婆媳關係 今日: 0 | 主題: 27782

積分: 13913

2023年兔年勳章 2021可愛聖誕B勳章 15週年勳章親子王國15週年勳章

1^#

發表於 08-5-19 16:44 |只看該作者 |正序瀏覽 |打印

SORRY, 好長...好長篇.....不過我真係忍無可忍

( 1 ) 叫99擇日你咩都話冇所謂,到定咗日子你先問果日係唔係三娘殺,你明知&覺得話果日唔好你就早講啦!!攪到我屋企人知道之後勁唔開心。

( 2 ) 擺酒當日,一早講明男女家左右平分,當男家有人發現女家有人坐咗你哋果圍問點算時,我阿媽先發展原來男家喺唔知咩時候已經坐晒喺前排,我阿媽已經覺得你哋坐晒女家既坐仲咁惡 ??親戚A仲迫問我阿媽咁點先….嬲到我阿媽即刻答佢”咁我叫佢哋起身俾返你哋坐好唔好?”99就答 ”咁又唔好!!咪俾返一圍你女家坐前面囉”。咩叫俾返一圍我哋女家坐前面??
明明一開始C6同我哥哥親自放D牌….男家坐邊…女家坐邊…..點解你可以咁講嘢?…不過當日我阿媽因為大局所以冇同你計較,亦唔想我唔開心……所以等過後先同我講返,原來我阿婆話當日親眼睇住有人掉換咗d牌!!係邊個做既好事大家心知肚明!!!!

( 3 ) 因為老公話99揍BB好有經驗,所以一開始本來係諗住俾99揍BB。阿B出咗世之後我就返咗娘家坐月, 因為我阿媽揍大哥哥同我之後就冇再揍過BB所以好擔心唔識幫阿B沖涼, 所以就請99過嚟幫阿B沖涼。但係一個話到自己咁有經驗既人點會對岩岩出世幾日既BB咁粗魯??整到BB未脫落既臍帶…攪到BB喊到收唔到聲!!點解會咁粗魯??咪因為99約咗人去街趕時間囉!! 第2日仲勁帶個傷風感冒既人上嚟睇BB,攪到傳染咗俾我。等我坐月都病到七彩瘦咗十幾磅!!!

( 4 ) 阿B同佢去飲荼之後明明已經嘔咗2次,佢講大話同我阿爸阿媽講話阿B嘔咗一次已經俾咗止嘔藥佢食。等我阿爸阿媽帶阿B出街,出到去阿B飲一啖水都嘔到PK。咁我哋咪即刻帶阿B入醫院囉!!喺醫院等緊睇醫生既時候阿B仲嘔到冇野嘔…嘔黃膽水…嘔埋血絲囉!!!之後99都有嚟醫院,謢士問99阿B食過D咩,今日嘔過幾多次…佢先爆出嚟其實嘔過2次……入到醫院做埋TEST先知原來中咗車輪菌……我明白小朋友病就梗有, 不過唔洗講大話呀!!!!

( 5 ) 好喇說時遲那時快就講到今年2008年3月, 阿B由3月4日開始就不停發燒睇咗好多次醫生都唔好,3月11日本來99要同62一齊去拜62個姐夫,99揍阿B返學,學校探到阿B燒到102,所以唔俾佢返學,咁都好正常吖!!
99就打俾我話”學校探到阿B發燒唔俾返學,我而家揍緊佢返屋企”過咗一陣99再打嚟話”我返到屋企幫佢再探熱都冇燒,不過我已經俾咗退燒藥佢食!”。阿99請問阿B冇燒你點解又會俾退發藥佢食呢??
之後我咪打俾阿B睇開個醫生問燒咗咁內都唔好點算啦…醫生就叫我帶阿B去照肺啦!!果排咁多小朋友因流感過身…已經勁擔心啦….咪叫99即刻同阿B上仁安囉!!唔洗用咁出奇既聲問我”我一個同阿B上去呀?”……得冇問題我喺公司坐的士兜埋你去呀!!!
到咗醫院醫生話小朋友燒咗咁耐就算照到個肺有冇事都好,都要同阿B入醫院。由果刻開始99就不停同我講唔好話俾62知, 唔係佢麻雀都唔打就走返嚟睇阿B。其實62返唔返嚟對我來講都無影響,但係唔知點解果刻聽到我真係好想對99反白眼。你同我講都算啦, 老公D表姐打黎問你出唔出去食飯你話阿B病要睇住佢咪算囉…點解要講到咁清楚俾人知阿B要照肺&要入院呢?…..又再講”唔好話俾你舅父知呀…唔係佢麻雀都唔打就即刻仆返嚟”….真係好想問阿99你,你估下人哋聽到會點諗??

