吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 你們同老公一家人的關係怎樣?

婆媳關係今日: 1|主題: 27782

收藏本版

發帖

返回列表

跳至頁

查看: 4564 | 回覆: 39

你們同老公一家人的關係怎樣? [複製鏈接]

bittyko

大宅

積分: 1249

1^#

發表於 08-6-26 00:14 |只看該作者 |正序瀏覽 |打印

想大家share下......

我老公一家人的關係好好, 雖然個個都結晒婚, 但差不多每個星期或一有假期都會一起, 都係飲下茶打下麻雀咁, 而且他們每天都會互通電話, 保持緊密聯絡, 一有長假期就例必問下父母想去邊旅行, 有時近近地返下大陸都會, 其實咁都係孝順的表現! 另外老公係獨仔, 佢有3個姊妹, 佢地當然勁close, 乜都share, 有時我識人買嘢平或者有d股票貼士都會同佢地講, 有嘢益下朋友好正常, 佢地當然受惠唔少!

在未結婚之前, 我有時都會join埋一起, 佢地都對我幾好, 但係我就唔打麻雀, 覺得呢個行為係好浪費時間和好嘈, 每次佢地開枱我都有d悶, 但都係睇下tv和雜誌打發下時間

至於我女家的情況就唔似男家咁close, 我有定時回家食飯, 一向父母都唔會對我問長問短, 但唔會每日一電, 放假都唔會話要去邊到, 應該說是我媽媽從沒有要求過

但結婚之後, 佢地開始在我家打麻雀, 打足全日, 我就好似妹仔咁服侍佢地, 嘈到爆, 我個人本身喜歡"靜", 不過又唔係成日打, 都算啦! 點知佢地見我咁好服侍, 除左佢地一家, 開始叫埋其他親戚來我家開2枱, 真係......

另外, 6299由結婚開始就成日明示暗示叫我生仔, 其他我們沒有呢個打算, 而且我係勁無愛心兼唔喜歡小朋友, 佢地見親都講, 真係好煩! 在早幾個月, 佢地一家(除左我和老公)去左東南亞一星期探親兼旅遊, 去d都幾落後的地方兼無嘢玩, 初時叫我們一起去, 但老公知我唔like就求其講話無假無$去, 之後佢地去完回來, 就不斷同我們講話d親戚有幾想見我們, 話下年一定要我們去, 我真係覺得好討厭! 其實其中一個妹夫都同我差唔多, 都好唔想去, 但佢偉大為左老婆就去左, 回來靜靜同我呻, 說當地真係好差, 真係攪笑!

仲有, 老公有個廢柴妹, 佢最細, 個個都錫佢, 佢要乜就個個都會爭著買比佢, 佢又唔做嘢等人養, 老公又唔係搵得多, 字又唔識多過, 又唔長進, 我就最憎呢種人, 所以一直都唔會主動同佢friend, 最後因為某些誤會, 我說了一些事實但佢唔like的說話, 佢就嬲左我, 見到面都唔會叫我一聲"阿嫂", 個個會叫佢就會行開, 因為佢地關係好的原因, 連其他姊妹都好似唔so我咁, 當然有jetso時佢地會問我啦, 老公當然知道呢個情況, 但係佢夾在中間, 又要顧我又要顧個妹, 佢都當無事咁, 不過有時一家日食飯, 好似佢地唔會同我講嘢咁, 大家好陌生, 呢個情況都有幾個月, 好似越來越明顯, 越來越嚴重.....大家有咩意見?

有時, 我都唔想令老公難做, 我會主動講下d話題, 佢地都唔係好so我, 到現在為止, 我有咩筍嘢平嘢都會通知佢地, 有時半價幫佢地買左d化妝品, 又要我幫佢地比左$先, 又要去拎, 仲送埋貨上門, 佢地都好似應份咁, 我真係好嬲!

我份人都係幾現實的, 成日有好嘢益佢地, 除左句thanks都無咩實際回報, 從來佢地都無嘢益過我, 我叫姑仔買隻股票賺左幾萬蚊, 我講笑咁說叫佢請我食tea buffet佢都唔肯, 話好貴, 呢d人真係令我心淡...... 大家說我以後係唔係唔應該再益佢地?

