自由講場今日: 74|主題: 1357202

收藏本版

發帖

返回列表

跳至頁

查看: 4367 | 回覆: 87

洗米嫂提早開刀生「小米」與洗米華同日生日？ [複製鏈接]

12 3 4 5

mickeyeva

瑪瑙宮

積分: 141240

2025勳章蛇年勳章 2024年龍年勳章 2023年兔年勳章虎到金來勳章畀面勳章環保接龍勳章親子達人勳章 BK Milk勳章

1^#

發表於 15-5-6 14:19 |只看該作者 |正序瀏覽 |打印

本帖最後由 mickeyeva 於 15-5-6 14:43 編輯

太陽娛樂老闆周焯華(洗米華)最近夾咗喺周太Heidi同情人Mandy Lieu之間，Heidi疑多次宣示周太主權，洗米華亦畀足面老婆，每次都係同Mandy出埠享受二人世界，但早前Heidi同Mandy同時被爆懷有「華種」，搞到兩邊爭寵，一時又話Mandy以退為進，想陀住嘅「華種」跟佢姓劉，一時又話Mandy冇陀B，變咗「伸縮肚」，總之點計目前洗米嫂Heidi都係「贏家」。

今日有周刊爆Heidi疑喺6月到預產期，提早剖腹生「小米」出嚟作武器，即係可以同爸爸同一日生日。洗米嫂Heidi再為人母，嚟緊又就到母親節，Heidi近日亦不時喺facebook上載有關母親節嘅嘢，早前亦有指洗米華早已決定陪Heidi入產房，Heidi先想「先斬後奏」剖腹生BB，成功將醫院產房個期由六月中提前兩個禮拜。

據報道表示，洗米嫂Heidi此舉係想留住洗米華，一齊過正日生日，若果「小米」同爸爸同日出世，以後就可以一齊過，報道講係因為Heidi唔想輸畀Mandy，其實洗米華每次大時大節一定顧咗屋企人先，應該都會陪大婆嘅，何況周刊更爆Mandy辣㷫咗周家，相信洗米華都好識do，早前先被影到佢拖實老婆行澳門，同家人一齊食泰國菜，睇嚟周太地位暫時都穩如泰山。

另外，早前被Heidi好友冠以「少衫」之名嘅Mandy近日亦忽然喺instagram挑起戰火，晒火辣泳照兼留言：「You can’t be me darling」，洗米華大仔周柏豪(唔係唱歌嗰個)隔咗四個鐘，就留言畀Mandy寫咗句「Darling」，叫Mandy有咩可以直接講，而爆發罵戰。

「少衫」Mandy當時叫柏豪唔好咁敏感，Mandy解釋佢係針對有人冒佢名開Facebook賣孕婦衫嘅假帳戶，柏豪表示係想搞清楚件事，一心想保護細妹，亦勸Mandy減低對周家嘅影響，改以公眾人物嘅影響力，叫大家關心吓尼泊爾天災，Mandy「認同」此舉之後，柏豪更「follow」埋Mandy嘅instagram，未知係唔係「監視」Mandy有冇影響周家，當晚柏豪繼母洗米嫂亦留言：「會被黑心者曲解成同『人哋』做咗friend。」跟手柏豪就冇再「follow」Mandy嘅ig。

報道更指，未知係唔係Mandy見同柏豪冇得再「溝通」，翌日凌晨Mandy即再澄清泳衣照係針對假fb帳戶，強調人哋點諗，佢都冇辦法，不過Heidi懶理Mandy講法，繼續留言表示自己「有仔有女有家人」，周家會更團結一致，愛護彼此，成功打退Mandy，Mandy仲將ig「私密」，唔想再有人踩場。