夫婦情感 今日: 0 | 主題: 42808

積分: 11426

睛靈勳章畀面勳章 BK Milk勳章

1^#

發表於 07-11-29 02:12 |只看該作者 |正序瀏覽 |打印

其實佢係我未來99.下個月先結婚.
我媽咪是一個睇錢好重嘅人.自從爸爸離開咗佢之後.佢認為錢先最可靠.我都試過好幾次因為錢而同我媽咪嘈.但最終都會冇事.我自問無能力改變媽媽這個思想.但我一直都認為我媽媽點睇錢重都係我媽媽.盡可能我也想滿足佢.
自今年7月,男女家食過一次飯(談婚事)我未來99都認為我媽媽睇錢重.不過也難怪,因為我媽咪竟然趁我同我男友行開時同人媽咪講叫佢早d比禮金.過咗冇幾耐我男友同我講返有件咁嘅事,但我男友唔係睇小我而係覺得:『你亞媽有冇搞錯!咁都可以講出口,12月結婚最遲未11月實會比倒你..』呢件事我又同我亞媽嘈過.但宜家都冇事啦!因為唔講都講咗都冇計.
但慢慢開始覺得我未來99比說話我聽.例如:『你亞媽都唔理你』『你將來唔好同你亞媽聯名開保險箱.』
聽到我都扯火,我亞媽點都係我亞媽,我同佢開聯名保險箱又好,聯名戶口又好關你Q事,就算我亞媽真係要扼我錢,我都心甘情願.做乜宜家又唔係要你同佢過人世,人哋睇錢重唔重關你咩事,佢仲要同埋D三姑六婆講我亞媽.我同我男友講:『你同你亞媽講唔好再講我亞媽.就算佢講都唔應該喺我面前講我亞媽不是』咁我唔知我男友有冇講過,但我已講明如果佢亞媽再咁講我就開火.到時唔好話我咁同你亞媽講嘢.
其實我一直都唔係咁鐘意我未來99.因為佢真係好煩.但佢又知我唔係善男信女.又唔敢罵出面.最慘係自己亞媽又唔多理我.
下個月就結婚..其實我男友知我同佢亞媽夾唔倒.不過我男友都好錫我.所以算是不幸之中的大幸.

0 0 0

爆愛車縫作

私人傳訊

積分: 7737

52^#

發表於 07-12-6 01:08 |只看該作者

你99個格咁樣, 我覺得都冇乜辦法可以改變到佢, 而家唯一可以做既係令佢唔好變管加厲, 萬一到時佢雞仔變暴龍, 咁你就真係有排煩架喇!

私人傳訊

積分: 11426

睛靈勳章畀面勳章 BK Milk勳章

51^#

發表於 07-12-5 01:26 |只看該作者

原文章由 irisang2007 於 07-12-5 00:20 發表
你99會唔會知道你同你呀媽成日為d小事嘈, 所以以為你外家唔多撐你, 趁機蝦你.

會.開頭就會小小,小小咁搞分化.但也未至於咁直.之後愈近婚期愈利害.但佢又唔知我個心就算係點都會包容我媽咪.正如媽咪都會包容我一樣.
其實佢咁做佢係想我咩嘢事都諗咗夫家先,幚咗夫家先,仲要喺佢d c9朋友面前威吓有個聽話的新抱.以前我都會陪佢睇醫生.但慢慢佢把口愈來愈直,愈來愈似罵人之後.我就諗做咩要忍你.加上佢把口成日覺得仔女要聽父母話.但又咁講我媽咪.我就覺得條友都唔係路.一時一樣.~~~

爆愛車縫作

私人傳訊

積分: 7737

50^#

發表於 07-12-5 00:20 |只看該作者

你99會唔會知道你同你呀媽成日為d小事嘈, 所以以為你外家唔多撐你, 趁機蝦你.

私人傳訊

juicypig

珍珠宮

積分: 30278

環保接龍勳章 hashtag影視迷勳章

49^#

發表於 07-12-3 16:24 |只看該作者

我都覺得自己發呀媽脾氣一件事, 但外人話佢就好唔鍾意

一個人之所以快樂,不是因為她擁有得多, 而是因為她計較得少

私人傳訊

積分: 11426

睛靈勳章畀面勳章 BK Milk勳章

48^#

發表於 07-12-3 16:12 |只看該作者

講開嗰321張餅.我買咗嗰日咁啱又兩家人食飯佢經已急住問我拎返21張.又話唔知咩有用??佢都冇女都唔知要嚟做乜.之後仲係咁話比得我亞媽早.講咗幾十次.妖.咁你拎返先囉!!所以我一直以為佢拎嗰21張餅係諗住做席前小食.點知唔知有咩用.

