吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 上星期五我在QE順產的日記

懷孕前後今日: 5|主題: 330459

收藏本版

發帖

返回列表

跳至頁

查看: 5787 | 回覆: 37

上星期五我在QE順產的日記 [複製鏈接]

adawuhiu

大宅

積分: 4513

1^#

發表於 07-8-16 23:43 |只看該作者 |倒序瀏覽 |打印

睡到3時...無啦啦個肚好似有D攪肚痛,其實我一直不知怎去計陣痛,總之有少少痛...跟住UNDER好似有少少分泌滲出來,痛了一陣停了,我便起床去廁所,點知一起床個肚下身FEEL到"噗"跟住好多水滲出來,立刻入廁所睇睇,嘩~~M巾全濕,仲有血...究竟我是穿水定見紅?( 回床時心想BB終於想出世了....比我捱完呢10個月啦,點痛都好過留在我肚裡掛~~~)立刻按鐘叫姑娘,姑娘要我留在床上不准下床了,因為如果穿水怕臍帶跌出來,她去CALL醫生來睇我.....我由4點等到6點.....個肚好似有點痛,不過個心就好安落了,因為一直陀個女我一直擔心她有事,怕我行差踏錯害了她,而且由有了她到生她中間發生了很多事,又累又煩....終於平安地等到她肯出世了.本來想打比老公,但又怕太早嘈醒他,因為通常生第一胎起碼痛10個鐘,何況我都好似未有陣痛>.<於是無聊等醫生時我打去自己WARD找人吹水....跟住等了又等......等到6點,醫生終於來啦,是個實習醫生,他做了一陣檢查,就証實我是穿水....跟住主診醫生亦來了,又做一輪檢查後,同我講想我去產房落藥催生,因為穿水後BB要24小時內出世,如果唔係會有危險...跟住實習醫生幫我抽了很多血和吊盬水,我不能飲食了,怕催生失敗可能要開刀,而且我穿水後血壓無啦啦升高了很多,怕我的肝或腎功能有事........WELL,這時我在後悔昨晚無食雪糕,個肚NOW又餓,早知昨晚食多D野啦....見完醫生都6時多了,我打比老公告訴他我要去產房催生,不過唔知要痛幾耐,所以叫他先食了早餐,買定乾糧陪產~~~~
早上7時30分,我被送入產房了~~因為我是自己人(即QE的姑娘),所以可以去所謂VIP的產房生,地方大D,又有獨立廁所方便老公陪產,而且有不成文規矩,如果有護士長返工就由護士長接生,SO我好好彩,因為今日有一個好似好NICE的SISTER返工...GOOD LUCK! 我入了產房後都不覺痛....檢查後子宮頸仍未開....1度都未=.=",聽說要1小時才開一度,要開10度才能比BB出來....就要痛10小時......跟住姑娘幫我開始落催生藥,而我身旁有笑氣(止痛氣)ready for我,接著老公8時亦入了房陪我了,見到他個心定了很多...因為有他陪無咁悶掛!
早上8時,落藥後開始痛了....於是我開始聞笑氣....咦,我用口罩聞來聞去都聞唔到,才發現自己有少少鼻塞>.<....點算開始痛了,而且我好怕痛,我剛開始已feel到幾痛,仲真的痛到想下床拔走d藥不想生了..........痛了一陣,醫生來問我打唔打止痛針,不過支針可能對bb有影響-->如果她4小時內出世....我考慮了一陣,now仲忍到我決定唔打住,只想做無痛分娩...他們立刻幫我叫麻醉科醫生......
早上9時,麻醉科醫生仍未來,我已痛到迷迷糊糊,由於我一痛,子宮一收縮,我就會好用力,阿b心跳立刻慢了,於是他們要我聞氧氣,但聞了氧氣更難聞笑氣....於是老公出場了,當我陣痛一來他就幫我除氧氣,比笑氣我聞,痛完就放低笑氣幫我帶氧氣,呢個動作一直維持到我生完為止.....辛苦了他^^9時多又有醫生來叫我打止痛針,因為怕我血壓高....我問開了幾度,醫生話開了1度,而且麻醉科醫生不知幾時來,於是我決定打針,因為斷估阿B不會4小時內出世,而我亦痛到想死.........打完針真的痛少了少少,不過仍很痛,好期待麻醉科醫生呀!
早上10時30分,麻醉科醫生來了.......她向我解釋一輪無痛分娩的步驟和後遺症的可能性,我已痛到張不開眼,當時我好後悔不開刀,個種痛法非筆墨所能形容,生仔真係好痛.........痛到想死!我勉強張開眼簽了同意書,跟住姑娘幫我再檢查...開了8度了,問我仲做無痛嗎?唔好玩啦....當開了8度或以上,無痛的藥都會停,等孕婦可以自己FEEL到子宮收縮而PUSH個B出來,何況我NOW都未做無痛已8度,做了都唔落藥啦.......我話咁算啦......不過繼續死忍到我好想喊....之後11點多,我有一種好想大便的感覺,按了2次鐘,到第2次時姑娘話叫我忍....點忍,好痛,好急,好想生呀!!!!!!這時SISTER準備幫我接生,她ready時叫我用力一push~~bb就出世了,當時11時多,我只用了4小時生了她,個女都算對我不薄,如果要痛1x小時都唔知點算>.<
姑娘幫bb清潔後就抱比我試餵人奶,可惜我仍未有......之後我和她回病房休息,她就入保暖箱睡下.........
到了下午3時多,BB便交回給我,而我亦開始忙了........>.<因為我仍未有人奶,所以要不斷得閒比她試下啜,幫助上奶,又要換片,而且我的子宮收縮痛,會陰傷口又痛.....真的好慘好累..........阿媽真辛苦!
不過見到BB都幾開心,只希望她健健康康.....仲有少少備註,BB出世日是今年的第一個8號颱風,個風仲係走了又回頭,所以很多朋友都喜歡叫她個風名:帕布=.=仲話她一定很惡.....我都覺得她好惡....因為很多人話她非常似我......

