吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 上星期五我在QE順產的日記

懷孕前後今日: 1|主題: 330461

收藏本版

發帖

返回列表

跳至頁

查看: 5789 | 回覆: 37

上星期五我在QE順產的日記 [複製鏈接]

adawuhiu

大宅

積分: 4513

1^#

發表於 07-8-16 23:43 |只看該作者 |正序瀏覽 |打印

睡到3時...無啦啦個肚好似有D攪肚痛,其實我一直不知怎去計陣痛,總之有少少痛...跟住UNDER好似有少少分泌滲出來,痛了一陣停了,我便起床去廁所,點知一起床個肚下身FEEL到"噗"跟住好多水滲出來,立刻入廁所睇睇,嘩~~M巾全濕,仲有血...究竟我是穿水定見紅?( 回床時心想BB終於想出世了....比我捱完呢10個月啦,點痛都好過留在我肚裡掛~~~)立刻按鐘叫姑娘,姑娘要我留在床上不准下床了,因為如果穿水怕臍帶跌出來,她去CALL醫生來睇我.....我由4點等到6點.....個肚好似有點痛,不過個心就好安落了,因為一直陀個女我一直擔心她有事,怕我行差踏錯害了她,而且由有了她到生她中間發生了很多事,又累又煩....終於平安地等到她肯出世了.本來想打比老公,但又怕太早嘈醒他,因為通常生第一胎起碼痛10個鐘,何況我都好似未有陣痛>.<於是無聊等醫生時我打去自己WARD找人吹水....跟住等了又等......等到6點,醫生終於來啦,是個實習醫生,他做了一陣檢查,就証實我是穿水....跟住主診醫生亦來了,又做一輪檢查後,同我講想我去產房落藥催生,因為穿水後BB要24小時內出世,如果唔係會有危險...跟住實習醫生幫我抽了很多血和吊盬水,我不能飲食了,怕催生失敗可能要開刀,而且我穿水後血壓無啦啦升高了很多,怕我的肝或腎功能有事........WELL,這時我在後悔昨晚無食雪糕,個肚NOW又餓,早知昨晚食多D野啦....見完醫生都6時多了,我打比老公告訴他我要去產房催生,不過唔知要痛幾耐,所以叫他先食了早餐,買定乾糧陪產~~~~
早上7時30分,我被送入產房了~~因為我是自己人(即QE的姑娘),所以可以去所謂VIP的產房生,地方大D,又有獨立廁所方便老公陪產,而且有不成文規矩,如果有護士長返工就由護士長接生,SO我好好彩,因為今日有一個好似好NICE的SISTER返工...GOOD LUCK! 我入了產房後都不覺痛....檢查後子宮頸仍未開....1度都未=.=",聽說要1小時才開一度,要開10度才能比BB出來....就要痛10小時......跟住姑娘幫我開始落催生藥,而我身旁有笑氣(止痛氣)ready for我,接著老公8時亦入了房陪我了,見到他個心定了很多...因為有他陪無咁悶掛!
早上8時,落藥後開始痛了....於是我開始聞笑氣....咦,我用口罩聞來聞去都聞唔到,才發現自己有少少鼻塞>.<....點算開始痛了,而且我好怕痛,我剛開始已feel到幾痛,仲真的痛到想下床拔走d藥不想生了..........痛了一陣,醫生來問我打唔打止痛針,不過支針可能對bb有影響-->如果她4小時內出世....我考慮了一陣,now仲忍到我決定唔打住,只想做無痛分娩...他們立刻幫我叫麻醉科醫生......
早上9時,麻醉科醫生仍未來,我已痛到迷迷糊糊,由於我一痛,子宮一收縮,我就會好用力,阿b心跳立刻慢了,於是他們要我聞氧氣,但聞了氧氣更難聞笑氣....於是老公出場了,當我陣痛一來他就幫我除氧氣,比笑氣我聞,痛完就放低笑氣幫我帶氧氣,呢個動作一直維持到我生完為止.....辛苦了他^^9時多又有醫生來叫我打止痛針,因為怕我血壓高....我問開了幾度,醫生話開了1度,而且麻醉科醫生不知幾時來,於是我決定打針,因為斷估阿B不會4小時內出世,而我亦痛到想死.........打完針真的痛少了少少,不過仍很痛,好期待麻醉科醫生呀!
早上10時30分,麻醉科醫生來了.......她向我解釋一輪無痛分娩的步驟和後遺症的可能性,我已痛到張不開眼,當時我好後悔不開刀,個種痛法非筆墨所能形容,生仔真係好痛.........痛到想死!我勉強張開眼簽了同意書,跟住姑娘幫我再檢查...開了8度了,問我仲做無痛嗎?唔好玩啦....當開了8度或以上,無痛的藥都會停,等孕婦可以自己FEEL到子宮收縮而PUSH個B出來,何況我NOW都未做無痛已8度,做了都唔落藥啦.......我話咁算啦......不過繼續死忍到我好想喊....之後11點多,我有一種好想大便的感覺,按了2次鐘,到第2次時姑娘話叫我忍....點忍,好痛,好急,好想生呀!!!!!!這時SISTER準備幫我接生,她ready時叫我用力一push~~bb就出世了,當時11時多,我只用了4小時生了她,個女都算對我不薄,如果要痛1x小時都唔知點算>.<
姑娘幫bb清潔後就抱比我試餵人奶,可惜我仍未有......之後我和她回病房休息,她就入保暖箱睡下.........
到了下午3時多,BB便交回給我,而我亦開始忙了........>.<因為我仍未有人奶,所以要不斷得閒比她試下啜,幫助上奶,又要換片,而且我的子宮收縮痛,會陰傷口又痛.....真的好慘好累..........阿媽真辛苦!
不過見到BB都幾開心,只希望她健健康康.....仲有少少備註,BB出世日是今年的第一個8號颱風,個風仲係走了又回頭,所以很多朋友都喜歡叫她個風名:帕布=.=仲話她一定很惡.....我都覺得她好惡....因為很多人話她非常似我......

