婆媳關係 今日: 0 | 主題: 27782

積分: 535

35^#

發表於 08-6-18 19:15 |只看該作者

多謝認同 (我老婆一路睇o係後面睇一路笑). 不過這句名句不能常講, 因為亞媽每次聽到都覺得好慘, 生咗個不孝子.

老婆係娶番嚟錫, 如果唔鍚佢就無謂娶佢, 早d放生佢啦.
至於為咗負責任結婚, 睇你撐得幾耐.

不過話都尾, 老媽子都係女人, 點都要"一啖沙糖一啖屎", 我剛剛放工都打咗個電話俾兩老, 講咗幾句. 其實有咗亞B, 樣樣嘢以亞B出發, 佢地都易話為咗好多. 多d用亞B名義同佢地溝通, 事半功倍. 今年父親節, 老豆話唔攪, 唔飲茶唔食飯, 我都係同佢講亞B同我慶祝, 亞B要叫埋佢, 佢先肯嚟.

原文章由 kvstephanie 於 08-6-18 18:53 發表
老婆係要老公撐, 我老婆就係我撐, 老媽子就係老豆撐, 老豆唔撐唔關個仔(即係我)事, 係老媽子唔識選擇.

講得好!!!相信你一定好愛鍚你老婆!!!

私人傳訊

kvstephanie

禁止訪問

積分: 1368

34^#

發表於 08-6-18 18:53 |只看該作者

回覆 #32 colinhoc 的文章

提示: 作者被禁止或刪除內容自動屏蔽

私人傳訊

wmpl

積分: 3000

33^#

發表於 08-6-18 17:20 |只看該作者

回覆 #32 colinhoc 的文章

噢～～唔好意思，

我諗我啲語氣真係重咗啲，我冇話你講大話嘅意思，網上互聊根本冇需要作嘢講大話，如果咁都要作嘅話，哩個人就真係好有問題～～

我亦唔係啲咩對號入座，亦都唔明你點解認會為我係，又唔明唔希望你太太睇到你話男人好怕煩，唔係就會去咗啲唔煩嘅女人度其實係咩意思？我所作嘅回應全部都係只係因為睇到你之前嘅回應就有咁嘅睇法而已，我都話你唔係専登或有心咁樣做，我只不過覺得如果婆媳之間嘅問題或你其實有時啲嘢唔滿意個太太嘅做法，男人唔出聲並唔係解決問題嘅方法～～
＞＞＞＞＞＞＞＞＞＞＞＞＞＞＞＞＞＞＞＞＞

我唔明點解好多男人認為個老婆向自己反映意見，一出聲就一定係想個老公鬧自己個阿媽，定還是啲男人嘅思想方式太直接，一係唔出聲以為丟淡件事息事寧人就算，一係就到成件事已經發展到好難收拾連自己都頂唔順嘅地步先至會做啲咩去解決？如果係咁嘅話就唔可以話完全係因為個老婆先至會鬧自己阿爸阿媽，而係當仲係一件小事嘅時候，好多男人都唔會預先去處理咗先，好多都會認為係啲女人無中生有或杞人憂天，冇嘢揾嘢嚟煩～～

我諗冇咩女人會想自己老公同佢哋阿爸阿媽反面，唔關傳唔傳統嘅事，而係因為兩家人既都已經成為襯家，即是以後都會有好多機會見面，所以如無必要都唔想搞到咁決絕，大家都係大人，都應該好清楚就算自己阿爸阿媽係幾咁乞人憎都好，同自己親人反面都絕對唔會係一件好過嘅事～～

所以我先至話有問題就一早要解決咗先，唔好成日拖到無可再拖，大家都心中有火嘅時候先至去做，到時已經有太多不滿同積怨，而老人家一直都唔知其實啲後生係真係有幾咁唔鍾意，而就算佢哋係知，都一心以為你係忍到佢先至唔出聲，所以都唔太在乎，繼而愈做愈過份都不自覺，就因為冇人出過聲，所以當佢哋一被指責或叫佢哋唔好再做一啲佢哋從來都唔認為有問題嘅事嘅時候，就會有好大嘅反應，哩啲係人之常情，關於哩一點我從來都冇怪責過啲老人家，但係佢哋大反應咁啲後生又係咪要陪佢一齊大反應呢？

