吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 大肚婆在巴士上的不愉快經歷！

懷孕前後今日: 4|主題: 330468

收藏本版

發帖

返回列表

跳至頁

查看: 4729 | 回覆: 47

大肚婆在巴士上的不愉快經歷！ [複製鏈接]

12 3

tomum

別墅

積分: 894

1^#

發表於 07-8-3 23:50 |只看該作者 |正序瀏覽 |打印

生第一胎時，都會有人讓下座位比你~十次都有五、六次~~
而家陀第二胎情況比第一胎更糟糕

今晚同老公及阿仔一齊搭巴士回家
上車時好多人，我一向都唔望會有人讓座(因為試過係地鐵及火車都沒有人讓比你，所以我一向都唔指望有人比位我坐！)

點知，上車後，下個站係官塘市中心的站，我未落車於是就行入車箱中間！

點知有位阿姐A(約20來歲)，果時我剛企係度，佢坐係二人座位較出的一個位，入面無人坐，那時佢即刻垂低頭，當咩野都睇唔到！我本想叫佢唔該可唔可以坐入D，等我可以坐啊！但見到佢既樣，都費時~~:tongue:

跟住阿姐B(又係20來歲)同佢既男伴要落車，那時通道又窄，我肚又大，人又多又郁唔到，我就縮埋一邊，等佢可以離開座位落車！點知阿姐B由頭"BEAR"到我落腳，意思係"阻住晒！，我沒有還撃！不過事後好嬲！

我忍唔住係架車度講"而家D香港人真係無咩野人情味及品德！"

講真，我唔希罕有人讓比你坐，坐唔坐就無咩所謂，係佢地對人既態度既自私又冷血！

所以我回家路上都不太愉快！！！只想同大家分享一下！

"他朝君體也相同！"

大家都係女人，LEE兩位阿姐都有這一天的！:tongue: :tongue: :tongue:

我返大陸都反而有人憐香惜玉一下，而家D香港人~~唉！

0 0 0

私人傳訊

milky_red

水晶宮

積分: 51674

畀面勳章 BK Milk勳章

48^#

發表於 07-8-16 15:04 |只看該作者

原文章由 rose-mag 於 07-8-4 01:25 發表

Not just HK people, it happens everywhere in the world. I'm living in San Francisco. Every morning, I take the bus to go to work. Since the bus is an express bus going to downtown, most of ...

估唔到外國都係咁,真係世風日下...我家陣寧願搭巴士,因為巴士多數有位坐,坐火車有位坐指數十分低,搵人讓座更難,地鐵可能好少少,不過都未必有人讓座。

最驚唔係佢地唔讓座,禽日先係地鐵見到十幾廿歲阿姐仔,仲要伸長對腳,懶靚咁,又唔知車廂人多,阻住條通道....又怕啲人霸住條柱,做柱男柱女,仲有啲又懶勁,死都唔扶住,好驚一煞車,佢哋撞落嚟,自己走唔切就麻煩....

私人傳訊

SillyPigPig

大宅

積分: 3415

畀面勳章 BK Milk勳章

47^#

發表於 07-8-15 10:03 |只看該作者

今朝搭地鐵先激死

我晌北角轉車, 咁果度好多人架嘛, 咁我上車果陣都企到去門口~
我面向側邊果個企位, 仲有少少位, 但果度有個男仔企住, 我梗係唔行咁埋啦~~~
咁我隻手就扶住門口側邊果個扶手, 之後有個女人(肥)見我前面有位想上車...咁我因為扶實扶手, 咁梗係無可能鬆手俾佢上啦~~

因為佢上咗, 就會擋住條柱, 我就無嘢扶~~

不過佢都仲係要迫上嚟...仲要臨關門前, 拎開我扶實扶手果隻手, 一句唔該就上咗嚟~~~~(佢真係講句唔該, 然後拎開我扶實扶手果隻手呀!!!) 咁我咪無嘢扶囉....唯有用隻手護住個肚咋~~~:cry:
不過我都忍唔住 jeep 咗佢一聲, 同啤咗佢一眼...咁佢當然若無其事啦~~~

果刻我幾嬲呀~~大肚婆都迫, 仲要拎開人哋扶實扶手果隻手...