0 0 0

私人傳訊

adawuhiu

大宅

積分: 4513

38^#

發表於 07-8-20 23:46 |只看該作者

我本身都很怕痛都挨到,(我連打針都怕),所以各位準媽媽不要太擔心啦~~~
我無做無痛分娩,因為醫生來時已快生,所以連無痛都慳返,不過有無用都係見仁見智,我的同事有些話超有用,有些話打了止了少少ONLY,不過如果真係痛,不要死忍,一定要出聲打止痛針OR做無痛,死忍唔RELAX,子宮頸唔開仲衰!
打了止痛針最好4小時內不要生阿B出來,因為好似會影響BB的呼吸和吸啜能力,但如果真的生了,亦無須擔心,有解藥針,好似我個女在我打完針2小時出世,無什麼影響,仲一早過來食奶...好累!

私人傳訊

Kate00

禁止訪問

積分: 76

37^#

發表於 07-8-20 22:51 |只看該作者

提示: 作者被禁止或刪除內容自動屏蔽

私人傳訊

joeyma

男爵府

積分: 8773

36^#

發表於 07-8-20 19:41 |只看該作者

我又係係QE生，你寫既同我當日差唔多！:loveliness: :loveliness:

我幾個月後又要痛多一次啦！

私人傳訊

Stepy

大宅

積分: 2594

35^#

發表於 07-8-20 17:18 |只看該作者

原文章由 luilui007 於 07-8-17 14:39 發表
我其實都好怕痛,去美容院吱黑頭都眼濕濕.不過我都係順產,我覺得最後好想大便果種feel最痛苦,果一刻都好鬼後悔唔開刀,不過我都無做無痛,只係打止痛針,但係最後都要吸出來,老公陪產,總之這個經歷好難忘啊

我都係順產 (催生+吸出), 不過我嘅經歷又ok喎 (可能同私家醫生手勢好有關), 前後大痛 (由吸氣都生)都係個幾鐘, 阿b真係幾錫我呀.

私人傳訊

brbaby2007

珍珠宮

積分: 37644

好媽媽勳章醒目開學勳章畀面勳章 BK Milk勳章 hashtag影視迷勳章

34^#

發表於 07-8-20 13:30 |只看該作者

又話剪唔痛既??????? :-(

原文章由 luilui007 於 07-8-18 17:15 發表
[quote]原文章由 brbaby2007 於 07-8-17 15:51 發表
下.......要打解針......
咁你開到8-10度時, 咪痛死......????/
同埋呢, 咁痛仲要剪, 係咪11級痛 ...

