自由講場今日: 103|主題: 1368693

收藏本版

發帖

返回列表

跳至頁

查看: 3598 | 回覆: 68

12 3 4

積分: 1436

1^#

發表於 12-5-16 01:55 |只看該作者 |倒序瀏覽 |打印

本帖最後由 mamimamimami 於 12-5-16 01:56 編輯

尋日約咗朋友，坐坐下車佢打電話嚟話佢個4歲囝囝唔小心喺扶手電梯跌親，隻腳仔仲攝咗入側邊條罅隙度，好在唔深好快就抽翻隻腳出嚟。佢話個仔大喊大叫又唔肯行，叫我去搵佢。我撲到去時離遠已經聽到佢個仔嘅喊聲，我話不如去睇醫生或者番屋企休息下，但我朋友死都話佢無事，話喊完就無嘢可以去行街。之後佢不停引導佢個仔認為自己無事，例如話咩「叻嘅小朋友唔會整親」，「你唔喊我買嘢比你」，「你要勇敢啲，忍痛行吓隻腳就會好返」等等。個細路糊里糊塗就以為自己無嘢，我問佢好幾次佢都話唔痛，但就行到拐下拐下加面容扭曲咁。我話不如算啦，但朋友好堅持，仲話我太緊張嚇親佢個仔。去到商場之後佢想放低個仔喺遊樂場, 但負責人見佢行成咁就話有傷嘅小朋友唔可以入去，連個細路都好驚唔敢入去。朋友就話其實佢好小事，只係行得誇張，仲同個仔講話玩吓跳吓就會唔痛，個細路就係咁比佢「送」咗入場。其實我知佢專登揀呢個商場就係因為有呢個專人看管嘅遊樂場，佢可以放心慢慢行。行完個幾鐘去接番個細路，佢真係額頭寫住「痛不欲生」咁樣，但我朋友好似完全唔覺有問題，仲要個細路自己行因為唔想抱佢。

到咗今日我朋友好興奮咁同我講，話佢本來今日要上堂，佢想請假但無藉口，不過今朝佢個仔隻腳腫到豬蹄咁，佢就名正言順可以請假。我問佢睇完醫生，醫生點講？點知佢話無去睇醫生，只係留喺屋企睇碟！之前佢個仔試過發高燒，食物中毒，肚瀉，佢都唔帶個仔睇醫生，因為佢話浪費時間，醫院唔衛生，好多人好迫…我承認內地醫院環境係唔好，但佢有外國護照可以去外國人去嘅醫院，嗰啲醫院環境同服務都好好，佢亦都絕對負擔得起。我用咗好多方法想說服佢帶個仔去照Ｘ光睇吓有無骨折，但佢就暗示我未做過阿媽點會識揍仔，又話無人比佢更加知道佢個仔需要咩嘢，想我唔好多管閒事。佢仲話自己敎得個仔不知幾乖，知道阿媽唔想抱就自己行，知道阿媽好難先至偷得浮生半日閒，所以唔會扭計又唔會嗌痛煩住晒。

我覺得佢好怕麻煩，只係想同個仔玩但唔想照顧佢。佢三十幾歲人都成個大細路，揍仔好似玩泥沙咁.做緊自己野時唔會理個仔餓唔餓，好又一餐唔好又一餐，仲試過要佢含一啖奶粉再比熱水佢飲, 叫佢浸一陣先好吞！佢個仔明明應該返學，但我朋友怕一個人悶就話唔想佢返學住，要留佢喺屋企但又唔認認真真教佢。因為我地成日一齊做義工，所以好多時大半日都同佢一齊，不過我就從來無見過佢個仔正正經經食一餐我個人認為有營養嘅飯。佢唔識煮飯，所以成日都係出街食，佢自己大魚大肉但個細路淨係得一啖飯，係咁依夾兩條菜幾粒肉比佢就算數，成日話佢飽啦／唔中意食嘢／番去飲多杯奶就得。

我依家真係好擔心個小朋友，如果我當時強硬啲要帶佢睇醫生，或者佢唔使痛咁耐。我好驚佢呢段時間郁來郁去令傷勢加重，有咩手尾我真係會好自責。我知道腳腫成咁一定有問題，就算唔係都應該固定好隻腳等佢好好復原，但奈何嗰個係人地個仔，我做唔到啲咩幫佢…