夫婦情感 今日: 0 | 主題: 42799

積分: 60

1^#

發表於 06-4-24 09:54 |只看該作者

唔知點解近排成日同我男友嗌大交,,,,好煩.

唔知點解近排成日同我男友嗌大交,,,,好煩.
其實真係為左好小事而嗌,但係就炒到大大獲,可能為擺酒d野煩同埋係公司好大壓力影響到我情緒, 死啦...嗌得多係米會好傷感情架.. :cry:

私人傳訊

leehoilam

別墅

積分: 644

2^#

發表於 06-4-24 10:09 |只看該作者

Re: 唔知點解近排成日同我男友嗌大交,,,,好煩.

結婚前席好多人都會咁. 因為太多濕碎野煩 & 各有意見. 唯有忍讓下囉! 你唔同佢嘈, 佢都唔會點嘈. 你唔想再咁落去只有 li 個方法.
我個陣時都係咁架! 不過就無公司o既壓力囉! 但係結婚o既野已經足夠兩個人嘈餐死架啦! 我都發覺咁樣落去唔掂, 唯有改變我o既態度先囉!
記住: [ 忍一時風平浪靜, 退一步海闊天空 ]
人地話結婚個日千其唔好咬交喎! 我諗你都應該明白架啦!
為o左以後o既日子, 忍下都要架啦!

P.S.: 真係太過份個 d 就唔忍得, 自己衡量啦!

私人傳訊

ringoivy

翡翠宮

積分: 76971

3^#

發表於 06-4-24 10:13 |只看該作者

Re: 唔知點解近排成日同我男友嗌大交,,,,好煩.

一生人有幾樣大事就係搬屋, 結婚同生仔都會出現大爭執的, 因為呢幾個時期都係要出意見既時候, 大家都有不同意見爭吵就自自然然會多, 其實最重要係懂得在爭吵當中取得共識唔好執持己見咁件事就會更加完滿啦, 凡事多D忍讓多一點包容, 即使日嘈夜嘈只要領悟到個中真諦就唔會傷感情的, 相反仲會對對方加深左認識添

私人傳訊

積分: 60

4^#

發表於 06-4-24 10:26 |只看該作者

Re: 唔知點解近排成日同我男友嗌大交,,,,好煩.

唉...我都想呀, 可能有d為錢煩...不過有時真係唔知點解忍唔到囉 (其實我男友唔係好細心個種), 好多野都要我同佢講番先知道, 一嗌交佢就唔出聲, 佢唔出聲我就火喇, 有時火到話不如唔好擺酒喇, 你都知啦...一發脾氣就乜野都講得出..不過嗌完我之後我都會內疚..

私人傳訊

積分: 60

5^#

發表於 06-4-24 10:34 |只看該作者

Re: 唔知點解近排成日同我男友嗌大交,,,,好煩.

係呀...我地大家都覺得兩個一齊最緊要開心, 不過有問題時想坦白d講晒出黎去解決, 唔想第時結婚之後有甘多問題發生,如果唔係到時就好大獲... :cry:

私人傳訊

elf

積分: 24069

6^#

發表於 06-4-24 10:53 |只看該作者

Re: 唔知點解近排成日同我男友嗌大交,,,,好煩.

大家忍讓一下就係最好既方法, 如果你男友唔係好細心果種, 你就更加要放開心胸, 因為唔細心既男人, 好難一時間有360度既轉變, 所以你一定要學識點樣release自己不滿既情緒。

我覺得唔細心既男人大部分都怕麻煩, 有少少麻煩都可以令佢地黑哂面口......

私人傳訊

積分: 60

7^#

發表於 06-4-24 11:13 |只看該作者

Re: 唔知點解近排成日同我男友嗌大交,,,,好煩.

係呀, 你點知架, 佢真係好怕煩個種人.

有架...性格既野好難話改就改, 但我同佢講我唔係一定要你去改晒而去就晒我, 我叫佢嘗試去改, 唔得既起碼都叫嘗試過呀, 我自己都盡量去忍..唔甘情緒化...可能我太過緊張佢啦...佢話已經盡量令到我開心d...唔想我成日都憫憫僧僧....

私人傳訊

elf

積分: 24069

8^#

發表於 06-4-24 11:28 |只看該作者

Re: 唔知點解近排成日同我男友嗌大交,,,,好煩.

yeungpf 寫道:
係呀, 你點知架, 佢真係好怕煩個種人.

有架...性格既野好難話改就改, 但我同佢講我唔係一定要你去改晒而去就晒我, 我叫佢嘗試去改, 唔得既起碼都叫嘗試過呀, 我自己都盡量去忍..唔甘情緒化...可能我太過緊張佢啦...佢話已經盡量令到我開心d...唔想我成日都憫憫僧僧....

