吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 再次停止食煙。。。

自由講場今日: 163|主題: 1350343

收藏本版

發帖

返回列表

跳至頁

查看: 18937 | 回覆: 97

再次停止食煙。。。

[複製鏈接]

12 3 4 5

dativebond

大宅

積分: 4224

1^#

發表於 18-1-8 14:03 |只看該作者 |倒序瀏覽 |打印

本帖最後由 dativebond 於 18-1-8 15:57 編輯

繼前年年尾話戒煙，但忍唔夠三個月就食番之後，最近我又想唔再食煙。

上幾次想唔食原因不外乎兩個仔出世，唔想佢地有個食煙既爸爸。今次相似，但情況有少少唔同。

有仔女既父母都明白，自己食煙啫，但都唔想仔女見到自己食煙。

我本身唔係屋企食煙，有時和大仔出街玩，我就行到老遠咁食煙，佢跑黎叫我一齊入公園玩，我就叫佢行開，爸爸係公園外食住煙望住你，食完就入黎同你玩。

有時又會將佢放係車，我就行出車外食煙，佢透過玻璃望住我。

大仔而家開始大，識得講野。我真心怕佢會記得我食煙個樣，又或者問我食煙既問題。否則，到佢再大個時想食煙，我又有乜理由叫佢唔好試呢？(我相信就算煙剷都唔會想個仔食煙卦？)

經歷幾次失敗，我明白脫癮症狀其實好容易捱過。我只係無時無刻有想食煙既念頭，有時覺得口痕，想搵野滿足果種空虛既感覺，脫癮並無痛苦。

反而，複吸最大原因係觀念不正確。我地食煙人明知吸煙對身體不好，這不再重覆，重覆只令人生厭，但點解都要食呢？因為我地潛意識上始終有錯覺，認為食煙是美好的，有一點放鬆的好處。呢種錯誤觀念一日打唔甩，一日都係失敗邊緣，或遲或早會複吸。

真相係食煙是蠢到極，一點也不美好，只有壞沒有好。原因係我地緊張或無聊時會食煙，感到放鬆，根本係一個局。

點解我地一到緊張或無聊時會想食煙？就係尼古丁會令我地定時定候，大概個零兩個鐘就令我地緊張，然後因為我地無聊就特別留意腦子傳來的脫癮症狀(個零鐘就會有這些症狀)，叫我地食煙，然後再過個零鐘又叫我地食煙，沒完沒了，成為尼古丁的下人，沒有自由。

非食煙人食完煙唔會覺得放鬆，因為佢地根本無比尼古丁搞到佢地緊張，無緊張又何來放鬆？煙民覺得食煙是美好的，可以放鬆，只係錯覺。你食煙感到放鬆，原因就係你上一支煙埋下了令你緊張的種子。相關比喻，就似叫你著少一號的鞋，然後比你除左佢，你即刻覺得好放鬆。但其實，你根本唔需要著唔啱身既鞋(食煙)，係咪？

0 0 0

私人傳訊

dativebond

大宅

積分: 4224

2^#

發表於 18-1-8 14:15 |只看該作者

dativebond 發表於 18-1-8 14:03
繼前年年尾話戒煙，但忍唔夠三個月就食番之後，最近我又想唔再食煙。

上幾次想唔食原因不外乎兩個仔出世， ...

本帖最後由 dativebond 於 18-1-8 15:25 編輯

要突破這惡性循環，簡單到不行，就係唔食煙，忍個零兩個星期就會完成所有脫癮症狀，身體的癮好易解決。

咁點解我又會戒左三個月又食番？重點就係個戒字，戒就意味住我放棄左一些美好的事，但食煙根本唔係美好事，又臭又難聞又唔會得人鍾意。我地要改變觀念，唔好用戒字，我係選擇唔再食煙。

自己選擇唔食煙，自己成為自己身體既主人，唔受尼古丁擺佈，咁先係真正自由和放鬆，唔駛成日鬼鬼鼠鼠要走去室外食煙嘛，又唔駛係對仔面前擔驚受怕咁食煙，怕佢地問我食煙問題(我真係唔識答，明知食煙唔好，但自己又食，言行不一的爸爸，我唔想做。)

如果觀念係用戒，好痛苦，戒左幾耐先叫成功？一年？兩年？五年？十年？定一輩子？用咁負面既諗法維持一世，你唔累我都累。

但用停止食煙呢個觀念就簡單得多。我停止食煙，幾時係成功？就係由我食最後一支煙開始，我就已經成功左，唔好成日計住自己幾耐無食。唔需要，只要觀念認清，停止食左幾耐唔重要，重要既係你唔好再中尼古丁呢個局，唔好再食煙，一食又要再經歷脫癮症狀，何苦？

類似比喻係，假設而家你塊面爛左，有隻特效藥可以暫時幫你回複美麗，但只能維持短時間。一段時間後，你塊面又爛，仲爛得誇張左，你好自然又食呢隻特效藥啦。但呢隻特效藥只能維持美麗一段短時間，仲有副作用令你一唔食就爛面，仲越黎越爛，所以令你越食越多。唯一脫離呢種惡性循環就係，停用呢隻特效藥(煙)，忍耐兩星期爛面(脫癮症狀)，就自然會回復美麗。

私人傳訊

doublemay

禁止訪問

積分: 1554

3^#

發表於 18-1-8 14:24 |只看該作者

提示: 作者被禁止或刪除內容自動屏蔽

私人傳訊

canies

翡翠宮

積分: 96887

4^#

發表於 18-1-8 14:34 |只看該作者

回覆樓主:

文章寫得好好。

私人傳訊

Poyau

寶石宮

積分: 292303

母親節2025勳章 2025勳章蛇年勳章 2023年兔年勳章

5^#

發表於 18-1-8 14:56 |只看該作者

canies 發表於 18-1-8 14:34
文章寫得好好。

難得長文道出心聲

私人傳訊

Poyau

寶石宮

積分: 292303

母親節2025勳章 2025勳章蛇年勳章 2023年兔年勳章

6^#

發表於 18-1-8 14:56 |只看該作者

dativebond 發表於 18-1-8 14:15
本帖最後由 dativebond 於 18-1-8 14:38 編輯

自己選擇唔食煙，自己成為自己身體既主人，唔受尼古丁擺 ...

祝早日成功

私人傳訊

melbournechu000

大宅

積分: 1100

7^#

發表於 18-1-8 15:02 |只看該作者

回覆樓主

我只講一句⋯2O17年我有四個朋友，都係抽煙者。
都係四期肺癌

有三個已經唔係到，剩下一個

醫生話最多一年內？所以戒煙與否？自己決定。

私人傳訊

森永牛乳

子爵府

積分: 14380

8^#

發表於 18-1-8 15:08 |只看該作者

回覆樓主:

一句講哂
吸煙危害健康
為你自己，為你屋企人，
一枝都不能再吸，完

不要為明天憂慮，因為明天自有明天的憂慮。一天的難處一天當就夠了

私人傳訊

Lorican

珍珠宮

積分: 31362

9^#

發表於 18-1-8 15:16 |只看該作者

回覆樓主

我老公又係戒完又食返

私人傳訊

dativebond

大宅

積分: 4224

10^#

發表於 18-1-8 15:25 |只看該作者

dativebond 發表於 18-1-8 14:15
本帖最後由 dativebond 於 18-1-8 15:25 編輯

要突破這惡性循環，簡單到不行，就係唔食煙，忍個零兩個 ...

本帖最後由 dativebond 於 18-1-8 15:32 編輯

常見煙剷對食煙的誤解：
(1) 慣左食，唔食唔慣。
答：食煙唔係習慣，佢係叫上癮。習慣易改，上癮難。上癮即係你做緊尼古丁既奴隸，你自己無得揀。你鍾唔鍾意做奴隸？點解你要做奴隸？

(2) 我鍾意食煙果陣味。
答：唔好呃自己，你唔係鍾意果陣味，你係被尼古丁指令你去食煙。証據就係，如果而家手頭上你只有另一牌子既煙，而你方圓幾公里都買唔到自己食開既煙，你仲食唔食？必食啦問心。咁你仲呃人又呃自己話中意果陣味？問心，我自己食煙極其量只係唔介意煙味，遠不至鍾意煙味，煙味咁臭，邊有人會鍾意？

(3) 我鍾意食又得，唔食又得。我無上癮，我係social smoker。
答：唔排除有人真係咁，原因得兩個可能性：(A)你係非人類；又或者(B)你上癮未深，但點解要繼續食煙，在這騙局邊緣行呢？與其話你自命不凡，人地上癮唔代表你都上癮，我更傾向相信你走緊和所有煙民相似的路，遲早日日都會食，或遲或早。所有煙民都經歷過呢段social smoker的日子。

(4) 哥吸的不是煙，吸的是寂寞。
答：每當夜蘭人靜，或有煩惱時獨處時，或飲緊酒醉生夢死時，煙民都會食番支應下景，果種意境係好型棍。我都會有咁既幻想，我認呢個情境想食煙係好人之常情，所以要盡量避開。咁凍，夜晚唔好出街做情懷煙哥啦！

私人傳訊

小豬澄

珍珠宮

積分: 47475

畀面勳章環保接龍勳章

11^#

發表於 18-1-8 15:32 |只看該作者

回覆樓主

我戒左煙4年

有時都有發夢自己食番煙有時心思思都想食

我有樣野好我諗左就算數買煙貴我窮

為左二個女同自己所以一定唔食得煙

意志可以戰勝煙癮要有必勝既決心

你唔好成日諗住枝煙會好好多

私人傳訊

dativebond

大宅

積分: 4224

12^#

發表於 18-1-8 15:38 |只看該作者

小豬澄發表於 18-1-8 15:32
我戒左煙4年

有時都有發夢自己食番煙有時心思思都想食

本帖最後由 dativebond 於 18-1-8 15:44 編輯

你真係好叻！

但我失敗過咁多次，發覺用意志力咁諗唔係咁啱我。反而係催眠自己，改變對食煙既睇法，更有好處。

食煙一無是處。連可以幫你放鬆呢個感覺都只係錯覺。因為食煙會令你定時定候緊張(脫癮症狀)，跟手食番口煙先放鬆(滿足大腦對尼古丁的需要)。根本所謂既放鬆係假既，你唔食煙咪無時無刻都放鬆囉。

尼古丁真係神又係佢，鬼又係佢，係騙局。

同埋，今次我唔會再計自己戒左幾耐，我直頭唔用戒呢個字，太負面，好似預左有日會破戒咁，同埋戒一世先叫成功，感覺太湊涼。

我會用選擇唔再食煙來取代戒呢個諗法，由我食最後一支煙時，我已當自己即時成功左，正面好多。有點『放下屠刀，立地成佛』的感覺。