吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 好長既一篇.....

夫婦情感今日: 3|主題: 42706

收藏本版

發帖

返回列表

跳至頁

查看: 2768 | 回覆: 20

好長既一篇..... [複製鏈接]

aloe

洋房

積分: 143

1^#

發表於 08-4-17 23:14 |只看該作者 |正序瀏覽 |打印

點講好呢........

同老公結左婚好多年,已有小朋友.
同老公關係,一向都似阿媽同仔咁.
以前,大家番工時間,日夜顛倒,佢番工時間好長.
佢放左工,睇電視睇到好夜,好少同我一齊瞓,
佢話份工好辛苦,要斗下坐下,作為relax.無論收早或收晏,都係咁.
有左BB,仲係係意外.
放假剩係瞓覺,因為佢工作時間係好長.
佢可以響我坐月期間,放工後,房都冇入過,沖涼,睇電視.睇到兩三點.
都冇理過我同BB.

佢放假我番工,
一齊放假,佢會瞓覺.唔會出街,又唔可以唔俾佢瞓喎.
我問佢,我地咁樣似夫婦關係嗎?
佢話,你知我一向都係內儉,知我愛你咪得囉.
之前,同佢提過見下社工之類,佢覺得冇咁既必要.
再後來,講完我既問題,都係冇改善,關係疏離到.....只係同屋共主既關係!!
send 過 email 俾佢,話不如分開下.我以為佢會話我痴線,
佢居然覺得我好無聊,理都冇理過我.
佢覺得我既問題,根本唔係問題,
之後佢解釋,我對佢態度差,所以佢費事睬我:;pppp:
情況一直都冇咩改善.

後來佢話要去第二度做野,
我好贊成,
反正對住佢,我會好忟憎.
少見d,關係應該會好d.......
相見不如不見個隻.

其實我咁多年以黎,已經俾佢訓練到好獨立,
有冇佢響身邊,都係咁.冇咩唔習慣.

現在~~
佢唔響我身邊,我會好輕鬆,如果佢一番黎,
我既情緒會好差,好忟.等佢朝早同小朋友番學一定遲到,
臨 last mins 都唔起身~~~
最近幾次番黎,連吻,大家都慳番.超過大半年了.
你們好難相信一個男人可以睏都咁.
而我地以前,一年都冇十次.

佢依家放假,出下街,去按下摩.
我突然覺得,佢唔響我地身邊,佢似乎仲輕鬆d.

而我開始唔係咁想佢番黎,
佢放假番黎就係瞓覺,
你地可以話我唔體諒佢.........
我地既關係,似旅館&租客多d.

而呢兩日,我都唔想同佢傾電話,
佢問我咩事,我都求其幾句廢話就收佢線.

為左小朋友,都唔會無端端離婚,
佢又唔係做錯咩大事~~~

我依家全心照顧小朋友,所有時間精神放晒落去,
咁佢第時大左,都會離開~~~~

其實如果佢問我想點,我都唔知想點.
大家可以幫我分析下,可以麻?

***我冇第三者 / 我係 working mum

[ 本文章最後由 aloe 於 08-4-17 23:17 編輯 ]

0 0 0

私人傳訊

ping987

別墅

積分: 727

21^#

發表於 08-4-18 23:29 |只看該作者

in a relationship, we always need to deal with anger, the way your husband deal with it is call 退縮, he try to escape the problem n think it's not a problem, so that he don't need to handle it. in fact, lots of man handle anger in this way

but, the worst is, they will hide their dissatifation, n think it's no use to discuss, coz women won't understand it. so they will do something bad to make you upset, e.g. ignore your needs

i suggest you should go to c the marriage consuellor first, even your husband reject to go.

try your best to heal this relation, so that even if you give up in the future, you can tell youself, you have tried your best already

good luck

[ 本文章最後由 ping987 於 08-4-18 23:30 編輯 ]

http://lilypie.com/">< ... ot; /></a>

私人傳訊

aloe

洋房

積分: 143

20^#

發表於 08-4-18 23:15 |只看該作者

成日叫自己唔好咁硬頸......但係真係做唔到.
我尋日好忟憎,唔知係咪2媽到,兩日唔覆佢電話.
尋日佢call我,我一句duck佢,唔想同你講野.
今日,佢冇SMS俾我,
我都冇打電話俾佢.
如果佢問我嬲咩,我都唔識答佢.......
冰封三尺,非一日之寒.

