吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 雖然轉左工，但感覺似上左另一艘賊船(希望自己捱得到落 ...

自由講場今日: 2710|主題: 1351508

收藏本版

發帖

返回列表

跳至頁

查看: 7114 | 回覆: 70

雖然轉左工，但感覺似上左另一艘賊船(希望自己捱得到落去) [複製鏈接]

12 3 4

Angel_Rose

珍珠宮

積分: 41943

1^#

發表於 16-7-18 19:03 |只看該作者 |正序瀏覽 |打印

本帖最後由 Angel_Rose 於 16-7-20 19:54 編輯

我已婚都一年，我係婚後先開始搵工，首先好多謝係度鼓勵過我嘅姐妹們。諗返起轉工時，次次都比人問我會否生b，幾時生，之後叫我等消息，都心知佢地諗咩嫁啦，所以我一到有offer時，超開心。講返我嘅背景先，方便大家易啲睇，加上同時因為現職公司要我簽份野，犯左果啲野就要即炒，其中一條係“講公司壞話”，所以大家請高抬貴手，吳好係度/pm問我係咩公司啦，只可以講，間公司係一間係人都識嘅大公司啦。我其實係轉工同時轉行，為方便大家易明，我要做下過濾先，就假設我舊公司係做室內設計，我依加想做飲食業因為大學時讀飲食系，獵頭公司就幫搵酒店入面嘅餐飲部，做餐廳設計及佈置嘅職位（方便佢吹到我有經驗麻），後尾佢話搵到個食譜制定及設計，日本菜，覺得幾岩我，建議我試下，咁我覺得都係做返同讀嘅野有關，所以都試下。其實間公司請我時，都暗示都明我係後補了。見工時係張國強（化名）見我。佢係屬於某酒店入面餐廳食譜設計（日本菜）果隊嘅阿頭，見完我之後幾日，佢同獵頭公司講，佢公司有另一個空缺更岩我，都係做食材管理組嘅食譜制定與設計，不過係印度菜果team，佢可以轉介我去，有機會要比印度菜食譜設計嘅上司in多一次（下删n字），最後我就去左做我完全無經驗嘅整食譜啦。（印度菜果邊話費事in多次）

有offer緊係開心啦，雖然我係合約工，但見工時張國強提過，表現理想嘅，做夠一年就可以轉長工。到左返工果日，仲識到一個好好人嘅同事裕美（化名，佢係我部門度做餐員購置組，同埋係整個部門嘅新員工關懷大使）點知原來係受難曲嘅開始……第一日返工就比員工守則我睇（做啲咩會即炒，除左講公司壞話之外，連公司架構都吳講得），有廿項左右，之後比張個人資料嘅野我睇下有無錯，我見到張野寫住娘家地址，婚姻狀況係未婚，就將依兩樣野，更正返做已婚，同埋將娘家地址改返做依加地址，就交返張野比hr。

之後可怕嘅事發生啦！我team上司叫做因妮（化名，聽講就快五十歲，已婚廿年，外表保養得好，似三十幾歲），第二日佢同一個hr同事捉左我去一間會議室度丙，話我犯左兩個關於誠信嘅員工守則，佢地有權炒我，加上我係試用期所以就不需要通知期，可以叫我即走，但佢地想係炒我之前了解下我點解要講大話。吓？我幾時講大話？佢話我係已婚，但呃佢地話自己未婚，係犯左“在被審查中歪曲事實真相”同埋“在個人資料方面弄虛作假”，要求我解釋。我由此至終都無話過自己係未婚！總之呢，原來係獵頭公司話我係未婚。初時依間公司話請我，仲以為大公司不會介意應徵者嘅家庭崗位，不介意我係新婚女性，亦到無問我關於生bb嘅問題，原來係一個美麗嘅誤會，我想講，佢地覺得我呃佢地話自己未婚，咁我都覺得佢地呃左我啦，獵頭公司話佢地有醫療卡比我，但現在佢地話無，因妮仲話，依啲福利係比我們依啲長工嫁（請果陣係度揚自己張職員卡），吳係比你依啲咁嘅合約工，你吳好係度痴心妄想，咪發夢啦！（無咪無囉，洗吳洗咁樣講野呀！）之後，HR問我依加有無大緊肚，有否打算大肚，打算生幾多個。唉，聽完佢咁問，我諗起一句阿媽成日講的說話"天下烏鴉一樣黑"

