吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 再次停止食煙。。。

自由講場今日: 2678|主題: 1350518

收藏本版

發帖

返回列表

跳至頁

查看: 18940 | 回覆: 97

再次停止食煙。。。

[複製鏈接]

12 3 4 5

dativebond

大宅

積分: 4224

1^#

發表於 18-1-8 14:03 |只看該作者 |正序瀏覽 |打印

本帖最後由 dativebond 於 18-1-8 15:57 編輯

繼前年年尾話戒煙，但忍唔夠三個月就食番之後，最近我又想唔再食煙。

上幾次想唔食原因不外乎兩個仔出世，唔想佢地有個食煙既爸爸。今次相似，但情況有少少唔同。

有仔女既父母都明白，自己食煙啫，但都唔想仔女見到自己食煙。

我本身唔係屋企食煙，有時和大仔出街玩，我就行到老遠咁食煙，佢跑黎叫我一齊入公園玩，我就叫佢行開，爸爸係公園外食住煙望住你，食完就入黎同你玩。

有時又會將佢放係車，我就行出車外食煙，佢透過玻璃望住我。

大仔而家開始大，識得講野。我真心怕佢會記得我食煙個樣，又或者問我食煙既問題。否則，到佢再大個時想食煙，我又有乜理由叫佢唔好試呢？(我相信就算煙剷都唔會想個仔食煙卦？)

經歷幾次失敗，我明白脫癮症狀其實好容易捱過。我只係無時無刻有想食煙既念頭，有時覺得口痕，想搵野滿足果種空虛既感覺，脫癮並無痛苦。

反而，複吸最大原因係觀念不正確。我地食煙人明知吸煙對身體不好，這不再重覆，重覆只令人生厭，但點解都要食呢？因為我地潛意識上始終有錯覺，認為食煙是美好的，有一點放鬆的好處。呢種錯誤觀念一日打唔甩，一日都係失敗邊緣，或遲或早會複吸。

真相係食煙是蠢到極，一點也不美好，只有壞沒有好。原因係我地緊張或無聊時會食煙，感到放鬆，根本係一個局。

點解我地一到緊張或無聊時會想食煙？就係尼古丁會令我地定時定候，大概個零兩個鐘就令我地緊張，然後因為我地無聊就特別留意腦子傳來的脫癮症狀(個零鐘就會有這些症狀)，叫我地食煙，然後再過個零鐘又叫我地食煙，沒完沒了，成為尼古丁的下人，沒有自由。

非食煙人食完煙唔會覺得放鬆，因為佢地根本無比尼古丁搞到佢地緊張，無緊張又何來放鬆？煙民覺得食煙是美好的，可以放鬆，只係錯覺。你食煙感到放鬆，原因就係你上一支煙埋下了令你緊張的種子。相關比喻，就似叫你著少一號的鞋，然後比你除左佢，你即刻覺得好放鬆。但其實，你根本唔需要著唔啱身既鞋(食煙)，係咪？

0 0 0

私人傳訊

dativebond

大宅

積分: 4224

98^#

發表於 18-1-24 12:03 |只看該作者

回覆樓主：

本帖最後由 dativebond 於 18-1-24 12:08 編輯

就黎無食3星期煙，感覺無生理的癮了。心癮嘛，都有少少，但唔強烈。

因為我一諗起如果食番煙，唔單止個行為本身其實唔享受(好似食垃圾筒上面既煙蒂咁)，仲可能要重覆番頭一兩星期既生理癮，唔抵。

我真心食夠煙了，食左十三年真心厭倦了。

尋晚和朋友食飯篤波，咁高危，我都無食到煙，重要係唔係死忍難忍咁唔食，而真心無興趣去食。

我諗，今次我應該成功了。

呢個貼我無乜野唔會再更新，除非我破戒了，或者好難頂，想尋求支持。

私人傳訊

MA33IE

大宅

積分: 4309

97^#

發表於 18-1-13 15:31 |只看該作者

回覆樓主:

加油，為左自己，為小朋友，做個好榜樣

私人傳訊

Crystal3524

大宅

積分: 2736

96^#

發表於 18-1-13 15:29 |只看該作者

回覆樓主

你寫得好貼切！㊗️戒煙成功

私人傳訊

dativebond

大宅

積分: 4224

95^#

發表於 18-1-13 15:14 |只看該作者

lingw. 發表於 18-1-12 18:11
非常感謝您的詳盡回覆

你覺唔覺得，食煙的人都鐘意自己一個人靜靜地食支煙，這個時間令我好享受，即是享 ...

