自由講場 今日: 174 | 主題: 1351719

積分: 413

1^#

發表於 16-3-2 16:25 |只看該作者 |正序瀏覽 |打印

其實大家點睇散水餅?
公司有個中高層離職，請同事食某C字頭大牌子的原個蛋糕做散水餅，咁個蛋糕本身唔係大件夾抵食果D，味道唔錯，但價錢真係賣個名多。（其實香港地有咩唔係咁？）

咁中高層好好，叫埋我地D助理都食啦，咁佢就諗住午餐會果陣同埋大老細、高層等等老細一齊食，仲叫我地助理想食咩味就分左先（有三個，共三隻味），但我地唔想整到個蛋糕上枱無左幾塊咁樣衰，就緊係等佢地享用左先，有剩我地先再食啦。

咁我地助理有分兩間房坐，因為位置問題，咁緊係問下「高層助理」想食咩味，我地搵工友送上去俾佢地，因為D老細其實未必夠分，有Ｄ人都仲未有機會食到，如果成個拎上去揀的話，拎黎拎去麻煩到工友姐姐之餘，如果無人食就會浪費左(岩岩食左午飯佢地唔會即使揀黎食，試過有D餅係要強制配給要佢地食，又試過G字頭朱古力無人食擺到過期)，不如想食就拎啦，因為上面有三位助理同事，我知有兩位其實都on diet未必會破戒，最主要都係問果位想要咩味。

可能三位同事有兩位都唔食，咁年資最長果位就唔好意思話想食，但佢又要衰多口係度質問詢問佢食咩味果位同事，問邊個訂餅訂到咁衰，搞到唔夠分。其實佢係咪以為係我地「低層助理」幫個中高層老細訂到唔夠分呢？話明散水餅，訂得請得都係要散水果位啦，就算係幫佢訂，我地都係幫手咁大把，唔會屈佢請野食囉，更何況我地都係好突然先知佢想今日請，我地仲拿拿林幫佢整番張Thank you card，費時佢要出去買。不過呢位同事質問完助理同事之後，又吊住ＯＡ同事尾係度講呢件事，好陰謀論咁覺得有人搞到Ｄ餅唔夠分。

呢位資深助理其實人工係我地之中最高，佢唔會食唔起Ｄ名牌子的食物，就算公司有Ｄ咩會分埋俾我地Ｄ助理，都一定唔會漏左佢，實預佢一份甚至俾佢揀先。以前我地助理Ｄ褔利都係由佢分，佢心情好都會分Ｄ好野俾我地，有時有Ｄ野見佢好想要咁自己留起左，我地都無咩所謂，不過上司就唔係咁鍾意呢Ｄ自私行為，就搵另一位助理幫手「分豬肉」。而且呢位同事，試過將大老細話分俾其他老細的果籃，私有化到大大個盒得番幾個蘋果橙，其人部門Ｄ同事見到OA同事運呢個「果籃」落黎我地低層，都恥笑係咪Ｄ生果無人要，所以要拎去掉，有乜理由個果籃咁樣衰。

其實呢位老海鮮都有唔少前科，試過有Sales拜訪大老細加請食凍餅，佢無問過同事就放工果陣成個拎走，因為果陣我地呢Ｄ小助理個上司仲未上任，佢年資最長佢最有話事權，咁我地都唔係話稀罕食，不過係覺得佢有少少低劣。

又試過有人送Ｇ牌禮物籃俾大老細，上司（到左任啦）同埋大老細分左Ｄ俾我地樓層的老細同埋我地助理，老海鮮居然係OA同事拎野黎低層俾我地同埋其他老細途中，追出走廊收起左一盒私有化。不過無人敢反抗佢或者話佢、拆穿佢，因為真係無必要亦唔想做到咁難睇，畢竟大家都係成年人啦。

又試過係無耐之前，有Ｄ老細升左職就夾錢請食Ｃ牌子的西餅，「高層助理」分到半打，大家都俾佢揀先，因為佢係老臣子，我地表面上一定係讓佢先，會俾面佢，點知佢面露不屑，話「唔洗啦，我唔食，你地食啦」，但當時個個見到佢不斷咁瞄住盒餅，我地唔知佢係想成盒要？唔好意思要？定真係唔岩佢口味？或者佢果日身體唔係咁舒服，食唔到又但好想食啦，其實點都預左佢一份，我地唔介意佢拎自己果份走，俾佢老公食，又唔係未試過，我地有時分到生果果Ｄ，都未必係一個人食得晒，都會同家人分架啦。

好，講番主題，其實我覺得散水餅都係心意咁大把，我寧願唔食散水餅，都想Ｄ同事同埋老細可以留番係度一齊做野，因為佢地真係好好人，又肯教人幫人，同佢地做野真係好開心，咁佢地若有更美好的前程，當然係祝褔佢地。其實唔講散水餅，我地公司Ｄ褔利真係幾好，Ｄ老細成日請食野，有得食叫Bonus，無得食都無所謂，又餓唔死，係唔明點解有Ｄ人要做到咁呢？其實咩都唔會缺佢一份，定係獨有一份佢先會覺得自己夠特別夠尊貴呢？

0 0 0

私人傳訊

積分: 413

32^#

發表於 16-3-3 09:36 |只看該作者

11B 發表於 16-3-3 01:08
好長，無睇哂。你個中高層無嚟台型，切蛋糕好老土，生日會咩！散水餅獨立一件件咪得囉!我公司啲中高層出個 ...