講住咁多先，打到手累呀

P.S. 我係第一次經獵頭搵工

UPDATE $67
其實我想講我被分配到最衰GE TEAM HEAD度,同時獵頭又整左單咁GE誤會,所以我就比一個本身喜歡留難人的上司更加搵野黎留難我

0 0 0

私人傳訊

Angel_Rose

珍珠宮

積分: 41943

71^#

發表於 16-7-20 20:14 |只看該作者

lgchk 發表於 16-7-19 17:08
樓主，

唔知你公司的同事/上司會否睇BK，小心不要講太詳細，否則佢哋一睇就知你講紧佢哋公司。

謝謝你關心,我會小心的~所以我一開始有過濾,我又不擔心上司會睇到,佢無生小朋友,都不會黎BK啦~HAHA~

同事呢,成個部門都有成千人,同我熟果D先知道我被未婚的事,其餘果D,睇到都不會知道係我=]

私人傳訊

Angel_Rose

珍珠宮

積分: 41943

70^#

發表於 16-7-20 20:07 |只看該作者

spen@sa 發表於 16-7-19 09:04
佢地咁樣已經犯左家庭崗位歧視條例

唉,不過我都不打算告佢,同埋都未必告得入

私人傳訊

Angel_Rose

珍珠宮

積分: 41943

69^#

發表於 16-7-20 20:05 |只看該作者

蚊毛發表於 16-7-18 23:06
間公司都幾恐怖~又多規條~又嚴~又無咩人情味~郁d就炒咁~背後人事關係又複雜~
...

除左講公司壞話之外,係自己位食野,係公司影相,用公司插頭叉電,都要即炒

私人傳訊

Angel_Rose

珍珠宮

積分: 41943

68^#

發表於 16-7-20 20:02 |只看該作者

aliensss2008 發表於 16-7-18 22:35
似乎係獵頭公司為做成單生意而對你呢家間公司作出誤導

咁其實我又會覺得,如果公司本身吳係有歧視新婚女性的心態(怕人拎產假,覺得產假公司好蝕),咁獵頭都吳會為左做生意而"整古"公司LA

私人傳訊

Angel_Rose

珍珠宮

積分: 41943

67^#

發表於 16-7-20 19:50 |只看該作者

20/7 update
(我有啲佩服獵頭公司講依啲大話，感覺佢好似對啲歧視新婚女性嘅公司星左幾巴，諗落，佢事前問我拎娘家地址可能係有預謀，哈哈)

惡夢正式開始……因妮話今期要研發新食譜，叫我整個印度咖哩雞扒飯出黎，雞扒飯我識，但就吳識印度咖哩，就問因妮不如教我一次整咖哩，因妮發曬火鬧我，話請得你就要識！吳識點解當初又黎見工（係你請我嫁播，雖然當初係強國強轉介我過黎，你睇我cv都知我咩料啦，同埋當初我係見日本菜非印度菜……)由於佢太大聲，全屠都聽到(事後裕美話因妮係部門內最犯眾的人，所以佢鬧人時人地會覺得因怒又發作)，講到依度，講下公司架構先，以免大家睇得辛苦。我係做餐飲部，部門有15~20個組，每組有3~8條team，因妮係印度菜team head，張國強係日本菜team head，當然仲有其他中菜team，意菜team……因妮同張國強嘅上司係羅蘭，佢係食譜制作及設計組嘅主管，羅蘭再對上高多三級嘅人先係成個餐飲部門嘅主管，公司共有三十幾個部門，而我坐果層，有60~70人，共6個組。

裕美等因妮行開左時走黎睇下我點，之後佢講左好多因妮嘅野我知，包括佢無生小朋友，全部人都知佢係team head中最惡頂嘅果位，我上手嘅同事日日比佢鬧到喊所以做左兩年就走。我都同裕美順手講左其實自己最想入餐廳佈置組，佢就教左我一啲內部調職嘅野，裕美問我先前因妮帶埋hr捉我入房好似好大單野咁，我講完比裕美知道之後，問佢，我轉做長工嘅機會係咪凍過水，什至未必過到試用期，佢話吳洗擔心，公司懶請人，吳會過吳到試用，同埋如果真係過吳到，我會係歷史上第一人，同時佢又提到，轉長工果度，最耐果個由2003（哇，果陣我仲係中學生）做到依加都仲係合約，裕美佢自己就做左六年先變到長工，聽完佢咁講，我有啲擔心前途……

依加公司啲同事好得意，18：00收工，次次17：50時都有大叔同事大叫“就收工啦”，“執定野啦”，到左18：00，又大叫“行快啲啦，吳等你啦”，“就得，等埋”，之後成班同事一蝸蜂咁湧出公司，我亦都無聲無息咁跟大隊走，同時我見到因妮個上司，羅蘭，都一齊係人潮中湧出去。