0 0 0

私人傳訊

kai3028

水晶宮

積分: 50564

好媽媽勳章醒目開學勳章睛靈勳章

2^#

發表於 07-8-16 23:53 |只看該作者

哇

,好得人驚呀

!好彩我嗰陣係開刀:loveliness: !

私人傳訊

wingwingka

別墅

積分: 729

3^#

發表於 07-8-17 00:09 |只看該作者

雖然我係開刀唔知陣痛有幾痛,但睇完你嘅經過我都覺得好痛好得人驚.

私人傳訊

gozzila

大宅

積分: 1317

4^#

發表於 07-8-17 09:05 |只看該作者

睇完你既分享.......好驚呀! 哎呀! 我仲有兩個添....老公又怕, 到家下都講明唔肯陪產........................................好驚,好驚呀!

私人傳訊

adawuhiu

大宅

積分: 4513

5^#

發表於 07-8-17 10:47 |只看該作者

唔好意思,嚇親大家,雖然真的好痛,不過生完會好快忘記的...而且我比較怕痛^^"順產康復會快D....不過可以的話盡量叫老公陪產好D,因為心理上幫了不少,我在最痛個陣把他的手臂當毛巾般擰...好似出了啖氣般會痛少D^^
QE產房D姑娘幾好,又專業,她們好NICE為我打氣,而且大桔利是阿B有事的話,兒科較其他醫院好好多~~~

私人傳訊

oct07-mama

大宅

積分: 1138

畀面勳章

6^#

發表於 07-8-17 11:02 |只看該作者

:cry: 好驚險呀!你好叻喔

祝 BB 快高長大.健健康康

請問你EDD幾時? 好彩你喺醫院穿水咋

我10月尾QE呀:time: 好擔心哦:cry:
又唔知幾時開始放產假

又擔心到時人多唔比老公倍產
啲bb用品又好似買極都未齊

哎

私人傳訊

adawuhiu

大宅

積分: 4513

7^#

發表於 07-8-17 11:20 |只看該作者

BB比預產期早2日出世.....^^
不要太擔心,我未生前都好驚,生完才發覺生仔都睇際遇,如果順產,你不會知BB幾時肯出來,我未生前一日一D痛都無,仲打算出院再等...產假你要和公司商量,要視職業而定,我本來前2後8,但最後到了37週時返工太辛苦(我做護士...病房都幾忙,要成日行來行去),結果前3後7,所以你要慢慢考慮...32週後個肚快速大.....
QE 都幾OK,之前我都想去廣華生....但我覺得無選錯,下胎我都選QE~~
陪產真的未必一定有,因為我生時不太多人都OK,我離開產房時姑娘開始忙....結果我隔離床媽媽的老公不能陪....
BB用品是買不完的...因為如果第一胎根本不知什麼有用OR無用,我生院才發覺好多野未買,結果老公做了2日採購員....你可以入院後開始照顧BB時就明白有什麼必須,有什麼無用....

私人傳訊

jessicali

禁止訪問

積分: 5998

好媽媽勳章醒目開學勳章

8^#

發表於 07-8-17 11:23 |只看該作者

提示: 作者被禁止或刪除內容自動屏蔽

私人傳訊

kai3028

水晶宮

積分: 50564

好媽媽勳章醒目開學勳章睛靈勳章

9^#

發表於 07-8-17 13:04 |只看該作者

原文章由 adawuhiu 於 07-8-16 04:47 PM 發表
唔好意思,嚇親大家,雖然真的好痛,不過生完會好快忘記的...而且我比較怕痛^^"順產康復會快D....不過可以的話盡量叫老公陪產好D,因為心理上幫了不少,我在最痛個陣把他的手臂當毛巾般擰...好似出了啖氣般會痛少D^^ ...