婆媳關係 今日: 0 | 主題: 27782

積分: 13913

2023年兔年勳章 2021可愛聖誕B勳章 15週年勳章親子王國15週年勳章

1^#

發表於 08-5-19 16:44 |只看該作者 |倒序瀏覽 |打印

SORRY, 好長...好長篇.....不過我真係忍無可忍

( 1 ) 叫99擇日你咩都話冇所謂,到定咗日子你先問果日係唔係三娘殺,你明知&覺得話果日唔好你就早講啦!!攪到我屋企人知道之後勁唔開心。

( 2 ) 擺酒當日,一早講明男女家左右平分,當男家有人發現女家有人坐咗你哋果圍問點算時,我阿媽先發展原來男家喺唔知咩時候已經坐晒喺前排,我阿媽已經覺得你哋坐晒女家既坐仲咁惡 ??親戚A仲迫問我阿媽咁點先….嬲到我阿媽即刻答佢”咁我叫佢哋起身俾返你哋坐好唔好?”99就答 ”咁又唔好!!咪俾返一圍你女家坐前面囉”。咩叫俾返一圍我哋女家坐前面??
明明一開始C6同我哥哥親自放D牌….男家坐邊…女家坐邊…..點解你可以咁講嘢?…不過當日我阿媽因為大局所以冇同你計較,亦唔想我唔開心……所以等過後先同我講返,原來我阿婆話當日親眼睇住有人掉換咗d牌!!係邊個做既好事大家心知肚明!!!!

( 3 ) 因為老公話99揍BB好有經驗,所以一開始本來係諗住俾99揍BB。阿B出咗世之後我就返咗娘家坐月, 因為我阿媽揍大哥哥同我之後就冇再揍過BB所以好擔心唔識幫阿B沖涼, 所以就請99過嚟幫阿B沖涼。但係一個話到自己咁有經驗既人點會對岩岩出世幾日既BB咁粗魯??整到BB未脫落既臍帶…攪到BB喊到收唔到聲!!點解會咁粗魯??咪因為99約咗人去街趕時間囉!! 第2日仲勁帶個傷風感冒既人上嚟睇BB,攪到傳染咗俾我。等我坐月都病到七彩瘦咗十幾磅!!!

( 4 ) 阿B同佢去飲荼之後明明已經嘔咗2次,佢講大話同我阿爸阿媽講話阿B嘔咗一次已經俾咗止嘔藥佢食。等我阿爸阿媽帶阿B出街,出到去阿B飲一啖水都嘔到PK。咁我哋咪即刻帶阿B入醫院囉!!喺醫院等緊睇醫生既時候阿B仲嘔到冇野嘔…嘔黃膽水…嘔埋血絲囉!!!之後99都有嚟醫院,謢士問99阿B食過D咩,今日嘔過幾多次…佢先爆出嚟其實嘔過2次……入到醫院做埋TEST先知原來中咗車輪菌……我明白小朋友病就梗有, 不過唔洗講大話呀!!!!

( 5 ) 好喇說時遲那時快就講到今年2008年3月, 阿B由3月4日開始就不停發燒睇咗好多次醫生都唔好,3月11日本來99要同62一齊去拜62個姐夫,99揍阿B返學,學校探到阿B燒到102,所以唔俾佢返學,咁都好正常吖!!
99就打俾我話”學校探到阿B發燒唔俾返學,我而家揍緊佢返屋企”過咗一陣99再打嚟話”我返到屋企幫佢再探熱都冇燒,不過我已經俾咗退燒藥佢食!”。阿99請問阿B冇燒你點解又會俾退發藥佢食呢??
之後我咪打俾阿B睇開個醫生問燒咗咁內都唔好點算啦…醫生就叫我帶阿B去照肺啦!!果排咁多小朋友因流感過身…已經勁擔心啦….咪叫99即刻同阿B上仁安囉!!唔洗用咁出奇既聲問我”我一個同阿B上去呀?”……得冇問題我喺公司坐的士兜埋你去呀!!!
到咗醫院醫生話小朋友燒咗咁耐就算照到個肺有冇事都好,都要同阿B入醫院。由果刻開始99就不停同我講唔好話俾62知, 唔係佢麻雀都唔打就走返嚟睇阿B。其實62返唔返嚟對我來講都無影響,但係唔知點解果刻聽到我真係好想對99反白眼。你同我講都算啦, 老公D表姐打黎問你出唔出去食飯你話阿B病要睇住佢咪算囉…點解要講到咁清楚俾人知阿B要照肺&要入院呢?…..又再講”唔好話俾你舅父知呀…唔係佢麻雀都唔打就即刻仆返嚟”….真係好想問阿99你,你估下人哋聽到會點諗??