因妮依個人真係好鬼死煩，部門行彈性放飯時間，所以各team都時間不一，什至日日不同。因此我要同因妮同其他同級同事一齊食，次次食飯因妮都“曬命”，曬ot…依啲野都值得曬……佢嘅職級，ot$係70/小時，我係合約工，一毫子都無，因妮話佢晚晚做到11~12點先會走，第二日準時八點半返工，對於佢黎講夜晚八點走已經係放早。我討厭佢迫我ot，有次比佢搞到我七點幾先走得，我離開時，發現全層樓只得返佢一個。其實佢咁博仲乜？佢個上司一早返左屋企啦

講開放飯，因妮同其他人都食得好快，十五分鐘完，因妮就話我食得慢，要快啲食完快啲開工，我話我食得快會胃痛，佢又有聲氣，話：“咁我十幾年黎都咁食又吳見我胃痛！”只可以話每人體質都吳同。我有諗過帶飯，但羅蘭果個職級嘅人個個都帶飯，叮好後齊齊係茶水間迫埋一齊，一路講湊仔野一路食，我？唉……

有次星期一返工，因妮春風滿面咁叫我估下佢星期六，日去左邊度，見佢笑得咁開心，就估佢同佢老公去左玩，玩得好開心，點知佢話佢果兩日返左公司ot，朝八晚十二，星期六日及公眾假期ot補水係計雙倍，我心諗，你好等錢洗定係你好憎，好吳想對住你老公呀……更攞命嘅係，佢問我覺得點（你吳係想我學你咁樣黎ot麻……），咁我咪回應，你咁長時間吳係屋企，家務點算呀？佢話叫個鐘點星期六日上黎做足全日清潔

因妮先前話我誠信有問題，但其實我覺得佢先係大話精，佢話羅蘭經營凌晨1~2點叫佢做野，雖然佢11~12先離開公司但羅蘭都覺得佢好早走。咪玩啦大姐，我見住佢經常都六點鐘就跟人潮一齊走啦！跟住佢問我，“見你日日都咁早走（成日比你迫ot，早極有限啦！我都叫早，咁一到17：50就大叫果班大叔同事係咩呀？），咁早返到屋企其實你有咩野做嘅呢？”，我就答佢，放工後要買送煮飯，之後做家務，做完都夠鐘沖涼訓教。因妮聽完又係度發表“偉論”：“車，洗乜搞咁多野播，晚晚食外賣咪得囉，家務洗乜做丫，請個菲傭或鐘點星期六日黎咪得囉，吳怪得你日日咁早走啦”佢連我家事都管，鐘點，你請比我牙？聽裕美講，因妮去旅行時會同公司申請一部手提電腦，帶埋去旅行方便做公司野喎

唉，返左兩星期新工已經咁惡頂，就連去廁所佢都質疑我仲咩去咁耐（洗吳洗拎返啲證物比佢keep?），我都吳知自己是吾捱到，最後能否通知試用期，如果有得留低，好想早日去到我最想入嘅餐廳佈置組呀

私人傳訊

方方媽媽

水晶宮

積分: 74328

66^#

發表於 16-7-20 12:12 |只看該作者

milk323 發表於 16-7-19 18:29
人人唔同，睇你點演繹啫。你停左幾耐冇做野？點解之前冇做野？
點解停、停左幾耐唔係最重要，重要既係你點 ...

對!
你的回應十分坦誠、合理.
如果我係in你果位,我會再問多少少,確定你所說的開網店係真實的,並非老作,咁就一定可以過關(過空窗期呢一關).

私人傳訊

方方媽媽

水晶宮

積分: 74328

65^#

發表於 16-7-20 12:09 |只看該作者

Angel_Rose 發表於 16-7-20 08:50
答得特別果兩個，我覺得都算正路，但咁講野其實新公司覺得好定差嫁？

一個剛畢業的女孩子,竟然花幾個月時間做心愛的小手工而不找工作,佢屋企唔等佢比家用,隨時可以為興趣就唔做野.
一個廿零歲男仔用一年時間幫家人湊仔.我真心唔明咁樣答顯示甚麼求職優勢?!湊仔叻?聽阿哥話?以兄長的家庭為重?性格隨和無所謂?
兩個的空窗期都係做緊一些與事業完全無關的事,顯示他們沒有事業心.工作對於他們來說,是可有可無,或者,是做甚麼也不要緊.

私人傳訊

Angel_Rose

珍珠宮

積分: 41943

64^#

發表於 16-7-20 08:50 |只看該作者

方方媽媽發表於 16-7-19 18:14
轉行,就預左從低做起,都唔算係壓價,因為你真係無果方面既經驗嘛,點知你做唔做得掂?
真空期,又唔想作野講大 ...

