吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 浸會開刀分享

懷孕前後今日: 3|主題: 330445

收藏本版

發帖

返回列表

跳至頁

查看: 10656 | 回覆: 41

浸會開刀分享 [複製鏈接]

12 3

aprnral

大宅

積分: 1737

1^#

發表於 15-1-19 16:43 |只看該作者 |倒序瀏覽 |打印

今胎第二胎，兩胎都浸會開刀，等我分享下分別：
兩胎相隔一年四個月，而家細B七日人仔，我都係搵林靜鴻醫生開刀，醫生非常有經驗，快刀手，但為人直率，開刀是我個人意願，我自已想時間好就d，不過佢第一胎勸過我做全麻，但我唔肯，我覺得點可以錯過BB喊第一聲？所以我堅持，咁當然醫生緊係由得我喇。
第一胎記憶猶新，預約開刀當日同老公兩個由地鐵步行去醫院，我係就醫生時間開刀，所以開下午兩點，當天上午九點到浸會醫院，咁就直接上二樓做入院手續，當然要帶自己血報告，醫生出的手術同意書，身份証，我自己走佬袋帶左自己under, 面紙，護膚產品，夜用特長M巾，拖鞋(我見有人著毛毛拖），叉電器，牙膏牙刷，炒米茶，象印熱水樽，醫院就有網褲2條，孕婦M巾一包，腰封，仲洗瓶，鎖頭，小手袋(note該不夠位放)，洗下面既皂液樣品，杯連杯蓋送，填完form(老公有幫手填), 護士問join唔join package, 我答唔join, 4日3夜已夠，再問時間係咪自己指定，我答唔係(最終有位我早左15分鐘開刀，所以如果擲時辰果d要加＄)，又問BB驗唔驗G6DP同唔記得一樣乜野，是政府規定驗所以就驗喇，不過2014年浸會送驗理新陳代謝病，今年已變為減三千蚊，再問BB是否人奶，補咩奶粉，然後自己就跟護士磅重，剃毛，然後就可返床等。
等既時候不外乎同老公影下相，睇下電視，(探病時間由上午7半到夜晚10點)，途中就開始抽血，插尿喉(唔痛，有少少感覺，開始係好唔自在，後尾慣左就感覺唔到)，量下血壓，差不多夠鐘，要先食胃藥，然後就有嬏嬏拎手術用既衫著，只cover到前面，入面咩都無，同要除曬所有鏈同手飾手厄之類，然後夠鐘就連床推我去手術室。
去到入手術室位置，有位姓周的麻醉科醫生同我講解一陣半麻手術係點，護士又會問下有冇食野，老公就帶去另一度換衫洗手，我就推入手術室，由於我半麻，所以老公可以陪產，我先入去過床，周醫生就叫我瞓底打側身打針，佢講解由邊個位打入，打完就九秒九平瞓，然後種豆輸液，再聽到有人叫我老公入行黎，林靜鴻醫生又入黎，老公就坐係我頭附近，不過，老實講支針一打入，我就feel到有30秒呼吸唔到，隨之而來係爆頭痛，痛到我唔想講野，我同麻醉講佢就叫我放鬆d，不過我自已就唔覺得自己好緊張，然後我老公就同d醫生護士傾計，都無5分鐘，feel到比醫生推來推去後，BB就出來喇，好快聽到第一次的喊聲，然後一陣就抱BB比我地影相，醫院送一張，爸爸手機又可以影，與此同時醫生就聯針，成個過程十五至二十分鐘左右跟住完成我又被推返出去等候區，滴子宮收縮藥，周醫生又來問我的感覺，我只答佢我勁頭痛....好似過左大概三十分鈡，我就推左去一間房，第一次餵母乳比BB，約5分鐘，BB係咁二啜下，然後就推返房。
2013年d房都住滿人，入房後已經見到老公，我就開始唔頭痛，不過下半身唔郁得，只可郁腳指，不凖飲食，咁昵段時間麻醉藥未過，當然唔痛，咁就休息下，同老公吹下水，一陣BB就推比我睇5分鐘左右，可以放媽媽旁一陣，其他人都唔可以抱，然後又推走...
(手軟，一陣再寫)

0 0 0

私人傳訊

forest2015

大宅

積分: 1289

2^#

發表於 15-1-19 17:10 |只看該作者

等待分享....

