婆媳關係 今日: 0 | 主題: 27782

積分: 14667

1^#

發表於 08-7-24 02:32 |只看該作者 |正序瀏覽 |打印

今晚老公既粗心, 又俾大6亞嫂既串 "激"到我

但又發唔到出來, 到而家真係訓唔到, 個心up住好唔舒服

話說我同公老今日去姑奶度睇bb, 本身都好開心, 因為姑奶個6299又來左, 我6299米同左佢地出去食飯囉 (仲有姑奶老公), 個大6亞嫂又來同佢地一齊出去食, 我同老公冇出, 因為得姑奶同bb係屋企, 我地留係屋部佢地同煮晚餐俾姑奶食.. 之後大家返左來, 個大6亞嫂都一齊上左來, 佢一見到我, 就捉住我隻手 (係咁多人面前), "哇! 你要整整隻手啦, 睇下幾難睇" 熱情到我起雞皮.. 咁我笑左幾聲, 話冇時間就走開左, 心唸我隻手難睇關你乜事!!, 之後我入左房見bb, 主要係唔想見到佢,

點知佢又跟住入去, 我姑奶都係房度, 初時佢同姑奶傾計, 冇啦啦又開始講, "我係大舅母, 但唔好叫我大舅母, 叫我舅母得啦, 叫佢細舅母啦 (佢指既佢..就係我), 姑奶同佢講冇個大字米一樣老~ 佢話邊個話我老, 總之教bb叫我舅母, 叫佢細舅母就得啦,(成個過程一路佢一路細舅母!!"頂") 我忍唔住, 話:你又要人知你係"大"舅母, 又唔俾人地叫你大舅母, 你個人咁怪嫁, 你老公都話自己係大舅父啦, 你係米佢老婆呀, 如果係,你米一樣係大舅母~ 扮乜野候生呀" 之後佢又輪咀講~~跟住99入左房, 佢又發"爹"功, "爹"99, :亞媽~ 你話下佢地啦~ 佢地蝦我~ 叫個bb叫我舅母, 叫佢細舅母啦 (同時指住我), 99出聲, 是但啦, 都係一句, 一個舅母,一個細舅母, 都係一句姐~ 我冇出聲, 唔理佢地, 我心唸: 都係一句, 算啦, 佢想點就點啦, 佢都係想俾我知係"大"過我姐~,

好啦~要返屋企, 99又叫我地車佢返屋企:;pppp: , 老公ok, 咁我地一齊走, 係等"車立"時, 62都係度, 老公攞左d糖出來問大家食唔食, 我地3個都申手出來要, 老公個個都俾, 只有我..佢話睇唔到我隻手, 所以冇俾到我, 62同個阿嫂睇住.. 我拍個老公, 出聲我都要嫁, 你睇唔到我隻手嫁, 老公話睇唔到..個62係度笑, 咁我只好講: 唉..佢一向都唔多點理過我, 個阿嫂就話 : 因為個老婆唔靚囉" 我頂佢, 我即講, 我係唔靚, 不過起碼靚過你, 佢話: 我不知幾靚呢 "我心想嘔死, 佢正一發"考"豬扒

佢仲講又唔係佢老公都唔會要佢~~ 我老公一句"我大佬不嬲都冇乜眼光"

0 0 0

私人傳訊

onon1022

積分: 12600

好媽媽勳章

32^#

發表於 08-7-27 13:59 |只看該作者

其實你阿嫂講咩咪又由得佢講...你越嬲...佢越開心...

[url=http://lilypie.com][img]

私人傳訊

ivymeoow

男爵府

積分: 5160

31^#

發表於 08-7-27 11:07 |只看該作者

原文章由 carman_ay 於 08-7-24 10:35 發表
教你一招幾好用的，我當年都係咁對付我個大陸大嫂，其實我同你大嫂都係一模一樣，我相信呢d係國內的教育，佢地好喜歡講一d說話o黎new慶你，or比一d好挑釁嘅態度令你標火開佢拖，你鬧佢的話佢就即扮可憐蟲，等其他家人憐憫佢，當然，你就即變衰人啦!
我爺爺教過我對付呢d咁嘅人首先係，對住佢時切記要喜怒不形於色，佢串你激你嘅目的都係想你'慶'，你就千祈千祈唔好慶，唔好比反應佢、唔好比佢知你諗咩! 仲要笑笑同好有禮貌咁同佢傾。你做到的話就會係佢比人激親先o岩!

