吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 威爾斯生bb經歷

大仔大女媽媽會今日: 0|主題: 177860

收藏本版

發帖

返回列表

跳至頁

查看: 3593 | 回覆: 8

[2011年] 威爾斯生bb經歷 [複製鏈接]

bebubabi

大宅

積分: 4157

畀面勳章陪月勳章

1^#

發表於 11-7-27 11:57 |只看該作者 |倒序瀏覽 |打印

我想講返我4月時向威爾斯生bb的經歷 , 同大家分享下
(雖然長 , 但對將會向威爾斯生既媽咪 , 睇完可能會安心d )

我住沙田,所以揀向威爾斯生bb , 而我產檢有時向健康院,有時向威爾斯
因為我join左佢地一個研究 ,所以我兩個月差不多有一次可以向威爾斯照超聲波
而且威爾斯做的產檢絕不馬虎 , 我照結構 , 唐氏 , 兩次都好滿意 , 解釋得好長細 !
而且有講有笑, 絕對唔係黑口黑面, 唔俾問問題咁 ,我反而冇出聲 , 個醫護人員係咁講 !!
所以各位向將會向威爾斯生既mama, 請放心啦…

咁我講返我向威爾斯生既經歷先
我係4月27日早上,有規律陣痛先入院 , 跟住入度去 , 姑娘幫我check 就開一度 ,果時先見紅
跟住全日都冇咩點陣痛 ,連規律陣痛都冇埋 ,下就醫生check房,我仲話想出院添~~
到左夜晚陣痛又多左…不過都唔係好勁
到左28號 , 我都係間唔時痛下 , 但到左夜晚就開始痛多啦…
之後個姑娘成日叫我上床check幾多度 ,我成日怕痛,又唔敢 …
之後真係痛多左 , 我就叫佢check ,佢話我開到3度左右
問我落唔落產房 , 可以聞氣 , 我話好呀…所以就推左我落去
落到去 ,果時半夜12點左右啦..都唔算多人 , 亦唔係想像中咁恐怖, 不停聽到產婦狂叫咁

D醫護人員幫我check , 佢地都好出奇我咁快就推落黎
不過又冇叫我上返去 , 仲叫我訓覺…叫我聞氣
我果時唔聞 , 佢望住我部機 , 話我可以聞 , 我話我仲接受到 , 我驚痛多左聞會冇效
佢話唔會 …不過我都忍多幾個小時先聞
期間,你可以問佢借電話打俾屋企人架 , 仲有會幫你放尿 ,
我初初怕痛 , 屎都話冇尿痾 ,不過佢都照幫你放 , 原來幾舒服的 , 好暢順…哈哈

冇耐,我隔離房有人推入去 , 好快佢就生左 , 再推第2個 , 我都冇動靜 , 陣痛係有 , 但可以接受,
最辛苦是’’急屎’’的感覺…一世難忘 ~
之後有人幫我穿水 , 幫我打左支止痛針 , 我都唔記得打左向邊lu , 因為太累 , 我一路聞一路訓 ….之後佢話我bb個面向上 , 會難出 , 而且開極都係4度
佢試過用手幫我轉 , 但之後都唔成功

擾擾攘攘 , 到第2班接更 , 佢就建議我開刀 , 其實果時我係勁累 , 只想拿拿聲攪掂 ,
幸好, 我好快都被推去手術室 ! 足足12小時 , 下午一點幾我個女就出世啦….

上到病房, 如果未到探病時間的話, 老公有5分鐘可以入黎幫你執一執野
咁你就叫佢將d 杯呀 , tissue , M巾放向最就手既位置啦 ~
病房D 姐姐係好好人 , 因為佢地要小便 , 但佢放個盤俾我又去唔到 , 我想去TOILET ,
但又痛落唔到床 , 個姐姐係咁叫我落床 , 不停講 ,果時我非常抆 , 又痛…
我妹&媽扶我的 , 明明幾步路 , 我覺得行左成條街咁耐 !! 小便十分順利 ! 仲好多好多添
去完第一次廁所 , 我仲可以慢慢行到去睇BB , 個姐姐係咁話我叻 , 頭先先嗌痛 , 宜家就行到去睇BB , 仲特登放BB好前俾我睇

病房姑娘 & 姐姐都好好人 , 有晚阿B唔知做咩食完都仲喊 , 姑娘就黎帶走佢入房 , 叫我休息下 ! 同埋佢地會問左你自己湊唔湊先推俾你照顧 , 我第一晚仲好累 , 所以冇照顧 , 第2日先推俾我 !

總括黎講 , 我對威爾斯的服務都俾好高評價 , 我再生第2胎都會向威爾斯生 , 但希望到時會小D大6人啦 !