私人傳訊

aloe

洋房

積分: 143

19^#

發表於 08-4-18 23:07 |只看該作者

係,絕對揹起晒成頭家既瑣碎事情,
根本唔需要佢操心,
9而9之,我成日老點佢做野,覺得佢有責任分擔下,
所以佢覺得我好煩.....
呢樣我認衰!!!!

原文章由 CMMANDY 於 08-4-18 13:42 發表
女人的工作, 通常都是朝9 晚5 +2至3 小時OT, 但男人呢? 就可能會返12:00 放 10:00 返到家全部老婆囝囡已睡覺, 有時再加上唔係例休星期六.日, 咁樣的生活, 老婆差不多全部揹起所有家事, 有時停下來諗一諗, 個女人有幾 ...

私人傳訊

aloe

洋房

積分: 143

18^#

發表於 08-4-18 23:00 |只看該作者

問得好.不"往"上黎呷下.
hm......其實佢一向都係咁,我以前都係死蛇爛eel咁.
但阿仔出世後,自己責任大左,
自問唔係一個好媽咪,
但係,我係好努力去學習.
而佢,一路都依然係人地個仔,冇改變過.
放假冇出席過任何親子活動,
剩係睇碟,同阿仔玩,要有條件,
==> 等我睇埋呢隻碟先同你打機.阿仔就響旁邊問,"睇完未呀???"
ok,睇完喇,開機俾阿仔打,跟住自己就瞓左覺.
我其實真係好嬲,阿仔好似乞兒咁,乞求爸爸同佢"玩".
係,份工係好辛苦,阿仔受到咁既對待,係咪應該呢?!
唔俾佢斗,又係我唔啱.好無奈!!
所以,佢唔係屋企,阿仔可以睇下自己d碟,唔駛做乞兒.

原文章由 雲妮彭 於 08-4-18 11:54 發表
呢種婚姻生活好似"雞助"~食之無味,棄之可惜!
比著我,我一定忍受唔到.

其實你老公係咪不嬲都係甘既性格?
拍拖時都係甘冷淡/內歛嗎?
還是最近先變成甘?

不過都明白,有d人既性格真係好奇怪!!! ...

私人傳訊

aloe

洋房

積分: 143

17^#

發表於 08-4-18 22:43 |只看該作者

上黎訴下苦好喇,
始終要面對自己既另一半.
其實都想搵方法解決.
大家努力吧!!
PS:今日心情冇尋晚咁down了.

原文章由 jacquesau 於 08-4-18 11:52 發表
我成日都想淨係得返我同個女架.......好free好自由....

同隻6一齊, 佢又嫌呢樣果樣, 下下要照顧佢感受先......:;pppp: :;pppp:

私人傳訊

aloe

洋房

積分: 143

16^#

發表於 08-4-18 22:37 |只看該作者

以前佢響HK,無論佢幾點收工,
睇電視睇到兩三點,
我朝朝6:30AM起身,湊仔番學.點陪呀?

我諗我仲愛佢掛.

原文章由 alphabetagamma 於 08-4-18 11:45 發表
你點解唔可以陪佢一齊睇電視呢? 可以唔出聲, 靜靜咁依在他身邊, 睡著也好, 一齊睇也好. 大家就多一點在一起. 不過, 我估你地咁相處都好多年..... 最重要你還愛他嗎?

私人傳訊

aloe

洋房

積分: 143

15^#

發表於 08-4-18 22:31 |只看該作者

我都唔知呀.......

原文章由 christy1012 於 08-4-18 10:19 發表
樓主,我相信每對夫婦都有自己一套相處方式,唔會個個都一樣,最緊要係你自己想要d咩囉

私人傳訊

aloe

洋房

積分: 143

14^#

發表於 08-4-18 22:24 |只看該作者

我同佢既關係,
用神交黎形容,係最恰當.

