吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 我好唔開心呀.........

單親天地今日: 2|主題: 18365

收藏本版

發帖

返回列表

跳至頁

查看: 2275 | 回覆: 37

我好唔開心呀......... [複製鏈接]

ireneCCCC

大宅

積分: 4837

醒目開學勳章

1^#

發表於 07-8-14 00:27 |只看該作者 |正序瀏覽 |打印

條單親路真係愈來愈難行呀.........我自己一個撐得好辛苦,搵朋友傾,佢地未經歷過,又唔明白我感受,我內心好痛苦!!!!!
帶住個女無野做,無收入,身無分文.....對於前路真係好傍偟,我真係從未這般痛苦過...........

0 0 0

私人傳訊

carolizaton

子爵府

積分: 12614

BK Milk勳章

38^#

發表於 07-8-19 22:37 |只看該作者

你有冇諗過其實將BB放係寄養家庭, 都係一條出路, 因為正如你說你現在已冇咩錢, 咁你兩母女都要生活ga, 唔通諗住攬住個女等攞綜援咩? 除非你怕做嘢辛苦la, 咁亦唔見得你有幾為你哋嘅生活著想, 你可以將BB放係寄養家庭, 自己搵番份工, 放假先湊bb返屋企, 呢個情形好似好多在職媽咪將bb放係屋企人度咁. 其實好多寄養家庭都好有愛心, 而且湊bb經驗豐富(因為已湊大自己仔女), 好過你自己慢慢摸點樣湊, 如果你真係愛你嘅bb, 你自己湊佢時俾佢嘅愛, 佢係知道ga.

我屋企係寄養家庭, 由我好細個已經開始帶寄養兒童, 我哋好錫呢d小朋友, 已經帶大咗好多小朋友, 講真寄養bb係冇$$賺, 人哋真係交個心對你bb, 如果唔係, 湊bb咁麻煩, 人哋都唔肯幫你湊啦,所以你唔使擔心寄養家庭唔鍚你bb. 如果你有份工, 的確可以改善你&bb將來嘅生活, 相信俾好嘅生活俾bb,係每個媽咪的願望, 當你生活質素改善左, 要自己湊返bb時, 社工點會唔俾返個bb你呢? 因為你用緊嘅係公帑, 你有能力自己湊時(包括經濟&精神上), 當然係你自己養bb la.

如果你仍然對寄養家庭有疑慮, 歡迎一齊傾下計. ^_^

私人傳訊

laikw931

複式洋房

積分: 221

37^#

發表於 07-8-19 19:39 |只看該作者

唔好唔開心呀，這裡有很多媽媽支持你的，bb細時，我試過哭，bb會跟着哭的，不如bb笑時，你跟着笑吧，bb會是你現在與未來日子的原動力，你一定會是一個好媽媽，bb會快快樂樂成長的！努力呀！

私人傳訊

加楠

大宅

積分: 3097

36^#

發表於 07-8-19 01:42 |只看該作者

原文章由 ireneCCCC 於 07-8-19 01:18 發表
:-( :-( :-( :-( :-( :-( :-( :-( :-( :-(

加油呀.....
你一定得架....
我果時都係一個人好辛苦湊住仔仔..
現在我同仔仔兩個生活都不知幾開心...
bk 有好多媽媽會支持你架^^

私人傳訊

suki_pang

大宅

積分: 3361

35^#

發表於 07-8-19 01:40 |只看該作者

原文章由 ireneCCCC 於 07-8-16 17:33 發表

我一定唔會將bb送去寄養家庭架,bb已經無左爸爸,唔可以再無埋媽媽架,無論幾辛苦我都會湊大佢!!我而家只希望bb能夠健健康康咁成長.........

係咪個個社工都會咁叫人送bb 去寄養o既呢 ??
我記得當我搵我個社工朋友幫我..
睇下有無d幫單親媽媽o既機構..
佢就叫我生左之後可以考慮送去寄養家庭..

我當時o既諗法同你一樣...
所以點辛苦都要橕 !! 船到橋頭自然直..
最緊係都係 bb 可以健康快樂..係咪 ??

