想生BB 今日: 0|主題: 109628

收藏本版

發帖

返回列表

跳至頁

查看: 2070 | 回覆: 30

我的懷孕經歷 [複製鏈接]

thithi

複式洋房

積分: 211

1^#

發表於 15-1-28 17:06 |只看該作者 |正序瀏覽 |打印

我的懷孕之路走得不易。。。

小妹經期準但從來不會記著m來的日子，同老公都身體健康。2010年結婚，天真地以為唔帶套就會有bb,點知個個月都失望。差不多一年了，朋友介紹下睇大圍東叔，食數字藥食左半年，無喜色，仲用左好多錢同時間。當中又戒囗戒到自己都怕。都係無結果。

之後決心睇不育科。醫生都搵唔到原因，只話我地仲後生，可再試下。但我苦苦哀求下，醫生終於答應開針做iui.我又天真地諗到一做就實得，於是會滿懷期望等結果，點知m小姐都係無情地探訪。當中喊過無數次。老公安慰話bb會係適當既時候嚟，叫我唔好急。

第一次iui失敗，有點不甘心，於是就即刻開始第二次。點知都係唔得！想做第三次，點知撞正去旅行，於是同自己講，放鬆一下，回來新開始。

旅程開心輕鬆，16日行程同老公做足14日，返港都仲keep住日日做。直到有一日放工，覺得自己好似病左，發冷發熱，周身骨痛。當時無想到自己會幾時嚟m,但就路唔知點解會走去買驗孕棒回家。用棒後都未睇仲掛住玩手機（因為咋糊食得太多），點知抬頭望既時候，見到傳說中的兩條線！當時開心既喜悅，仲歷歷在目！

就咁生在個成8.7磅既仔仔。

生完後三個月，我地又積極地造人，因為人人都話剛生完好快有。但個個月都失望。灰心到無朋友！我真係好想生多個！朋友介紹下，download 左排卵app,如是者跟住做，做到人都癲，大家為做而做，好在老公好配合，凌晨三點都起身陪我癲！除左狂做，所有方間講過話會助孕的食物湯水我都有食過煲過。每個月都是這樣，每個月都失望，心想幾時先可以唔使再煲！

四個月前，我又去睇不育科，今次係第二個醫生。開左排卵藥，照卵同內膜，樣樣都好好，點知都唔成功。食左三個月，照左好幾次，好貴。期間學人買紅綠d,日日驗，睇自己的生理情況，又睇baby kingdom，好累了！決定放棄，唔驗唔睇，唔再煮助孕食物。

之後果個月就瘋狂地扮靚做運動，差不多隔日跑10k,仲要做成績果重。而同老公keep住一星期三次，因無牽掛，大家都好開心。

係上上星期日，學人check紅d，睇下有無機會啦，見到淺線，心想m前控，無失望，因無期望過，於是無理。繼續同老公keep住一星期三次。跟住果個星期晚晚夜尿，心想都係飲得水多。就係上星期六沖涼，發覺乳頭好痛，記起jm 講過bingo前會咁，但又即刻想可能係老公大力左整親啫。但星期日早上瞓醒，覺得身體好古怪，講唔出係咁，但唔係好自在。於是學人check紅d.竟然睇到兩條深粗！即刻試綠d,有淺線呀！再用棒棒（老公之前買落，其實佢好想有多個小朋友），呀！兩條線呀！

心情既驚又喜！畢竟試左17個月了！
經歷有點長，但想帶出
1/做運動有幫助
2/越想就越無
3/越戒口，越食方間的助孕食物（連滴雞精都試埋，好貴）越唔得
4/唔好成日形住bingo徵兆，因每人每胎都唔一樣
5/上天自有安排，急不來
6/放鬆心情，享受同老公一起的時刻
7/多謝jm的資訊
8/希望大家都快bingo