仲有醫院床位緊張…仁安自己都冇晒坐….叫我自己搵醫院俾阿B入….當時我朋友同老公不停咁CHECK邊間醫院有位…最後CHECK到得返養和有位。99知道之後第一句唔係話搵到位真係好…而係話”養和喺對面海好遠喎,同埋好貴,唔洗入醫院啦,返屋企睇多幾日先算啦!”….依刻我終於明白…點解會叫唔好話俾62知。因為玩樂同錢對你嚟講重要過個孫!!!可能你唔係咁諗,不過你放心我就一定係咁諗你!!

到肺片出咗…醫生話阿B個肺有少少花咗, 即係話開始有肺炎….不過起碼知道咩事…可以對正下藥….又唔洗一定要入醫院….之後我阿媽打俾我阿爸話俾佢知, 99仲要插咀”阿B都唔係肺炎,阿B都冇病”……果刻我頭頂有隻烏鴉飛過!!!

3月17日阿B一路都係燒下退下…..老公終於出手, 搵咗個兒科專科帶阿B去睇…..醫生話阿B一定要入醫院CHECK咩事……最後CHECK到又中咗微量車輪菌…同埋不停中唔同既感冒菌….所以先會發咁耐燒!!
99多謝你煲粥嚟俾阿B食….如果你唔同我阿媽講”唉…依幾日D車錢好貴!”會仲好囉…..一日來回11蚊…..我叫老公俾返你吓!! 亦都唔怪得你會話養和好遠同好貴….原來唔係擔心醫療費貴係擔心你既車費貴….來回11蚊你已經覺得貴….過海來回咪要咗你條命??

到咗20號醫生話阿B無燒就可以出院,我下午去到摸到個女有燒,你又係咁摸話冇燒唔洗探熱,阿99你隻手唔會準過支探熱針掛....唔好我叫護士探熱,你就係咁話阿B冇燒唔洗探吖!!…….點知探咗出嚟真係有燒….你叫我同你講咩好吖!!

( 6 ) 我都唔知話你黑好定係我黑好….點解阿B次次喺你道住都會病….由3月出院之後阿B已經返咗去我阿媽果邊住…..直到母親節我阿媽要去旅行,我先迫住帶阿B返你果邊…..5 月12日你哋話阿B係咁喊話要搵媽媽…..我明白揍女其實係我既責任,所以我同老公即日執行理返嚟睇住個女, 到咗15號凌晨阿B開始唔舒服….之後仲發燒…..一探又102……我同老公即刻帶阿B出去睇醫生…..之後送咗阿B返去,我哋先返工。
到我放工返去果時…樓下個看更阿姐同我講…你個女出咗去遊車河呀!!!我已經心知不妙。一打電話問62佢竟然真係帶左阿B去街踏單車,好踏單車都算啦…仲要帶阿B去商場玩XX樂園…..大佬呀…果d地方有幾多菌呀..我個女上午先燒到102…下午你話佢有精神就帶佢落街玩…..唯有打俾老公叫老公call佢即刻帶阿B返屋企啦!!62你黑我面都冇用, 我都係為咗個女!!!
不過返到屋企食飯果時我都有解釋返俾62知因為阿B已經病緊,好容易再中其他病菌…..我唔想佢又好似上次咁攪到要入醫院。
好唔容易先攪得掂62唔帶阿B落街玩…點知原來喺屋企一樣係好危險。果晚返到去…62好開心咁同我講阿B今日係都要自己開雪柜攞豆腐花食…咁我就問食咗幾多啦!!62&99就話阿B係要都開晒2盒食呀…..不過每盒都係食咗一半0者…..之後同佢係惠X買嘢……99又買咗雪榚俾阿B食…….返到屋企又話阿B見到薯片一定要食….咁都好佢今日都叫有返D胃口….我一聽完真係O晒咀….我答唔出任何嘢, 但係我又明白多一樣嘢……點解阿B次次喺62&99道住病既話都會病咁耐!!