私人傳訊

aprnral

大宅

積分: 1737

3^#

發表於 15-1-19 21:31 |只看該作者

回覆：浸會開刀分享

初生BB頭四個鈡唔睇得，我就繼續瞓，七點左右有護士問我要唔要叫定粥水，我竟然話唔洗，(結果第二朝比我食野但又太早未有人帶野比我食，最終都叫左粥水成半個鐘先到)老公十點先走，直到深夜，我對腳已經完全郁得返，我就試下自己扶住床欄轉身，傷口緊係痛喇，不過唔算好痛，係好似超級乾燥d皮膚抆住咁，痛度可接受，可能因為有郁，好快放屁，半夜仲有姐姐黎洗下面同換孕婦衛生巾，前一張後一張，不過佢叫我自己提高PATPAT, 都其實做到，係會痛d，不過心理關口一定要過，第二朝一早林醫生循完房就食得野，此時就開始用腰封，然後拔埋尿喉，至於第一次落地就一定要等有親人到左先得，咁十點左右老公到，就扶我落床，hm....係痛的，值得一提，其實背脊都有痛，其實都辛苦，不過都要行，因為唔行就去唔到餵奶比BB嘛⋯兒科醫生就上午會來，報告下BB情況，幾重，食左幾多奶等等。
餵BB時間係每日上午8點開始，然後4小時一次直到最後夜晚8點。半夜餵得唔得呢？我估都得，不過我無試，護士都會勸退你，因為你自己都要休息。親子時間是5半到8點，只限爸爸媽媽，可以抱下玩下。
講下餵奶時間，裡面有護士教你餵，如點抱點掃風，𥚃面有成3－4個護士，媽媽得十幾個，所以實夠時間問同教你，不過⋯我自己就失敗了，頭3日無上奶，囡囡又食唔到，反而出院後可以用泵引下，都會上到奶。住院時護士不停叫唔好飲上奶湯水住，個人覺得有道理，因為出唔到奶又要谷，係好辛苦。
講返痛唔痛，其實我有用止痛藥，第一日都有塞肛，反正未上奶，不過傷口都痛既，痛度可接受，因為非怨住痛，所以我覺得好過陣痛掛，我一直到7至10日度先覺＂唔痛＂。
如是者第四日就出院，不過因為BB PATPAT 有個小凹位，兒科想照佢超聲波，2千蚊，所以我地拒絕左，叫左兒科醫生寫紙自己去醫院follow up(最後check完正常）。
其實第一胎惡露好唔同，係頭一兩日有平時Mcome 咁多，之後都好少，啡啡地咁，所以之後跟本唔洗用網褲同孕婦M巾，所以我用普通夜用也Ok，只係我要成三十幾日先清惡露。
第一胎開刀經歷完。
第二胎之後繼續寫⋯

私人傳訊

maykung02

大宅

積分: 1704

4^#

發表於 15-1-19 22:11 |只看該作者

回覆：浸會開刀分享

樓主好詳細分享！

私人傳訊

Fluteli

別墅

積分: 571

5^#

發表於 15-1-19 23:25 |只看該作者

回覆：浸會開刀分享

期待下集

私人傳訊

hehe1912

複式洋房

積分: 173

6^#

發表於 15-1-20 00:29 |只看該作者

回覆：浸會開刀分享

謝謝分享

私人傳訊

hunghungb

男爵府

積分: 6822

育兒性格勳章

7^#

發表於 15-1-20 10:25 |只看該作者

Thx for sharing, very informative!

私人傳訊

coco_616

複式洋房

積分: 474

8^#

發表於 15-1-20 11:14 |只看該作者

引用：初生BB頭四個鈡唔睇得，我就繼續瞓，七點左

原帖由 aprnral 於 15-01-19 發表
初生BB頭四個鈡唔睇得，我就繼續瞓，七點左右有護士問我要唔要叫定粥水，我竟然話唔洗，(結果第二朝比我食 ...

