吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 佢咁細個已咁壞，我唔知可以點做了！！求意見！ ...

少年成長今日: 2|主題: 15995

收藏本版

發帖

返回列表

跳至頁

查看: 3258 | 回覆: 26

佢咁細個已咁壞，我唔知可以點做了！！求意見！ [複製鏈接]

小J媽媽

大宅

積分: 2694

1^#

發表於 15-3-17 10:50 |只看該作者 |正序瀏覽 |打印

我大仔的表現令我非常痛心及失望, 希望各位媽媽可指教一下我:

我仔現讀小一升讀未夠一年，除了平時的學習勞氣外, 他做出很多壞事：

1. 學校義賣一些植物，我之前問阿仔，他說無所謂，所以便沒有俾錢他回校買，但當天他偷了同學的植物回家，亦偷了另一同學打算買植物的十元。我還未下班，有媽媽打電話問我知唔知我仔有否”取”了他兒子的植物，我回家後我軟硬兼施問阿仔，他振振有詞說沒有，我亦相信阿仔沒有……結果第二天,在老師審問下阿仔認了是自己偷了,老師還幫他講好說話認為他只是貪玩。

2. 上星期, 同一老師通知我, 阿仔在默書當天被發現在櫃桶內寫了一些字…..老師之後問他, 他只是寫了, 但真的沒有偷睇。話自己知錯會改…而當日他在櫃桶寫了的其中一隻字, 他默書時是錯了的。或許他真的沒偷睇到。

3. 昨天在家很隱秘的位, 找到他同學的一本習作, 自己攞C的工作紙和一張他多手撕破的文件(家庭的東西)。之前他同學的媽媽已在谷內問有無人見他兒子的作業, 當時我不見阿仔書包有, 原來他怕被我罵, 他不敢承認。至於另外的兩件東西, 他都是怕我見到會責罵他, 所以他收埋了。

4. 昨天同學送了份很精美的生日禮物給他。但昨晚他完全沒有向我同老公提及, 直至臨瞓時工人提起他才承認, 他說明知我知道之後一定會扣起他的禮物不淮他開來玩, 所以不講…..

還有其他零星的事…….我真的很傷心又勞氣。

我承認有時他功課及表現不好我會狠狠地罵他，因為我知他是有能力，只是懶及無鬥心，任何事都得過且過。　我有諗過是否我太惡, 所以他要偷睇取好ｄ成績, 收埋成績差的功課，不敢承認自己所做的壞事…

我亦試過有獎勵，氹佢，解釋俾佢知等方式希望他會做好，但換來的是阿仔覺得自己好得逞，做錯左都可過骨，而且亦變得樣樣「講條件」，要我應承他給他什麼獎勵才肯勉強溫下書，做下補充。

佢咁細個已咁壞，我唔知可以點做了！！求意見！

0 0 0

私人傳訊

htsims

大宅

積分: 2246

27^#

發表於 15-4-9 17:56 |只看該作者

回覆 Kitcwy 的帖子

我同意，我細個都講唔少大話，而家未又係好地地關鍵係要了解佢感做既原因，小朋友未識分對錯，受到誘惑就會做錯事但又唔敢同你講
當然就係怕你責罵，之後可能連本來有既少少自由都無埋

就生日禮物事件感講… 對小朋友來講都幾灰，因為以後10幾年的生日都會在考試之前
感覺就好似呢一世都要比考試阻礙生日帶來既快樂感！其實佢都係想偷番小小生日既快樂比自己，唔係真係禁壞既...

至於偷野，我覺得真係要小心處理，佢唔止一次不問自取，
作為家長，除左教導之外…我唔知會唔會好要面子…
有D野要比佢出去面對，拎左人地野偷左人地野就要親自同對方認同SAY SORRY
要佢自己去受個後果同面對，如果唔係你幫左佢去FACE件事，佢唔知大個左之後個法律後果係有幾嚴重
我就見過有家長覺得感係傷害小朋友自尊而唔洗佢地同人道歉，只係自己教，但其實個小朋友係扮知錯，因為佢知道媽咪一定唔會要佢公開認佢偷竊，真係害左佢！

私人傳訊

winwin1110

大宅

積分: 4755

26^#

發表於 15-4-5 23:28 |只看該作者

回覆：佢咁細個已咁壞，我唔知可以點做了！！求意見！

我仔仔都係好lazy,同佢默書錯左唔想改正又發脾氣！我會駡他，跟著同佢講“責任“理論，又好人似得得地！我話每人都有自己的責任，例如媽咪的責任是做飯，消防員責任是要救火，佢地唔會因為怕危險，而唔去救人，醫生唔會因怕血唔做手術等，學生要溫書，做好功課，默書等就是學生責任。