哩個就係問題所在～～我都知相嗌唔好口，但如果大家唔係忍到件事忍無可忍嘅時候先至出聲，咁係咪可能會有更好嘅結果，唔駛搞到大家反目成仇呢？而喺哩件事上面，最主導同最重要嘅調停角色，一定係身為兒子同丈夫嘅男人，因為自己阿爸阿媽咩性格自己最清楚，而有咩事發生都好，永遠都係俾自己仔女話點都好過俾外人話，哩啲係人同此心，心同此理～～

而我亦都好體諒男人比較起女人上嚟係冇咁識講嘢，同埋當面對嗰個係自己屋企人嘅話就好難開口，但請記住，好難開口係你嘅事，當你等到件事一觸即發嘅時候先至攞出嚟講，就你自己阿爸阿媽都唔會俾面你，都係會一樣認為你係不孝，因為佢哋會覺得你做咩有唔滿意又唔一早講，乜唔係一家人嚟架咩？而家一出聲就淨係話佢做得唔啱，唔好？所以遲講比早講都唔見得更好～～

而且我認為如果見到自己阿爸阿媽嘅行為不對，就應該喺未忍無可忍嘅時就用各種方法去教導，因為人愈老就真係愈糊塗，係需要啲後生去教返轉頭，佢哋唔聽係一件事，但身為子女嘅只顧容忍間接成存到最後忍無可忍就直指不是，我覺得唔單止係愚孝更是不孝～

當然好多真係勸又勸過，教又教過嘅老大家依然都死不悔改嘅就無須理會，就任由他們自作自受罷了～～

以上見解只係個人對於部份男仕嘅行為及心態嘅意見，並唔係針對任何人～～

私人傳訊

積分: 535

32^#

發表於 08-6-18 14:12 |只看該作者

原文章由 wmpl 於 08-6-17 22:26 發表

我都明白做夾心人嘅苦處，但係唔好以為你先至係夾心人，ｓｏｒｒｙ，我唔係要指責你，只係想大家論一下，難得哩度有個男人可以互相交流吓～～

其實你如果覺得你係做咗婆媳之間嘅磨心，咁你前妻或好多新抱就做咗男人唔識處理家事嘅犠牲品，點解 ...

o係回應之前, 有幾樣嘢要講明:

第一, 這個主題係討論"奶奶日日到, 我可以點??", 我第一個回應係希望分享經驗, 同帶出有時候要比較激烈的手段, 例如"反面", 先達到預期的目的. 我希望不要太偏離主題.

第二, 我第二個回應係想提出就算奶奶唔到, 係爸爸個角度都未必係完美, 只係有好轉. 至於提出我個人作為男人的睇法及婆媳關係對婚姻影響, 純粹個人分享.

第三, 我太太都係BK會員(如果其他人認得我亞B就知), 佢有睇我回應, 如果我有作大或與事實不乎, 佢實會話我 (當然係屋企, 唔係BK).

首先我想申明, 我無做夾心人/磨心好耐啦, 自從同太太拍拖一直到現在, 我太太永遠都係同老媽子同一陣線. 連我老豆都話, 我老婆條頸有問題, 淨係識垂直移動, 唔識打橫移動. 有事我頂唔順, 發亞媽脾氣, 都係老婆攪掂.

由於係我老婆星期一四下晝去做瑜伽, 佢叫老媽子幫手睇住亞B, 好多嘢我都係最後被通知嘅一個, 我一早反面, 我老婆冇得去做瑜伽, 我擔當唔起 (唔通話俾老細知請假因為老婆要做瑜伽).

我一直都好唔開心, 又怕話俾老婆知, 增加佢壓力, 話到尾人係佢叫, 我同佢講好似怪佢咁. 同埋當時鐘點一星期做兩日, 3:00到6:00, 我太太同我亞媽又冇兩句, 更加冇同我講我亞媽煩, 淨係話亞媽同亞B玩, 佢其實都休息唔到.

