐有時請教佢廣東話佢都好比心機教佢地.

有時我會自私D 諗, 如果老公扮下醜人話唔鐘意屋企有外人咪得啦.
不過老公唔會咁做.

私人傳訊

tanjoen

大宅

積分: 1743

15^#

發表於 12-5-9 17:33 |只看該作者

樓主, 你咁為得你屋企人梗係好啦, 但係點解要你自己一個擔起晒呢? 你個阿哥同家姐可唔可以分擔下呢?

再講, 你老公宜家忍得啫, 又忍得幾耐? 咁你對仔女呢? 點解又要佢地忍埋一份?

私人傳訊

claudia

禁止訪問

積分: 26738

好媽媽勳章

16^#

發表於 12-5-9 17:36 |只看該作者

提示: 作者被禁止或刪除內容自動屏蔽

私人傳訊

1928mickey

寶石宮

積分: 415537

2018父親節勳章 2018母親節勳章 2018復活節勳章 15週年勳章親子王國15週年勳章畀面勳章 BK猜猜猜慶中秋 BK Milk勳章 hashtag影視迷勳章最關心BB問題熱投勳章美好大世界2017勳章開心吸收勳章

17^#

發表於 12-5-9 17:38 |只看該作者

回覆：呢排好煩, 希望大家可以幫我比D意見

你地一家四口搬

私人傳訊

唔好煩我

水晶宮

積分: 50467

18^#

發表於 12-5-9 17:41 |只看該作者

回覆：呢排好煩, 希望大家可以幫我比D意見

其實可以直接講話提議佢地去香港家姐呀哥度住，搬開咗唔止小朋友大家生活得都舒服啲，咁唔算衰喎！媽咪梗想大家一齊但無奶油為佢一個人想而要8個人一齊住，仲要唔知到幾時。媽咪有你陪又唔係孤零零。仲有，老公唔出聲唔=無問題，佢只係順得人，唔通要迫到佢發火咩。間屋你供都唔可以唔考慮佢感受。如果你兩個家姐同媽咪為你好嘅，係會明白你難處。