carmenyip 寫道:
我今年10月要同菲傭續約，大仔佢一手湊大，又錫佢，本來都諗住同佢續約。點知近呢幾個月，覺得佢行為上有D令我同老公勞氣同嬲，唔知同唔同佢續約好...大家俾D意見，睇下佢係咪衰得咁交關....
1. 有次我在火車上俾人工佢，因為我要返工，佢又返屋企。我都知財不可露眼，鬼鬼祟祟咁塞入佢手袋。點知佢話：「你而家喺呢度咁樣俾我，我點數下啱唔啱數呀？」我心諗：「我幾時試過出多或少糧俾你？」於是我話：「咁你咪返屋企數下囉！我幾時試過出少俾你？」跟住我一肚氣咁落車返工
2. 我同工人講過，個仔每朝起身後(無論個日要否返學)，都要做完晒刷牙、洗面、飲奶、大便才可睇電視，因為一訓醒就開電視佢會唔做。有一個星期日個仔一起身同工人講要睇電視，工人開咗，我訓醒出黎問佢，個仔做晒D野未？個話未，我即刻話佢，跟住鬧個仔叫工人開電視。工人即刻黑面帶我個仔做晒D野後，一支箭入房換衫後出門口放假去街，連我買俾佢張有月票嘅八達通都唔問我攞就走咗。
3. 成日食晒我買俾個仔D零食同餅乾。仲夠膽賴我個仔食晒！20包餅、每包兩件，我個仔可以3日食晒？自己個仔D胃口唔知咩？老公開盒朱古力食，食完放喺雪櫃，唔駛一個禮拜食淨一粒，一盒廿幾粒，食到佢肥獅大隻。雖然以前同佢講過，屋企任何野都可以攞黎食，但唔係食得咁誇張架？我個仔D餅一包廿幾蚊，你唔駛食得多過我個仔呀？
4. 講幾百次，屋企野用淨1/3要叫我買，但每次到我放假拿起手要用嘅野都一滴都無，例如橙威寶、洗粉、柔順劑、鹽、糖、生粉、狗糧......手套又穿嘅，真係唔明佢平時點用，好鬼忟。
5. 粗心大意，用爛D野又唔出聲。好好地一把千年唔用嘅縮骨遮，呢幾日太灑，攞出黎用就發覺斷晒骨，又唔出聲，而家又唔係叫你賠，激死！
6. 廚房同廁所D櫃桶越來越多雜物，亂晒籠。把火琴日自己執，發覺佢收埋用傳單摺D星星，於是全部掉晒！
7. 逢星期日屋企一滴飲得嘅水都無，話幾百次，星期六唔煲定，次次罰佢星期日wet完返黎煲番！
6月我就要生個女喇！開頭諗住同佢續約，係因為見佢湊個new born，放心d，而家成日咁受氣，放假又要執佢手尾，真係唔甘心。最嬲係佢開始俾面色我睇，講說話我聽。老公話今個月出糧同佢攤牌，警告佢如果唔做好d唔續約。
大家有咩意見？
:tongue: 
Marie貓貓 寫道:
若果你有老人家可以幫你望望新姐做o野勸你都係換過新的。
另外有事請教各位，家中菲菲跟我講她的兄弟突發心臟病sat.去逝，她無跟我要假祇係請我早2 天發薪給她，發薪當然無問題我還多給她$500，但我應否主動問佢使唔使返去出席喪禮呢。
發表於 
返回列表