私人傳訊

Shoeibb

大宅

積分: 1629

46^#

發表於 07-8-11 12:55 |只看該作者

我都覺得家陣d人勁無品
唔好話讓座啦
唔同你爭都算偷笑
坐地鐵荃灣線唔使指意有人讓
官塘線都叫好d
我都唔明d大男人呀
坐少一陣係未會見暈先
認真唔掂

私人傳訊

SillyPigPig

大宅

積分: 3415

畀面勳章 BK Milk勳章

45^#

發表於 07-8-11 12:38 |只看該作者

讓座多既會係女人, 而會同你爭位坐既, 亦都係女人多d~~~

早兩日返工, 同正常一樣, 都係無人讓座, 其實都慣架啦~~~有位俾我企好握緊扶手就得~~

之後, 我面前隔離果個女仔落車, 本來企我隔離果個男人想坐落去既~~但佢望到我大肚, 就無坐, 讓開少少諗住俾我坐咁....
咁我都未坐得, 因為我都要讓開少少俾果個女仔落左車先...點知, 就晌呢個時候...隔離果個男人...既隔離果個女人...一個箭步衝上黎坐左落去~~~

佢坐既時候, 望左我一眼, 又望下我個肚...然後若無其事咁攤大份報紙黎睇~~:tongue:

本來都有少少覺得激氣既~~不過個心晌度諗, 或者佢覺得佢比我更加有需要呢? 又或者佢表面無缺憾, 但心理同性格都有缺憾呢? 咁我只係正正常常咁大肚, 都好唔應該同佢計較既~~~

私人傳訊

clintonma

別墅

積分: 652

44^#

發表於 07-8-11 11:54 |只看該作者

我住香港區, 大肚時都係冇人讓架, mtr同巴士都好少好少..

到生左抱住bb又一抽二lung, d人都可以唔理你. 各位mami講得岩呀, d人最叻扮訓扮睇風景....

到我仔大左識講野, 有次同佢放學(果時2歲幾), 冇位坐但全部都係d20-30歲健全人仕, 我個仔幾大聲咁話 : 乜冇位坐既? :lol: d人即刻擰轉扮睇風景, 咁我咪大聲答佢話: 係呀, 冇位坐喎.
真係唔知d人醜唔醜既呢?

私人傳訊

tungtit

禁止訪問

積分: 194

43^#

發表於 07-8-10 23:47 |只看該作者

提示: 作者被禁止或刪除內容自動屏蔽

私人傳訊

kinandqueen

複式洋房

積分: 408

42^#

發表於 07-8-9 19:32 |只看該作者

私人傳訊

TokiBaby

複式洋房

積分: 257

41^#

發表於 07-8-8 11:35 |只看該作者

原文章由 tingting媽媽 於 07-8-6 15:49 發表
每次搭車，我都唔會當自己係大肚，上車有位就坐，無位就企，唔會望其他乘客的反應，心情會平靜d。

係呀,我望都唔望個位,一入去見到無位就算啦!
呀!前兩日反而望都唔望下,搭輕鐵一上車竟然有個肥亞姐拍一拍我,讓比我,雖然佢下個站就落,但佢唔拍我,我諗第二個已經坐左落去啦!

私人傳訊

Eclipse_2006

大宅

積分: 3126

40^#

發表於 07-8-6 21:20 |只看該作者

我就生完都4個月, 到今時今日都仲有人讓坐. 初時都會同d人講, 我已經生左, 但見到佢地d反應會好embarrassed, 而家我會向讓坐既人講唔該, 扮大肚婆坐低.

我多數都係坐Tsuen Wan線既MTR, 係Tsuen Wan至旺角果段好多時都有人讓坐. 而家我會多數企離坐位遠d, 唔想好似騙人個位坐咁.

我時刻都記掛著我那未能來到世上的bb, 他永遠在我心裡某個角落.

私人傳訊

wannababy

男爵府

積分: 5060

39^#

發表於 07-8-6 20:48 |只看該作者

無錯, 香港人搭最叻係扮訓覺, 佢地在車廂內一見大肚婆好似見鬼咁 , 即刻扮訓覺, 企正響佢地面前都當睇唔到!