[ 本文章最後由 twc729 於 08-6-11 12:12 編輯 ]

0 0 0

私人傳訊

zoezoebaby

侯爵府

積分: 22851

2^#

發表於 08-5-19 17:44 |只看該作者

難為你仲可以繼續忍囉！索性叫你媽咪幫你湊啦！

原文章由 twc729 於 08-5-19 16:44 發表
SORRY, 好長...好長篇.....不過我真係忍無可忍

( 1 ) 叫99擇日你咩都話冇所謂,到定咗日子你先問果日係唔係三娘殺,你明知&覺得話果日唔好你就早講啦!!攪到我屋企人知道之後勁唔開心。

( 2 ) ...

私人傳訊

bobo_bo99

積分: 4947

3^#

發表於 08-5-19 18:02 |只看該作者

你點解唔出聲話佢地, 你真係好俾面佢忍得, 我真係唔得, 因為佢地好似係蠻荒世界出來甘既.

私人傳訊

kvstephanie

禁止訪問

積分: 1368

4^#

發表於 08-5-19 19:56 |只看該作者

提示: 作者被禁止或刪除內容自動屏蔽

私人傳訊

moonychan

珍珠宮

積分: 42559

叻叻勳章 wyeth冷知識勳章 2011至尊種植勳章畀面勳章環保接龍勳章大廚勳章親子達人勳章

5^#

發表於 08-5-19 20:10 |只看該作者

積埋積埋咁多野, 你都算真係 EQ 高.

私人傳訊

dausze

積分: 1230

6^#

發表於 08-5-19 22:12 |只看該作者

你都算勁，咁都忍到，我62都好勁，比隻手指我個女食(得2個月大)，仲話好在我頭先洗左手，6299

係咪天下間最變態既生物

私人傳訊

88328mama

伯爵府

積分: 17076

7^#

發表於 08-5-19 22:35 |只看該作者

你囡囡俾你 99 咁湊法想身體健康都好難, 真係諗諗搵你媽咪, 又或者請過工人湊好過啦, 咁攪法真係睇醫生多過食飯.

私人傳訊

kellyly

侯爵府

積分: 24623

好媽媽勳章畀面勳章

8^#

發表於 08-5-19 22:47 |只看該作者

你快d搵你mami湊la,你62 99咁都可安心比佢地湊既.
我62 99佢地就係同你62 99咁一樣ka,所以一生左我決定自己湊番死都唔比佢地湊.
我見62 99佢地湊緊個孫女當時既情況同你一模一樣呀.
但我身邊就多個c6又係咁,死得.

私人傳訊

E@V

積分: 1312

9^#

發表於 08-5-19 22:52 |只看該作者

睇黎你99 唔係好識湊小朋友喎!!
樓主, 我睇你諗下有無其他方法照顧你小朋友好d 喎! 唔係你個女實俾佢整到成日病呀!!

私人傳訊

舞秋月

複式洋房

積分: 229

10^#

發表於 08-5-19 22:55 |只看該作者

以後唔好俾個隻99掂BB, 掂下都唔得

佢真係太恐怖!!

BB細細個身體底子搞到咁差, 成日出入醫院, 大個左會好容易病, 為左BB健康著想, 快D帶佢遠離危險人物 !

私人傳訊

KoyeBaby

積分: 12904

醒目開學勳章畀面勳章

11^#

發表於 08-5-19 23:34 |只看該作者

咁細個就要成日睇醫生...你6299一d常識都無!!!知唔知小朋友病親可大可小架?唔好再俾佢哋湊啦,我見到覺得好驚~~
點可以咁樣架!小朋友話要咩都俾佢?你下次教你個b話要層樓睇下佢哋會唔會咁順攤!!!!

私人傳訊

wmpl

積分: 3000

12^#

發表於 08-5-19 23:48 |只看該作者

嘿嘿!!樓主你嘅6299果然好威,你又咁都可以忍到嘅?
俾着係我就同佢哋反咗面九世,
話之你係玉皇大帝?!

小朋友嘅健康建立得好唔好都係會影響其一生,
所以哩個並唔係你忍唔忍到嘅問題,
因為根本就無需要忍,你應該即場就同佢開拖教訓吓佢哋,
就算佢哋唔聽你講都好,起碼都唔敢咁放肆!!