私人傳訊

brbaby2007

珍珠宮

積分: 37644

好媽媽勳章醒目開學勳章畀面勳章 BK Milk勳章 hashtag影視迷勳章

33^#

發表於 07-8-20 13:29 |只看該作者

但打左針好似係咪4個鐘要生個bb出黎架?

原文章由 adawuhiu 於 07-8-17 21:15 發表
自動溶線....好似5-7日表面傷口就OK...
聯針時我不太痛,因為BB已在身邊,而且我的止痛針未過=.="不過,如果真係痛,一定要打針,因為打了針痛少了個人RELAX了子宮頸才開得快....如果得死忍好難令子宮頸開....要REL ...

私人傳訊

minako

別墅

積分: 856

32^#

發表於 07-8-20 12:48 |只看該作者

adawuhiu ,

唔該呀! 其實你覺得用無痛妢娩有冇效? 我第一胎, 估計有掛痛!

wellcome to 家銳仔成長日記

http://hk.myblog.yahoo.com/bingo-louis123

私人傳訊

Shoeibb

大宅

積分: 1629

31^#

發表於 07-8-19 23:28 |只看該作者

嘩

睇完好緊張
一額汙
我11月都係入qe生
好緊張好緊張

私人傳訊

adawuhiu

大宅

積分: 4513

30^#

發表於 07-8-19 18:48 |只看該作者

QE的陪產講座一定要月頭1號就BOOK,因為月頭才推出新一期TIME TABLE,而且預產期前2-3個月才比BOOK的,例如8月預產,我在5月1日就青電話去BOOK6月的期,電話我就FORGET了,打去29586227問下啦!
無痛分娩只要入院和去產房時對姑娘提出就可以,qe無quato限制,24小時有麻醉科醫生,只是他們不是在產房standby,所以要call他們來....要等=.="

私人傳訊

minako

別墅

積分: 856

29^#

發表於 07-8-18 18:04 |只看該作者

生仔真辛苦, 祝你bb健康快樂!

我會去qe生,有2個問題:

點book -qe 第2講~生產過程知多少？
因為老公陪產要聽呢一堂, 我去qe檢查問姑娘, 又話上網book
根本搵唔到, pls help me!

無痛妢娩係幾時request, 打個支針架? 係咪產檢時, 要同醫生申請, 定是入院後先申請???

wellcome to 家銳仔成長日記

http://hk.myblog.yahoo.com/bingo-louis123

私人傳訊

TokiBaby

複式洋房

積分: 257

28^#

發表於 07-8-18 17:42 |只看該作者

原文章由 gozzila 於 07-8-17 09:05 發表
睇完你既分享.......好驚呀! 哎呀! 我仲有兩個添....老公又怕, 到家下都講明唔肯陪產........................................好驚,好驚呀!

我老公都係死都唔肯陪產呀!不過我向屯門醫院生,到左最後我入紙叫媽咪陪我,硬係覺得有個識既人陪個心會定d!

私人傳訊

luilui007

子爵府

積分: 11304

27^#

發表於 07-8-18 17:15 |只看該作者

[quote]原文章由 brbaby2007 於 07-8-17 15:51 發表

下.......要打解針......
咁你開到8-10度時, 咪痛死......????/
同埋呢, 咁痛仲要剪, 係咪11級痛架?

剪都唔夠陣痛痛啊. :tongue:
你放心,我好怕痛都捱到,你實得啊. :lol:

私人傳訊

akbb2007

禁止訪問

積分: 4006

26^#

發表於 07-8-18 13:40 |只看該作者

提示: 作者被禁止或刪除內容自動屏蔽

私人傳訊

adawuhiu

大宅

積分: 4513

25^#

發表於 07-8-17 21:15 |只看該作者

自動溶線....好似5-7日表面傷口就OK...
聯針時我不太痛,因為BB已在身邊,而且我的止痛針未過=.="不過,如果真係痛,一定要打針,因為打了針痛少了個人RELAX了子宮頸才開得快....如果得死忍好難令子宮頸開....要RELAX
在政府醫院申請二等要睇彩數,尤其是公務員和HA員工都很多人了,要視你入院時二等有無位,無位要輪候....
當在產房要用有扣M巾,生完就有無扣都OK,而且要買多DM巾,因為回家都要用....