我有同兩老講, 叫佢地少d到, 我老媽子一句話我老婆話好, 我除咗遲d返, 我仲可以點. 其實我算係少數會出聲(甚至於太多聲)嘅男人, 好多時我就係覺得老婆唔開心, 出聲話老媽子, 仲俾我老媽子用我老婆名義叫我收聲. 我只有忍. 到我同屋企反咗面, 老婆先講其實佢都就支持唔住. 唉... 醜人我都做慣, 唔掙在.

我係婚姻失敗過, 不過不論我前妻或是我太太都唔係會煩我嘅女人, 有時我都情願佢地講多d感受我聽, 我其中上BK的目的就係想多一個渠道了解我太太. 因為佢比較慎言, 好多時我都唔知佢想點, 問佢都唔一定有結果.

最後, 我想講婚姻失敗唔係單方面嘅問題, 我輕描淡寫, 係我對我愛過嘅人的基本尊重. 婆媳關係只係其中一個原因, 因為如果係主因嘅話我一早就同老媽子反面. 我當住老婆同老媽子面前都係咁講, 老婆係要老公撐, 我老婆就係我撐, 老媽子就係老豆撐, 老豆唔撐唔關個仔(即係我)事, 係老媽子唔識選擇. 所以我唔介意你指責我唔孝順, 但係我好介意你係討論嘅時候對號入座.

私人傳訊

wmpl

積分: 3000

31^#

發表於 08-6-17 22:26 |只看該作者

原文章由 colinhoc 於 08-6-17 18:34 發表
多謝你讚我.

其實係我自己太緊張個仔, 又怕老婆身體唔好, 又怕佢產後抑鬱....., 到時我返咗工就真係大鑊. 再加上我亞媽又真係一個極品, 就算我老婆再好修養, 都未必支持得住.

宜家鐘點下午5:30到8:30, 其實我 ...

我都明白做夾心人嘅苦處，但係唔好以為你先至係夾心人，ｓｏｒｒｙ，我唔係要指責你，只係想大家論一下，難得哩度有個男人可以互相交流吓～～

其實你如果覺得你係做咗婆媳之間嘅磨心，咁你前妻或好多新抱就做咗男人唔識處理家事嘅犠牲品，點解我咁講？從你嘅ｐｏｓｔ我睇得出你同愚仔冇乜分別，就係你以為逃避係解決問題嘅辦法，可能你冇咁諗過，但你嘅行為其實係冇分別，就係你每日都唔到最後都唔返屋企，儘量保持沉默就係為咗自己耳根清靜，咁你有冇諗過你每日喺街上溜連嘅時候，你太太喺屋企要獨力面對工人／兒子／９９嘅壓力？

而當你選擇唔出聲嘅時候，可能你太太或你母親都只係等你一句決定？如果你唔出聲，唔表態，咁你只係不斷將個問題拖得更深，更難解決，因為女人同男人其實係一樣，雖然可能知你想點，但都唔會隨便幫你喺你老婆／阿媽面前去幫你揸主意去決定一件事，原因就好似係你唔會喺你外父面前講太多你知佢個女想點，所以你就幫佢決定點，如果你外父問你意見，你永遠都只係會講，我同你個女商量吓先，點解會咁？唔駛我講到明啩？而你亦都會真係同你老婆講，話佢阿爸頭先同你講咩，又會問你老婆佢老豆嘅真正意思係乜同應該點答／點做？我相信你老婆都會好有耐性咁同你解釋或者甚至親去答佢阿爸，好直接咁幫你擋埋～～

但係你面對婆媳問題嘅時候就選擇逃避或沉默，你叫你老婆如何面對同你阿媽每日嘅困獸鬥？你愈唔出聲你阿媽就會將你老婆迫得愈緊，咁你老婆向你申訴仲係唔係故意揾你嚟煩？你要清楚個問題出處，唔係無端端有人找你麻煩，係你將個問題一拖再拖，將個問題好似個雪球咁愈滾愈大而已～～