私人傳訊

julieko

男爵府

積分: 8683

認識瑞士牛牛第二回育兒性格勳章陪月勳章

25^#

發表於 15-4-2 23:04 |只看該作者

回覆：佢咁細個已咁壞，我唔知可以點做了！！求意見！

我明顯
你仔好怕你鬧....
事試下一星期唔好鬧佢
咩事都忍著，比的信心佢
小一佢唔係曳，只係好多野唔識點做，慢慢來，由親子做起，做一個可以聆聽佢心事，比意見佢既家長

私人傳訊

monsterbaby2014

複式洋房

積分: 274

24^#

發表於 15-3-31 21:30 |只看該作者

回覆：小J媽媽的帖子

小J 媽媽，你囝細個行為我都做過，點解？因為驚，怕畀人打，鬧。文字間我見你不斷強調覺得佢唔係做唔到，係唔肯做，唔肯同你講，唔肯點點點，你就點罰點鬧佢。。。。或者分享下我睇法。
我當時想法：
我無論做成點，媽媽都唔滿意架啦，都無得睇電視，無得去街架啦。是但啦。。
明明應承咗我考完試可以點，最後又話考得唔好所以無。
同學仔送禮畀我，就懷疑我偷，走去問人地。。。我好無面，但我又好鐘意，畀媽媽發現又係沒收。。。
做任何野都錯，唔做就唔錯

我真心建議你放低對囝囝成績執著先，引導佢學習唔係逼佢學習，我畀父母毀咗我童年，希望你唔好咁做

私人傳訊

小J媽媽

大宅

積分: 2694

23^#

發表於 15-3-31 18:01 |只看該作者

回覆 Kitcwy 的帖子

多謝大家......我內心都好錫個仔. 希望自己改變先, 使我和他的關係可以修補到

私人傳訊

Kitcwy

大宅

積分: 3264

22^#

發表於 15-3-30 23:09 |只看該作者

本帖最後由 Kitcwy 於 15-3-30 23:10 編輯

回覆小J媽媽的帖子

其實你仔仔既行為，我細個時都有做呀，我仲要係講大話講到出神入化既境界，講大話多過食飯。其實我多少明白你仔仔背後既原因。其實主要佢好想你錫佢，唔好鬧佢，所以佢決定講大話去暪天過海，以為咁樣媽媽唔知道佢曳，咁就唔會鬧佢啦。其實點解會攞人野，好主要係因為貪玩，同埋有一種好想擁有既慾望。我建議媽媽首先唔好再鬧個仔，另外俾返多些自由個仔，例如佢收到生日禮物，份禮物其實根本係屬於佢既，佢想幾時玩就幾時玩，你覺得佢考試前唔好玩咁多，但反而應該俾佢自己選擇，如果最後佢顧住玩而考得唔好，咁等你個仔自己接受個後果，唔好再幫佢計劃咁多了。仔仔開始大，佢需要自己計劃自己既時間和生活。上到中學佢直頭可以乜都唔會同你講，所以趁現在仲係小學時好好的培養佢獨立，自主，做決定。小朋友自己有零用錢嗎？佢依家都會有佢想買既野，可以教導佢學儲蓄以購買自己的心頭好，而唔會選擇去偷或不問自取，我仔仔兩歲半已經有零用錢架啦，佢咁細個都已經有想買野既慾望，同埋如果佢幫我打工（例如做家務）我會俾人工佢，等佢賺夠錢去買自己想買既玩具。所以佢依家有一個好重要既CONCEPT就係想買就要付出勞力去賺錢，唔會諗到就咁拎左去。媽媽可以睇多些湊仔書，明白小朋友心態更多，咁樣都會令你情緒更穩定，唔會下下就鬧仔仔。你仔仔係有得教架，加油呢！

私人傳訊

海獅媽媽

男爵府

積分: 9482

21^#

發表於 15-3-30 18:39 |只看該作者

引用：回覆+小J媽媽+的帖子http://www.24parent.c

原帖由 AJIM 於 15-03-19 發表
回覆小J媽媽的帖子

http://www.24parent.com/%E8%A1%A8%E6%8F%9A%E5%AD%A9%E5%AD%90-%E8%88%87%E9%BC%93 ...