佢仲好笑.佢竟然做咗三條裙用嚟我結婚當日著.我一見倒佢話試比我睇.我即時細細聲同我條仔講:『佢有冇記錯??搞到好似佢結婚咁,換三條裙!』
我宜家諗緊當日新郎接完我之後帶唔帶齊全部金上陣.因為我都睇死佢得一對鈪.到時佢都幾瘀.佢有兩個親戚比咗加埋8000比我同條仔買嘢.咁我諗都買倒一對金鈪.或者買耳環+條手錬.佢條友,又唔係佢出錢.佢叫我買完都比佢KEEP住先諗住當日幚我帶.比D錯覺人以為係佢自己送嘅咁.我實行大大聲講係大伯+舅公送.

爆愛車縫作

私人傳訊

ioi

伯爵府

積分: 16559

47^#

發表於 07-12-3 15:51 |只看該作者

咁早知你買300張餅咭連埋送的21張, 總共要晒佢321張送俾女家先, 然後回禮回番21張俾佢, 咁咪好好睇睇, 明正言順回了厚禮俾佢, 佢就無聲出啦.

至於佢D朋友, 梗係企硬唔好斟茶俾佢地啦. 都唔知為乜要斟茶俾果D人?!

我奶奶當時要我跪低斟茶俾佢現任老公, 我都覺得好委屈了.

我表嫂結婚前同我姨媽(佢奶奶)地一家人都好好的, 但結婚當日我姨媽要佢斟茶俾呢個, 斟茶俾果個, (果D確係親戚來的, 不過有D係疏D, 因為我地家族大), 我表嫂都即時唔like, 仲因為咁反左面添, 自從擺酒之後就唔肯見我表哥的家人和親戚, 已經好多年了, 都係一路無見佢, 每次親戚聚會/拜年, 都只係我表哥一人出現.

[ 本文章最後由 ioi 於 07-12-3 16:00 編輯 ]

私人傳訊

積分: 11426

睛靈勳章畀面勳章 BK Milk勳章

46^#

發表於 07-12-3 15:21 |只看該作者

佢一直認為我亞媽大咬.要300張餅.所以先想問我哋拎返.又覺得我哋攞禮金唔啱(頂佢)最好貼個女送大床比佢.我從來都冇話過我62一句.佢見我亞媽拎300張餅,佢都會幚我亞媽講說話.因為始終佢都知自己冇女.好多嘢唔可以比較.所以我都好聽我62講.佢都冇虾過我.
我都講過佢唔虾我我一定唔會倒返轉虾人.係我99咁Q煩.唉~~但又唔想自己老公難做.
其實我最忟係99佢成日同佢D C9智囊團傾.得閒又話要點又話要點.明明講好咁.之後又點.人哋點迎合你喎??所以佢想我斟茶比佢班C9姊妹,我都唔會采佢!!

爆愛車縫作

私人傳訊

ioi

伯爵府

積分: 16559

45^#

發表於 07-12-3 13:55 |只看該作者

關於西餅的問題... 如果席間要有西餅供應, 就梗係應該男家出喇, 因為聯婚的酒席都係男家出的, 除非係女家于歸喇.

不過我當年結婚時, 只係用我老公和我自己的錢, 男女家的父母都無出過分文, 所以無咁煩. 我買餅券時, 已預埋: (1)俾女方的帖每張帖一張餅券, 有些長輩要每張帖俾兩張餅券; (2)十餘張餅券係俾我父母派俾d無被邀出席婚宴的朋友; (3)五十餘張餅券連同龍鳳餅和嫁喜餅係男家給女家的大禮, 其中廿餘張餅券(連同一對龍鳳餅和兩大袋嫁喜餅)係女家收禮後回給男家的回禮, 奶奶可以派俾男家的人食; (4)兩張餅券係換了西餅, 請我公司無被邀請的同事食; (5)四張餅券係於結婚當日早上換了西餅, 各放在男女家招呼客人和兄弟姊妹; (6)四張餅券於結婚當日下午換了西餅, 放在酒店招呼客人(雖然酒店已有大型結婚蛋糕派給早來的客人).

當初我老公都覺得我媽咪要得多餅券, 後來我話佢知, 其中有廿幾張係回禮俾男家的, 好好睇睇, 佢都覺得ok.

以上純屬個人經驗分享, 各人有各人做法.

密棗:
或許你奶奶認為, 要好似我咁, 咁多嫁喜餅和餅券作回禮, 先叫做有回禮. 有D奶奶係咁的, 佢地有多地餅襄俾男家的親戚朋友食, 咪即係女家俾面佢囉, 佢咪在親戚朋友面前有得威囉.

