想生BB 今日: 0 | 主題: 109591

積分: 9628

278^#

發表於 19-7-5 16:05 |只看該作者

常綠葉發表於 19-7-1 10:54
我個仔同你個仔啲行為都幾似，佢而家半夜又係扒係我心囗先肯瞓！仲要不停咁索下索下！搞到我周身骨痛！ ...

我去左驗T21啦

幾日後就知結果....雖然心目中都認定佢係男仔...不過一日未出結果我都唔會認輸架！

唉...我仔呢排晚晚訓覺訓到甘上下都喊....好難搞！又煲過開奶茶，又煲過潤既湯水佢飲...都係甘，搞到我都訓得唔好！

話時話到左7月啦！我地個仔一歲啦...你會點同佢慶祝？我仲未諗

好懶既媽媽...我諗緊幾時帶佢出去上playgroup...想佢同d小朋友玩下，宜家佢成日都係屋企好似咩都學唔到甘。

私人傳訊

積分: 4098

277^#

發表於 19-7-1 10:54 |只看該作者

felixsky 發表於 19-6-24 14:44
唉...早幾日流啡嚇死我....訓左幾日床今日無流了要湊住個百厭仔真係小d力氣都唔掂！成日周圍爬... ...

我個仔同你個仔啲行為都幾似，佢而家半夜又係扒係我心囗先肯瞓！仲要不停咁索下索下！搞到我周身骨痛！

我個仔出緊第七八隻牙！瘋狂地咬手指流口水！

個夢係點㗎？咁睇怕都係男仔喎！我都想生個女呀～但都唔到你揀嘅，身體健康最重要！你快啲驗下t21，咁咪知道男定女！

私人傳訊

積分: 4098

276^#

發表於 19-7-1 10:50 |只看該作者

felixsky 發表於 19-6-24 14:44
唉...早幾日流啡嚇死我....訓左幾日床今日無流了要湊住個百厭仔真係小d力氣都唔掂！成日周圍爬... ...

我發覺唔知係咪bk有問題，有message都唔識彈出嚟，而家先睇到你個message！打打下回覆，好快又會話字數太多。

你流啡有冇去睇醫生呀？醫生可以開啲安胎藥畀你！咁你一個人湊唔湊得掂個仔？我湊個仔，真係好攰，佢而家都係瘋狂咁爬出嚟！放低唔夠一秒又爬咗出嚟，好似人哋攀石咁！男仔真係好精力！當然識聽你講嘢啦，你試下鬧下佢，睇下佢會唔會扮喊！我大聲少少，我個仔都會大聲呀呀叫回我！好似問我咩事話佢？有時做完衰嘢我話佢，佢會扁嘴扮喊！反正真係好曳！

私人傳訊

積分: 9628

275^#

發表於 19-6-24 14:44 |只看該作者

常綠葉發表於 19-6-19 08:21
你個仔叫媽媽先，咁你老公咪好妒忌我覺得我個仔應該會叫爸爸先，因為佢成日都會發ba ba ba 音， ...

唉...早幾日流啡嚇死我....訓左幾日床今日無流了

要湊住個百厭仔真係小d力氣都唔掂！成日周圍爬....佢可以自己琴上sofa...好好力！我發現其實佢地識聽我地講野架啦⋯⋯今日我行開左去廁所佢係度玩電線....我出來鬧佢叫佢放手，佢即刻放開手仲對住我笑...個樣好奸

呢兩日佢唔知係咪又想出牙夜晚係甘喊..仲要成晚扒係我心口先肯訓

我發夢肚入面個都係男仔

心情好down....好想要個女

私人傳訊

積分: 4098

274^#

發表於 19-6-19 08:21 |只看該作者

felixsky 發表於 19-6-12 11:31
唔乖架！坐唔定架！一定要俾d野佢一邊玩住一邊食，如果唔係佢唔肯食架，好衰架佢，又百厭又惡死！自己做錯 ...

你個仔叫媽媽先，咁你老公咪好妒忌

我覺得我個仔應該會叫爸爸先，因為佢成日都會發ba ba ba 音，加上我日日都教佢講爸爸，等佢以後乜都叫爸爸爸爸爸做

我個仔都係又百厭又惡死！打人又大力，大咗唔去做咕哩嘥曬！我個仔無論食飯飲奶都係拖長嚟食，每次餵佢食嘢真係好麻煩！每日我最開心嘅時刻係佢食完餐飯，最放鬆嘅時候係晚上佢瞓著咗！
而家佢哋出咗牙仔，一定要同佢哋刷牙。只好慢慢畀佢習慣，千祈唔好格硬嚟。一陣佢怕咗，以後唔肯刷牙會麻煩！
下個月就一歲啦，唔知幾時識行呢？

私人傳訊

積分: 4098

273^#

發表於 19-6-19 08:09 |只看該作者

felixsky 發表於 19-6-12 11:18
宜家先8w喳預產期係1月，今次係自然架，我都無諗過甘容易....可能生完一個真係易d有？我仲未照閃閃 ...

