吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 浸會開刀分享

懷孕前後今日: 4|主題: 330458

收藏本版

發帖

返回列表

跳至頁

查看: 10668 | 回覆: 41

浸會開刀分享 [複製鏈接]

12 3

aprnral

大宅

積分: 1737

1^#

發表於 15-1-19 16:43 |只看該作者 |正序瀏覽 |打印

今胎第二胎，兩胎都浸會開刀，等我分享下分別：
兩胎相隔一年四個月，而家細B七日人仔，我都係搵林靜鴻醫生開刀，醫生非常有經驗，快刀手，但為人直率，開刀是我個人意願，我自已想時間好就d，不過佢第一胎勸過我做全麻，但我唔肯，我覺得點可以錯過BB喊第一聲？所以我堅持，咁當然醫生緊係由得我喇。
第一胎記憶猶新，預約開刀當日同老公兩個由地鐵步行去醫院，我係就醫生時間開刀，所以開下午兩點，當天上午九點到浸會醫院，咁就直接上二樓做入院手續，當然要帶自己血報告，醫生出的手術同意書，身份証，我自己走佬袋帶左自己under, 面紙，護膚產品，夜用特長M巾，拖鞋(我見有人著毛毛拖），叉電器，牙膏牙刷，炒米茶，象印熱水樽，醫院就有網褲2條，孕婦M巾一包，腰封，仲洗瓶，鎖頭，小手袋(note該不夠位放)，洗下面既皂液樣品，杯連杯蓋送，填完form(老公有幫手填), 護士問join唔join package, 我答唔join, 4日3夜已夠，再問時間係咪自己指定，我答唔係(最終有位我早左15分鐘開刀，所以如果擲時辰果d要加＄)，又問BB驗唔驗G6DP同唔記得一樣乜野，是政府規定驗所以就驗喇，不過2014年浸會送驗理新陳代謝病，今年已變為減三千蚊，再問BB是否人奶，補咩奶粉，然後自己就跟護士磅重，剃毛，然後就可返床等。
等既時候不外乎同老公影下相，睇下電視，(探病時間由上午7半到夜晚10點)，途中就開始抽血，插尿喉(唔痛，有少少感覺，開始係好唔自在，後尾慣左就感覺唔到)，量下血壓，差不多夠鐘，要先食胃藥，然後就有嬏嬏拎手術用既衫著，只cover到前面，入面咩都無，同要除曬所有鏈同手飾手厄之類，然後夠鐘就連床推我去手術室。
去到入手術室位置，有位姓周的麻醉科醫生同我講解一陣半麻手術係點，護士又會問下有冇食野，老公就帶去另一度換衫洗手，我就推入手術室，由於我半麻，所以老公可以陪產，我先入去過床，周醫生就叫我瞓底打側身打針，佢講解由邊個位打入，打完就九秒九平瞓，然後種豆輸液，再聽到有人叫我老公入行黎，林靜鴻醫生又入黎，老公就坐係我頭附近，不過，老實講支針一打入，我就feel到有30秒呼吸唔到，隨之而來係爆頭痛，痛到我唔想講野，我同麻醉講佢就叫我放鬆d，不過我自已就唔覺得自己好緊張，然後我老公就同d醫生護士傾計，都無5分鐘，feel到比醫生推來推去後，BB就出來喇，好快聽到第一次的喊聲，然後一陣就抱BB比我地影相，醫院送一張，爸爸手機又可以影，與此同時醫生就聯針，成個過程十五至二十分鐘左右跟住完成我又被推返出去等候區，滴子宮收縮藥，周醫生又來問我的感覺，我只答佢我勁頭痛....好似過左大概三十分鈡，我就推左去一間房，第一次餵母乳比BB，約5分鐘，BB係咁二啜下，然後就推返房。
2013年d房都住滿人，入房後已經見到老公，我就開始唔頭痛，不過下半身唔郁得，只可郁腳指，不凖飲食，咁昵段時間麻醉藥未過，當然唔痛，咁就休息下，同老公吹下水，一陣BB就推比我睇5分鐘左右，可以放媽媽旁一陣，其他人都唔可以抱，然後又推走...
(手軟，一陣再寫)

0 0 0

私人傳訊

aprnral

大宅

積分: 1737

42^#

發表於 15-4-3 19:03 |只看該作者

回覆：浸會開刀分享

我岩岩問我老公，佢話生完有姑娘推比佢見下～

私人傳訊

Ball819

別墅

積分: 969

41^#

發表於 15-4-3 17:05 |只看該作者

回覆：aprnral 的帖子

咁係咪應該叫老公守住手術室門口等唔唔好行開

私人傳訊

aprnral

大宅

積分: 1737

40^#

發表於 15-4-3 16:45 |只看該作者

回覆：Ball819 的帖子

老公好似可在BB推出來時會碰見，但我抱先～

私人傳訊

aprnral

大宅

積分: 1737

39^#

發表於 15-4-3 16:43 |只看該作者

回覆：浸會開刀分享

我B黃但都無叫我照，出院BB黃佢都叫我可去診所覆診，但我自己第二日去健康院黃到200我都係去TKO醫院，政府要去到250先照燈，私家未夠已會照，其實自己個人選擇。

私人傳訊

anniec9

別墅

積分: 578

38^#

發表於 15-4-3 08:31 |只看該作者

引用：好勁的梁子正醫生，不過佢不收新症了，係林

原帖由 aprnral 於 15-01-26 發表
好勁的梁子正醫生，不過佢不收新症了，係林醫生拍開既醫生近排唔係度先拍梁醫生，佢好似賭神咁，c ...

我都是係浸會生，兒科醫生又是梁子正醫生，是我的婦科醫生介紹。梁子正醫生真係衰到冇人有，扮晒權威，其實無良呃錢，我的孖B只是有少少黃疸，並未超標，已經要孖B照燈。之後我4日3夜出院，又要我孖B留院照燈。因我好辛苦做左2次IVF先有孖B，梗係聽醫生建議啦！

孖B住多一日出院，梁子正醫生又叫我2日後帶孖B去檢查黃疸，咁梗係去啦！大B的黄疸早左少少，並未超標，佢竟然又要大B入院照燈，仲扮晒專業，誇大嚴重性，嚇新手媽媽，真是無良。

我啱啱開完刀，又要帶住孖B，已經好攰，如果仲要去醫院睇大B，又要照顧小B，真是頂唔住，所以我決定睇多個兒科醫生，屋企附近的江炎輝醫生，佢超好，有耐心，解釋俾我知初生BB有黃疸是正常，只要去健康院check住就ok，放心晒。

我覺得梁子正醫生，聽講係好權威，其實扮野呃錢冇醫德。要求佢填medical claim form, 即黑面，仲話要收錢先肯填。要初生BB去做不必要的醫療程序，真是無良！