:good

0 0 0

私人傳訊

mummummy

大宅

積分: 2069

2^#

發表於 11-8-2 09:43 |只看該作者

引用：我想講返我4月時向威爾斯生bb的經歷+,+同大

原帖由 bebubabi 於 11-07-27 發表
我想講返我4月時向威爾斯生bb的經歷 , 同大家分享下
(雖然長 , 但對將會向威爾斯生既媽咪 , 睇完可能會安 ...

路過，我上年6月威院生，都覺得姑娘助產士姐姐都好人

私人傳訊

mablelee608

複式洋房

積分: 117

3^#

發表於 11-8-27 20:23 |只看該作者

多謝你地0既意見, 咁我就放心啦!!因為我都會去威爾斯生呀!!

私人傳訊

newstart

複式洋房

積分: 214

4^#

發表於 11-8-28 16:05 |只看該作者

放心晒~

私人傳訊

sassyiceice

洋房

積分: 61

5^#

發表於 12-6-19 23:46 |只看該作者

我都威爾斯，睇完安心曬。

私人傳訊

conconchan

男爵府

積分: 9401

6^#

發表於 12-6-25 12:25 |只看該作者

我無你咁好彩...
我都係威院生,其實都有好多醫護人員好好
但係一生完個D姑娘真係好衰..
我仲半夜喊住要出院
差D有產後抑鬱!!
好彩D嬸嬸見到我喊話驚BB有事,佢幫我照顧下佢
但係D姑娘就叫佢俾返我,話我搞得掂!!
又恐嚇我!!
所以我下胎都唔會再去威院生....

私人傳訊

seafishbaby

大宅

積分: 1692

7^#

發表於 12-7-4 22:25 |只看該作者

我喺威院生的經歷都好好。得多姑娘和嬸嬸都教我點餵人奶。我b勁喊，姑娘幫我湊，勸我休息。有晚谷奶好辛苦，凌晨三點都幫我按摩粒幾鐘。我成日都想寫表揚信俾佢地！真係勁感激！

私人傳訊

letter_ly

洋房

積分: 76

8^#

發表於 12-9-5 11:38 |只看該作者

係威院個人經驗，由零度、陣痛、穿羊水、見紅全齊，淩晨四點入到急症室。

四點半入大房，訓到七點半起身洗面，見到其他大肚媽媽一路洗面一路叫痛，當時自己都未知有幾痛，心中話，嘩洗唔洗咁痛呀！

八點就被姑娘催，行動要快，否則好快無位，姑娘仲急過我，床位緊張！！！終於上左產房打催生針（因為零度又穿羊水）。

一直用呼吸法，無吸笑氣，但去到一點，好痛，請姑娘比個ball 我做運動，老公陪著住做係好好多，點知要尿尿，尿完姑娘就收起左個ball 無得玩，呢下就大件事啦！痛到呢，笑氣好似無效果，無吸，繼續呼吸法都仲可以，但係一出汗就好凍，又越來越攰。

老公就係床邊攰到訓著，見我痛成咁都無辦法幫，而且當時只係開到兩度半，有排等。

終於叫老公返屋企訓下，我就繼續典來典去，出汗兼凍令我無晒力氣，結果我要求”無痛”，等麻醉師，由兩點半等到六點。 ”無痛”之後就有教好訓啦！一訓就訓到淩晨三點，中間不停聽住隔壁房既媽媽大叫，佢由晚上九點叫到淩晨三點，勁呀！佢真係好夠氣！

淩晨三點，成班姑娘輪流罵隔壁房既媽媽，因為佢不停踢姑娘，班姑娘怕左佢，之同時罵佢唔聽教（姑娘教佢呼吸，咁姑娘可以埋佢身，幫佢順產）。

淩晨四點，醫生們來見隔壁房媽媽，見佢痛成咁，建議佢”無痛”啦，點知因為佢去到好痛既階段，不停郁，打唔到針，唯有由佢繼續叫（可憐）。醫生、姑娘都話點解唔早些打，你睇你隔壁房（即係我）都唔會好似你咁亂來！

輪到我，原本訓夠，好有力氣生，但bb 頭仔唔低，唯有開刀，好在之前已經有麻醉，所以好快可以開刀，順利生左個囡！

私人傳訊

letter_ly

洋房

積分: 76

9^#

發表於 12-9-5 11:53 |只看該作者

一直以為班嬸嬸好惡，姑娘態度差，原來唔係，仲對我地香港人好好。

其實雖然係大房，但有探病時間，同埋控制人流，大陸人一家大細既出現好少見，唔似私家（四人房咁，噪到無得訓）。

姑娘好有愛心，會教我地餵奶、餵人奶。

開刀都唔會急住要我地照顧番bb，盡量比我地休息！

個人經驗，話晒係厭惡性工作，班嬸嬸做得好足，好體貼，唔會比私家醫院差，值得一讚。