答得特別果兩個，我覺得都算正路，但咁講野其實新公司覺得好定差嫁？

私人傳訊

小巫BB

子爵府

積分: 10037

63^#

發表於 16-7-20 07:46 |只看該作者

回覆：Angel_Rose 的帖子

走為上着

私人傳訊

ARabbit

珍珠宮

積分: 31370

62^#

發表於 16-7-19 18:29 |只看該作者

Angel_Rose 發表於 16-7-19 13:27
最理想嘅，當然係以實力取勝，做夠一年後，有經驗啦，先離開依個傷心地

good , 加油

私人傳訊

milk323

公爵府

積分: 28209

61^#

發表於 16-7-19 18:29 |只看該作者

引用：Quote:milk323+發表於+16-7-19+17:40+我都

原帖由 Angel_Rose 於 16-07-19 發表
咁人地問點解真空期，點算呀？
我因為係轉行，好多工都壓到比舊工低，最勁係低幾千
...

人人唔同，睇你點演繹啫。你停左幾耐冇做野？點解之前冇做野？
點解停、停左幾耐唔係最重要，重要既係你點比人信心你係能勝任工作。我最長嗰次停左2年，期間係全職做網店，之後見工都會問我點解會出返黎打工，我都老實講係市場轉變無利可圖，所以返出黎打工，而我唔介意做短temp因為我知耐冇打工驚脫節，所以當比自己重返職場既warm up。當然我都降低左搵工要求，由一個月既temp開始做起，所以相對我有優勢因為好多人都嫌temp job 唔做。我既建議係，可以試contract/ temp 位，短啲都唔怕，最緊要間公司好，入到去表現好就有機會留低。唔好限死自己一定要搵perm role，咁會少好多機會。

私人傳訊

kaka1128

男爵府

積分: 8433

60^#

發表於 16-7-19 18:23 |只看該作者

Angel_Rose 發表於 16-7-19 09:07
會繼續做，但都有心理準備隨時不被續約

唔好再用呢間agent搵工啦，根本2方面都奇奇怪怪，我都有用agent, 都未試過比人問娘家資料喎

私人傳訊

方方媽媽

水晶宮

積分: 74328

59^#

發表於 16-7-19 18:14 |只看該作者

Angel_Rose 發表於 16-7-19 18:04
咁人地問點解真空期，點算呀？
我因為係轉行，好多工都壓到比舊工低，最勁係低幾千
...

轉行,就預左從低做起,都唔算係壓價,因為你真係無果方面既經驗嘛,點知你做唔做得掂?
真空期,又唔想作野講大話,就講想搵份合適自己既工囉.
聰過十個有九個都係話真空期係為左照顧患病的父/母,而且,可以再出來搵野做都係因為父/母個病好番,無一個係"安排到其他人幫手照顧"、"入左護老院"之類.真係咁巧合?
聽過另外兩個答得好特別的:
1. 廿零歲大學畢業一年的女仔:真空期(幾個月)用來做手工,因為好鍾意做手工.
2. 廿零歲男仔:幫手湊BB(一年!),因為哥哥和嫂嫂要返工.

點評

wcpcelia

發表於 16-7-20 14:16

私人傳訊

Angel_Rose

珍珠宮

積分: 41943

58^#

發表於 16-7-19 18:04 |只看該作者

milk323 發表於 16-7-19 17:40
我都試過有工唔過試用期（我自己走），我都冇寫，見新工時都唔會提。試過寫左，人地仲問我做乜做唔長，所以 ...

咁人地問點解真空期，點算呀？
我因為係轉行，好多工都壓到比舊工低，最勁係低幾千

私人傳訊

milk323

公爵府

積分: 28209

57^#

發表於 16-7-19 17:40 |只看該作者

引用：Quote:claudia+發表於+16-7-18+23:22+老實

原帖由 Angel_Rose 於 16-07-19 發表
其後發生左啲事（稍後會講），好大機會我過吳到試用。我頭痛緊，自己想繼續係“飲食業”發展，但吳提依三個 ...

我都試過有工唔過試用期（我自己走），我都冇寫，見新工時都唔會提。試過寫左，人地仲問我做乜做唔長，所以呢啲唔寫好過寫。寫左陣間人地打去問舊公司，講衰你仲慘（唔一定係你衰，但有啲老闆真係好變態，唔比人好）
見工壓價呢啲都唔關你之前份做唔長既工事，只係公司問題。唔等錢洗既話我勸你快手搵過份，你而家唔生仔唔等於將來唔生，留响啲咁既公司，第時唔會有好日子過。