仲有醫院床位緊張…仁安自己都冇晒坐….叫我自己搵醫院俾阿B入….當時我朋友同老公不停咁CHECK邊間醫院有位…最後CHECK到得返養和有位。99知道之後第一句唔係話搵到位真係好…而係話”養和喺對面海好遠喎,同埋好貴,唔洗入醫院啦,返屋企睇多幾日先算啦!”….依刻我終於明白…點解會叫唔好話俾62知。因為玩樂同錢對你嚟講重要過個孫!!!可能你唔係咁諗,不過你放心我就一定係咁諗你!!

到肺片出咗…醫生話阿B個肺有少少花咗, 即係話開始有肺炎….不過起碼知道咩事…可以對正下藥….又唔洗一定要入醫院….之後我阿媽打俾我阿爸話俾佢知, 99仲要插咀”阿B都唔係肺炎,阿B都冇病”……果刻我頭頂有隻烏鴉飛過!!!

3月17日阿B一路都係燒下退下…..老公終於出手, 搵咗個兒科專科帶阿B去睇…..醫生話阿B一定要入醫院CHECK咩事……最後CHECK到又中咗微量車輪菌…同埋不停中唔同既感冒菌….所以先會發咁耐燒!!
99多謝你煲粥嚟俾阿B食….如果你唔同我阿媽講”唉…依幾日D車錢好貴!”會仲好囉…..一日來回11蚊…..我叫老公俾返你吓!! 亦都唔怪得你會話養和好遠同好貴….原來唔係擔心醫療費貴係擔心你既車費貴….來回11蚊你已經覺得貴….過海來回咪要咗你條命??

到咗20號醫生話阿B無燒就可以出院,我下午去到摸到個女有燒,你又係咁摸話冇燒唔洗探熱,阿99你隻手唔會準過支探熱針掛....唔好我叫護士探熱,你就係咁話阿B冇燒唔洗探吖!!…….點知探咗出嚟真係有燒….你叫我同你講咩好吖!!

( 6 ) 我都唔知話你黑好定係我黑好….點解阿B次次喺你道住都會病….由3月出院之後阿B已經返咗去我阿媽果邊住…..直到母親節我阿媽要去旅行,我先迫住帶阿B返你果邊…..5 月12日你哋話阿B係咁喊話要搵媽媽…..我明白揍女其實係我既責任,所以我同老公即日執行理返嚟睇住個女, 到咗15號凌晨阿B開始唔舒服….之後仲發燒…..一探又102……我同老公即刻帶阿B出去睇醫生…..之後送咗阿B返去,我哋先返工。
到我放工返去果時…樓下個看更阿姐同我講…你個女出咗去遊車河呀!!!我已經心知不妙。一打電話問62佢竟然真係帶左阿B去街踏單車,好踏單車都算啦…仲要帶阿B去商場玩XX樂園…..大佬呀…果d地方有幾多菌呀..我個女上午先燒到102…下午你話佢有精神就帶佢落街玩…..唯有打俾老公叫老公call佢即刻帶阿B返屋企啦!!62你黑我面都冇用, 我都係為咗個女!!!
不過返到屋企食飯果時我都有解釋返俾62知因為阿B已經病緊,好容易再中其他病菌…..我唔想佢又好似上次咁攪到要入醫院。
好唔容易先攪得掂62唔帶阿B落街玩…點知原來喺屋企一樣係好危險。果晚返到去…62好開心咁同我講阿B今日係都要自己開雪柜攞豆腐花食…咁我就問食咗幾多啦!!62&99就話阿B係要都開晒2盒食呀…..不過每盒都係食咗一半0者…..之後同佢係惠X買嘢……99又買咗雪榚俾阿B食…….返到屋企又話阿B見到薯片一定要食….咁都好佢今日都叫有返D胃口….我一聽完真係O晒咀….我答唔出任何嘢, 但係我又明白多一樣嘢……點解阿B次次喺62&99道住病既話都會病咁耐!!