0 0 0

私人傳訊

alphabetagamma

珊瑚宮

積分: 108856

環保接龍勳章

40^#

發表於 08-7-9 15:23 |只看該作者

原文章由溫柔於 08-7-4 19:37 發表
我有同99講過呢個問題,佢話佢兩個一路都係咁,只係我多咗個女眼嘢窄咗,計較咗,其實有好多嘢我一直只係擺係心度無出聲,好似咁呀,佢哋不嬲都懶係講禮貌,要個仔見到佢哋時要逐個叫,ok,我覺得係應該,但係試過因為我個仔叫 ...

點解同99講啫... 講真我自己都唔敢咁坦白同自己媽媽講. 我媽媽都會用一d怪怪口吻說出"睇野窄"/"諗太多"之類. 其實, 我自問心胸闊; 做長輩, 當然希望下一輩, 睇開d (即係唔好開聲, 咁出聲就唔會嘈). 我自己就試過太多了, 自己妹妹做錯事, 我出聲都係錯, 分分鐘俾人話搞事, 我阿妹就好叻, 唔會出聲囉, 講真佢都唔鍾意嘈. 有事都係放係心. 我一向都係大癲大肺的, 心中唔會記怨. 人好少做到心水清, 很多時都係俾表面蒙蔽, 我妹妹平時對我都幾冷淡, 但在父母面前就會好活潑咁.... 我以前都有struggle過, 自己妹妹係咪真係咁假, 但後來發覺可能係大家在父母面前才會輕鬆活潑, 阿q一點. 我就快活一點. 我妹妹好多時唔會夾錢的, 成日話無錢, 但係又好捨得買東西給自己, 但好鍾意係父母面前大大聲話要夾返幾錢俾我, 但十次都無九次係真的. 我單獨同佢食飯, 一定係我請的... 但一見到有父母就話佢請.... 功好多時都係佢攞.
我想講的是, 在父母眼中, 佢地又可以幾心水清? 我出聲就會係我"小器", 我"搞事", 以前試過一次, 現在都怕怕了. 有時有d事, 自己知道自己做得無損人利己, 過得自己過得人, 天知地知.... 但其他人唔知都唔緊要....
你係為子女好的, 為佢地前途未來, 你子女將來回饋給你的機會大好多. 你d親戚咁, 唔通要子女面對佢地咩? 你有屈氣都可能要受, 但係受之餘, 想想你的子女, 佢地都要快快樂樂的. 你何不說一點善意的大話給孩子聽?? 說某某親戚就係想你乖才會大聲叫你"叫人".... 一個快快樂樂長大的孩子才會有健全的人格. 佢一生人都多一點快樂.
下次老虎蟹都唔好才同奶奶講, 人地越係偏心, 你咪講下假話同佢一齊吹吹捧捧囉.... 人都係想聽句好的多過頂心的那句.
人就係好怪, 我姑姐在我細個唔鍾意我的, 我都唔知點解, 可能我唔會賣口乖. 我老豆又錫我, 唔俾人抱我自己抱晒. 我知我姑姐好錫我妹我某表姐同某表弟. 大大下, 姑姐係媽咪面前會讚我, 話我同我老公好好, 而有次在姑姐面前話某表姐都幾好啦....佢竟然同我講"你唔洗幫佢講好說話, 佢大洗都不得了"... 人就係好怪, 你讚某人咩...佢又會唔知係唔抵得定點, 一定講佢d唔好野....
唔好叫奶奶做証人或公証!! 你做左是非人物, 箭頭一定係向你.

私人傳訊

clementying

男爵府

積分: 9461

39^#

發表於 08-7-8 15:04 |只看該作者

原文章由 全人奶B 於 08-7-8 01:09 發表
關係越黎越差!!

我都係咁話
係因為我地要搬啦
所有莫須有罪名都加係我地身上

小少爺係ma mi 既心肝寶貝

私人傳訊

clementying

男爵府

積分: 9461

38^#

發表於 08-7-8 15:02 |只看該作者

原文章由 全人奶B 於 08-7-8 01:09 發表
關係越黎越差!!

我都係咁話
係因為我地要搬啦
所有莫須有罪名都加係我地身上

小少爺係ma mi 既心肝寶貝

私人傳訊

全人奶B

大宅

積分: 1274

37^#

發表於 08-7-8 01:09 |只看該作者

關係越黎越差!!