單睇你寫你前妻嘅行為，佢又的而且確係唔抵爭同埋又真係幾過份，但當中嘅經過其實係點我唔清楚，所以我對佢嘅評論僅止於此～～

你經歷過一段婚姻失敗，但係到而家都好似仲未好明瞭解女人嘅心事同好似依然覺得婆媳問題就真係婆媳問題，唔係好關男人嘅事，我想問你，你老婆如果唔將你阿媽，你同你老婆之間嘅問題同你講，佢又可以同應該向邊個講？你先係哩個問題嘅重心，如果連你都唔想聽，唔想講，咁又有邊個可以解決哩個問題？

當然唔係要你獨力去解決個問題，而係兩公婆應該有商有量，有好多時唔係你老婆想煩你，而係你阿媽煩你老婆［因為你成日唔喺度煩你唔到！］又唔想開罪你阿媽，所以你老婆先至乜都要同你講，想知你想佢點樣做同個尺度可以去到邊度？

如你所言，你前妻就係因為佢同你阿媽唔妥，你頂佢唔順就同佢離婚，你知唔知男人咁嘅態度係會令到女人好驚好冇安全感？你阿媽就永遠都係你阿媽，就算你登報紙同佢脫離關係，佢仍然永遠都會係你阿媽，但係一喺律師樓簽紙離婚嗰吓，你同你老婆就再無任何瓜葛，女人係要做好多心力同青春嚟維持一段婚姻，但如果有日你嫌棄佢，佢就前功盡廢，失婚婦人嘅市場如何？相信你係男人你比我更加清楚～～

你成日唔出聲，佢唔知你諗咩？女人一敏感起上嚟就多疑，咁好自然就會囉曪唆唆，哩一點你要體諒，就好似男人有事唔開心嗰陣要保持沉默一樣令女人咁難頂，但女人都要諒解，如果你唔明唔識體諒，兩公婆就一定嗌交多過食飯，弄得家無寧日，最終當然又離婚收場～～

所以如果你選擇繼續沉默是金或拖得就拖嘅態度，而唔明白個問題源頭係喺你同你阿媽度，又唔努力去解決嘅話，我覺得你嘅婚姻危機係永遠存在！

[ 本文章最後由 wmpl 於 08-6-18 12:48 編輯 ]

私人傳訊

laimanw

複式洋房

積分: 399

30^#

發表於 08-6-17 19:38 |只看該作者

你講出我老公的心聲, 我都覺得婆媳關係是會直接影響婚姻,而且這個影響會好大, 我更因為我的99同老公提出分開。我老公好似你咁, 都盡量唔去佢媽到, 佢媽對我做兩面人, 但條八婆對我老公是一個好媽媽。我見老公有時因為我同佢媽的事, 都唔開心, 但佢唔會話我, 因為我有depression (比條八婆攪成)。見佢想見阿媽, 又因為我唔去見, 我有時都登老公心痛, 覺得對佢唔住。所以, 你的說話對我都是一個很大的提醒, 但真的好難做, 唯有好似其他MAMA教落, 少D見條八婆, 同條八婆講少D野。

原文章由 colinhoc 於 08-6-17 11:34 發表
多謝你讚我.

其實係我自己太緊張個仔, 又怕老婆身體唔好, 又怕佢產後抑鬱....., 到時我返咗工就真係大鑊. 再加上我亞媽又真係一個極品, 就算我老婆再好修養, 都未必支持得住.

宜家鐘點下午5:30到8:30, 其實我 ...

私人傳訊

qq媽媽咪

瑪瑙宮

積分: 129844

馬年勳章 2026勳章母親節2025勳章 2025勳章蛇年勳章 2024年龍年勳章 2018復活節勳章開心吸收勳章好媽媽勳章 BK Milk勳章

29^#

發表於 08-6-17 18:47 |只看該作者

原文章由 Miracle2007 於 08-5-2 13:08 發表
自從孖b出世, 我奶奶就差不多日日出現, 由中午到晚上10點, 62收工後亦會出現, 差不多每晚9:30到10:30, 唉, 我有一個工人, 加上我已全職湊仔. 奶奶日日來話幫我手, 但根本佢日日出現反而加重我負擔. 屋企已經唔係大, ...