你唔好以為我喺度講風涼話,
我確實係有咁做過,為嗰個仲唔係我個仔,
係我c6個姪仔,c6阿媽縱到個孫超級不知所謂,
仲竟然可以為咗自己同佢新抱鬥氣就連個孫嘅安危都不顧,
你話哩d係咪正一pk大賤人,自私到無譜,
有時我懷疑如果喺戰亂時期,
佢連親生骨肉都可以出賣只為保存自己,
其實都唔駛估亦唔駛等打到嚟,
而家c6阿媽生於太平時代豐衣足食,但為咗自己啖氣,
一樣試過好多次喺我面前數臭佢其他仔,
仲要係生安白造,歪曲事實咁亂作出嚟,
可想而知此婦人心腸何其陰險歹毒?!

話說我見佢個孫成日病,每次都起碼睇三次醫生先會好,
其實以前一路大慨都知道情況,但我唔係同佢哋一齊住,
我同個細路又非親非故,又根本都唔知事實係點?
所以我冇權亦唔想多事就冇出過聲,
只係叫c6得閒就同佢阿媽傾吓唔好俾太多零食過細路食,
c6阿媽當然又係意見接受,態度照舊啦!

到一齊住之後,我發覺情況比我所知嘅嚴重得多,
個細路幾乎個個月都要睇醫生,每次起碼睇三次先好,
而藥力就更加愈開愈重,原因好簡單亦好好嚴重,
就係佢哋兩婆媳非但冇因為個細路嘅體質,
而好好照料嗰小朋友嘅起居飲食,仲經常給予無益零食,
在發病期間也沒嚴格戒口,平時就更加不用多說,
但係佢哋兩婆媳從不反省就只怪醫生不好或互相推卸責任!!

最終連個醫生都話唔好成日帶個小朋友嚟睇醫生,
以為有醫生睇就唔駛驚,但醫生唔係神仙,
開藥都只係跟病理去開,並唔係仙丹,唔會一食就好,
同埋睇醫生食藥係要嚟醫病,並唔係用嚟保障健康,
哩一點就好多家長都誤解咗!!

真正嘅健康後要靠湊小朋友嗰位同埋家長去負責
湊小朋友平時要留意其飲食同運動量是否均衡或足夠?
如果小朋友陏吓就睇醫生打針食藥,
咁佢嘅抵抗力同免疫大軍永遠都唔會強壯起來,
食得多藥都絕對唔係好事,身體只會越嚟越潺,
而當藥開到盡都未能醫好的話,就神仙都冇符@@

其實類似嘅說話我苦口婆心咁同c6阿媽講咗N咁多次
本來唔想理嘅我亦忍唔住要出口,
但係有d人就係咁衰格係要俾人鬧先安樂,
不過都並唔表示佢會真真正正聽人講,
哩d賤人為咗鬥氣咩都做得出,
有一次啱啱先同佢講完個小朋友有d咩都唔食得,
轉頭佢就買齊哂番嚟,小朋友見到當然又會扭,

咁我同佢新抱都已經異口同聲話仲食緊藥唔准食零食,
點知條賤人聽到就扮哂去斟水飲但其實係靜靜雞拆開包餅,
係人都知佢個孫不嬲一聽到拆膠袋聲就好敏感,
即時九秒九衝咗去佢阿嫲度,
條pk自己都未食就"拿拿聲"塞咗一塊入個細路個口度,
真係喝都喝唔切,我火起上嚟就鬧條pk係咪玩嘢?
我哋嗰頭話完唔俾食,你就偷偷開嚟仲塞埋入口俾佢食?!
佢仲死撑話一塊半塊有咩所謂?
好la,又有現眼報la,佢個孫食完塊餅就又試咳到嘔,
先至識緊驚同收聲但都仲係死唔忿氣咁嘅樣,正賤人!!

私人傳訊

KoyeBaby

積分: 12904

醒目開學勳章畀面勳章

13^#

發表於 08-5-20 00:00 |只看該作者

原文章由 wmpl 於 08-5-19 23:48 發表
嘿嘿!!樓主你嘅6299果然好威,你又咁都可以忍到嘅?
俾着係我就同佢哋反咗面九世,
話之你係玉皇大帝?!