私人傳訊

ireneCCCC

大宅

積分: 4837

醒目開學勳章

34^#

發表於 07-8-19 01:18 |只看該作者

:-( :-( :-( :-( :-( :-( :-( :-( :-( :-(

原文章由 conly 於 07-8-17 09:03 AM 發表
係呀, bb 冇咗爸爸仲要去埋寄養家庭真係好慘架, 我好幸運有家姐幫我湊, 朝早6:00起身噃工夜晚7:30去到家姐屋企睇呀b, 直至bb 10:00 瞓覺先噃屋企, 假期我會帶呀b噃屋企可以多d時 ...

私人傳訊

conly

大宅

積分: 4278

33^#

發表於 07-8-17 09:03 |只看該作者

係呀, bb 冇咗爸爸仲要去埋寄養家庭真係好慘架, 我好幸運有家姐幫我湊, 朝早6:00起身噃工夜晚7:30去到家姐屋企睇呀b, 直至bb 10:00 瞓覺先噃屋企, 假期我會帶呀b噃屋企可以多d時間對住佢, 雖然冇晒自己時間但當你見到呀b就幾辛苦都值得

原文章由 ireneCCCC 於 07-8-16 17:33 發表

我一定唔會將bb送去寄養家庭架,bb已經無左爸爸,唔可以再無埋媽媽架,無論幾辛苦我都會湊大佢!!我而家只希望bb能夠健健康康咁成長.........

私人傳訊

ireneCCCC

大宅

積分: 4837

醒目開學勳章

32^#

發表於 07-8-16 17:33 |只看該作者

原文章由 羅依雯 於 07-8-16 04:08 PM 發表
千萬不要將BB送去寄養家庭.對BB唔係咁好,因為我兩個仔仔都係寄養家庭,4年啦,到而家都唔比番我湊,大仔年尾11歲,而家變得好反叛,脾氣好嗅,遲D湊番都唔知點教,你點都要堅持自己湊阿B.慢慢嚟,你一定得,加油呀.....

我一定唔會將bb送去寄養家庭架,bb已經無左爸爸,唔可以再無埋媽媽架,無論幾辛苦我都會湊大佢!!我而家只希望bb能夠健健康康咁成長.........

私人傳訊

羅依雯

複式洋房

積分: 103

31^#

發表於 07-8-16 16:08 |只看該作者

千萬不要將BB送去寄養家庭.對BB唔係咁好,因為我兩個仔仔都係寄養家庭,4年啦,到而家都唔比番我湊,大仔年尾11歲,而家變得好反叛,脾氣好嗅,遲D湊番都唔知點教,你點都要堅持自己湊阿B.慢慢嚟,你一定得,加油呀.....

原文章由 ireneCCCC 於 07-8-14 01:33 發表
多謝妳地呀........個社工問我有無考慮過將bb送去寄養或育嬰院,但我即刻攬住bb,我話點都唔想送走bb,佢話睇得出我好錫bb,因為我知道如果我連bb都唔要,我真係再無動力向前行,到時一定跌得更快........
唉....... ...

私人傳訊

conly

大宅

積分: 4278

30^#

發表於 07-8-16 08:28 |只看該作者

我到依家都喺乜地方都唔想去, 不過朋友打電話我都會同佢哋傾 :lol:

私人傳訊

wingtsun

大宅

積分: 1522

29^#

發表於 07-8-16 05:32 |只看該作者

原文章由 ireneCCCC 於 07-8-15 22:50 發表

我都覺得真係過得好辛苦呀..........成日都唔想出街,朋友約都唔敢去,成日俾阿媽鬧我日日籬埋o係屋企唔知做嘜,但出街更加唔知做嘜啦,身無分文,又無心情咪仲難過,.....不過見到咁多mama都捱得過,無理由我唔得 ...

完全感同身受
齊齊加油啦

私人傳訊

ireneCCCC

大宅

積分: 4837

醒目開學勳章

28^#

發表於 07-8-15 22:50 |只看該作者

原文章由 Shirley_ 於 07-8-15 06:09 PM 發表
其實開始既時間係好辛苦架...我單親左4年啦....記得我同佢分開果時我仲係7個月....個bb 都未出世......當時屋企人又唔明白我...同朋友講...又唔想...咩人都唔想見....好在個女係我個肚到不停咁踢我....好似想話 ...