[ 本文章最後由 twc729 於 08-6-11 12:12 編輯 ]

0 0 0

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

38^#

發表於 08-5-30 15:44 |只看該作者

99你真係好討厭....好乞我憎.....
我以後都唔會再要求你幫我揍B
你要去旅行...好行夾唔送!!
以後我會自己攪掂....廢事阻礙你去旅行!!!
因為你次次都係到最後關頭先同我講問我可唔可以自己揍返....咁0岩有位去旅行!!
如果我OR我屋企人得閒就唔會麻煩你幫手啦!!
你咁問我.....得!!!我明0架喇!!!不過你以後唔好再問我, 阿B幾時返你道...因為我會將機會縮到最低!!
唔係大時大節你都唔洗旨意我俾個孫你見!!

特此通知!!!

仲有由阿B未出世之前你就開口話要俾多幾千蚊你揍B
不過老公話你唔係咁既意思...我到而家都唔會信
因為你隻眼入面我見到

我地2公婆, 一人一份先支持到個屋企
而你個仔每個月都俾幾千蚊家用你!!
99唔好意思我地既收入唔夠去滿足你!!
就算有多幾千蚊...我用黎請工人都唔會俾你!!

[ 本文章最後由 twc729 於 08-5-30 16:07 編輯 ]

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

37^#

發表於 08-5-21 14:36 |只看該作者

原文章由 Siuchoi 於 08-5-21 14:32 發表
[話老人揍點都係錫個孫唔會害個孫!]

講得好!!!!

私人傳訊

Siuchoi

珍珠宮

積分: 32052

36^#

發表於 08-5-21 14:32 |只看該作者

[話老人揍點都係錫個孫唔會害個孫!] <---正常係~ 仲好啱~ 不過你99唔正常~~

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

35^#

發表於 08-5-21 13:52 |只看該作者

原文章由 Siuchoi 於 08-5-21 13:37 發表
請個工人返黎, 分分鍾好過你99~~

如果我有多餘錢加我老公俾我請工人, 我一早請咗啦!!
我老公唔俾請工人(仲要係強烈反對果隻)...話老人揍點都係錫個孫唔會害個孫!

私人傳訊

Siuchoi

珍珠宮

積分: 32052

34^#

發表於 08-5-21 13:37 |只看該作者

請個工人返黎, 分分鍾好過你99~~

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

33^#

發表於 08-5-21 13:06 |只看該作者

原文章由 tingtingb 於 08-5-21 12:14 發表
我老公都係好愚孝o架！就算62&99地唔岩都好少話佢o架！除了對個囡的政策佢先會作出行動咋！老公仲開到口講明鬧緊個女邊個都唔可以幫口，邊個幫鬧埋佢！

或者你要搵機會同你老公傾下囉！講真大家都係為個小朋友好o者！而且又唔係唔 ...

我老公都有同62,99傾過0架!!
不過如果62,99話得聽, 我就唔洗一而再,再而三咁嘔血收場啦!!

