吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 針唔拮到肉真係唔知痛

夫婦情感今日: 2|主題: 42735

收藏本版

發帖

返回列表

跳至頁

查看: 3879 | 回覆: 33

針唔拮到肉真係唔知痛 [複製鏈接]

Carmen811

複式洋房

積分: 257

1^#

發表於 08-9-5 11:43 |只看該作者 |正序瀏覽 |打印

以前聽朋友講佢哋嘅感情問題，例如有第三者之類，往往我都會叫佢哋爭氣，要主動分手，但原來到事情發生咗响自己身上，就原全係兩回事.....

懷疑我老公有婚外情已經有幾個月時間，喱幾個月好難受，瞓唔到、食唔到、每分鐘個腦都充斥住喱件事，會不停問自己點解會搞成咁，其實係唔係自己胡思亂想....

最近終於證實咗，响老公承認嗰一刻，我個心跳得好快、手同身都震到不受控制，腦一片空白。

因唔想屋企人擔心，我無同過雙方家人講過，亦都無同朋友提過，因為佢哋嘅關心提問，往往變成在我傷口灑鹽。每日裝著若無其事返工放工、如常出席家庭聚會，感覺好淒涼、好無助、好折磨！

老公話要慢慢解決，佢曾經講過會解決但叫我唔好追問，因為唔係一時三刻會解決得到，每日幻得幻失，有好多嘅懷疑，好無安全感。每次見到佢check email，我就會諗係唔係佢女朋友又send msg俾佢、佢下晝係唔係同女朋友食午飯(佢哋係同事)、放工happy hour晚飯又係唔係一齊....

對住佢，我盡量無苦口苦面，唔想令到佢更加想離開喱個家。真係對人歡笑....

我瞓唔到，每晚大約只係瞓到兩個幾小時、食唔落，已經瘦咗六磅。唔可以咁落去，尋日終於第一次買咗安眠藥，食咗，好瞓少少。咁嘅日子到底幾次會完結？

0 0 0

私人傳訊

Carmen811

複式洋房

積分: 257

34^#

發表於 08-9-14 18:26 |只看該作者

premum2006：我都寫到亂晒籠，文筆唔會好得去邊。不過今次我主要係寫信同email俾佢嘅，因為我發現自己嘅表現太激動，跟本唔能夠面對面傾到野，我講唔夠兩句就喊咗出黎。

Lovely媽咪、BABYQOO、mrs.hamster：我有寫blog，記底咗自己最真嘅感受。仍然唔會選擇同朋友講，唔想好朋友擔心我，同時佢哋對我嘅關心會提醒我喱件事，我心更痛。衣家可以响喱度講下已經足夠，有咁多位嘅支持，我感覺到溫暖。

有時我會諗如果我哋有小朋友會唔會好d，大家嘅bonding好似會再緊密d。
我真係唔知.... 但無小朋友，又好似影響無咁深遠.....

[ 本文章最後由 Carmen811 於 08-9-14 18:28 編輯 ]

私人傳訊

貓貓2008

大宅

積分: 4942

33^#

發表於 08-9-14 17:36 |只看該作者

回覆Carmen811

現瘥在我和你都係同路人,他和我一起十九年了,最近同我說有了另一個(4-5月吧,他說的),我仲有一對仔女,佢每晚都有返屋企食飯,放假有時留响屋企,但他一星期只有二晚留家過夜(我們不同房),他說我只專注家務和工作上的事,沒有理會他的感受,(這些問題他一直沒有提出,我亦大意忽略)我叫他比D時間我改,但他說太了解我,不想再等,我哭了一次又一次,他說這只加重他的壓力,令他不想再回家,現在對人歡笑背人愁,有苦只有自己知,好想等他,但我唔知他會不會回來.

私人傳訊

Carmen811

複式洋房

積分: 257

32^#

發表於 08-9-14 15:56 |只看該作者

今年中秋，我買咗兩個燈籠，因為今年好可能係最後一年大家一齊過。

佢每晚都有返屋企同我食飯，放假亦都留响屋企，有時要OT，都會叫我唔好諗太多，佢真係响公司OT.....
但我覺得佢哋仍然一齊，仍然會响見唔到嘅時候send msg，我每次諗起熱戀中嘅佢哋，我自然會好心痛，我只係一條點唔著既濕柴，同佢新鮮熱棘嘅女朋友無得比.....

响三個人嘅關系裡面，係多餘嘅一個....