私人傳訊

trintrin

男爵府

積分: 6529

36^#

發表於 08-7-7 17:14 |只看該作者

原文章由 bittyko 於 08-7-4 20:15 發表
我和男家的關係又進一步升級，大家暗地裡唔like對方, 不過每個月都會最少一次食飯, 佢地當然仍每星期見面, 只是我避得就避, 明天62生日, 又要迫住見面, 我都無話想點, 要去邊到食, 因為我無乜$, 當然係越平越好, 不過 ...

bittyko,

你的情況同玩辦公室政治差不多, 所以你可以考慮下用她們最緊張的事唻令她們主動同你妥協, 例如她們貪你的消息/折扣, 係反面期間就消息封鎖, 她們如知利害關係就會

. 但口和心不和你都會覺得有無咁世利呀, 人地行左第一步, 咁你就行第二步主動和解. 咁大家有誠意日後(仲有好多年架)都好過D. 尤其你同C6都唔touch on呢個問題, 日後好容易會有argue. 其實你覺得"迫住見面", 咁你都唔會開心啦, 我係你就如果唔和解咪當她們同事, 同事你見40個鐘一星期都應tolerate到, 一餐飯, easy job la.

私人傳訊

fskaren2002

男爵府

積分: 7839

醒目開學勳章環保接龍勳章

35^#

發表於 08-7-7 14:24 |只看該作者

其實話時話我同父家果邊d人無乜兩句,我自己亦唔中意同佢地講嘢! 但係都會一個月見一次倒,見到都係無話題!

私人傳訊

kkw0816

別墅

積分: 931

34^#

發表於 08-7-5 01:09 |只看該作者

原文章由 bittyko 於 08-7-4 20:15 發表
我和男家的關係又進一步升級，大家暗地裡唔like對方, 不過每個月都會最少一次食飯, 佢地當然仍每星期見面, 只是我避得就避, 明天62生日, 又要迫住見面, 我都無話想點, 要去邊到食, 因為我無乜$, 當然係越平越好, 不過 ...

嘩, 好似我c6個變態大家姐, 無錢扮有錢, 一味死沖, 我地一樣係大家暗地裡唔like架, 我地見面係因為99(99 就80啦, 就下佢啦)唔想見到佢地姊妹不和, 禁只好大家角色扮演一下啦 ! 第時時機一到就唔見架啦 ! 無謂聽佢講埋d低層次既野 !!!!

私人傳訊

bittyko

大宅

積分: 1249

33^#

發表於 08-7-4 20:15 |只看該作者

我和男家的關係又進一步升級，大家暗地裡唔like對方, 不過每個月都會最少一次食飯, 佢地當然仍每星期見面, 只是我避得就避, 明天62生日, 又要迫住見面, 我都無話想點, 要去邊到食, 因為我無乜$, 當然係越平越好, 不過大姑奶一定要食得豪, 成日話要好好睇睇, 開開心心, 唔可以委屈父母, 呢d說話我聽左幾百次, 所以次次都係佢決定去邊到食, 通常都最平都會去酒樓食$2-3xxx圍...... 上年話62大壽, 在酒店擺左幾圍, 全部親戚唔駛做人情, 做左都回禮比返人, 幾子女夾$$, 呢d都係大如奶決定, 無論去攪咩/去邊到攪/食咩都由佢決定, 佢老公搵到當然無問題, 難為我們.....

之前, 我間唔中都會同大姑奶/姑仔msn, 曾經呻過成日都食咁貴, 我在我的msn標題上寫過d佢地唔like的句子, 佢地又在各人面前說我不是, 今天我老公忍唔住同我講, 叫我唔好再在msn提及有關家中的事, 費是佢地又講來講去, 原來我連在我msn說話的自由也沒有...

其實, 老公都知道大家心中有嘢, 但我倆從沒有討論過, 第一, 大家都知討論左都無用 ; 第二, 我根本唔會在意他們的說話, 說什麼都唔會影響我

我只是真係好唔like呢d八婆, 不過我唔會同佢地頂咀, 根本唔會說話!

私人傳訊

溫柔

男爵府

積分: 6308

32^#

發表於 08-7-4 19:37 |只看該作者

我有同99講過呢個問題,佢話佢兩個一路都係咁,只係我多咗個女眼嘢窄咗,計較咗,其實有好多嘢我一直只係擺係心度無出聲,好似咁呀,佢哋不嬲都懶係講禮貌,要個仔見到佢哋時要逐個叫,ok,我覺得係應該,但係試過因為我個仔叫佢哋叫得細聲,就比佢係咁鬧,當時我個仔只係得4歲,又係d幾怕醜既小朋友,同佢哋又唔係成日見,識得叫人已經ok啦,但就因為唔夠大聲,比人鬧到喊,重喊到不停喘氣,我個仔有哮喘+,一陣有起事上嚟咁邊個負責呀,有好多嘢係日積月累,重有好多多嘢,只係我唔想係人哋面前數佢兩個,我連個c6都無講但係咁唔代表我唔介意,我只係想多一事不如少一事,+下我就放長雙眼,睇下佢一個連c片都唔敢換既女人,第時個孫係點,又有幾好?

