1-3歲 今日: 0 | 主題: 19610

積分: 6005

1^#

發表於 18-4-24 10:35 |只看該作者 |正序瀏覽 |打印

兩歲囡成日扭計要睇電視...有咩辦法呀？(仲要係半夜)
講小小背景先
工人姐姐湊,冇4大長老係屋企,
姐姐都好鍚我個囡,就係因為咁,佢一喊姐姐就比
開始識睇電視就成日要睇,由歲半開始到而家,
下午訓覺抱住佢睇住電視訓

起身:奶奶之後洗面去買送
買完送因為姐姐要整送,我都同意開電視比佢睇,等姐姐可以整下送
但整完之後我叫左姐姐off,同佢玩玩具架喇,當然off就喊喇,喊幾喊姐姐又肉赤喇,又開返
之後睇到眼訓,睇住訓左,到起身食飯又睇住,因為唔睇住食飯,佢唔專心/唔肯食,之後去公園玩,去完公園返來又睇
因為姐姐要準備晚餐,到我返來就唔會開比佢睇,直至訓覺,

跟呢十日,每晚半夜喊住叫我要睇電視,我要睇多拉a夢,我要睇跳舞,喊喊喊扭扭扭,同佢講唔可以因為而家夜晚,佢又未必一定明,因為佢得兩歲可能明d又唔明d,扭左半小時(隔離都起曬身望過來睇下咩事)因為半夜3-4點,之後我最後都開左比佢,一開唔夠5分鐘佢就訓左喇,我覺得佢係心引,佢可能係眼訓,佢覺得眼訓就要開電視睇(因為姐姐下午係咁樣,睇住訓)之後我放床,佢又起身又扭過要睇電視,,,唉,最後我開支奶比佢,佢又肯喎,飲完就訓左,因為每晚訓前都會飲奶,所以佢認為飲完奶就要訓覺,即係好似扭睇電影因為眼訓一樣,唉,我仲要返工,真係好好好辛苦

已同姐姐講左只係佢要整送,準備晚餐時可以睇電視,但bb已經習慣左又點會肯呀,喊喊喊喊
我同姐姐講,同佢講可以睇,睇十分鐘,睇完就要off玩玩具/其他野,當然off既時候佢又喊啦

大家教教我,我可以點做?狠心d由佢喊,喊一星期又好,一個月又好?咁半夜呢?晚晚隔離唔洗訓攪到我都唔好意思

我覺得bb係潛意識認為眼訓就要睇電視,所以佢半夜醒左又好眼訓,所以係咁講要電視囉

又有朋友講呢個年齡係咁,因為佢地剛識睇電視/玩,但又唔識分日/夜可唔可以做呢d野

有冇人可以比d建議我?

0 0 0

私人傳訊

wcm991101

積分: 5733

22^#

發表於 18-5-16 11:36 |只看該作者

uwimuy 發表於 18-5-16 00:38
本帖最後由 uwimuy 於 18-5-16 00:44 編輯

好同意！我都係咁！我仔而家兩歲半由細到大食野都好衰，偏食 ...

我朋友係堅決唔比小朋友睇電視（屋企係冇電視），小朋友去度人地屋企，咁控制唔到小朋友唔睇電視，一去人地屋企就睇電視，結果就係屋企夜晚扭睇電視，佢媽媽話夜晚睇電視會有鬼來搵佢，個小朋友就stop左扭睇電視上床訓，後來佢係媽媽谷分享，點解其他小朋友家庭會比小朋友睇電視，影響到佢仔就要睇埋一份，教壞佢小朋友，send左一堆話睇電視對小朋友既影響，如專注力不足，會盲等等，我自己就覺得小朋友越比壓力，佢地就越想做，只要唔係過份沈迷，唔影響做功課同生活，我都會比佢放鬆下

私人傳訊

uwimuy

積分: 1435

21^#

發表於 18-5-16 00:38 |只看該作者

wcm991101 發表於 18-5-1 17:47
有d小朋友心態係你越唔比佢佢就越做，我屋企電視係長開，由細到大2個小朋友都唔好電視，令願玩玩具，大女2 ...

本帖最後由 uwimuy 於 18-5-16 00:44 編輯

好同意！我都係咁！我仔而家兩歲半由細到大食野都好衰，偏食咩都唔食，但一有YouTube睇就乜都食。我認我衰成日驚死餓襯佢，佢一肯食就咩都得，所以佢食飯有睇YouTube既習慣！但到而家一食到最後個一啖就自動波俾番個ipad我。呢排細佬都開始加固坐埋一齊食，我話：「唔好睇啦！都唔好睇既，同細佬一齊食重好啦！」之後佢真係唔洗睇尼食飯。
我發覺真係愈唔俾既野就愈想做。好多時主動俾佢睇電視/YouTube 佢都寧願玩。

但樓主小朋友半夜開電呢單野我會吹水：「半夜電視開唔到咖」「全世界既小朋友都訓哂覺得你未訓咋」...