:-( :-( :-( 我點解知道...因為我男友都係咁架!!!:-( 佢一d都唔細心...

不過我份人又冇咩所謂, 佢唔細心但我細心, 呢樣野佢自己都成日講, 咁我又唔覺得對佢細心係一種負擔, 為人係咁就係咁, 細心呢樣野冇得扮架嘛!!

我男友絕對係怕麻煩既人, 所以又好懶, 我成日都話佢架, 不過佢次次都當我耳邊風, 咁我可以點呢??!!咬佢食咩!!! 其實人同人之間都講人緣, 呢d就係一凹一凸, 我同佢一齊咁耐, so far都未試過嘈交, 所以人既野好難講既...

私人傳訊

積分: 60

9^#

發表於 06-4-24 11:47 |只看該作者

Re: 唔知點解近排成日同我男友嗌大交,,,,好煩.

甘係地拍左幾耐呀...

佢呀, 跟本就係大男人...係屋企佢亞媽錫到佢死 (重男輕女個隻), 仲緊張過我,日日都會打比佢問你收工末呀, 食左飯末呀, 每次都係講呢d野...個頭鬧完佢亞媽叩佢唔好甘煩成日打黎...但係佢亞媽都係照打個隻...

好....真係要跟係學下野....我拍左兩年幾咋...開始成日嗌交喇....

私人傳訊

elf

積分: 24069

10^#

發表於 06-4-24 11:57 |只看該作者

Re: 唔知點解近排成日同我男友嗌大交,,,,好煩.

你地都好快結婚wor...

我同男友一齊4年啦, 不過男友mama都唔會成日問佢既, 因為男友好細個已經搬出來住, 但佢都仍然唔識照顧自己, 成日咩都亂來....佢好小朋友架, 有時我見佢咁"可愛"

都嬲佢唔落.....

你真係要跟我學下野啦....因為我用男友一齊之後, 已經練成金鋼不壞之身..

...

yeungpf 寫道:
甘係地拍左幾耐呀...

佢呀, 跟本就係大男人...係屋企佢亞媽錫到佢死 (重男輕女個隻), 仲緊張過我,日日都會打比佢問你收工末呀, 食左飯末呀, 每次都係講呢d野...個頭鬧完佢亞媽叩佢唔好甘煩成日打黎...但係佢亞媽都係照打個隻...

好....真係要跟係學下野....我拍左兩年幾咋...開始成日嗌交喇....

私人傳訊

積分: 60

11^#

發表於 06-4-24 12:15 |只看該作者

Re: 唔知點解近排成日同我男友嗌大交,,,,好煩.

哈哈...甘犀利....

咦....同你差唔多喎...米係我好似亞媽甘成日要照顧佢起居飲食囉, 不過我都樂意既...

私人傳訊

elf

積分: 24069

12^#

發表於 06-4-24 12:23 |只看該作者

Re: 唔知點解近排成日同我男友嗌大交,,,,好煩.

係呀, 我真係事無大小都照顧到架, 連佢個印印工人都同我講, 有時有d野等佢做番! 可能有d野我做慣左, 好似食完飯, 我跟手就會執埋台, 好自然......

甚至連底衫褲日用品買送煮飯我都會幫男友攪掂埋....有時佢都會問我佢對我係咪好忽略, 咁我又唔覺, 因為好似見佢洗頭水冇哂, 只係留意到, 所以幫佢買番, 但係男友會成日覺得我好似好勞心勞力幫佢咁...

俾佢激死, 有時我心諗, 如果佢真係咁想報答我, 佢自己小心d照顧自己我已經好開心!

yeungpf 寫道:
哈哈...甘犀利....

咦....同你差唔多喎...米係我好似亞媽甘成日要照顧佢起居飲食囉, 不過我都樂意既...

私人傳訊

kathylin

大宅

積分: 3243

13^#

發表於 06-4-24 12:23 |只看該作者

Re: 唔知點解近排成日同我男友嗌大交,,,,好煩.

yeungpf,
公喜你呀...

我同我老公係結婚前都鬧大交.....依家結左婚都少左...唔洗念咁多la~好好準備心情結婚la~

KATHY.LIN

私人傳訊

elf

積分: 24069

14^#

發表於 06-4-24 12:28 |只看該作者

Re: 唔知點解近排成日同我男友嗌大交,,,,好煩.

你bb女好得意呀!!!

