親子旅遊 今日: 9|主題: 161747

剛剛係清邁番黎, 以下有少少資料可分享:

今次搭 Air Asia, 早去早番, 好準時, 去程同回程都早左到達. 清邁等行李果度有個counter 買電話上網卡, 300b 7days, set 埋機, 好方便, 隔離counter 就有地圖攞.

天氣: 日日都天陰, 冇乜太陽, 間中有小小雨 (除左星期日
由1點落到8點).
可能冇太陽, 所以唔覺得熱, 游水時仲覺得凍tim.
發覺餐廳室外位通常都有蚊之仔, 所以我地之後都會選擇室內位.

第一日 book 左 BK jm 介紹既 Mr Lee, 1200b由機場開始, 約10小時, 包括去左night safari, 門票都係經 Mr Lee 買, 600b 一張.
全程都覺得Mr Lee 幾好, 落車時都有比tips.
但……..

因我另外都有book 回程既 airport transfer,order係零晨4點, 佢email 覆 200b, 我都有remind 佢係零晨4點!! Mr Lee 話冇問題, 佢會安排staff 車我地.
係day 1 落車時, 佢都有提及呢個booking, 仲話前一晚再聯絡.
點知….. 當前一晚打比佢時, 佢就話太早, 安排唔到, 叫我地搵酒店call 的士喎! 如果佢一早講冇車, 我地都可以係街另外搵車, 呢個時侯先通知, 結果我地只可book 酒店車 550b!!!! 比貴左都算啦, 條氣真係好唔順囉!!!!

其他日子都係坐 tuk tuk, 80b/100b, 主要都係去尼曼, 古城, night market 等地方.

今次住左2間酒店, 兩晚 Anantara, 兩晚 Shangri-la.
Anantara 環境好好, 好舒服, 泳池冇乜人.
Shangri-la 隔離起緊樓, 係房內及其他地方冇影響, 但係pool 度就會覺得好嘈!!

去左night safari, 可坐車睇動物 (分泰文, 及國外語言..即英及普), 一邊草食, 另一邊肉食, 約半小時一邊. 上車前可買定食物餵草食動物 (30b), d 長頸鹿會伸個頭入車搵食, 好可愛架!
圍住個湖有個 walking zone, 都要行半至1小時, 果度好黑, 要開電筒黎行, 好似去左探險咁! 係呢度有個意外驚喜, 就係近距離見到幾隻螢火蟲, 真係好靚!!!

一家三口參加左個 cooking class, 1000b 6 dishes 包transfer 及去街市介紹食材, 除左我地3個, 仲有2 pair 外國人, 共7人一班, 由一個後生女教, 英文都幾好.
成個果程都好開心, 煮完即刻食, 食唔哂可以包走.

Sunday market – 成個trip 見得最多hk人係呢度, 幾好行, 鋪頭重覆唔多, 所以睇啱就要買, 好多都唔肯講價, 有d就250b 講到200b 咁上下.

去左let’s relax 做 oil massage1200b, 因為第一次做所以唔知手勢好唔好, 不過沖身房就超唔掂, d水好弱, 同埋涷熱水好難攪. 另外我覺得個場唔夠private, d 房係2樓, 但係原來2樓唔係全部都係let’s relax 既, 雖然有度閘仔係度, 但係房門口見到其他商場客, 感覺唔係咁好.
原本另外都book 左 fah lannamassage, 不過果日老公唔舒服, 所以cancel 左.

食方面, 一落機諗住去 cafe de Nimman, 點知果2日係泰國假期, 冇開!!

Anchan noodle – 幾特別, 不過味道偏淡, 餐牌係泰文, 唯有手指指咁落order, 當日去到約1:30pm, 只有豬可選.

MIX – 係BKK食過, 好得, 所以黎到清邁都要幫襯, 我去左尼曼果間食晚飯, 比較多人, 最好先book 位.

Whole Earth – 因為近酒店, 所以去左呢間, 環境唔錯, 味道冇乜特別.

Girasole – 行Sunday market 中, 係度食晚飯順便抖抖, 未夠7點已經坐滿人, 食物ok.

發清 – 海南雞飯同satay, 都ok 既, 不過我覺得新加波同沙巴果d好食d. 我地第一次2pm 到, 佢已經賣哂, 所以第2日早d再去, 如果有心去, 就要早d到啦.

麵攤
(Khow Soi) – c6試左泰北麵, 佢話麻麻地, 可能唔係佢杯茶掛.

Iberry Garden – 超多內地人, 好亂好嘈既感覺! 一同Tuk Tuk 司機講去呢度, 佢即刻知邊度, 呢間野應該好HIT下喎.

Fruiturday, Mango Tango – 兩間既menu 差唔多, 本人就覺得 fruiturday 特別d.

Love at First Bite – 試左蛋糕同pie, 幾好!

Mont – 去曼谷咁多次都食唔到, 終於係尼曼食到, 真係平靚正!

Dhara Dhevi macaron – 只試左thai tea & coconut, 好好味, 又係平靚正之選!

呢緊去清邁的朋友, 希望你地玩得開心d啦!