我記得有一次同62,99 & 佢哋既大陸親戚一齊食飯
因為阿B太曳..我老公就輕輕打咗阿B隻手一下...
點知62即時鬧的老公" 你痴X線0架!!你都唔識做人老豆0既"
我咪又O晒咀囉!!我老公都無出聲同個阿爸講話係教!!
因為62有心臟病...我就唔敢同佢有咩正面沖推喇!!

其實我諗過好多方法去解決大家中間既問題0架!!
不過暫時好多嘢同環境未許可...所以都係得個忍字囉!!

私人傳訊

tingtingb

積分: 3206

32^#

發表於 08-5-21 12:14 |只看該作者

我老公都係好愚孝o架！就算62&99地唔岩都好少話佢o架！除了對個囡的政策佢先會作出行動咋！老公仲開到口講明鬧緊個女邊個都唔可以幫口，邊個幫鬧埋佢！

或者你要搵機會同你老公傾下囉！講真大家都係為個小朋友好o者！而且又唔係唔比你62&99見，只不過平日最好都唔好比佢湊囉！weekend見咪一樣，而且再係咁落去，除左你對你62&99越來越反感外，都會影響你同老公的感情。

係咁忍，谷住谷住，到噴煲果時，就真係好難收料。

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

31^#

發表於 08-5-21 11:07 |只看該作者

原文章由 tingtingb 於 08-5-21 10:47 發表
我成日覺得教好一個小朋友，係要花很多時間和心機，有句說話"學壞3日就夠喇！學好...3年都唔夠呀！"而且3歲定80...或者你同老公相量下，有無其他更好的方法...

由於我同老公都擔心賓賓湊bb唔安全，好彩比我地搵到個好褓母，褓母幫 ...

你同老公意見一至就緊係無問題啦
我老公係好錫佢爸爸媽媽0架
就算好多嘢明知係佢屋企人錯, 我老公都會幫佢哋氹返我
我老公成日同我講, 老人家見得個孫幾多年丫....or
你係唔係想我阿媽臨老唔過得世丫....

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

30^#

發表於 08-5-21 11:00 |只看該作者

啱啱睇到其他媽咪講 62 ,99教佢個B打人
令我又想返起我62, 99都有過差唔多既情況出現過
有一陣子阿B好鍾意踢人...唔日都話踢邊個踢邊個...有時得個講字...有時就真係會踢落去
喺我教緊阿B唔好踢人既時候....佢間中都仲會話踢人
有一日阿B發脾氣話唔食飯,62又係咁氹阿B食飯...阿B就係咁講踢爺爺....踢爺爺....隻腳仲做埋動作....當時我已經火火哋
小朋友發脾氣唔食嘢我就覺得唔洗氹佢食,肚餓佢就自然會叫你俾嘢佢食, 餐餐都要氹佢食咪好唔得閒??
但係62竟然咁同阿B講"踢爺爺呀??係囉...你要食咗飯先有力氣踢爺爺0架嘛"
我一聽到差d血都嘔埋出嚟........62我明你錫個孫....但係你依d唔係叫錫係叫縱囉.....

私人傳訊

tingtingb

積分: 3206

29^#

發表於 08-5-21 10:47 |只看該作者

我成日覺得教好一個小朋友，係要花很多時間和心機，有句說話"學壞3日就夠喇！學好...3年都唔夠呀！"而且3歲定80...或者你同老公相量下，有無其他更好的方法...

由於我同老公都擔心賓賓湊bb唔安全，好彩比我地搵到個好褓母，褓母幫我湊囡囡已經5年半喇！大家都好有默契去教我個囡...

我每天8點就送囡囡去褓母家便返工，放工便去買餸，再去接囡囡，之後煮個簡單的晚餐，又要做家務。其實屋企人成日都話我蠢，請褓母的錢都夠請個工人，自己就唔駛咁辛苦...但眼見囡囡一直也很乖巧，所以辛苦d都值得...

我和褓母也有共識~~如何教好囡囡，而且不能寵得過份，事事要講道理，因此我囡囡(獨女)也不會變成小霸王...