咁我過多個月先恭喜你呀

好似係話生完頭一年會容易中d，咁你要小心仔仔d無情力，小心踢到你呀～有時間要休息多d！

唔通d七月BB都係咁上下？

我唔多敢比佢訓中間，我老公好反訓架，所以佢半夜醒左，我多數抱到我老公醒左先放佢訓隔離！唔知係咪比佢壓得多，我而家隻手超痛，要貼止痛貼同帶護腕

其實體重係會增長減慢，所以只要佢有精神同做到正常月齡應該做既野，我相信問題不大既～係媽媽擔心d，想自己個仔足磅，睇落安心d既～
我個仔重未識叫爸爸媽媽，只係成日會搭嘴，但只會七情上面咁呀呀叫～

私人傳訊

積分: 9628

272^#

發表於 19-6-12 11:31 |只看該作者

常綠葉發表於 19-6-12 11:00
你仔仔食粥仔乖唔乖架？我個仔要氹，食成個鐘先食完。佢唔多鍾意食粥，所以我多數一餐爛飯一餐麵，炒蛋， ...

唔乖架！坐唔定架！一定要俾d野佢一邊玩住一邊食，如果唔係佢唔肯食架，好衰架佢，又百厭又惡死！自己做錯野就大大聲喊左先驚死我鬧佢

你仔肯俾你刷牙甘好既，我要我仔擘大個口都好似要佢行刑甘，係甘喊

係呀⋯⋯甘快就一歲啦....時間真係過得好快呀⋯⋯

私人傳訊

積分: 9628

271^#

發表於 19-6-12 11:18 |只看該作者

常綠葉發表於 19-6-12 10:51
講得恭喜未㗎？兩個年紀相近d都好，可以玩得埋d，係媽媽湊得辛苦！加油呀～有無叫醫生開止嘔藥 ...

宜家先8w喳

預產期係1月，今次係自然架，我都無諗過甘容易....可能生完一個真係易d有？我仲未照閃閃呀⋯⋯我都係同仔仔同床架，佢都係訓中間

佢又係4/5點會喊醒要餵奶奶同抱抱先肯訓返喎，甘似既

我仔都係20磅之嘛....半歲個時又係20磅...到宜家都係，甘我仔都唔係重你仔好多喳！上次去健康院姑娘話佢生長線跌左好多...叫我俾多d野佢食，宜家佢食多左都係甘無重過...過多兩個月又去健康院又要俾姑娘鬧啦

仲有呀，我仔仔識叫媽媽啦

佢宜家日日都媽媽媽媽...好得意呀

我開心到暈

佢好間唔時先叫一聲爸爸

你仔仔叫左你未呀？

私人傳訊

積分: 4098

270^#

發表於 19-6-12 11:00 |只看該作者

felixsky 發表於 19-6-12 09:42
Hello! 好耐無見呀！我仔仔呢排夜晚訓訓下都會喊醒....半夜又要食一次夜奶，但又唔食得多，啜幾十就唔啜， ...

你仔仔食粥仔乖唔乖架？我個仔要氹，食成個鐘先食完。佢唔多鍾意食粥，所以我多數一餐爛飯一餐麵，炒蛋，麵包，饅頭仔咁比佢食！我仔好奄尖，動不動發脾氣

我有同佢刷牙呀～佢4個月時已經開始用濕巾抹，可能習慣左，加上佢好鍾意咬牙膠，所以好肯俾我用牙刷仔刷。我仔係上兩隻，下四隻！眨下眼就嚟一歲，時間過得真係快！

私人傳訊

積分: 4098

269^#

發表於 19-6-12 10:51 |只看該作者

felixsky 發表於 19-6-12 09:42
Hello! 好耐無見呀！我仔仔呢排夜晚訓訓下都會喊醒....半夜又要食一次夜奶，但又唔食得多，啜幾十就唔啜， ...

