少年成長 今日: 0 | 主題: 15994

積分: 2694

1^#

發表於 15-3-17 10:50 |只看該作者 |倒序瀏覽 |打印

我大仔的表現令我非常痛心及失望, 希望各位媽媽可指教一下我:

我仔現讀小一升讀未夠一年，除了平時的學習勞氣外, 他做出很多壞事：

1. 學校義賣一些植物，我之前問阿仔，他說無所謂，所以便沒有俾錢他回校買，但當天他偷了同學的植物回家，亦偷了另一同學打算買植物的十元。我還未下班，有媽媽打電話問我知唔知我仔有否”取”了他兒子的植物，我回家後我軟硬兼施問阿仔，他振振有詞說沒有，我亦相信阿仔沒有……結果第二天,在老師審問下阿仔認了是自己偷了,老師還幫他講好說話認為他只是貪玩。

2. 上星期, 同一老師通知我, 阿仔在默書當天被發現在櫃桶內寫了一些字…..老師之後問他, 他只是寫了, 但真的沒有偷睇。話自己知錯會改…而當日他在櫃桶寫了的其中一隻字, 他默書時是錯了的。或許他真的沒偷睇到。

3. 昨天在家很隱秘的位, 找到他同學的一本習作, 自己攞C的工作紙和一張他多手撕破的文件(家庭的東西)。之前他同學的媽媽已在谷內問有無人見他兒子的作業, 當時我不見阿仔書包有, 原來他怕被我罵, 他不敢承認。至於另外的兩件東西, 他都是怕我見到會責罵他, 所以他收埋了。

4. 昨天同學送了份很精美的生日禮物給他。但昨晚他完全沒有向我同老公提及, 直至臨瞓時工人提起他才承認, 他說明知我知道之後一定會扣起他的禮物不淮他開來玩, 所以不講…..

還有其他零星的事…….我真的很傷心又勞氣。

我承認有時他功課及表現不好我會狠狠地罵他，因為我知他是有能力，只是懶及無鬥心，任何事都得過且過。　我有諗過是否我太惡, 所以他要偷睇取好ｄ成績, 收埋成績差的功課，不敢承認自己所做的壞事…

我亦試過有獎勵，氹佢，解釋俾佢知等方式希望他會做好，但換來的是阿仔覺得自己好得逞，做錯左都可過骨，而且亦變得樣樣「講條件」，要我應承他給他什麼獎勵才肯勉強溫下書，做下補充。

佢咁細個已咁壞，我唔知可以點做了！！求意見！

0 0 0

私人傳訊

kangaroomama

積分: 4741

畀面勳章

2^#

發表於 15-3-17 19:02 |只看該作者

回覆：佢咁細個已咁壞，我唔知可以點做了！！求意見！

試下陪佢一齊做，教佢重視過程而非結果。

私人傳訊

AJIM

積分: 6402

3^#

發表於 15-3-17 19:09 |只看該作者

小J媽媽發表於 15-3-17 10:50
我大仔的表現令我非常痛心及失望, 希望各位媽媽可指教一下我:

我仔現讀小一升讀未夠一年，除了 ...

想問問, 平時獎勵阿仔果陣, 多數係獎勵結果, 例如成績分數, 定係獎勵過程, 例如誠實或者願意堅持架呢?
人的行為好多時都係由獎罰去影響, 如果太著重結果, 小朋友可能會用盡方法同手段去"做好" , 結果過程如何就唔會著重咯。

私人傳訊

積分: 2694

4^#

發表於 15-3-18 10:26 |只看該作者

本帖最後由小J媽媽於 15-3-18 10:28 編輯

明白應稱讚他努力的過程.....

以前大仔幼稚園時阿仔可以做哂功課等我回家跟, 通常只不過係D字體問題, 上了小學後反而退步了, 我CHECK 功課常有漏做, 不是不懂做, 係大意及無CHECK。

由於我要返工又有個細要照顧, 往往無時間同大仔「培養感情」, 每天回家好自然心急首先係睇佢做哂功課未, 考試默書成績如何。同佢溫書, 次次都話識哂唔肯溫, 然後一次比一次錯得多, 見到佢咁懶, 真係火起來, 好多時真的會咆哮。

結果可能咁令到佢想出貓取好成績, 什何事都不想我知, 怕我炳他

私人傳訊

shpfamily

伯爵府

積分: 16747

5^#

發表於 15-3-18 12:08 |只看該作者

可能你真係太惡, 令佢唔敢坦白.
不應該講 "咁細已咁曳", 因為凡事都要教, 要教好佢, 不要放棄.
佢是一隻懶蝸牛, 鼓勵應該帶動到佢的.
我仔寫字好潦好求其 (在學校就認真, 話想拎印仔), 原來我叫佢寫靚d, 比貼紙又得, 一個靚字賺睇電視2分鐘又得. 方法有好多, 慢慢試下. 一年級好細, 本性善良, 唔好有偏見, 循循善誘.