我都鍾意呢種感覺架。

不過，其實如果唔食煙，攞住支啤酒一個人靜靜地坐都好寫意。所以，要分得清，你係鍾意果種寫意感覺，和食煙無關。只不過，我地慣左寫意既時候順手補給尼古丁，錯誤將食煙和寫意劃上等號。。。

私人傳訊

lingw.

珍珠宮

積分: 35298

94^#

發表於 18-1-12 18:11 |只看該作者

dativebond 發表於 18-1-12 13:45
本帖最後由 dativebond 於 18-1-12 13:58 編輯

我唔會勸你戒煙。我太明白煙民既諗法，戒煙只可以自發， ...

非常感謝您的詳盡回覆

你覺唔覺得，食煙的人都鐘意自己一個人靜靜地食支煙，這個時間令我好享受，即是享受自己一個人，唔再怕得自己一個人

這感覺讓我覺得很好! 我主要是要擺脫這感覺

私人傳訊

creambb

珍珠宮

積分: 36441

93^#

發表於 18-1-12 15:12 |只看該作者

回覆樓主:

講得好好，我都唔想言行不一

私人傳訊

tsung

用戶要求終止服務

積分: 346556

HiPP勳章(2) HiPP勳章(1) 2018父親節勳章 2018母親節勳章 2018復活節勳章畀面勳章開心吸收勳章

92^#

發表於 18-1-12 15:05 |只看該作者

dativebond 發表於 18-1-8 14:15
本帖最後由 dativebond 於 18-1-8 15:25 編輯

要突破這惡性循環，簡單到不行，就係唔食煙，忍個零兩個 ...

私人傳訊

dativebond

大宅

積分: 4224

91^#

發表於 18-1-12 14:23 |只看該作者

lingw. 發表於 18-1-12 12:54
回覆 dativebond 的帖子

謝謝你的分享~

佛偈圓覺經有一句好應棍。。。

「知幻即離，不作方便；離幻即覺，亦無漸次。」

私人傳訊

ic34

水晶宮

積分: 61293

2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章 2021可愛聖誕B勳章牛年勳章 2018父親節勳章 2018復活節勳章親子王國15週年勳章畀面勳章 BK Milk勳章

90^#

發表於 18-1-12 13:46 |只看該作者

世上無難事只怕有心人

加油

什麼都也自有它盡頭別要逝去才珍惜今日所擁有

私人傳訊

dativebond

大宅

積分: 4224

89^#

發表於 18-1-12 13:45 |只看該作者

lingw. 發表於 18-1-12 12:54
回覆 dativebond 的帖子

謝謝你的分享~

本帖最後由 dativebond 於 18-1-12 13:58 編輯

我唔會勸你戒煙。我太明白煙民既諗法，戒煙只可以自發，無人係因為比人勸而戒到煙既。

我覺得你未有戒煙既念頭，和建立正確諗法(主要兩項：了解尼古丁行騙手法和打破食煙等於減壓的謎思)前，盡情繼續食煙啦。

食煙唔係十惡不赦既事，但要時刻諗下自己想唔想一世做煙民，如果唔想就得閒思考下戒煙的問題，覺得自己準備好就試下囉。失敗左都無所謂，食番幾個月，又再試下，了解下上一次失敗既原因，諗下點解決，總有一次會成功。失敗一點也不可怕，因為這些經驗會令你下次成功機會更大。唔去試(或直頭放棄逃避)才是最可怕的，因為咁做係唔會改變到任何野，終身做煙民係唯一結局。

屢敗屢戰都係值得尊重，一次過戒到煙既人係極少數，我地係普通人，普通人戒幾次先成功係好合理，唔駛怕醜！亦都唔駛覺得自己無能！呢個又唔係比賽，唔駛鬥快，最後做到咪得囉。

私人傳訊

dativebond

大宅

積分: 4224

88^#

發表於 18-1-12 13:13 |只看該作者

carandvic 發表於 18-1-12 13:00
樓主, 心癮好睇個人既意志, 你有小朋友, 要戒做個好榜樣應該唔難, 當到你食左幾啖就已經唔想再食, 或者聞到 ...