同你99講話有朋友嚟..叫佢唔好嚟囉...雖然只係一日半日..但都好過冇...跟住你又講下你去你媽處..叫佢又唔好嚟...又話有第2D親戚嚟....等等...起碼對小佢幾日都好..

私人傳訊

積分: 535

28^#

發表於 08-6-17 18:34 |只看該作者

回覆 #1 pe0805 的文章

多謝你讚我.

其實係我自己太緊張個仔, 又怕老婆身體唔好, 又怕佢產後抑鬱....., 到時我返咗工就真係大鑊. 再加上我亞媽又真係一個極品, 就算我老婆再好修養, 都未必支持得住.

宜家鐘點下午5:30到8:30, 其實我都唔係好慣有多個人係屋企, 不過都算啦, 我7:00左右返去, 食完飯一陣佢都走啦.

唔好怪我幫d c6 講說話, 唔係個個男人好似我咁唔孝順, 話哂都係自己老豆老母, 有時真係好難開口. 再加上工人係錢, 出街食飯係錢, 改善老豆老母關係又係錢, 亞B又洗你唔少錢... 可以洗少d, 有老豆老母幫, 點都好過冇.

不過權衡輕重, 我情願駛少d, 生活簡樸d, 都想耳根清靜d.

男人好怕煩, 煩煩吓好易去咗d唔煩嘅女人處, 所以適可而止呀 (希望老婆睇唔到啦).

最後唔應該講都講埋, 其實婆媳關係對婚姻影響好大, 我前妻都係同我亞媽唔夾, 我成日做磨心, 覺得自己好似嫁咗入女家, 個個星期淨係去外母到食飯, 唔係大時大節都唔去亞媽處, 結果離婚收場. 奉勸各位有美貌有智慧嘅太太們, 見好就收啦.

私人傳訊

pe0805

民房

積分: 43

27^#

發表於 08-6-17 14:58 |只看該作者

回覆 #23 JessBB 的文章

其實好明白的9962好想日日見的孫仔孫女, 但當有自己一個家庭的時候,就想有自己的私人空間, 有時的老公又只懂做孝順仔,完全沒理會太太的感受&情緒....(自己媽媽幫手就好d, 99就始終有隔膜) (好少有colinhoc那樣為太太的老公)...

我都有同c6反映叫佢同佢媽講坐月後不用天天來,c6就講話夜晚個餐無人煮,又唔想我煮得辛苦&怕我做唔到, 但我已表明不怕辛苦也做得到,只是唔想日日見6299在我家出現...

私人傳訊

積分: 535

26^#

發表於 08-6-16 23:54 |只看該作者

唉.....

D媽媽真係辛苦, 我老婆開刀生, 又係要成十幾日先上到奶, o個時我請咗兩個月假, 掉低哂公司D嘢, 重請埋日間陪月, 主要就係唔想老豆老母煩住老婆, 影響佢休息.

頂咗兩個月, 我一返工, 老媽子好快就好似美軍進註依拉克咁, 侵略我屋企.

開頭係我老婆星期一四下晝去做瑜伽, 老媽子幫手睇住亞B兩三個鐘. 慢慢由兩三個鐘加到我放工, 再由我放工到我食埋飯 (重要一路係咁催我沖涼, 飲湯....); 由一個星期兩日去到星期一至五 (星期日重要上佢屋企食晚飯), 有時仲要o係我屋企煮.

連我放咗工都唔想返屋企, 行街行到佢走咗先返.

老婆同我都支持唔住, 結果要反面收場. 宜家老婆情願唔做瑜伽, 一個星期請五日鐘點, 自己辛苦D, 都係想兩公婆耳根清靜, 我可以早D返屋企同亞B玩同休息.