私人傳訊

JessicaElla

積分: 5651

6^#

發表於 15-3-18 14:45 |只看該作者

AJIM 發表於 15-3-17 19:09
想問問, 平時獎勵阿仔果陣, 多數係獎勵結果, 例如成績分數, 定係獎勵過程, 例如誠實或者願意堅持架呢?
人的 ...

非常同意!

私人傳訊

AJIM

積分: 6402

7^#

發表於 15-3-18 14:55 |只看該作者

小J媽媽發表於 15-3-18 10:26
明白應稱讚他努力的過程.....

唔記得邊個專家話, 懲罰唔會令到人變乖, 只會令到人學識更聰明咁犯規.......
試試多D欣賞同讚阿仔啦, 咁佢先有動力進步嘛。

私人傳訊

bosch

瑪瑙宮

積分: 128508

母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

8^#

發表於 15-3-19 09:24 |只看該作者

小J媽媽發表於 15-3-17 10:50
我大仔的表現令我非常痛心及失望, 希望各位媽媽可指教一下我:

我仔現讀小一升讀未夠一年，除了 ...

唔好用大人既眼光去睇小朋友.

鬧係有quota, 鬧得多佢會驚, 或者當係耳邊風. 真係做左大錯至鬧. 好明顯佢真係怕左你, 你試下平心靜氣d 咁教, 或者好以朋友吹水咁講番佢有乜野係做得唔好, 唔好就要改, 見佢做得好就讚. 今時今日既細路要多d 讚架啦...

另外試下用第二個角度去睇成件事. 佢原本響 1,2,3,4 入面都有做錯, 但最後佢勇於承認, 咁佢本質係唔壞, 只係佢驚你, 你唔好諗到佢咁壞. 佢肯認咪先提醒佢佢誠實肯認错係好, 但之後再教佢唔可以亂咁拎人地既野, 先讚後彈, 睇下佢會唔會聽得入耳.

點解你會扣起d 禮物唔俾佢玩? 另外點解一定要佢向你地提及朋友送禮呢件事? 咁你地有冇向佢分享仔返工既情況? 試下唔好一放工就追住佢d 功課黎問, 咁佢見到你即係又要受壓力, 花少少時間傾其他野上先, 等佢放鬆d先.

最後, 唔好怪我咁講, 要留意一下佢既社交技巧. 係佢真係怕左你而作出1, 2,3 ,4 既舉動, 定係另有原因.

私人傳訊

積分: 2694

9^#

發表於 15-3-19 14:58 |只看該作者

本帖最後由小J媽媽於 15-3-19 15:26 編輯

其實1, 2 & 第4項係阿仔被老師及工人揭發通知我才知, 至於3 係我親自搵到, 佢無得抵賴...... 以上的事他都不是他向我自首......

咁先擔心及傷心.

阿仔咁細個, 我認為他收到什麼禮物都應要向我們匯報, 因為一來我要親自多謝同學媽媽; 二來, 阿仔突然多了份「禮物」,我都要清楚究竟這份禮物是否真的由「同學」「送贈」, 還是另有內情呢......佢已經對我不斷講大話, 所以會更敏感

至於唔準開禮物(係玩具來的), 係因為他已臨近考試. 而且其實他之前兩日已收到另一生日禮物並已拆來玩, 我希望他可分開時間玩, 遲D才拆, 我有向他解釋, 但阿仔就係知我脾性唔會俾佢份份禮物一次過開囉, 所以又想瞞天過海

至於他的行為, 我估小部份是他貪心, 另外如出貓, 收埋同學的書係因為怕我怪佢唔讀書同誤會佢蓄意作弄同學而發嬲狂炳佢, 又以為自己做呢D古惑野可過骨囉

唔該哂!!!

私人傳訊

AJIM

積分: 6402

10^#

發表於 15-3-19 15:06 |只看該作者

回覆小J媽媽的帖子

http://www.24parent.com/%E8%A1%A8%E6%8F%9A%E5%AD%A9%E5%AD%90-%E8%88%87%E9%BC%93%E5%8B%B5%E5%AD%A9%E5%AD%90-%E7%9A%84%E5%B7%AE%E5%88%A5%E4%BB%A4%E4%BA%BA%E9%9C%87%E9%A9%9A/
噚晚睇到呢篇文章, 俾妳參考

私人傳訊

anan3388

積分: 4418

11^#

發表於 15-3-19 22:29 |只看該作者

引用：其實1, 2 & 第4項係阿仔被老師及工人揭發通

原帖由 小J媽媽 於 15-03-19 發表
本帖最後由小J媽媽於 15-3-19 15:26 編輯

其實1, 2 & 第4項係阿仔被老師及工人揭發通知我才知, 至於 ...