咁多年黎，我好愛佢、好錫佢，佢鍾意食嘅菜式，我會去學整，好味嘅食物，一定會留番俾佢、佢唔鍾意我做嘅事，我唔會去做....
所以好多時我都會諗，今次唔差在自己退出，等佢哋開心，濕柴又點會可以再點得著？唔好阻住地球轉。

我已經定咗一個期限，如果到時，佢哋仍然係分唔開嘅，我就讓位。

打到喱度，我d眼淚又滴咗出黎，我真係好辛苦、好心痛。

私人傳訊

mrs.hamster

禁止訪問

積分: 5073

31^#

發表於 08-9-13 10:01 |只看該作者

提示: 作者被禁止或刪除內容自動屏蔽

私人傳訊

suzanne0819

別墅

積分: 646

30^#

發表於 08-9-13 01:21 |只看該作者

好心up呀睇完樓主件事, 你咁愛佢仲可以成全佢地...

其實有無信心佢返黎可以乜事都無?係咪已經原諒左佢?諗到呢度重新開始都係一個難題咁

私人傳訊

HF7626

民房

積分: 17

29^#

發表於 08-9-13 00:49 |只看該作者

回覆 #11 Carmen811 的文章

香港搵工好易o架.....
唔想放棄份工.
或唔想放棄佢?
你自己諗清楚啦...

因我有一位好朋友.同你同一遭遇.
sorry

私人傳訊

melodylee113

男爵府

積分: 6538

好媽媽勳章

28^#

發表於 08-9-6 01:48 |只看該作者

:;pppp: ~唉~點解女人就要為左頭家甘難為自己~而男人就可以大條道理去沙沙滾

真系想殺晒世界上所有既負心人

私人傳訊

Anna88

大宅

積分: 3000

27^#

發表於 08-9-6 01:47 |只看該作者

原文章由 clc_ivy 於 08-9-5 13:46 發表
每人個女人都係因為愛個男人先會同佢結婚,每一次都睇到"雖然佢係做錯,但係以然好愛佢"我知道如果有一日我老公都係咁,我都會同咁多位mama一樣咁傷心難過,都會講以上嘅說話,不過大家有無諗過,點解要令自己去對住一個已 ...

講得好啱!!!

私人傳訊

wife

子爵府

積分: 14859

26^#

發表於 08-9-6 01:19 |只看該作者

原文章由 Carmen811 於 08-9-5 12:35 發表
我老公同我講，唔會一兩日內會解決到，咁我都明白，對方係佢同事，日日見住，係會麻煩嘅。

之前我頂唔住，同佢講成全佢哋，我搬走，佢同我講咗會搞掂件事，想我留抵。

我真係唔知會拖到幾時，佢叫我要自己觀察住，到時就會知道佢做咗野。 ...

比佢拖得越耐,對你造成嘅傷害會越大,你將來會有陰影架!
佢一日未清楚解決(吾係要你去觀察住,係要佢交d證明出嚟令你原諒佢),我諗你都係搬走/當佢透明先啦!如果吾係,我諗佢都係拖拖拉拉架!
take care!

[ 本文章最後由 wife 於 08-9-6 01:22 編輯 ]

私人傳訊

ioltam

複式洋房

積分: 439

25^#

發表於 08-9-5 19:22 |只看該作者

same as me, 但係佢冇認過, 呢仲難受, 我好明白...唉...天呀, 幾時可以幫下我呀?

私人傳訊

Carmen811

複式洋房

積分: 257

24^#

發表於 08-9-5 18:42 |只看該作者

多謝各位嘅鼓勵，我會堅強，喱個時候只有自己至可以幫到自己。

當被負能量罩住自己時，曾經想過放手放棄、分開就算。但一冷靜下來，又想盡力挽救。

做人真茅盾，好唔鍾意見到自己既軟弱，太無用了。

私人傳訊

BABYQOO

男爵府

積分: 6235

23^#

發表於 08-9-5 18:20 |只看該作者

應該儘快解決..吾好拖…吾係會好痛苦
要搵人傾訴…吾好屈係心入面

私人傳訊

Lovely媽咪

版主

積分: 18436

減齡達人勳章 2018母親節勳章 15週年勳章親子王國15週年勳章熱血勳章畀面勳章大廚勳章 BK猜猜猜慶中秋

22^#

發表於 08-9-5 18:09 |只看該作者

如果真係怕同人講,你可以試吓寫blog丫,一有咩唔開心就寫出嚟,會輕鬆啲,當然最好更係搵朋友傾啦.
每個男人一被發現有第3者,都會叫俾啲時間佢解決,基本上係因為佢對呢個新歡仲有保留,同佢一齊多數都係因為有新鮮感,但另一方面佢亦唔想放棄你(要留番個後著),到是但一方頂唔順提出,佢就可以解決la.
男人永遠都係咁婆媽,鐘意拖拖拉拉,如果你根本每一刻都會懷疑佢係咪同另一個一齊,你真係要清清楚楚咁同你老公講出你既感受,時間越耐只會令你越辛苦,你既疑心會越嚟越大,唔好俾自已變成一個咩都疑神疑鬼,越嚟越唔信佢,就算到最後冇咗第三者,你地既關係都唔會維持得耐.