謝謝！我會做到的，有信心。

私人傳訊

dativebond

大宅

積分: 4224

87^#

發表於 18-1-12 13:09 |只看該作者

lingw. 發表於 18-1-12 12:54
回覆 dativebond 的帖子

謝謝你的分享~

本帖最後由 dativebond 於 18-1-12 13:35 編輯

係呀。真係尼古丁搞到我地咁樣。。。

唔食煙既人其實都一樣會有工作壓力，都係食餐飯，休息下，心情都會正面番。

食煙人係受兩面壓力同時侵襲，工作和煙癮壓力，一食煙即刻心情正面，係因為食煙即刻解除煙癮壓力，但你個腦唔會識分辨消除左既壓力係來自煙癮定係工作，會一概認為食煙等於減壓，呢個就係個陷阱，係錯覺。食煙只可解除煙癮既壓力，唔可以解除工作壓力，但煙癮既壓力來源又係因為食煙，係一個惡性循環。

証據就係非吸煙人士做野大壓力，抖一抖，心情同樣會正面番，但你叫佢地食支煙，佢地唔會放鬆左。你食煙即刻放鬆，係因為煙癮令你緊張，有緊張先有放鬆。非食煙人士無呢種緊張，所以亦唔會有我地果種所謂放鬆。總括而言，呢種所謂放鬆係假既，因為正常人係唔應該有煙癮帶來既緊張。

類似比喻可以咁睇：食煙人士就好似無時無刻著左唔啱身既鞋，長期都感到壓力(尤其無食個零鐘煙後，因為尼古丁半衰期正正大約個零兩個鐘，身體會自動煙癮起叫你補給尼古丁)，一除左對鞋(食煙)，就會感到放鬆。

但其實我地係唔需要著唔啱身既鞋，長期忍受呢種壓力和緊張，目的就係為左感受虚假的放鬆。我地食煙唔會令我地比其它人放鬆和享受，極其量只能得到和非吸煙人士類似既心理狀況，亦即食煙得到既係希望回復番我地未食煙上癮前的心理狀態，幾咁吊詭。

因此，我地唔駛食煙去得到呢種感覺。只要唔食煙，忍受頭一個月既脫癮症狀(which is 我地每日感受過不下十次既煙癮起感覺)，尼古丁受體就會休眠，咁我地就唔會再有生理上既煙癮起感覺，得到和普通人一樣既心理狀態。

至於心理上既癮，就好靠你睇唔睇得通呢個尼古丁騙局，打唔打破到食煙等於減壓既謎思。如果看得通，應該可以拒絕到復吸既誘惑。這裏有點似佛偈咁，食煙帶來既所謂放鬆尤如鏡花水月，是幻像，看破了，就可以立地成佛，不受誘惑。

其實食煙成件事本質就係咁荒謬。

私人傳訊

carandvic

大宅

積分: 4466

86^#

發表於 18-1-12 13:00 |只看該作者

dativebond 發表於 18-1-12 12:44
本帖最後由 dativebond 於 18-1-12 12:48 編輯

其實應該都唔難。

樓主, 心癮好睇個人既意志, 你有小朋友, 要戒做個好榜樣應該唔難, 當到你食左幾啖就已經唔想再食, 或者聞到煙味時都覺得臭, 就即係已經好成功了, 加油!
Btw 我身邊有幾個朋友都中左肺癌, 雖然唔可以直接話食煙導致, 但幾個都係有返咁上下煙齡, 所以為自己為屋企人又好, 快點戒左佢啦!

私人傳訊

lingw.