等你啊，好清楚啊？想問你幾歲生第一胎啊

私人傳訊

aprnral

大宅

積分: 1737

9^#

發表於 15-1-20 11:47 |只看該作者

回覆：浸會開刀分享

32 第一胎~

私人傳訊

aprnral

大宅

積分: 1737

10^#

發表於 15-1-20 13:34 |只看該作者

回覆：浸會開刀分享

話說第二胎都係開刀，都係林靜鴻醫生，因為好快有左第二胎，所以好多野都以為操控掌中，我頭三個月都流啡流粉紅我都無咩緊張，又要照顧個大，然後一直照常飲食，直到大約28周，林醫生問我想佢地抽血定我自己返政府拎報告(第一胎是林醫生抽，比＄驗)，我先施施然等下次政府產檢先問醫生拎，點知原來當時第一次係在母嬰健康院驗所以要返去健康院申請，血報告＄1/張紙，共＄4要等2星期健康院開先有得拎，如是者攪到32周先有血報告在手，跟住37周政府就比左份入院文件我跟身，有咩可直去政府產房，咁私家呢？自己以為私家會有內聯有資料，自己原來無copy底血報告又唔見左份醫生手術同意書都唔知(我老公話佢去浸會交訂時比個新職員收左無比返佢)，嘩，即打返去浸會問，點知個職員竟然話無紀錄，嚇餐死，後尾佢地都搵到訂金紀錄，咁就無事喇，結果我地好彩在作動前2日臨時臨急先準備好私家用的文件資料(原來無係唔入得私家或者係好麻煩)，真係有驚無險。
再講今次大安指意，唔單止無準備好文件，連走佬袋都無執，-__- ，政府B鏈我reject左唔check(開刀嘛), 唔好問我點解，因為我以爲會好似第一胎咁可以同老公手牽手入去等做手術，我其實都準備左早幾日放假去攪，點知我拎好文件之後，就有好奇怪既假宮縮，即係一天一下深而長既陣痛，而夜晚仲會有d唔自在，瞓係度又覺得有痛下咁，不過約左4日後先開刀，又唔似有規律既陣痛，咁我自己就諗住小心d唔出街Ok喇，不過咁樣痛痛地既第二晚零晨4點，我開始左陣痛，頂，兩下30分鐘一次，(即download 陣痛apps check 陣痛)，跟住已經20一次然後好快15分鐘一次，我叫醒老公大家研究下入晤入院，我以爲未生得人地私院唔會收，於是諗住睇定d先，如是者又浪費1個鐘，已去到10分鐘一次，我開始好肯定是真陣痛，但又唔係好勁痛，到早上7決定入浸會，先施然打的入去⋯
入到浸會已八點，又係直上二樓，今次人有d唔同，幫我登記有兩個姑娘，有一個好口臭有一個好好，囗臭果個問我想要咩床位，咁我怕晤同床位晤同價，咪問下人囉，頂佢開始串我話咁大個仲要問人，又串被我問果個一定唔夠經驗，頂佢又不停問我點解痛左兩日先入院，又要問人呀咁，當時真係想爆，我鬼識呀，只係見好果個姑娘不停同佢兜，同埋我入黎生仔先算數，然後終於知道開刀係你痛就可以入去開，無人會趕你走。
又做一次入院手續後剃毛，姑娘用手指check我已開一度，宮縮時平瞓成個肚突起，(今次登記入院係上次快版，約30分鐘完成)，姑娘八點幾打比林醫生，林醫生話九點三就做手術，勁快呀，打埋比周醫生無問題就直接去一間房換衫插尿喉食藥就推去手術室。
今次我選全麻，因為頭太痛喇上次，同埋我開始陣痛，我都想有人打暈我(入到院時的痛是長而深)，又好似上次咁問下有冇食野之類就入手術室。
入到手術室又自己過床，麻醉科醫生種豆打點滴，然後我就聞氣跟住就乜都唔知了。

私人傳訊

yatjai

大宅

積分: 1480

11^#

發表於 15-1-20 17:52 |只看該作者

thanks for sharing

私人傳訊

forest2015

大宅

積分: 1289

12^#

發表於 15-1-20 18:10 |只看該作者

謝謝分享, 我黎緊都是在浸會. 聽完你說原來痛就入得去開刀的..咁我如有呢D情況都照入了.

私人傳訊

aprnral

大宅

積分: 1737

13^#

發表於 15-1-20 19:12 |只看該作者

回覆：浸會開刀分享

無幾耐麻醉師叫醒我，自己都晤係好記得咩事，然後就知道自己生左喇，唔知幾耐又推返上房，又見到老公，老公話前後用左一個鐘，今次就唔同上次，我全麻竟然唔係好覺痛，第一晚係因為仲有麻藥，第二日已經無用此痛，仲可以輕鬆去餵BB，之後有問過林醫生，佢話一個人緊張醒住做手術同瞓住做手術係唔同既，所以我諗唔怪得有人話唔痛有人話痛喇。
同時隔離有媽媽又係比預約開刀早左幾日作動，佢仲穿水添，所以佢開刀生但BB都中B鏈，原因可能係穿左水所以都中，當時自己先如夢初醒原來自己唔check B鏈係有風險，希望大家都小心為上。
其他大至同上次生係一樣咁，最唔同都係全麻真係比較輕鬆，連背痛都無，講野思路正常(上次半麻講野頭一個月有時會前後倒轉)，同埋我除左入院登記遇到串咀護士之後都無再見到佢，其他姑娘嬸嬸都好好人，比到服務既，地方又乾淨又新。
好喇，今次分享完結，以上所有真人真事，分享係想趁自己記憶猶新時寫底比大家都了解下開刀過程，我既經歷未必岩你，不過我既情況可能對某個你有d作用，

祝大家生B旅途愉快！