你都好令女呀!!!!!!

kathylin 寫道:
yeungpf,
公喜你呀...
我同我老公係結婚前都鬧大交.....依家結左婚都少左...唔洗念咁多la~好好準備心情結婚la~

私人傳訊

積分: 60

15^#

發表於 06-4-24 12:29 |只看該作者

Re: 唔知點解近排成日同我男友嗌大交,,,,好煩.

kathylin, 我都要恭喜你呀...bb 似你定似爸爸呀?

我都係甘諗...唔想因為甘小事而影響大家既感情, 我都好想生 bb 呀....

私人傳訊

積分: 60

16^#

發表於 06-4-24 12:48 |只看該作者

Re: 唔知點解近排成日同我男友嗌大交,,,,好煩.

yes...係呀...所有屋企大小事務都唔使佢煩..乜野都係我做...食飽飯就坐係梳化到就痴實左就唔郩猓喇, 同你一樣囉..有時連 fan 都係我洗, 佢都話你遲d隻手會唔會粗到成個男人甘架.....

私人傳訊

leehoilam

別墅

積分: 644

17^#

發表於 06-4-24 14:41 |只看該作者

Re: 唔知點解近排成日同我男友嗌大交,,,,好煩.

其實唔應該叫佢去改, 係要佢自己覺得有問題而去改, 如果唔係第時有乜事咬起交上黎又會羅出黎講, [係你要我改之麻].
係男人都怕煩, 又懶, 大男人......

, 只可惜我地又要犯賤, 係都鐘意男人, 無辦法喎!!

你地都好呀! 起碼行o左叫年年聲結婚, 我行o左大半年就結婚啦! 我係剛新婚就黎兩個月. o岩o岩結完婚第二個禮拜已經激到我死, 可能突然有好多野唔習慣啦! 後尾過o左一個月後就開始好 d 啦! 開始習慣 & 會控制自己o既情緒.

yeungpf 寫道:
係呀, 你點知架, 佢真係好怕煩個種人.

有架...性格既野好難話改就改, 但我同佢講我唔係一定要你去改晒而去就晒我, 我叫佢嘗試去改, 唔得既起碼都叫嘗試過呀, 我自己都盡量去忍..唔甘情緒化...可能我太過緊張佢啦...佢話已經盡量令到我開心d...唔想我成日都憫憫僧僧....

私人傳訊

積分: 60

18^#

發表於 06-4-24 14:54 |只看該作者

Re: 唔知點解近排成日同我男友嗌大交,,,,好煩.

leehoilam,

就係我男人太笨喇, 佢仲同我講話 : 我真係好蠢,佢有d乜野唔啱要我同佢講番,你話激唔激氣呀.. :evil:

嘩...你都算快喎...大半年就結婚...我d friend 米成日同我講最好就同居先....住埋一齊了解晒先結婚會好d,起碼都習慣左兩個人既生活先啦...但一定唔可以同奶奶一齊住..

私人傳訊

leehoilam

別墅

積分: 644

19^#

發表於 06-4-24 15:17 |只看該作者

Re: 唔知點解近排成日同我男友嗌大交,,,,好煩.

yeungpf,

男人算吧啦! li 頭同佢講完個頭咪唔記得o左囉! 我老公已經係一個好好o既例証. 如果同佢講, 佢肯定又會話你咁多要求咁煩架! 都係慳番淡口水好過.

其實同居有好有唔好囉! li 個好睇兩個人o既諗法. 因為住係同一間屋入面由情侶變夫妻, 男人係要時間適應架! 女人會覺得婚前婚後唔一樣, 因為結o左婚就要對 li 個屋企 & 身邊o既人負責, 但男人唔會咁諗, 佢地會知道要負責, 但唔會分得好 details, 佢地會覺得唔應該有 d 乜野轉變. 最主要問題係因為兩個人住埋一齊o既時候已變成習慣, 所以佢地唔會覺得有分別.
我咁快就結婚o既原因你都應該睇到下面個 ticker 啦! 係因為 bb 囉! 不過我地係有傾過有o左就結婚, 而唔係知道有o左先諗要定唔要囉! 都算叫做好少少啦! 我唔係同奶奶一齊住, 不過老爺就係. 我老爺同奶奶分開o左 7 年, 不過無離婚, 只係分開住, 我開頭聽到都覺得好搞笑, 原因係為o左間屋. 因為公屋少o左個名又要轉細 d o既單位. 我奶奶個人都唔難相處, ok 傾得架! 佢雖然唔係同我地一齊住, 不過佢就成日打俾我同我傾幾句囉! 又時怕我悶, 又時唔想打俾我老公驚佢覺得煩, 所以打俾我問下佢點.

私人傳訊