坦白從嚴之下，極少人會坦白，大人都一樣。

私人傳訊

tutik

侯爵府

積分: 24562

12^#

發表於 15-3-20 10:30 |只看該作者

回覆 AJIM 的帖子

好文，謝謝分享。

私人傳訊

Potato001

子爵府

積分: 14819

13^#

發表於 15-3-20 13:50 |只看該作者

回覆：小J媽媽的帖子

早前聽過一個有關遊戲治療的講座，透過遊戲去了解小朋友的想法，讓他們發洩負面情緒，很多機構如小童群益會、東華三院都有這些服務。

私人傳訊

積分: 2694

14^#

發表於 15-3-20 14:47 |只看該作者

AJIM 發表於 15-3-19 15:06
回覆小J媽媽的帖子

http://www.24parent.com/%E8%A1%A8%E6%8F%9A%E5%AD%A9%E5%AD%90-%E8%88%87%E9%BC%93 ...

多謝介紹

私人傳訊

mandy952

琥珀宮

積分: 171191

15^#

發表於 15-3-20 15:36 |只看該作者

回覆：佢咁細個已咁壞，我唔知可以點做了！！求意見！

似乎佢係怕左你多d,咩都唔敢同你講，你係未成日閙佢架？

私人傳訊

積分: 2694

16^#

發表於 15-3-20 16:15 |只看該作者

本帖最後由小J媽媽於 15-3-20 16:37 編輯

我係在職媽, 老公常要OT, 放工要買餸買早餐, 回到家快快食完飯最快都要八點開始對工課, 其實還有細仔又要我哄

。

阿仔由K2開始有功課做, 但D字肉酸, 甩漏, 每晚得個零鐘可跟功課都未溫書, 轉頭九點令又要瞓覺。個心真的好急好忟, 我好想佢生性, 但罵/ 解釋足兩三年都無改善.......火起時狠狠罵佢, 扭佢手臂, 罵到佢喊, 阿仔次次話會改, 然之後第二日又會重犯, 日複一日, 或者咁, 令到佢好怕我, 但佢同時變得反叛。

現在更開始搵方法逃避我。

有時唔鬧佢, 叫佢自己反醒啦, 佢又笑騎騎以為自己今次過到骨, 完全唔係知錯個隻, 獎勵佢咩?? 佢咪變得事事講條件囉。

私人傳訊

積分: 2694

17^#

發表於 15-3-20 16:48 |只看該作者

本帖最後由小J媽媽於 15-3-20 16:51 編輯

放假叫佢早上快D溫好書, 之後下午可以帶佢出街玩, 阿仔都唔會俾心機繼續玩繼續HEA。

罵多兩句便發脾氣講反話大我, 話唔去咪唔去囉。到真係留向屋企佢又唔開心, 怨我地假日都只會罰佢溫書做功課…..我可以點做呢??

我都唔想日日似瘋婦咁鬧, 但我係咪由小一已唔理佢, 由佢自生自滅, 然後每晚同佢嘻嘻哈哈一番呢?

私人傳訊

jj032008

積分: 2350

18^#

發表於 15-3-20 18:34 |只看該作者

回覆小J媽媽的帖子

我好明白每日趕時間做功課睡覺，的確會令人好忟，但你有沒有了解過孩子的心情，每天放工只關心著功課，是成績比他還重要嗎?其實關心一下他並不需要很多時間，如放工回來第一句話不是問他'做完功課了沒有?'，而是關心他'今天是否很累?/有什麼開心的事情發生?'，只花5分鐘的時間，甚至是回家途中打個電話與他談談功課以外的事，感覺會很不一樣。試想想，你下班回來最想聽到你先生說的，是'為什麼沒有做xxx?'，還是'今天上班很累嗎?'。
另外，讚美永遠比責備容易使人有動力向前，你在責備他未有完成全部功課的時候，有欣賞過他已完成的部份嗎?不要認為做得好是應份的，對他做得好的部份視而不見，將會令這一個部份愈來愈少。
其實一年級也還是個孩子，還是需要別人哄的，建立良好的親子關係，比成績更重要。

私人傳訊

Cottonbb