不過, 老豆依然係會無通知的情況下自己開門入屋. 有時真係會嚇到老婆同亞B.

私人傳訊

Ceilvilia

積分: 754

好媽媽勳章

25^#

發表於 08-6-16 03:20 |只看該作者

我99就好d, 佢通常weekend先會上嚟睇下個孫, 仲好識做咁俾返一日family day俾我哋. 而且佢上嚟真係幫到我唔少, 等我可以輕鬆d, 仲可以同老公去拍下拖tim. 但係等佢退咗休都可能成日過嚟.

其實我99過嚟我就無乜所謂, 我同佢都有两句傾下, 但係我就最煩我62. 一嚟到就好多嘢講, 又話呢樣要咁, 嗰樣要咁. 成日抱住我個唔囡唔肯放, 囡囡都喊住話要嫲嫲抱, 佢都唔肯放. 到我99抱啦, 佢又多多意見, 有時仲要黑晒臉嚟話佢. 我真係好想同佢講: 你唔好咁多事啦, 你理得我99點湊姐, 我個囡鍾意, 我又放心未得lor. 我個囡唔跟你係事實, 妳唔好再做咁多嘢出嚟啦, 我一見到就想嘔啦.

私人傳訊

kiki523

伯爵府

積分: 18627

24^#

發表於 08-6-15 01:18 |只看該作者

唔入黎睇都唔知,
原來有咁多靚媽同我一樣,
咁可憐

,
叫拒走又唔係,日日准時中午冇約走上黎,
唉.....救命呀,同老公講,拒答...我ar 媽悶,
你咪同BB陪下拒囉,陪拒出去食下野行下街囉,
頂....拒悶我唔悶喎,我唔需要拒陪喎:;pppp: !!

私人傳訊

JessBB

積分: 1003

23^#

發表於 08-6-13 16:15 |只看該作者

原文章由 pe0805 於 08-6-13 13:26 發表
我6299也一個星期來足5日, 有時星期六日都想黎,我亦覺得好煩呀!!!
99十二點來直至食埋夜晚飯先走,佢拿中午飯給我&煮晚飯給我和c6. 明白佢是有心想help我坐月,但我想要多d私人時間....
99來我家有些事不太喜愛
1) 佢 ...

你個cases同我一樣, 佢地一直都有我屋企鎖匙, 我老公係超級孝順仔, 只會幫住佢地, 條key仲唔可以攞番, 因為老公話一定要比佢地, 但佢地都係一樣會自出自入, 你6299都話煮嘢比你食, 我嗰兩條PK, 上嚟攪住晒, 淨係上嚟睇BB, 唔係睇我, 仲要無嘢比我食, 煲湯就淨係煲比個仔即係我老公飲, 我生完之後, 日日嚟, 無停過, 仲話要同D親戚朋友上嚟, 我真係發癲呀!!!!!!!!

佢地成日嚟睇BB, 但就一樣嘢都唔會幫手, 但我未生時已經同老公講咗叫佢老母唔好日日嚟, 但最後生咗都一樣阻唔到佢個PK, 因為咁我憎到佢入骨, 正一八婆PK鄉下婆!!!!!!!!!!!!!!!!

我日日都喊住叫老公同佢地講少D嚟, 因為我餵人奶, 同埋我開刀生, 所以要多D時間休息, 但佢兩條老鬼, 竟然就日日嚟坐 (只係坐住等玩BB, 唔係嚟幫手喎) 我話餵人奶, 佢地就喺出面廳坐到你餵完為止, 我個PK99仲竟然唔拍門入嚟睇BB, 睇到我餵緊人奶, 我真想小佢, 所以到依家我見佢前憎佢後, 我再無同呢個人講嘢, 更唔會稱呼佢, 佢日日嚟, 我話要休息, 佢同我老公講我可以照訓, 佢上嚟唔會嘈住我喎!!!!!!!!!!!! 大佬我同BB同房, 佢上嚟點唔會嘈住我呀????但我老公竟然幫住佢老豆老母, 我不知幾唔開心呀!!!