我都覺得真係過得好辛苦呀..........成日都唔想出街,朋友約都唔敢去,成日俾阿媽鬧我日日籬埋o係屋企唔知做嘜,但出街更加唔知做嘜啦,身無分文,又無心情咪仲難過,.....不過見到咁多mama都捱得過,無理由我唔得o既,.......好彩有我個心肝寶貝女陪住我咋,如果唔係日子仲難捱.......

私人傳訊

Shirley_

大宅

積分: 1810

27^#

發表於 07-8-15 18:09 |只看該作者

其實開始既時間係好辛苦架...我單親左4年啦....記得我同佢分開果時我仲係7個月....個bb 都未出世......當時屋企人又唔明白我...同朋友講...又唔想...咩人都唔想見....好在個女係我個肚到不停咁踢我....好似想話比我知..有佢係度架....諗番起當時我都唔知自己點過....不過時間過得好快...我個女都就黎4歲lor.....行下行下...其實條路都唔係真係咁難行lor...不過就要辛苦d.....

比d 信心自己啦....一定可以架...

原文章由 ireneCCCC 於 07-8-14 23:09 發表

哈.....多謝!呢張相個個都話佢好得戚,我希望我可以堅強......多謝大家關心...........

私人傳訊

pattso

大宅

積分: 4028

26^#

發表於 07-8-15 11:20 |只看該作者

加油...勇敢面對吧!

你個BB仲咁細, 你一定要堅强D撑落去呀! 我都係過來人, 當初亦同你一樣, 身無分文凑住個女, 最惨仲係寄人籬下連綜緩都攞唔到, 身體又有病長期要覆診, 我當時仲"灰"過你, 但一諗到個女...爸爸已唔o係身邊, 若連媽咪都放"

AIR", 對佢真係好唔公平! 所以幾辛苦我都會撑落去, 由最開始在網上賣下自己唔要Ｄ二手物品, 到後來用一千幾百入貨賣下寵物衫仔, 而家夏天就賣下數碼相機和其他立雜嘢, 雖然揾唔到咩錢, 但總算維持到兩餐同交租, 望返轉頭唔經唔覺已經捱過差不多4年了, 我個女都7歲升小二喇! 我都捱得過, 你冇理由唔得嘅! 黎明前一定係黑暗嘅, 但只要堅持, 光明始終會來臨.........DON'T GIVE UP!

私人傳訊

conly

大宅

積分: 4278

25^#

發表於 07-8-15 08:55 |只看該作者

ireneCCCC,

我都喺啱啱起步咋, 我個女都喺我的推動力, 單親路雖然難行但總好過同個衰人一齊行, 因為依家所有嘢我自己計劃打算, 以前真喺每樣嘢都預算唔到, 忽然間唔見人忽然間又有大耳窿揾上門總之就煩啦, 祗要堅強個天一定有條路比我哋行o架

原文章由 ireneCCCC 於 07-8-14 23:09 發表

哈.....多謝!呢張相個個都話佢好得戚,我希望我可以堅強......多謝大家關心...........

私人傳訊

acomcom88

子爵府

積分: 11204

好媽媽勳章大廚勳章

24^#

發表於 07-8-15 02:14 |只看該作者

單親路需苦,但你見唔到有光明咩,總好過日日活在黑暗當中,兒女是最大動力,加油,你得架,不要回望過去,朋友向前望

私人傳訊

cckann

民房

積分: 98

睛靈勳章

23^#

發表於 07-8-15 02:13 |只看該作者

你要堅強呀,我都有經歷過離婚,也有小朋友.也有經歷過再婚.
也離婚.現在有3個小朋友.你不需要怕.祗要你對自己講幾辛苦.
我都不會怕路是我自己選.不會後悔.不怕一切.我都比好多身
邊好朋友話.點解要這樣辛苦.連我屋企人也不要我.沒有人幫
我.祗有我的bb.連買奶粉錢都無,講起好想哭.這段日子真好難
過.不是可以用文字說出來.但是我很堅強.我去取綜援.我小朋友
是跟我姓的.所以.你不需要怕.你見到bb時候你同佢講.媽媽有
幾辛苦也不怕.我會好好照顧你.你要照顧好自己身體,不要時
時唔開心.你要有好身體才可以照顧bb.知道嗎?
有不開心或不懂得如何照顧bb上來.有好多媽媽樂意幫你.
路難行但是都要行.一切都會過去的.不要想太多.
已經選擇了這樣.不是再想太多比心機照顧好bb佢一定會
知道的.