珍珠宮

積分: 35298

85^#

發表於 18-1-12 12:54 |只看該作者

回覆 dativebond 的帖子

謝謝你的分享~

就係尼古丁會令我地定時定候，大概個零兩個鐘就令我地緊張 <--- 我每天返工期間的負面情緒爆燈, 嬲到想殺人! 一放LUNCH去食支煙, 心情馬上變正面

真的是尼古丁令我變這樣嗎

私人傳訊

dativebond

大宅

積分: 4224

84^#

發表於 18-1-12 12:44 |只看該作者

carandvic 發表於 18-1-12 12:27
其實我唔明戒煙點解會咁難, 本身我同C6都有2X年同3X年既煙齡, 就係因為個人夠硬頸, 一話戒就即時已經就戒甩 ...

本帖最後由 dativebond 於 18-1-12 12:48 編輯

其實應該都唔難。

只不過食煙即時好處明顯(止到脫癮症狀)，長遠壞處唔明顯(對身體的傷害，短期係睇唔出。)，絕大部份人都係著重短期利益，所以戒煙率先咁低。

你屬於少數人，有主見，能堅持，所以就唔明點解咁難。咁係好事。

我覺得戒煙話難唔難，話易唔易，係視乎戒煙既人點睇食煙呢件事囉，最重要唔好覺得戒煙係放棄左美好時光，真相係戒煙係乜都無放棄過，反而乜都唔做就換取番自由，唔駛再受死物控制。

私人傳訊

carandvic

大宅

積分: 4466

83^#

發表於 18-1-12 12:27 |只看該作者

其實我唔明戒煙點解會咁難, 本身我同C6都有2X年同3X年既煙齡, 就係因為個人夠硬頸, 一話戒就即時已經就戒甩左, 就算依家同成班朋友出去, 所有朋友都係煙民, 都完全唔會動搖

私人傳訊

dativebond

大宅

積分: 4224

82^#

發表於 18-1-12 12:20 |只看該作者

cattz288 發表於 18-1-12 12:09
我都有個同事食左好多年煙! 真心, 每次行埋佢身邊都有好大陣煙臭味! 我真係頂唔順! 盡量唔講野! 非不得已 ...

都可能係。。。

私人傳訊

cattz288

寶石宮

積分: 252527

2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章減齡達人勳章牛年勳章 HiPP勳章(2) 2018父親節勳章 2018母親節勳章 15週年勳章親子王國15週年勳章 2018復活節勳章王國教室勳章畀面勳章 BK Milk勳章 DHA勳章 Poo得好勳章

81^#

發表於 18-1-12 12:09 |只看該作者

dativebond 發表於 18-1-12 11:27
暫時仲維持到。雖然仲係無時無刻都諗食煙，但我就會上黎睇下你地既支持和鼓勵，又會睇下戒煙文章，加強自 ...

我都有個同事食左好多年煙! 真心, 每次行埋佢身邊都有好大陣煙臭味! 我真係頂唔順! 盡量唔講野! 非不得已都要行遠D! 我估你家人都有咁既感覺, 不過說服唔到你戒, 唯有接受架咋

放下自在

私人傳訊

dativebond

大宅

積分: 4224

80^#

發表於 18-1-12 11:27 |只看該作者

網上輔導員發表於 18-1-12 10:27
回覆 dativebond 的帖子

見到你咁正面積極好戥你開心健康人生等緊你~ ...

暫時仲維持到。雖然仲係無時無刻都諗食煙，但我就會上黎睇下你地既支持和鼓勵，又會睇下戒煙文章，加強自己信念黎渡過。

戒煙期間諗食煙和囉囉攣係無可避免，既然無可避免，就應該將呢種感覺由負面(覺得被剥奪食煙)變為正面，想像呢種感覺就好似身體入面既尼古丁和污糟野消失緊，腦入面既小魔鬼慢慢餓死，最耐一個月身體就會完全乾淨，和非吸煙人士無異。

我今日又多一個諗法。其實戒煙和湊初生嬰兒好似，又係第一個月最辛苦，但只要抱住一天比一天好，最壞的情況永遠在昨天的信念，好自然就捱過。過左頭幾個月，嬰兒戒左夜奶，生活就好過，戒煙一模一樣。