小朋友嘅健康建立得好唔好都係會影響其一生,
所以哩個並唔係你忍唔忍到嘅問題,
因為根本就無需要忍,你 ...

唉...我都好驚99第時都係咁縱我個女...囡囡依家7個月大佢就做唔到d咩,但係到bb識行識扭嗰陣,佢一定係咁塞佢食嘢!!佢已經日日話bb食得少,第時帶佢去飲茶去麥當當...最弊佢同你99係同一類人---講又唔聽,聽又唔明,明又唔做,做又做錯!!!

私人傳訊

wmpl

積分: 3000

14^#

發表於 08-5-20 00:35 |只看該作者

原文章由 KoyeBaby 於 08-5-20 00:00 發表

唉...我都好驚99第時都係咁縱我個女...囡囡依家7個月大佢就做唔到d咩,但係到bb識行識扭嗰陣,佢一定係咁塞佢食嘢!!佢已經日日話bb食得少,第時帶佢去飲茶去麥當當...最弊佢同你99係同一類人---講又唔聽,聽又唔明,明 ...

所以話呢,哩d咁嘅人你唔理佢,容忍佢,好聲好氣教埋佢,
但佢死都要撩到你發火先收少少手,又點需要忍佢呢?

再者為咗自己個小朋友嘅教育同健康着想,
根本就無咁多時間俾新抱去忍同等99去改,
小朋友嘅健康同品行被破壞嗰陣就好難返到轉頭,
尤其是身體健康更為重要,搞壞咗個底子日後以後都有手尾跟,
應該出聲就出聲,有d小人同佢講十萬個道理都冇用,
因為佢根本就係搞對抗,為鬥氣而鬥氣,
情非得已就鬧佢都冇法子,不過記住一件事還一件事,
千祈唔好隨便挖番過去咗嘅嘢嚟講同埋一定要言之成理,
唔好中佢計,嘈嘈吓變咗為嗌交而嗌交,咩惡毒嘢都噏埋出嚟,
哩d嘢有時冇得避,惟有自己諗好點應對,
唔好到時先衝口而出就實會踩哂蕉皮!!

私人傳訊

yan813

積分: 4231

好媽媽勳章畀面勳章

15^#

發表於 08-5-20 00:47 |只看該作者

佢地好似一d感覺都無咁既...佢地唔知一次又一次搞到你個女唔舒服架咩...
唔好比佢地湊啦...如果唔係真係食藥多過食飯...

私人傳訊

JFL

伯爵府

積分: 17193

16^#

發表於 08-5-20 01:27 |只看該作者

比我.佢同仔仔第一次冲涼對岩岩出世幾日既BB咁粗魯,整到BB未脫落既臍帶…攪到BB喊到收唔到聲果時,已經唔會比佢揍!

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

17^#

發表於 08-5-20 10:22 |只看該作者

原文章由 zoezoebaby 於 08-5-19 17:44 發表
難為你仲可以繼續忍囉！索性叫你媽咪幫你湊啦！

因為我阿媽輕微中風過, 所以唔可以長時間幫我揍B!!

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

18^#

發表於 08-5-20 10:25 |只看該作者

原文章由 魔鬼天使 於 08-5-19 17:59 發表
問下你62,99,
如果阿b見到人食煙,佢又要食埋一份,
咁佢地係咪照比佢食呀??
痴痴地架,唔係佢話要食咩就比家嘛,
佢地係咪傻架??

佢哋唔係傻..係62縱到我阿B無法無天
一來話佢細...二來係第一個孫

私人傳訊

積分: 13913

2023年兔年勳章 2021可愛聖誕B勳章 15週年勳章親子王國15週年勳章

19^#

發表於 08-5-20 10:28 |只看該作者

原文章由 bobo_bo99 於 08-5-19 18:02 發表
你點解唔出聲話佢地, 你真係好俾面佢忍得, 我真係唔得, 因為佢地好似係蠻荒世界出來甘既.

我唔會自己開口話佢哋, 我會打電話俾我老公話佢哋,因為果個係佢阿爸阿媽

如果我開聲話62 & 99, 佢哋D親戚一定會話我唔識做人
就算係62&99唔岩都好!!

私人傳訊