原文章由 水媽媽 於 08-4-18 09:17 發表
見到樓主的情況，真係鄧你無奈，不過我諗，樓主的老公係咪因為真係好倦而成日去瞓覺，定係其實佢借d意唔想同你溝通，如果佢想同你傾計的，我相信佢就算几倦几眼瞓，都會做到，我唔信一日真係抽半個中頭出來都唔得，好難令我相信lor。
...

私人傳訊

aloe

洋房

積分: 143

13^#

發表於 08-4-18 22:22 |只看該作者

呢幾年以黎,都有同佢講過我既不滿,
想佢一齊去見社工之類,但佢唔肯呀.
最大問題,係佢覺得唔係問題.
咁我可以點喎?!

原文章由 Sandyshan317 於 08-4-18 00:19 發表
我情況比你更差，我每日同老公接觸最多就係佢同我訓覺時間，見面每日都冇１個鐘我老公都一樣返工時間好長，佢平日先放假，我就一定係休六日，
有時佢放假我會放大假陪佢，同仔仔去玩下，但我地反而好珍惜一齊放假,不過都 ...

私人傳訊

aloe

洋房

積分: 143

12^#

發表於 08-4-18 22:19 |只看該作者

好矛盾.......冇左佢又唔得,
阿仔d學費仲要佢俾架.

原文章由 wife 於 08-4-18 00:18 發表
其實我都係吾想見我c6,但又吾係想佢死(因為佢死咗對個仔吾係咁好),總之見少d我個人就會平靜d開心d,因為我吾想為佢有任何情緒起伏,我吾想佢擾亂我理想生活,亦都吾想扮嘢,所以佢放假或留喺屋企我通常都會出街,而我亦習 ...

私人傳訊

aloe

洋房

積分: 143

11^#

發表於 08-4-18 22:14 |只看該作者

我三十幾咋.

成世流流長,咁既生活方式我接受唔到.

原文章由 laimanw 於 08-4-17 23:49 發表
看完你的情況, 我想起了我的父母, 但我媽是全職主婦。我媽最想我爸不要回家, 越少見越好。我想有些夫婦相處模式是這樣的。

私人傳訊

CMMANDY

珍珠宮

積分: 30214

母親節2025勳章 2025勳章蛇年勳章牛年勳章

10^#

發表於 08-4-18 13:42 |只看該作者

女人的工作, 通常都是朝9 晚5 +2至3 小時OT, 但男人呢? 就可能會返12:00 放 10:00 返到家全部老婆囝囡已睡覺, 有時再加上唔係例休星期六.日, 咁樣的生活, 老婆差不多全部揹起所有家事, 有時停下來諗一諗, 個女人有幾多ga無助呢?

私人傳訊

雲妮彭

伯爵府

積分: 19437

好媽媽勳章

9^#

發表於 08-4-18 11:54 |只看該作者

呢種婚姻生活好似"雞助"~食之無味,棄之可惜!
比著我,我一定忍受唔到.

其實你老公係咪不嬲都係甘既性格?
拍拖時都係甘冷淡/內歛嗎?
還是最近先變成甘?

不過都明白,有d人既性格真係好奇怪!!!

私人傳訊

jacquesau

珍珠宮

積分: 35573

8^#

發表於 08-4-18 11:52 |只看該作者

我成日都想淨係得返我同個女架.......好free好自由....

同隻6一齊, 佢又嫌呢樣果樣, 下下要照顧佢感受先......:;pppp: :;pppp:

好好過每一天......

私人傳訊

alphabetagamma

珊瑚宮

積分: 108855

環保接龍勳章

7^#

發表於 08-4-18 11:45 |只看該作者

我都覺得咁多人講離婚真係好奇怪.
我只可以講, 如果唔係"好"的, 那為什麼要結婚. 其實好多人都唔清楚身邊那位的性格, 又或許係妄想"愛"可以令你的他改變來迎合自己.
難聽d講句"改就係人情, 唔改係道理".