私人傳訊

靖嵐

子爵府

積分: 11973

好媽媽勳章

38^#

發表於 07-8-6 17:34 |只看該作者

我好好彩, 雖然我個肚唔明顯, 但搭火車好多時都有人讓座比我, 不過唔係繁忙時間...
最驚喜係著o左半數都自由行讓座比我, 簡直另眼相看~

但曾經試過有人讓座比我但佢朋友唔抵得講d說話令我好難堪... 就係個太太讓o左座比我之後, 佢行過去個c9朋友度一齊企, 跟住個c9朋友(有位坐)大大聲聲話:"佢肥之嘛, 係鬼大肚, 做乜要讓比佢坐...", 個太太已經話算啦冇所謂, 但個c9朋友仲係係咁講... 係, 我係肥, 但我真係大肚, 成7個幾月, 同o個日有d唔舒, 真係.....

我想要9999呀...

私人傳訊

囍

珍珠宮

積分: 40319

2025中秋節勳章母親節2025勳章 2025勳章蛇年勳章虎到金來勳章牛年勳章

37^#

發表於 07-8-6 17:19 |只看該作者

原文章由 牛精仔 於 07-8-4 07:12 發表
唔讓都冇所謂, 我早幾日放工搭地鐵, 面前一個位有人落車, 有個廿零歲o靚仔仲衝埋去同我爭位tim 呀 !!!!! 隔離阿叔睇唔過眼即刻讓比我坐....唉....個o靚仔好似索左k 咁呆呆滯滯完全唔覺得 ...

ME TOO

我都試過有個十零歲男學生衝過去同我爭位tim 呀 !!!!!

私人傳訊

3008

別墅

積分: 670

36^#

發表於 07-8-6 17:07 |只看該作者

唔好話讓位比我地座啦，借d位黎企

私人傳訊

TMMA

男爵府

積分: 5639

醒目開學勳章

35^#

發表於 07-8-6 17:00 |只看該作者

想當年，我阿大兩歲多，阿細就手抱，我1 tall 2上巴士，當然無人會讓座比我地幾個啦:tongue: ，但......司機就叫:小姐

，快d坐啦，唔係我唔開車架。於是我好大聲話:都無位........

等了差不多一分鐘，司機真係唔開車，才有一個阿嬸讓座

佢重嘴妙妙

，但車上d學生直頭當事發生過

私人傳訊

tingting媽媽

大宅

積分: 2213

34^#

發表於 07-8-6 15:49 |只看該作者

每次搭車，我都唔會當自己係大肚，上車有位就坐，無位就企，唔會望其他乘客的反應，心情會平靜d。

私人傳訊

彥仔媽媽

公爵府

積分: 27408

醒目開學勳章畀面勳章

33^#

發表於 07-8-6 15:38 |只看該作者

而家d香港人係咁架啦 , 唔好激氣 !!!

男既唔讓位 , 日後等佢太太或自己年老受返囉 !!!
女既唔讓位 , 日後佢都有機會大肚o者如果唔係一樣都會年老的 !!!

所以我大仔而家已8個月大 , 有左佢之後我坐車完全唔想見人 , 因為真係沒有人會讓比你架 , 你望住佢地重好似乞個位返唻坐咁 , 我零願唔坐呀 !!!

好似我上兩個月已有第二胎 , 不過個肚唔係咁明顯 , 我抱著我個仔 , 背著個背囊上到架 42c 巴士 , 下層一個位都冇 , 我就沒有行入去 , 只企在有俯手的地方 , 因我已見到有人垂下頭 , 有人合埋雙眼扮訓覺 , 有少年好專心垂頭打機 , 有少女連忙打開雜誌睇 , 所以我知道d香港人最扮野 , 打死我都唔行入去乞位坐 , 最後重要架巴士轉彎時 , 我一手抱實我個仔另一隻手夾實支俯手 , 好多人都見到 , 我都係要企到黃大仙廟有人下車先有位坐 , 而我是在葵涌屏麗徑上車的 :-(