唉...或者你應該睇晒先。
不過無所謂啦,我只係覺得散水餅有無得食都無所謂,除左小部份人,根本就無人會在乎係咪一定要有件餅。

你都講得岩,一件件係方便D,但問題係個量預少左D,並唔係主要因為要切蛋糕,加上D老細唔係好多個人可以一個人清一件餅,佢地多數都係share半件黎食。

同埋人地餅店係切好左俾我地,不過唔會幫我地獨立包裝咁解,我公司長期有齊碟同叉。人地請得食野,唔通仲要諸多挑剔咩。

佢就唔係出email同人講句bye,係午餐會果陣親自同同事們say goodbye ge,同埋往日走果D老細,有D好熟的其他部門同事,佢地會親自送盒餅同佢地講bye bye。

不過你講到重點,我個中高層真係唔講台型,佢更加唔擺架子唔係死要面果D,佢只係覺得好似幾好幾正,D同事應該會幾開心,就會去做果D,係一個好好先生,佢D散水餅真係心意,唔係例行公事。

私人傳訊

11B

珍珠宮

積分: 42444

育兒性格勳章睛靈勳章

31^#

發表於 16-3-3 01:08 |只看該作者

引用：其實大家點睇散水餅

原帖由 SusanHui 於 16-03-02 發表
其實大家點睇散水餅?
公司有個中高層離職，請同事食某C字頭大牌子的原個蛋糕做散水餅，咁個蛋糕本身唔係大 ...

好長，無睇哂。你個中高層無嚟台型，切蛋糕好老土，生日會咩！散水餅獨立一件件咪得囉!我公司啲中高層出個 email 同大家 say thank you and goodbye，叫秘書攞啲 cake 去唔同部門，幾好吖！

私人傳訊

nataliehuibb

男爵府

積分: 8408

30^#

發表於 16-3-3 00:46 |只看該作者

其實好多小事都可以睇得出一個人的人格

私人傳訊

KEN5605

禁止訪問

積分: 438

29^#

發表於 16-3-2 21:13 |只看該作者

提示: 作者被禁止或刪除內容自動屏蔽

私人傳訊

mwmyway

侯爵府

積分: 20051

28^#

發表於 16-3-2 21:09 |只看該作者

回覆：散水餅：反映人性的貪婪？

哇，好長，有無計過打左幾多字

係post到傾下好啦，不接受加好友同打招呼謝謝！

私人傳訊

elisewaiman

水晶宮

積分: 58930

父親節2025勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章牛年勳章

27^#

發表於 16-3-2 20:54 |只看該作者

私人傳訊

已刪除用戶

已刪除用户

積分: 15811

開心吸收勳章美好大世界2017勳章

26^#

發表於 16-3-2 18:13 |只看該作者

回覆：SusanHui 的帖子

提示: 作者被禁止或刪除內容自動屏蔽

私人傳訊

小金名

積分: 10732

25^#

發表於 16-3-2 17:45 |只看該作者

Locherry1215 發表於 16-3-2 17:23
散水餅。我岩岩食完。同事遲到買返尼，之後比其他同事話難食。其實心意，有咪好來好去囉！
Ps. 我都係第一 ...

　嘩~咁衰架~呢個世界好細架咋~ 真係睇清人~ 有散水餅食唔係老馮

私人傳訊

積分: 413

24^#

發表於 16-3-2 17:31 |只看該作者

小金名發表於 16-3-2 17:20
同意~ 又要自己切又要拎碟裝=.= 是但搵個同事要左成個cake就算

所以我要準備埋D紙碟同膠叉俾佢地用，或者男人有時係無諗咁多而佢又無呢Ｄ散水經驗啦，佢可能單純係想Ｄ同事食好野。
其實心意呢Ｄ，要明就明架啦，跟同事們共事咁耐都知大家咩人咩性格，都唔會介意件餅咁小事。

或者我公司環境許可啦，分餅又唔係太麻煩。Tea time / 放左工，有時Ｄ女仕們on diet但又想食件餅，可能口痕又或者想同時試幾隻味，或者叫食左份心意啦，一件西餅／切餅都可以share食，切開每人一小塊，呢種感覺都幾warm，好似一家人咁。

私人傳訊

大富翁

積分: 11504

23^#

發表於 16-3-2 17:24 |只看該作者

引用：散水餅。我岩岩食完。同事遲到買返尼，之後

原帖由 Locherry1215 於 16-03-02 發表
散水餅。我岩岩食完。同事遲到買返尼，之後比其他同事話難食。其實心意，有咪好來好去囉！
Ps. 我都係第一 ...