好似我阿嫂有次食食下飯係大家面前話自己靚，阿弟婦就唔算係靚女呢!我就揸住碗飯笑笑口咁同佢講: 「傻豬o黎o架!你真係'令'得咁'近'的話都比d有錢佬收起咗做2奶啦!仲邊有機會做我地大嫂喎!好彩咋!如果唔係我就冇咗個咁好嘅大嫂!」佢即場off咗!
我咁講唔係教你點同佢鬥，因為佢地細個父母冇教過佢地德育....等等，所以開佢拖只會有失你身份。

正野~~~
佢一定即刻收哂呀!!!
呢d大陸女人都唔睇下自己咩新鮮蘿蔔皮先講野!!!

私人傳訊

舞秋月

複式洋房

積分: 229

30^#

發表於 08-7-26 17:50 |只看該作者

樓主唔好咁嬲啦! 男人有時唔夠細心, 好似搭lift個件事咁樣, 我老公以前都試過.

我一個人企到入一入, 迫埋角落位出唔到, 老公又唔記得左我, 一枝箭行出lift

好啦! 我乾脆唔出lift , 睇佢幾時搵返我.

到發現唔見左我個時先會緊張

真係呀~

而家人多時搭lift, 佢都會攬到我實一實

[ 本文章最後由舞秋月於 08-7-26 18:17 編輯 ]

私人傳訊

BigPink

積分: 1346

29^#

發表於 08-7-26 13:28 |只看該作者

個老婆唔洗好靚,望落順眼未得囉..正所謂"相由心生"嘛

一個人係點,會從佢既言行舉指睇得出

私人傳訊

積分: 14667

28^#

發表於 08-7-26 13:09 |只看該作者

小寶貝兒
你就好啦,

我唸我個c6有掛先好似你c6咁

其實自問我對c6屋企都ok啦..
但唔知點解, 無論點做..佢地都係睇個大6亞嫂多..

私人傳訊

E@V

積分: 1312

27^#

發表於 08-7-25 23:25 |只看該作者

咁我有親大嫂, 老公果邊無大嫂囉~
嘿..我都唔知係未都叫大嫂喎..

私人傳訊

小寶貝兒

珍珠宮

積分: 30295

26^#

發表於 08-7-25 23:01 |只看該作者

樓主, 唔洗為呢d廢人激親自己, 我老公個阿叔之前夠串串共啦! 自從上次佢懶係野咁係飲宴時撩交嗌, 但我一d都冇反擊, 仲令到全檯人(除左我99)覺得佢自己攞黎衰之後, 而家見到我地, 我地嗌都冇嗌佢, 當佢透明, 佢都唔敢再出聲串我地呀!!

另外你老公粗心, 好多男人都係咁, 我老公以前都係咁, 不過我成日嗲佢, 提醒佢多d就返我既腳步, 又有時借d e係佢面前失平衡差d跌, 佢而家出親街一定會拖實或攬實我, 亦會自動幫我留意附近會唔會有人或物會令我危險(例如有冇人拎住d又長又尖既野, 或有水氹, 或有鐵枝係地下), 過馬路一定會擋係我同車之間~

不過呢d唔係一朝一夕可以train到出黎, 要多d提佢, 有時佢都會忘記左, 我唔會嬲, 只會用d可憐既語氣問佢, "你唔扶住我, 我跌親點算啊?"
久而久之, 佢就會自發地保護我了~~

♡女人想要奢侈品，其實要的是男人的捨得！
♡女人想要你出差的禮物，其實要的是男人的掛念！
♡女人想要生日禮物，其實要的是男人的心思！
♡女人想要擁抱，其實要的是男人的溫暖！
♡女人想要吵架，其實要的是男人的包容！
♡女人想要的一切，無非是要男人在乎她的感覺！

私人傳訊

miffymiffy

瑪瑙宮

積分: 131843

好媽媽勳章醒目開學勳章畀面勳章環保接龍勳章親子達人勳章 BK Milk勳章

25^#

發表於 08-7-25 17:49 |只看該作者

原文章由 fungwongphie 於 08-7-25 17:36 發表
Of course, one is 親大嫂, the other is 老公的大嫂 lor ~

但佢話係

:

文章由 E@V 於 08-7-25 04:55 發表

呀..唔係, 我有大嫂, 不過係我阿哥的老婆, 佢個人無乜野, 所以我地都無乜問題..