[ 本文章最後由 ioi 於 07-12-3 14:36 編輯 ]

私人傳訊

積分: 11426

睛靈勳章畀面勳章 BK Milk勳章

44^#

發表於 07-12-3 00:59 |只看該作者

唉~~
多謝咁多位意見.
我老公頭先都話佢出.其實佢係息事寧人.我周圍問d結咗婚嘅朋友.佢都話呢d應該一早傾好.喺男家買餅時要預埋呢個席前小食呢個數.我個朋友見我咁忟教我同我未來99講:『當初問你拎餅時根本無預呢個數.我亞媽宜家d餅就派哂.不過唔緊要啦!我會同你個仔(佢個名)搞掂佢.放心啦』比佢知道加下要你個仔嘔凸.睇吓佢點??
講開禮節,我99真係唔小料.你講開話有冇回餅.緊係有.我哋回咗一套龍鳳餅佢.佢真係好煩.
講開bb.佢口講就話要返工唔會幚我揍(最好不過啦)但佢條友又話將bb床放佢房(屌!佢有鬼奶餵咩??經都就嚟收)我都唔明點解要放佢房.我冇理佢.將來佢實行好似d人d99咁.因揍bb而不開心.佢條友乜都諗好哂.當初我仲有工做緊時,又叫我比個bb佢個朋友揍.佢就想.都唔知想點教我個b??到宜家我冇嘢做.又再開口問我會唔會比佢個朋友揍.我就同佢講:『我就應該會自己揍!』佢面露不悅.之後我再講:『講真,你個朋友當日係揍我老公.問心而言.佢應該要享福,比人照顧,再要佢照顧人會好辛苦.』串佢個朋友同佢一樣老.我先係亞媽,我要揍天經地義啦!

爆愛車縫作

私人傳訊

alvinchanmama

大宅

積分: 4233

43^#

發表於 07-12-3 00:42 |只看該作者

我睇咗幾篇, 鄧你辛苦加上你有bb更甚.
因為我當年結婚都幾麻煩, 我好彩我未有bb, 和老公都喺明白事理的人. 老公個阿媽喺上水人, 攪許多好守舊禮節, 我和我阿媽和阿婆都喺香港出身長大, 緊喺用番香港用慣儀式, 99話要用佢儀式. 問晒結咗婚的fd啦喺點做. 結果緊喺比我咬嬴咗. 喺擺酒果晚最失禮喺我99, 佢要掛著做佢守舊禮儀, 斟茶遞水, 攪到佢自己一頭煙, 有冇打扮, 因為佢要攪嘢, 照相拍又少, 到我地要開席前, 99要攝位入離拍照都輪唔到佢, 之後喺我前面前申話99個家姐話99唔著99掛, 個用喺阿四, 一啲99相都冇. 影相又少, 我心諗抵你.

邊個叫你喺道玩串個party.
所以有啲嘢合理企硬, 和一定要同老公報定案, 佢都有個知字. 唔洗口啞啞.
你有冇回番唐餅比男家, 如果有, 一張西餅咭都唔洗比男家. 如果冇就象徵式回番比男家就罷了.
你有冇同你老公講, 結婚後喺咪一定要住男家, 女家有冇地方比你住住先, 然後才搵地方搬.
記然你99要玩嘢, 你不如同你老公講可唔可以唔99住. 老公問你點解, 你咪話我唔想有產前抑鬱. 嚇番你99囉, 我覺得你99喺似你有咗bb入佢地加上你阿媽做法, 喺道整色整水. 第日bb出咗千其唔好比你99湊, 最好自己湊, 如果你要返工, 將bb交一個可以信得過啲人湊, 再唔喺放在育嬰湊就good fit.
take care

王菀之年度創作專輯《On Wings Of Time (CD+DVD) 》現已上市
請支持正版...請支持唱作女皇
(隻碟要煲架--不是放落個煲道煲...)
click入去試聽下..月亮說
飯婦人Blog

私人傳訊

積分: 7737

42^#

發表於 07-12-2 23:52 |只看該作者

原文章由蜜棗於 07-12-2 15:09 發表
其實我唔係想計較席前小食呢個問題.而係佢亞媽把口真係難頂.我成日覺得佢亞媽講嘢好似罵緊人咁.雖然我係後輩但佢都唔可以講到奉旨咁.因為你哋講得啱,一來我亞媽咁,佢就開始想治我.比d下馬威我見識,二來聽佢咁講好明 ...