如果你老公想relax下, 佢係想你唔好係佢面前出現嗎? 佢唔想聽到你把聲嗎? 我同老公之前都有好多誤會出現, 要改善, 雙方都要努力.
我老公很木納, 我估如果我唔出下計仔, 關係就唔會好, 最重要我唔開心, 但係問題係就算我一世係咁搵, 一定搵唔到一個為我個人計設最完美的情人老公. 我老公鍾意影相, 我會覺得好悶好浪費我的時間, 又浪費錢. 佢影親我, 我都會啤住佢... 哈哈.我都好黑人憎. 到後來, 自己稍稍改變, 好開心咁同佢傾攝影, 問下佢d鏡頭同機身, 他改變得比我還要多. 佢愛打下機, 我超憎. 覺得佢無時間陪我, 到後來我陪佢一齊打同一隻game, team work.

你點解唔可以陪佢一齊睇電視呢? 可以唔出聲, 靜靜咁依在他身邊, 睡著也好, 一齊睇也好. 大家就多一點在一起. 不過, 我估你地咁相處都好多年..... 最重要你還愛他嗎?

私人傳訊

christy1012

水晶宮

積分: 67150

2025勳章 2025勳章蛇年勳章 2024年龍年勳章 2023年兔年勳章醒目開學勳章畀面勳章 BK Milk勳章

6^#

發表於 08-4-18 10:19 |只看該作者

回覆 #1 aloe 的文章

樓主,我相信每對夫婦都有自己一套相處方式,唔會個個都一樣,最緊要係你自己想要d咩囉

私人傳訊

水媽媽

男爵府

積分: 6331

5^#

發表於 08-4-18 09:17 |只看該作者

見到樓主的情況，真係鄧你無奈，不過我諗，樓主的老公係咪因為真係好倦而成日去瞓覺，定係其實佢借d意唔想同你溝通，如果佢想同你傾計的，我相信佢就算几倦几眼瞓，都會做到，我唔信一日真係抽半個中頭出來都唔得，好難令我相信lor。
仲有就算佢係一個內歛的人，都唔係咁樣去表達佢的愛係ma，我覺得佢係精神虐待緊你lor。佢有無諗過你感受，就算同屋住都唔係咁la，何況係兩夫妻

私人傳訊

Sandyshan317

複式洋房

積分: 458

4^#

發表於 08-4-18 00:19 |只看該作者

我情況比你更差，我每日同老公接觸最多就係佢同我訓覺時間，見面每日都冇１個鐘

我老公都一樣返工時間好長，佢平日先放假，我就一定係休六日，
有時佢放假我會放大假陪佢，同仔仔去玩下，但我地反而好珍惜一齊放假,不過都係等佢訓醒先去下行街

，佢之前都唔多願同我去街
不過慢慢同佢傾下，佢就改變左啦．．．好多野都要大家互相體諒，大家互相遷就下，咁先可以長遠，我本身都係 working mother,仲要返學，公事上好忙

，都好辛苦但老公佢唔會明既因為佢都冇咩時間同我傾談

我好多時都唔希望見到 BK mother 少少野就話離婚，你地記唔記得當初為咩去結婚呢!當然如果有第三者既我就贊成你地離開，如果只係
溝通上問題，不如就搵下方法又或者傾下，唔好下下就諗離婚啦．．．對小朋友又唔好，對自己都唔好啦．．．係咪．．．如果有咩唔合意，請見諒!最後希望你地花少少時間諗下我以下呢句古語(若要人似你，除非２個你）

[ 本文章最後由 Sandyshan317 於 08-4-18 00:41 編輯 ]

私人傳訊

wife

子爵府

積分: 14859

3^#

發表於 08-4-18 00:18 |只看該作者

其實我都係吾想見我c6,但又吾係想佢死(因為佢死咗對個仔吾係咁好),總之見少d我個人就會平靜d開心d,因為我吾想為佢有任何情緒起伏,我吾想佢擾亂我理想生活,亦都吾想扮嘢,所以佢放假或留喺屋企我通常都會出街,而我亦習慣自己而家嘅生活模式(我除咗揍仔,仲有學好多嘢,又有好多應酬,又要扮靚,又要吸收搵錢知識),我嘅生活絕對可以無佢,所以見到佢會有"莫名嘅淹悶"感覺!