私人傳訊

yanlongma

男爵府

積分: 5016

21^#

發表於 08-9-5 17:42 |只看該作者

俾時間？
既然佢地日日見住，自己又唔會resign，咁點解決？
佢有無話佢個plan係點？

不如你同佢講：俾時間你？好呀！而家開始分居，俾兩年時間你，搞掂就搵返我啦！

私人傳訊

premum2006

侯爵府

積分: 20746

好媽媽勳章醒目開學勳章

20^#

發表於 08-9-5 16:55 |只看該作者

樓主
我覺得你文筆幾好
做到"我手寫我心"
不如試吓將諗法, 感受, 關懷, 心意
親手寫俾老公
一嚟唔駛屈住
二嚟可以俾老公知你感受同諗法
但係又唔會煩到佢
婚姻出現問題
值得補救嘅就全心去補救
唔好諗嬴輸得失
努力過後
結果一定係最適合自己嘅

私人傳訊

rubymo928

大宅

積分: 1612

19^#

發表於 08-9-5 16:42 |只看該作者

樓主,

甘你有無 feel 到你老公有做任何野去解決問題 ?

你同你老公家人關系如何 ? 如果唔系太差, 可以暗示個老公出面有女人. 睇下佢地物反應, 會唔會企你果邊. 不過, 始終佢地系同一條腸出, 你唔好 expect 佢地會撐你, 有物冬瓜豆腐最終都系靠自己.

家庭 gathering 如果系男方 ga, 甘你唔好去啦, 你唔去多幾次, 佢地都會問你有物事. 果時順勢話老公出面攪攪震...

如果系自己外家 gathering, 甘我都明白, 做女唔想父母家人擔心.

你老同同個女人系同事好難攪woo, 佢地日日見住. 你老公唔會 resign, 個女仔更加唔會捨得走啦. 你有無見個個女人 ?

你要保重呀 ! 輸人唔好輸勢 ! 唔好比自己再殘落去. 如果你仍愛你老公, 呢個好可能系一個持久戰. 有物上黎同我地傾, 記住你唔系孤軍作戰 ! Take Care !

私人傳訊

幸福無比

別墅

積分: 569

18^#

發表於 08-9-5 16:28 |只看該作者

針吾吉到肉吾知痛

但長痛不如短痛!

男人都喜歡拖泥帶水, 佢話比時間佢解決, 但你要set一個限期比佢

私人傳訊

emt1314

珍珠宮

積分: 46404

2025勳章 2025勳章蛇年勳章 2024年龍年勳章牛年勳章 2018母親節勳章親子達人勳章

17^#

發表於 08-9-5 14:39 |只看該作者

唔好俾佢拖住你，你要俾個限期佢，如果唔係。。。你會好辛苦！
可能個女仔都唔知佢有老婆，你最好失驚無神去接佢食飯，或送盤花去公司，大大隻字寫”老婆送”。
這叫做"宣泄主權"，等個女仔知難而退。
因為，好多男人去滚，通常得兩個藉口：1。我未結婚 2。我同老婆冇感情
仲有。。。一定要講俾你奶奶知，等佢哦吓個仔。

私人傳訊

babypig801

複式洋房

積分: 436

16^#

發表於 08-9-5 14:01 |只看該作者

回覆 #1 Carmen811 的文章

樓主，你要想想他真的解決了現時問題後，你是否真的可以原諒他，不再亂想嗎？
如不能，長遠而言，只會是把死亡時間拖長，
長期活在惶恐中，壓力是可等的大，連照顧小朋友的心情也失掉似的。
八年前我也曾經歷過，前夫也說要時間解決，也說過不會因另一個女人而拋棄我。我也每天裝作若無其事，最終是怎樣？！
他的一拖再拖，他的愛理不理，而自己的疑神疑鬼，令自己的信念，意志及耐性都一一消磨了！
但若妳還年輕，而他也是第一次，我個人意見，妳可以比一些時間自己及他，看看他的表現及給自己看清楚他是否仍值得妳愛！