講得恭喜未㗎？

兩個年紀相近d都好，可以玩得埋d，係媽媽湊得辛苦！加油呀～有無叫醫生開止嘔藥呀？湊住個大，又作嘔，真係辛苦，你要小心身體。家務就叫老公幫手做，你休息多d呀～今次係自然？我都諗緊幾時開始試好，但醫生話餵人奶好難中，叫我停左人奶先試～
你同仔仔同房定分房瞓架？我個仔同我地同房，次次4/5點就企起伸大喊大叫要抱抱再一齊瞓，佢重識自動碌去中間瞓，好衰！
我仔而家只食兩餐固體，再加d水果同餅仔，人奶就早晚各一次，奶粉頂多飲120ml，體重18磅。我見佢咁好活力，又高左，輕磅都無辨法。

私人傳訊

積分: 9628

268^#

發表於 19-6-12 09:42 |只看該作者

常綠葉發表於 19-6-12 09:13
你同囝囝近排點呀？我個惡少重未可以一覺瞓天光呀！奶粉又唔肯飲，食固體又刁僑扭擰，真難攪！而家出左六 ...

Hello! 好耐無見呀！我仔仔呢排夜晚訓訓下都會喊醒....半夜又要食一次夜奶，但又唔食得多，啜幾十就唔啜，不過我宜家轉左個方法煲粥，佢宜家肯食粥啦⋯⋯以前食2/3啖就唔肯食，宜家佢每餐食到大人碗一碗啦

不過...唔知點解佢食多左磅數都無增長

可能佢食多左粥奶變相又飲小左....佢自從半歲到宜家都未重過呀

都唔知點同佢增磅

我仔都出左6隻牙仔啦！上面4隻，下面兩隻。你有無同佢刷牙？我剩係同佢用棉抺下牙仔喳...佢仲要唔肯擘大個口俾我抺...

講樣野你知呀⋯⋯我又

左呀⋯⋯宜家又要湊大個個，又要作嘔....好辛苦呀

私人傳訊

積分: 4098

267^#

發表於 19-6-12 09:13 |只看該作者

felixsky 發表於 19-4-3 19:31
我個仔識爬啦⋯⋯可能之前我無整張地墊俾佢爬，星期六的起心肝整左佢玩左兩日就識爬啦

唉 ...

你同囝囝近排點呀？我個惡少重未可以一覺瞓天光呀！奶粉又唔肯飲，食固體又刁僑扭擰，真難攪！而家出左六隻牙仔，成日流口水。同佢換片沖涼好似打仗一樣，攰死人

私人傳訊

積分: 4098

266^#

發表於 19-4-9 15:38 |只看該作者

felixsky 發表於 19-4-3 19:31
我個仔識爬啦⋯⋯可能之前我無整張地墊俾佢爬，星期六的起心肝整左佢玩左兩日就識爬啦

唉 ...

我個仔今日食粥時勁衰格，不停咁bu。噴到周圍都係，好鬼討厭！超級想掌佢個嘴！而家啲細路仔真係恐怖！
你個仔之前一直係邊瞓邊食？我個仔而家同你個仔相反，佢而家食少左好多奶！我覺得自己啲奶少左好多，睇怕就嚟唔洗餵人奶！但係佢又唔肯用奶樽，雖然佢用吸管飲水，但我又怕佢唔肯用吸管吸奶飲！
唉～我個仔一直係最低嗰條線再低啲，已經低到冇得再低。但好在佢做乜都快過人，好快出牙，好快轉身，好快爬，好快企。起碼 meet到每個月份應該做到嘅嘢，咁都冇咁擔心嘅～但好明顯佢真係瘦！

私人傳訊

積分: 4098

265^#

發表於 19-4-9 15:29 |只看該作者

felixsky 發表於 19-4-3 19:31
我個仔識爬啦⋯⋯可能之前我無整張地墊俾佢爬，星期六的起心肝整左佢玩左兩日就識爬啦

唉 ...

見到個仔爬係咪好開心呀？你有冇買過圍欄畀佢攔住佢？我有用圍欄圍住個仔，但佢呢幾日開始扶住個欄企起身。但又企唔穩，成日向後跌。跌到磅磅聲，如果你有圍欄你都要小心佢有一日突然起身！我個仔係為咗偷玩具玩而起身

睇嚟你個仔都係蝦媽媽，有冇試下叫你老公餵？有時我個仔食到最後唔肯食，我老公餵佢就肯食曬！你用乜嘢煮粥呀？有冇比米糊佢食呢？我煲粥加左好多料，一般一定有：蛋黃，菜，肉，芝士。我發覺咗我個仔鍾意食酸野，檸檬，酸橙，蕃茄，呢d佢好鍾意。所以煲粥我一定加三粒車厘茄！我重將粥仔溝埋高鐵米糊，而家一日兩餐！

私人傳訊

積分: 9628

264^#

發表於 19-4-3 19:31 |只看該作者

常綠葉發表於 19-3-29 16:34
你個仔係咪又猛長期呀？出世到一歲之前會經常猛長期，留意下之後係咪又高咗！我發覺，我個仔 ...