或者可以用講故事氹佢訓

私人傳訊

lau1312

積分: 3172

20^#

發表於 18-5-3 18:46 |只看該作者

dativebond 發表於 18-5-3 16:55
本帖最後由 dativebond 於 18-5-3 17:20 編輯

直頭屋企無電視，自然解決。

同意

溫柔但堅持下去

我地家都係咁，同小朋友講道理（簡單的短句），其實佢明，佢喊，只係試大人底線，大人堅持佢就會知道喊唔係必勝
有時我會抱佢離開原本位置，例如抱佢去牆角企冷靜，分散佢注意力佢都會快d唔喊

私人傳訊

lau1312

積分: 3172

19^#

發表於 18-5-3 18:41 |只看該作者

Wendy1017 發表於 18-4-26 09:46
一開始就唔應該授權工人姐姐可以開電視, 我姐姐做左4年都唔可以自己開電視, 我諗你要同姐姐講唔可以再開電 ...

本帖最後由 lau1312 於 18-5-3 18:42 編輯

我都係，姐姐從來唔可以自己開電視，女女而家兩歲，一直都係咁。我同爸爸放工食飯，有時會開半個鐘俾佢睇卡通或者兒童節目，但唔會日日，佢唔會依賴電視。有時佢會指住電視叫peppa，我地會同佢講做完xxx就可以睇一陣啦，俾佢知道唔係一叫就有電視睇。

所以我建議係樓主真係要收返姐姐可以開電視呢個權，因為姐姐係姐姐，佢冇教養責任，心軟又好方便又好佢都會好輕易開俾佢，樓主下令唔俾佢開（或者好似jm講咁熄插蘇扮壞左），唔好再俾姐姐做把關

私人傳訊

dativebond

積分: 4224

18^#

發表於 18-5-3 16:55 |只看該作者

cammykwong 發表於 18-4-24 10:35
兩歲囡成日扭計要睇電視...有咩辦法呀？(仲要係半夜)
講小小背景先
工人姐姐湊,冇4大長老係屋企,

本帖最後由 dativebond 於 18-5-3 17:20 編輯

直頭屋企無電視，自然解決。

點解屋企一定要有電視？我屋企無電視，就自然無呢個問題。既然你收左工番到屋企都無開電視，咁即係你都唔睇架啦，咁既然唔睇又點解要擺部野不停誘惑自己個女？你叫姐姐比其它野個女玩，屋企無電視佢扭多兩日就唔會扭，因為根本點扭都唔會有。

姐姐緊係想你個女睇電視啦，佢輕鬆好多嘛。而家你開左個頭係咁，就好難收番。把心一橫，掉左部電視佢，直頭唔好睇。屋企只有玩具和書，小朋友自然會玩玩具和睇書。

記得播埋音樂或收音機比佢聽，等佢聽多點，幫助佢講野。

同埋，唔睇電視就唔食飯就唔好食，由佢餓，下餐自然會食。唔會有小朋友會餓得死自己，唔駛迫唔駛氹亦唔駛嬲唔駛鬧，你只要堅持就一定做到。

總之，屋企規矩定左，唔好太緊或太鬆，要合理，訂立左就執行，佢喊都唔會改變，溫柔平靜抱住佢和佢講，溫柔但堅持，佢自然就會跟你果套行。

如果佢喊係要要求唔合理既事(例如半夜睇電視)，我會由佢喊，等佢冷靜，再抱下佢安撫佢，但絕不屈服。

諗清楚自己底線係乜？如果自己都無底線，小朋友實要求越來越不合理。

做一個溫柔但堅持既家長，你如果次次都屈服，小朋友緊係繼續扭啦。點可能本來話淨係整餸時睇，又變左個女喊就可以睇十分鐘，跟住變埋半夜都可以睇？你既底線係邊？連你個女都唔知，你自己又唔知，佢咪繼續喊住黎試你囉。

私人傳訊

wcm991101

積分: 5733

17^#

發表於 18-5-1 17:47 |只看該作者

回覆樓主:

有d小朋友心態係你越唔比佢佢就越做，我屋企電視係長開，由細到大2個小朋友都唔好電視，令願玩玩具，大女2歲就比我送左去讀幼兒園，讀全日制冇得睇電視冇得玩電話，都冇得扭長老，宜家連電視電話都唔會叫我比佢，會同我傾學校學左咩，自己係屋企拎住支咪唱歌，妹妹做觀眾，有時姐姐就同妹妹地下畫畫，可能送左個女去幼兒園，相處時間少左，姐姐好珍惜同爸爸媽媽相處時間，成日捉我地講故事比佢聽，或者玩煮飯仔（妹妹做食客，姐姐做廚師）