原文章由 alphabetagamma 於 08-6-30 15:19 發表

我表妹都係咁的. 細細個成日喊, 見到男人就喊. 到現在十八歲, 有時同我地聚都會頭茸茸的. 其實係我d阿姨舅父麻煩啫. 就好似你老公的姑姐姑丈咁... 到現在我表妹都好獨立, 自己一個人去左留學兩年了. 其實我自己都 ...

私人傳訊

[[]]

大宅

積分: 2843

31^#

發表於 08-7-3 16:00 |只看該作者

原文章由 bittyko 於 08-6-26 19:02 發表

真係多謝大家的意見! 我都係會減少同佢地接觸會好d, 總之佢地唔惹我, 我就唔會主動撩佢地, 朋友有得揀, 親戚無得揀, 如果我有d咁樣的朋友, 一早唔會來往, 更唔會有好嘢益佢地!

不過亦都因為老公始終都好喜歡一家 ...

咁似我姑奶佢地,一個人脫牙,成家人伴住去診所.........

私人傳訊

KATRINE

子爵府

積分: 11902

30^#

發表於 08-7-2 17:23 |只看該作者

關係普通過普通，因我唔多ＬＩＫＥ　ＳＯＣＩＡＬ
我都唔會主動行過去佢哋度傾計
最大的ＧＡＰ係我唔懂打４圈，因我最憎人打同聽到呢喲聲

私人傳訊

juicypig

珍珠宮

積分: 30278

環保接龍勳章 hashtag影視迷勳章

29^#

發表於 08-6-30 15:57 |只看該作者

我同奶奶嗰邊既感情好好架, 佢哋屋企人(62,99, d姑奶, 大伯,e生仔女)同我既感情仲好過同我老公

可能識得太耐啦, 佢地有咩活動都係直接揾我而唔係揾我老公既

不過可能我未有bb啦, 唔知第二時會唔會變呢

一個人之所以快樂,不是因為她擁有得多, 而是因為她計較得少

私人傳訊

catw88

禁止訪問

積分: 6252

28^#

發表於 08-6-30 15:27 |只看該作者

提示: 作者被禁止或刪除內容自動屏蔽

私人傳訊

alphabetagamma

珊瑚宮

積分: 108856

環保接龍勳章

27^#

發表於 08-6-30 15:19 |只看該作者

原文章由溫柔於 08-6-27 00:20 發表
我又講吓我同夫家既關係先

唔知係咪我小氣,小心眼,但係我真係好唔開心,同6299無乜嘢,只係係結婚時有d唔係咁開心,不過過咗咁耐,不提也罷,而家最令我唔開心既就係我老公個姑姐姑丈,件事係由我女出世之後跟住叔仔個仔 ...

我表妹都係咁的. 細細個成日喊, 見到男人就喊. 到現在十八歲, 有時同我地聚都會頭茸茸的. 其實係我d阿姨舅父麻煩啫. 就好似你老公的姑姐姑丈咁... 到現在我表妹都好獨立, 自己一個人去左留學兩年了. 其實我自己都係過來人, 我媽咪成日帶我返婆婆家, 但係媽咪又唔可以成日睇住我適時教導開解我. 我係回婆婆家, 心靈上真係受了傷, 成日笑我肥, 笑我唔高, 笑我豆沙喉(除左唔高, 其他我都唔係!!!!)好hurt囉.... 我未結婚前, 對住佢地無咩自信, 但我本身在外面好有鬥心的, 結婚后我慢慢變得自信一點, 因為有問題的是他們不應是我.
我表妹就好好多, 因為細我一截, 而佢媽咪俾佢唔返婆婆家, 所以在重要的青少年信心鞏固期, 唔洗比d其他人影響佢發展.
你最好唔好俾仔女單獨同佢地相處. 佢地未必有心, 但係佢地一言一語真係會好影響仔女心性的, 千萬要注意.