日日以淚洗面, 我老公仲要幫住佢老母話99都係想見下個孫, 咁我呢????? 有邊個會埋我感受呀!!!!!!!!!!!!!

嗰時我同老公講再係咁, 我會離婚, 因為我真係頂唔住, 佢日日都見到我喊, 又好情緒化, 再講埋離婚佢先識驚, 但佢老母足足折磨咗我兩三個月, 我諗當時我有產後抑鬱, 因為BB唔肯食人奶, 推開我, 當時我諗點解連阿B都咁對我, 要蝦我, 我咪打佢pat pat, 當時BB大喊, 我先醒一醒, 我做咩要打我個仔, 因為我只係諗到, 如果連仔仔都唔食人奶, 咁99日日嚟實話幫我餵奶粉(我個仔一出院返屋企佢就係咁搶住餵奶, 因為我當時仲未上奶), 我唔可以比佢得逞, 我仲日日發夢佢地搶走咗我個仔, 所以我好沮喪, 好唔開心, 但好彩我個仔大喊, 喊醒咗我, 我後來都係餵人奶, 心平氣和咁對個仔, 但對住6299就黑面 (我62仲要見到我黑面, 用鄉下話問我老公我仲咩黑面對住佢地, 以為我唔識聽, 我係唔識聽, 但我老公等佢地走咗話我無禮貌黑面對6299, 你話佢地幾黑人憎呀), 我發覺我要成日都黑面對住佢地, 仲要唔叫佢地, 等佢地知我唔鐘意佢地, 佢地先會知難而退, 所以家陣佢地都唔敢嚟我度咁密, 但因為住得近都要一星期見一至兩次, 我照樣黑面, 有時扮聽唔到電話, 佢地以為無人就唔會上嚟, 有時我知佢地想嚟, 我就同BB工人去街避開佢地, 我真係好憎佢地................唔知點先可以唔再見到佢地, 唯有避得就避, 因為我一見到佢地就會無名火起三千丈

私人傳訊

pe0805

民房

積分: 43

22^#

發表於 08-6-13 13:26 |只看該作者

我6299也一個星期來足5日, 有時星期六日都想黎,我亦覺得好煩呀!!!
99十二點來直至食埋夜晚飯先走,佢拿中午飯給我&煮晚飯給我和c6. 明白佢是有心想help我坐月,但我想要多d私人時間....
99來我家有些事不太喜愛
1) 佢地自己用key入屋又不通知先
2) 佢煮完飯不洗飯煲, 洗碗,奶瓶又dirty..
3) 不搞門就開門入我睡房而我和bb在房裡睡覺....
4) 最初話煮3餐(早午晚三餐飯,我已經話唔需要,佢又話早飯好重要, but煮了一日後,就話早飯好趕, 叫我自己食麵包鮮奶重有益...

而且62也會一起來家(佢雖不會在我家食煙,但一身煙味就抱bb,我好唔鍾意), 還有我在坐月期間,想多些休息,又穿睡衣在家,有男人在實不方便...
唉!!將來的日子也會見得好密(因1st孫&佢兩位好得閒,又住得近....)可以點算?(以前我一星期一次去男家)

私人傳訊

hellobbc

積分: 2562

21^#

發表於 08-6-6 13:43 |只看該作者

我同你地一樣, 99一個星期來足4日, 有時星期六日都想黎,我地一家三口出街佢又跟埋來, 好煩呀!!!
佢多數十二點出來,食埋夜晚飯先走..有時仲過埋夜...我好辛苦囉, 放工返去又要應酬佢,佢靜靜地我都算啦, 斃在佢仲要呀之呀左, 多多意見, 我真係好辛苦.. 同c6講佢又話叫我唔好理佢啦..點唔理
o者, 佢成部fm radio 咁講唔停, 真係好煩, 咁點算? 叫佢唔洗咁辛苦成日出來, 佢又話個工人唔掂, 要睇住...
唉!!!!!!!!!!!!!!!

私人傳訊

wantan