呢d又係黑人憎，人地俾你食，係心意，你估一人一件，好似幾蚊咁，唔貴咩？人地都要走，仲要咁講野，真係聽到燥左

私人傳訊

Locherry1215

侯爵府

積分: 20332

22^#

發表於 16-3-2 17:23 |只看該作者

回覆：散水餅：反映人性的貪婪？

散水餅。我岩岩食完。同事遲到買返尼，之後比其他同事話難食。其實心意，有咪好來好去囉！
Ps. 我都係第一次食同未試過買散水餅。

私人傳訊

小金名

積分: 10732

21^#

發表於 16-3-2 17:20 |只看該作者

大富翁發表於 16-3-2 17:14
其實間間都差唔多係咁，講真，最多人買都係個幾間，一係你買勁貴，一係自己order , 你講呢間d切餅的確味道 ...

同意~ 又要自己切又要拎碟裝=.= 是但搵個同事要左成個cake就算

私人傳訊

chowchow2012

積分: 11041

BK Milk勳章

20^#

發表於 16-3-2 17:19 |只看該作者

回覆 SusanHui 的帖子

樓主好有心機打咁長篇…..

散水餅只係心意, 唔係老奉的….

做得老海鮮, 係唔會覺得自己有問題…更加唔會反省自己既行為.

呢D人真係梗有一個係左近…

點評

nieualma

發表於 16-3-3 09:38

私人傳訊

小金名

積分: 10732

19^#

發表於 16-3-2 17:17 |只看該作者

SusanHui 發表於 16-3-2 17:10
因為無耐之前有老細升職買左同一個牌子的西餅，所以佢咪買整個蛋糕囉，咁成個糕Ｄ味又真係好食Ｄ，因為佢有 ...

如果已經食慣左散水餅都唔會介意重覆同brand, 公司附近有咩cake shop大家都知. 單件cake 慳水慳力, 食就食, 唔食/放假就擺入雪櫃. 剩左就邊個想就自己去雪櫃拎黎食. 煩少好多~

私人傳訊

大富翁

積分: 11504

18^#

發表於 16-3-2 17:16 |只看該作者

引用：Quote:原帖由大富翁於 16-03-02 發表我覺

原帖由家文於 16-03-02 發表
完全同意，散水餅梗係買件裝架啦，你估生日蛋糕咩

我離職舊公司時，買件裝餅派(東海堂)，每部門都 ...

其實大公司，年中食呢d散水餅有時癲到1星期幾次，平常個d咪美心，東海堂，高級d咪cupcake, 老佛爺呢d, 都係睇你咩職位同年資

私人傳訊

大富翁

積分: 11504

17^#

發表於 16-3-2 17:14 |只看該作者

引用：Quote:小金名發表於 16-3-2 16:46 好多字

原帖由 SusanHui 於 16-03-02 發表
因為無耐之前有老細升職買左同一個牌子的西餅，所以佢咪買整個蛋糕囉，咁成個糕Ｄ味又真係好食Ｄ，因為佢有 ...

其實間間都差唔多係咁，講真，最多人買都係個幾間，一係你買勁貴，一係自己order , 你講呢間d切餅的確味道係奇怪，但全hk大把呢d的的骰骰餅，好岩做散水餅。如果我看到散水餅係成個蛋糕，我會選擇唔食，留俾其他同事

私人傳訊

家文

積分: 11643

16^#

發表於 16-3-2 17:11 |只看該作者

引用：我覺得買成個cake仲煩，點解唔買切餅，咁咪

原帖由 大富翁 於 16-03-02 發表
我覺得買成個cake仲煩，點解唔買切餅，咁咪方便好多囉

完全同意，散水餅梗係買件裝架啦，你估生日蛋糕咩

我離職舊公司時，買件裝餅派(東海堂)，每部門都分開唔同盒咁拎過去，餅嘅數量一定係有多無少。

私人傳訊

積分: 413

15^#

發表於 16-3-2 17:10 |只看該作者

小金名發表於 16-3-2 16:46
好多字點解唔買單件蛋糕? 唔做分又方便

因為無耐之前有老細升職買左同一個牌子的西餅，所以佢咪買整個蛋糕囉，咁成個糕Ｄ味又真係好食Ｄ，因為佢有Ｄ西餅Ｄ味太特別，同埋無理由食黎食去都係果Ｄ，而偏偏呢間餅店Ｄ蛋糕又淨係肯切唔肯單件包喎。
我都有話其實另外幾間有單件買果Ｄ蛋糕都唔錯，大件夾抵食，賣相又靚。但果Ｄ係無耐之前都有人請過啦，我公司Ｄ收餅率真係好高下，試過一個星期收左３日餅，又試過連收幾次東Ｘ堂，有一輪又成日收cupcake。

私人傳訊