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

28^#

發表於 08-5-20 22:32 |只看該作者

原文章由 tingtingb 於 08-5-20 17:15 發表
不如你試下搵d幼稚園係返全日的，咁咪少d係屋企囉！小d對住你62&99，對小朋友會安全嘛！

係kb真係聽好多呢dpk62&99，好彩我地bb出世99返緊工，如果比佢湊，我諗都會出現好多問題。

我個囡囡幾個月大比芒果比佢舔，話佢又唔理，有次我 ...

我一開始係話俾BB返育嬰園,之後夜晚自己揍返0架
不過所有屋企人都反對, 話BB太細...返育嬰園好殘
喊都唔會有人理...得我一個人話唔到事.......
後來兩邊屋企都有事...唔可以長時間揍B
咁我先可以安排到阿B返育嬰園咋.....
好似今年3月阿B返咗我阿媽道...已經教到好乖
不過5月5日開始返咗62,99道...佢哋唔洗3日已經可以將所有嘢推翻
縱到阿B唔聽人講...話要點就要點
琴日我終於忍唔住..又揍返阿B返我阿媽道
不過依兩日我就慘喇...又要慢慢教返好個B

私人傳訊

tingtingb

積分: 3206

27^#

發表於 08-5-20 17:15 |只看該作者

不如你試下搵d幼稚園係返全日的，咁咪少d係屋企囉！小d對住你62&99，對小朋友會安全嘛！

係kb真係聽好多呢dpk62&99，好彩我地bb出世99返緊工，如果比佢湊，我諗都會出現好多問題。

我個囡囡幾個月大比芒果比佢舔，話佢又唔理，有次我地食buffet，當時囡囡約8個月，99竟然比朱古力蛋糕佢食，今次老公就發火鬧佢"都話左bb仔唔食得呢d野o架！話極都係咁！"自始99就唔敢亂比野我囡囡食了。

99依家退左休，佢日日都會去姑仔屋企幫佢睇b(人地已經有工人姐姐)，點知姑仔bb得14個月就比咖啡和辣麵佢食，雖然唔係飲/食好多，後來比99女婿發現，佢仲笑笑口話bb食完仲再來要o添！
心諗如果呢個係我個bb，我真係會發癲鬧佢呀！太離譜喇！

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

26^#

發表於 08-5-20 14:41 |只看該作者

錫晒你哋~~
唔同你哋呻我仲可以點, 唔通真係同個c6離婚咩?
因為佢阿媽...唔值囉!

你哋知我c6幾咁幫佢阿媽0架啦~~
咪次次越嘈越人鑊囉!!

[ 本文章最後由 twc729 於 08-5-20 14:43 編輯 ]

私人傳訊

cwinnie

積分: 4981

25^#

發表於 08-5-20 14:39 |只看該作者

我都係樓主朋友....有時聽佢"SUN"聽到火都來埋!!!

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

24^#

發表於 08-5-20 14:35 |只看該作者

係呀~~99仲有做一樣嘢我勁唔鍾意
新年親戚朋友封利事俾阿B佢永遠同我拆開晒睇過先再俾我
我真係好唔鍾意囉, 真係勁無品呀!!!

私人傳訊

hoisze_t

複式洋房

積分: 412

23^#

發表於 08-5-20 12:43 |只看該作者

我係樓主朋友, 眼見阿囡不停咁病要睇醫生都替佢肉痛....

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

22^#

發表於 08-5-20 11:43 |只看該作者

原文章由 小可愛bb 於 08-5-20 11:38 發表
咁恐怖!!我係樓主就唔會俾阿b同6299單獨一齊!!

如果我有能力咁做既話, 我一定唔會俾佢哋揍阿B...可惜我暫時未有咁既能力!

私人傳訊

小可愛bb

積分: 2465

21^#

發表於 08-5-20 11:38 |只看該作者

咁恐怖!!我係樓主就唔會俾阿b同6299單獨一齊!!

私人傳訊