好文又教識我一樣野

私人傳訊

jenniecatcat

水晶宮

積分: 56409

20^#

發表於 15-3-28 04:01 |只看該作者

引用：+本帖最後由+小J媽媽+於+15-3-20+16:51+編

原帖由 小J媽媽 於 15-03-20 發表
本帖最後由小J媽媽於 15-3-20 16:51 編輯

放假叫佢早上快D溫好書, 之後下午可以帶佢出街玩, 阿仔都唔 ...

恕我直言，2，3，4 都係因為怕你鬧先咁做！真係要調節下你自己既心態，有邊個細路會自動自發？生性？我自己30 先生性！2公婆忙係忙，但都唔可以因為咁而鬧仔，完全明白趕時間時係幾咁忟，但佢快唔到就快唔到，就萛快到，都得唔到讚賞，快來做乜？

至於玩具你唔想佢一次過玩哂，呢個係你既意願，況且禮物係佢架喎，你只可同佢商量遲啲先玩，唔係收起。唔怪得佢收埋唔話你知架喎。如我有錢話左你知後會攞我錢既，我打死都唔話你知！

我的最愛: 老公, 仔仔, 同來緊既女女, 老豆

私人傳訊

Cottonbb

大宅

積分: 4922

19^#

發表於 15-3-20 19:05 |只看該作者

引用：回覆小J媽媽的帖子我好明白每日趕時間做

本帖最後由 Cottonbb 於 15-3-20 19:48 編輯

原帖由 jj032008 於 15-03-20 發表
回覆小J媽媽的帖子

我好明白每日趕時間做功課睡覺，的確會令人好忟，但你有沒有了解過孩子的心

wrong sent

私人傳訊

jj032008

大宅

積分: 2350

18^#

發表於 15-3-20 18:34 |只看該作者

回覆小J媽媽的帖子

我好明白每日趕時間做功課睡覺，的確會令人好忟，但你有沒有了解過孩子的心情，每天放工只關心著功課，是成績比他還重要嗎?其實關心一下他並不需要很多時間，如放工回來第一句話不是問他'做完功課了沒有?'，而是關心他'今天是否很累?/有什麼開心的事情發生?'，只花5分鐘的時間，甚至是回家途中打個電話與他談談功課以外的事，感覺會很不一樣。試想想，你下班回來最想聽到你先生說的，是'為什麼沒有做xxx?'，還是'今天上班很累嗎?'。
另外，讚美永遠比責備容易使人有動力向前，你在責備他未有完成全部功課的時候，有欣賞過他已完成的部份嗎?不要認為做得好是應份的，對他做得好的部份視而不見，將會令這一個部份愈來愈少。
其實一年級也還是個孩子，還是需要別人哄的，建立良好的親子關係，比成績更重要。

私人傳訊

小J媽媽

大宅

積分: 2694

17^#

發表於 15-3-20 16:48 |只看該作者

本帖最後由小J媽媽於 15-3-20 16:51 編輯

放假叫佢早上快D溫好書, 之後下午可以帶佢出街玩, 阿仔都唔會俾心機繼續玩繼續HEA。

罵多兩句便發脾氣講反話大我, 話唔去咪唔去囉。到真係留向屋企佢又唔開心, 怨我地假日都只會罰佢溫書做功課…..我可以點做呢??

我都唔想日日似瘋婦咁鬧, 但我係咪由小一已唔理佢, 由佢自生自滅, 然後每晚同佢嘻嘻哈哈一番呢?

私人傳訊

小J媽媽

大宅

積分: 2694

16^#

發表於 15-3-20 16:15 |只看該作者

本帖最後由小J媽媽於 15-3-20 16:37 編輯

我係在職媽, 老公常要OT, 放工要買餸買早餐, 回到家快快食完飯最快都要八點開始對工課, 其實還有細仔又要我哄

。

阿仔由K2開始有功課做, 但D字肉酸, 甩漏, 每晚得個零鐘可跟功課都未溫書, 轉頭九點令又要瞓覺。個心真的好急好忟, 我好想佢生性, 但罵/ 解釋足兩三年都無改善.......火起時狠狠罵佢, 扭佢手臂, 罵到佢喊, 阿仔次次話會改, 然之後第二日又會重犯, 日複一日, 或者咁, 令到佢好怕我, 但佢同時變得反叛。

現在更開始搵方法逃避我。

有時唔鬧佢, 叫佢自己反醒啦, 佢又笑騎騎以為自己今次過到骨, 完全唔係知錯個隻, 獎勵佢咩?? 佢咪變得事事講條件囉。