私人傳訊

strawberry008bb

洋房

積分: 134

26^#

發表於 08-6-30 04:04 |只看該作者

祝你做個開心媽媽

唔好為咗過去既事唔開心，而家睇住你囝囝囡囡健健康康咁成長，個心都甜晒啦!開心D啦!

原文章由溫柔於 08-6-27 00:20 發表
我又講吓我同夫家既關係先

唔知係咪我小氣,小心眼,但係我真係好唔開心,同6299無乜嘢,只係係結婚時有d唔係咁開心,不過過咗咁耐,不提也罷,而家最令我唔開心既就係我老公個姑姐姑丈,件事係由我女出世之後跟住叔仔個仔 ...

私人傳訊

alphabetagamma

珊瑚宮

積分: 108856

環保接龍勳章

25^#

發表於 08-6-29 18:54 |只看該作者

我覺得你做得最唔好係同佢最細個妹實佢唔like的東西. 有時阿媽都要覺下溝通嘛(我mum自己都成日講), 就算親如母女講野都要顧人地感受. 更何妨你只是阿嫂!!! 另外想講下我有個親阿姨教曉我的道理, 我地唔係上帝, 唔係巴士阿叔. 我地唔需要去審人有錯/無錯. 最唔好的就是審完人想人去改. 身邊的枕邊人尚可去力要求佢去改. 自己做人仔女都知, 父母要我地去改的地方, 有D都未必改到啦.... 你唔好咁FOCUS係佢地身上對與錯, 但求快快樂樂過一DAY好過.

講下我老公一家人關係.
老公DAD好早去世了. 家裏就一個MUM, 一個家姐及他. 關係幾好??? 一般??? 我都唔知. 不過大家好好心心, 無大爭執. 我同佢家姐老公都聽唔明佢媽咪D鄉下話. 大家好少聚, 又好少回家探99, 我就要求老公得閒返家瞓, 佢得閒就會打電話同佢MUM聯絡. 大家一聚時, 又會輕輕鬆鬆. 我99對自己對仔女有要求, 反而唔敢對我這個媳婦及佢女婿要求, 佢對佢對仔女會擺款, 對我同佢女婿都無. 因為佢MUM係好寡言的. 但我見到佢就會好努力咁同佢傾, 老公都話過我同傾得仲多過佢同家姐跟佢一星期的對話. 可能我唔會怕佢板著面卦...

至於我家. 同父母關係好好, 差不過可以日日見, 我自己妹妹有D性格好難頂, 算了吧, 大家唔算太夾合拍, 但關係好OK. 當然我都希望好似人地好CLOSE的那些姊妹一樣, 但有D野無得勉強. 我老公同我家人好好的. 因為我的家人好平易近人.

私人傳訊

家家公主

翡翠宮

積分: 84470

畀面勳章 BK Milk勳章

24^#

發表於 08-6-29 09:05 |只看該作者

我同6299關係都OK...其實佢地幾錫我..對我幾好...係我自己唔知點解唔LIKE成日見到佢地咁...佢地同2個姑奶住晌我地對面村...過一條馬路就OK..但好彩佢地都唔會成日黎煩我..因為佢知道我唔好老脾...會唔中意..其實佢地好尊重我架...有D咩飯局一定係問我去邊度食飯..就算係6299生日都會問我=.=""我都好奇怪...至於2個姑奶都對我好好...講真我老公搵錢唔多...我又係全職媽媽..有時果個月唔夠錢用...問佢地要永無SAY NO...出親街都係佢地比錢...比返去都唔要架...呢D咁既親人真係好...唔係因為佢比錢我地話好...而係佢地對我既態度同關心...其實仲有2個姑仔...不過佢地因為工作關係同住得遠少見D..但都會有電話CONTACT...我覺得都OK架啦...起碼唔會有是非先...佢地有無講我唔知...至低限度我無聽過咯...

若問今世所遇，皆是前世的緣。今生寬以待人，來世皆是善緣。

私人傳訊

溫柔

男爵府

積分: 6308

23^#

發表於 08-6-28 23:45 |只看該作者

其實我一d都唔介意人哋鍾唔鍾意我個女,但係就唔好特登走嚟整喊我個女,嚟手就係度 "鞋"落佢,又話佢衰,成日話自己點係人哋個角度唸,話我哋都係想我哋好呀.......廢話,係識將身比己既就唔會咁話一個幾個月大既bb啦,話足成年,攪到我覺得佢好討厭....又唔可以話佢,不知所謂,成日持住自己係長輩,就多多意見,指指點點,有口話人無口話自,欺善怕惡................