我個仔識爬啦⋯⋯可能之前我無整張地墊俾佢爬，星期六的起心肝整左佢玩左兩日就識爬啦

唉！我發覺我仔好奸！佢成日都唔肯食粥，食一啖之後含住好耐...琴日俾我發現佢吞左但個口就扮含住，我一行開左佢就放鬆返唔含，我行返過來佢又扮含住驚死我餵佢食甘...都唔知點解佢可以甘鬼奸！！第時都唔知點教佢

不過佢唔知係唔係覺得粥同糊仔仲難食過奶，前幾日開始竟然唔再厭奶，肯開眼食奶

我餵左佢半年合埋眼食，宜家突然間肯開眼食返奶好開心呀我！

你仔17磅甘生長線係幾多呀？我仔甘厭食都成個月無重過啦！佢宜家20磅...上個月都係20磅

私人傳訊

積分: 4098

263^#

發表於 19-3-29 16:34 |只看該作者

felixsky 發表於 19-3-22 15:53
我仔仔加固都食得唔好呀！佢好似唔多鐘意食糊仔同粥仔，成日食到ur, 好似人地扣喉甘ur出聲有次唔 ...

你個仔係咪又猛長期呀？出世到一歲之前會經常猛長期，留意下之後係咪又高咗！

我發覺，我個仔今個星期好似瞓得好咗啲。可能食野食多咗，飽肚d。但佢半夜都係會醒，好在餵完奶佢會瞓返。你個仔又係蝦媽咪喎～我個仔食手指都係放側邊咬，到飲奶時就咬我，重咬到正一正！我已經成日比牙膠佢咬，但佢都係見咩玩具就咬，最鍾意咬毛巾紙巾！

香港仲有bb爬行比賽嘅咩？你有冇用啲玩具引你個仔爬呀？新年果時我哥黎左探我仔，就係果時我哥成日用玩具引佢，佢先開始爬渣～而家已經爬到出神入化

私人傳訊

積分: 4098

262^#

發表於 19-3-29 16:22 |只看該作者

felixsky 發表於 19-3-22 15:53
我仔仔加固都食得唔好呀！佢好似唔多鐘意食糊仔同粥仔，成日食到ur, 好似人地扣喉甘ur出聲有次唔 ...

E～你個仔又識扮嘔呢一招架？我個仔每日都會上演幾次，當佢食到佢唔鍾意食嘅嘢就會咁。但其實識咁樣好㗎，代表如果佢真係哽親佢會識嘔返出嚟！

我個仔成日做衰嘢㗎，成日bu口水，有乜放入口都bu～成日bu到我全面都係！我個仔而家都未有17磅，我見到佢個磅數都擔心！我記得你仔細時又係成日嘔奶，而家又嘔粥？係咪胃淺呢？我自己多數由得我仔食多少，怕迫佢食，佢會對食物反感！我已經買咗個playpen畀佢，佢係入面瘋狂玩玩具！我仔同係我肚入面時一樣，瘋狂咁踢，所以而家腳仔咁有力。佢為咗攞佢啲玩具已經扶住野企起身。

私人傳訊

積分: 9628

261^#

發表於 19-3-22 15:53 |只看該作者

常綠葉發表於 19-3-21 18:31
本帖最後由常綠葉於 19-3-21 18:32 編輯

你近排點呀？仔仔食副食食得好唔好呀？出咗牙仔未呀？我 ...

我仔仔加固都食得唔好呀！佢好似唔多鐘意食糊仔同粥仔，成日食到ur, 好似人地扣喉甘ur出聲

有次唔知係咪食得多仲好似倒水甘嘔返出來

所以佢體重都無咩重到...好難搞

你仔甘快識爬既，好叻呀！識爬真係要睇到佢實呀！我仔呢排食返夜奶，好救命....好似變返初生b甘2點食一次，5點又食一次

夜訓仲成日大喊...搞到無覺好訓

我仔生左兩隻牙仔啦，成日咬我痛到死，自己食手我見佢隻手指唔係放中間係放側面囉...奸到死，中間有牙仔佢自己食自己隻手又識放側面，食我隻手指又食中間

我都好想佢識爬可以帶佢去玩bb爬行大賽

私人傳訊