我都覺得唔好次次都就99, 如果唔係, 佢會覺得你就佢係奉旨既, 當你就慣左佢, 如果有一次唔就, 佢仲唔發癲, 我覺得如果係有道理既, 做新抱既都冇理由唔就佢, 但冇道理, 做新抱既就冇理由要妥協, 況且係呢件事上面, 我覺得d西餅真係唔應該由女家出,而且有d野真係應計就要計.
我都好同意而家唔係怕蝕底, 而係唔想99樣樣都好似老奉咁, 講真如果而家比佢蝦, 將來就真係有排受, 例如: 生左bb,邊個煲薑醋, 男家定女家or各自煲各自派? 如果生完b, 見你唔去搵工, 又會比說話你聽......所以我支持你今次企硬. :)

私人傳訊

積分: 11426

睛靈勳章畀面勳章 BK Milk勳章

41^#

發表於 07-12-2 15:09 |只看該作者

其實我唔係想計較席前小食呢個問題.而係佢亞媽把口真係難頂.我成日覺得佢亞媽講嘢好似罵緊人咁.雖然我係後輩但佢都唔可以講到奉旨咁.因為你哋講得啱,一來我亞媽咁,佢就開始想治我.比d下馬威我見識,二來聽佢咁講好明顯想借我哋唔識,屈得屈.
上次講過大禮,經已把口話『你知唔知你亞媽要買咩過嚟??』今次講席前餅又『你亞媽諗住拎幾多打餅』奉旨咁嘅口吻.我唔係計較錢而係計較啖氣.今次我出咗.佢將來就會再下兩城.所以我要企硬.

爆愛車縫作

私人傳訊

weima

禁止訪問

積分: 940

40^#

發表於 07-12-2 11:59 |只看該作者

提示: 作者被禁止或刪除內容自動屏蔽

私人傳訊

weima

禁止訪問

積分: 940

39^#

發表於 07-12-2 11:55 |只看該作者

提示: 作者被禁止或刪除內容自動屏蔽

私人傳訊

積分: 7737

38^#

發表於 07-12-2 04:05 |只看該作者

你唔好咁"綢"漲啦,

不如你上生活易個結婚網度問o下人, 我相信果度一定會有人可以解答到你.

你老公叫你唔好同佢呀媽計, 可能佢都唔知點解你要咁計, 而家你老公話d西餅由佢出, 咁到時你99再問, 你咪叫你老公同佢講d西餅會由佢比, 咁你99就冇說話好講啦, 佢個仔自己話要比, 唔通佢咬你食咩? 咁你又唔駛同你媽咪講, 我覺得你淨係應付你99已經壓力好大.......其實我聽你咁講, 你老公真係好錫你, 所以千萬唔好因為99而影響你地兩公婆既感情呀.

私人傳訊

積分: 11426

睛靈勳章畀面勳章 BK Milk勳章

37^#

發表於 07-12-2 03:06 |只看該作者

原文章由 irisang2007 於 07-12-2 02:56 發表
我擺酒既時候, 都加左個席前小食既package, 不過我99仲驚死唔夠, 係都要我老公去買多幾打西餅, $當然係我99出啦. 不過我知有d酒店/酒樓係包埋席前小食既, 講真, 如果你擺酒間酒店/酒樓係包埋席前小食, d錢咪又係男家 ...

的確冇包.但我估唔到佢會開口叫我哋女家出.仲要係奉旨.如果禮儀上係女家出.我覺得我哋唔會唔出.但我好記得買餅當日買100送7張.買咗300張.送咗21張.佢亞媽經已驚蝕咁.係咁問我拎返21張.我開頭諗住佢係留返擺酒當日拎西餅做席前小食.佢條友宜家竟然開口.我宜家上網搵唔倒答案!!唉~~
唔好話我計，我的確係同佢計．如果唔係佢咁Ｑ麻煩．喺度講我亞媽．我都唔會咁．
我諗緊點同佢亞媽開口！

爆愛車縫作

私人傳訊

積分: 11426

睛靈勳章畀面勳章 BK Milk勳章

36^#

發表於 07-12-2 03:04 |只看該作者

原文章由 irisang2007 於 07-12-2 02:56 發表
我擺酒既時候, 都加左個席前小食既package, 不過我99仲驚死唔夠, 係都要我老公去買多幾打西餅, $當然係我99出啦. 不過我知有d酒店/酒樓係包埋席前小食既, 講真, 如果你擺酒間酒店/酒樓係包埋席前小食, d錢咪又係男家 ...

爆愛車縫作

私人傳訊

積分: 7737

35^#

發表於 07-12-2 02:56 |只看該作者

我擺酒既時候, 都加左個席前小食既package, 不過我99仲驚死唔夠, 係都要我老公去買多幾打西餅, $當然係我99出啦. 不過我知有d酒店/酒樓係包埋席前小食既, 講真, 如果你擺酒間酒店/酒樓係包埋席前小食, d錢咪又係男家出, 只不過因為今次唔包, 所以你99咪想你地女家出囉.

私人傳訊