當小朋友發現有其他野比電視更好，佢就會唔扭

點評

mikis

發表於 18-5-2 10:37

私人傳訊

ddbb0099

積分: 8477

16^#

發表於 18-5-1 07:41 |只看該作者

回覆樓主:

我仔3.5yrs,由細到依家工人姐姐晤可以開電視，返pm班，早上姐姐同佢lunch後返學，放學回家玩半小時就瞓，跟住我收工回家開30~45mins佢睇，其實我自己去左沖涼，姐姐煮飯，我搞掂佢就要熄電視，所有野係習慣，3yrs要狠心d就戒到，由佢喊。我仔都會借d意想開，但無就係無。慢慢喊啦。再喊玩具都無得玩呀，3yrs好醒，知無得睇，唔想玩具都無得玩，漸漸就知個時間表

私人傳訊

我要做媽媽

積分: 47784

BB防敏心得分享勳章

15^#

發表於 18-4-28 22:54 |只看該作者

我覺得真係好有必要同佢戒，唔系而家先兩歲...

私人傳訊

秋天與楓葉

積分: 32599

14^#

發表於 18-4-28 21:19 |只看該作者

依加電視變左bb既電視奶咀

想戒奶咀從來都係得一個方法

夠恨心
無就無，點喊都無，唔好心軟
工人煮飯可以比bb自己玩玩具/睇書
夜晚喊都係無

心痛bb喊得多，但有無諗過愈遷就愈喊得多
以為喊就咩都有建立錯誤觀念，同時養成長時間睇電視既壞習慣
知道點喊都無就唔會扭
習慣成自然

私人傳訊

haha748494

翡翠宮

積分: 92389

BB防敏心得分享勳章

13^#

發表於 18-4-26 23:10 |只看該作者

可能系習慣問題，我99間中幫我湊細B都系要睇電視，你可以試下可以分開BB注意力，開D音樂吸引BB.

私人傳訊

Nbs

水晶宮

積分: 62762

12^#

發表於 18-4-26 19:49 |只看該作者

回覆樓主：

本帖最後由 Nbs 於 18-4-26 19:50 編輯

我都係工人湊的。我女都係兩歲。
bb 出世我地就將廳的電視送左比人。
到bb 過一歲，我地間中會開ipad 的 peppa 比佢睇。工人唔知密碼，所以日間無得睇既。有時我地放工返嚟懶比佢睇多左，佢就會成日叫住 "睇peppa", 甘我地就知道比得太多就會減少，收起ipad 唔好比佢見到部機再同佢講peppa sleep 左。佢都試過半夜開口夢話"睇peppa".
你想介一定要狠心，否則只會越來越依賴。

私人傳訊

Wendy1017

子爵府

積分: 10586

15週年勳章親子王國15週年勳章

11^#

發表於 18-4-26 09:46 |只看該作者

一開始就唔應該授權工人姐姐可以開電視, 我姐姐做左4年都唔可以自己開電視, 我諗你要同姐姐講唔可以再開電視, 囡囡扭就話電視壞左開唔到, 過一段時間佢就唔會扭。

私人傳訊

RubyYu07

積分: 39566

10^#

發表於 18-4-25 20:44 |只看該作者

回覆樓主

呢個階段我都經歷過。但佢唔係真係要睇電視，只不過係扭計特登揾嘢來搞

私人傳訊

happybaby999

別墅

積分: 752

9^#

發表於 18-4-25 19:19 |只看該作者

回覆樓主

贊成直接拆左電制，狠心啲

私人傳訊

AGa1111

積分: 33374

8^#

發表於 18-4-25 16:12 |只看該作者

回覆樓主

我屋企電視長開，但我3個仔女由細到大都唔會追住睇，瞓覺出街仲會提我地熄電視，可能我地唔係佢要睇咩就比佢睇，多數睇新聞、劇集佢地無咩興趣

私人傳訊

baby317

積分: 3523

7^#

發表於 18-4-25 15:50 |只看該作者

回覆樓主

抆左電視插頭
大約一個星期就戒到
我工人預備食物小朋友會自己搵玩具玩（因為不嬲都無開電視）
咁當然工人都要成日望下佢確保安全

私人傳訊

Ytfc

伯爵府

積分: 18952

6^#

發表於 18-4-25 12:43 |只看該作者

回覆樓主

唔插電，任佢開，佢發現開唔到話壞咗

私人傳訊

BlossomAlmond