私人傳訊

fungwongphie

珍珠宮

積分: 46800

趣教勳章畀面勳章貢獻勳章大廚勳章遊學勳章冬日勳章春季勳章 BK Milk勳章 hashtag影視迷勳章月餅勳章開心吸收勳章

24^#

發表於 08-7-25 17:36 |只看該作者

回覆 #1 miffymiffy 的文章

Of course, one is 親大嫂, the other is 老公的大嫂 lor ~

Please do not quote any information posted by fungwongphie.
不誠實使用電腦會構成罪行，切勿以身試法。
何謂不誠實使用電腦??

私人傳訊

miffymiffy

瑪瑙宮

積分: 131843

好媽媽勳章醒目開學勳章畀面勳章環保接龍勳章親子達人勳章 BK Milk勳章

23^#

發表於 08-7-25 17:33 |只看該作者

原文章由 E@V 於 08-7-25 04:55 發表
呀..唔係, 我有大嫂, 不過係我阿哥的老婆, 佢個人無乜野, 所以我地都無乜問題..

有乜野分別

私人傳訊

E@V

積分: 1312

22^#

發表於 08-7-25 04:55 |只看該作者

呀..唔係, 我有大嫂, 不過係我阿哥的老婆, 佢個人無乜野, 所以我地都無乜問題..

私人傳訊

E@V

積分: 1312

21^#

發表於 08-7-25 04:54 |只看該作者

哈哈..我而家高招到當佢地透明!!

我無大嫂, 不過有個賤姑9 ..佢成日單單打打我o架..我開頭都會黑面..但係後來, 我直頭當佢無到..

當然我都同佢客客氣氣..但係永遠唔會同佢講野..佢問我野, 我一係笑下, 一係答 yes or no.
佢窒我都係.我只會笑一下...

嘿...咁樣佢仲激氣呀! 睇住佢頂住條氣個樣..我仲心涼..好過鬧返佢呀!

私人傳訊

積分: 14667

20^#

發表於 08-7-24 17:59 |只看該作者

佢呢d人.. 我真係少見佢為妙

私人傳訊

elkykit

積分: 10503

19^#

發表於 08-7-24 14:49 |只看該作者

原文章由 carly.c 於 08-7-24 12:11 發表
以前就成日見.. 而家好彩搬左出去, 唔係成日見, 返99屋企先見

之前佢都冇咁出面. 唔知係唔係我老公唔再支助佢同大伯(之前講過..都好長), 佢就越來越串.. (對住我), 又俾話我聽,!! 有次我去姑奶度正手甲,佢又係度, ...

妳真係好脾氣呀...比我真係話之佢係天皇老祖呀...

不過...唔好為呢D人勞氣...我一路都有睇妳D POST 所以都知道佢有幾難頂呀...妳下次問佢 : 蝦...唔知點解喺6299面前妳特別文靜GE...

私人傳訊

3306A

積分: 1529

18^#

發表於 08-7-24 14:21 |只看該作者

可能我個樣不是好蝦嗰隻，所以我99幾慈禧太后都好，無人夠姜吋我而我亦不是和她們住，不過有時相處是双向的，每次回去吃飯我都恭恭敬敬，少說話人哋就無機會吋妳啦，而我姑仔老公有時都幾吋同自大，我當佢發嗡風左耳入右耳出就算，又不是成日見一年都見不到6次，見面時扮嘢扮傻好叻架，所以結婚6年未試過受氣單打。
妳嗰個大陸亞嫂咪理佢啦，面就人比賈就自己掉，佢講咁多廢話就係想人注意佢樓主唔好中計，如果妳唔so佢，佢就會揾其他目標發嗡風，到時等睇戲啦。
其實妳講咗咁多都係得大陸亞嫂有問題，妳就佢透明把啦，不要想辦法去同佢鬥，佢咁叻辨嘢，到最後妳只會在她們一家心目中是吃力不討好的一個。

[ 本文章最後由 3306A 於 08-7-24 14:30 編輯 ]

BK已替閣下刪除簽名檔內容,煩請自行檢視,頭像,頭銜,暱稱,如帶有廣告或宣傳推介成份,應立即修改或刪除,否則可被封鎖戶口,謝謝合作

私人傳訊