夫婦情感 今日: 5 | 主題: 42771

積分: 15242

1^#

發表於 18-11-26 23:06 |只看該作者 |正序瀏覽 |打印

本帖最後由 PTMCYS 於 18-11-27 09:11 編輯

我諗都成七~八年前的事了, 有一晚發了個夢, 情景很真實的....

我發了自己因車禍去世, 一個人在馬路上遊遊下, 聽到有人話我死了, 發現自己唔見左個頭, 跟住好緊張就周圍搵, 因為要齊齊整整, 當時一路搵, 一路好掛住太太, 係到諗, 死啦, 佢一定頂唔住喇, 好希望回去她身邊睇實佢.
跟住聽到有人幫我搵返個頭, 但發現條頸有條好粗糙的縫線一針針的圍住, 都唔理咁多了, 回去搵太太.... 搵了幾處都找不到她, 最後在一個有黃昏陽光照射下的公園裡, 見到她和仔仔在一起, 我好開心, 走出去叫他們之際, 已經步出了幾步, 突然想起頸上的疤痕會嚇怕他們, 立即停下來, 都係回去樹後, 偷偷地望著她現在怎樣過, 我見到太太開始有笑容, 正等待著仔仔向她跑過去, 把他抱起, 二人開心地在公圍玩耍.

我當時見到, 心裡反而很開心, 因為太太開始有笑容了, 她應該已恢複過來, 我自己再諗一下, 我應該要走了..... 我就訓醒了, 雙眼滿是淚水, 訓覺訓到喊都係第一次....., 跟住見到身邊的太太仍在熟睡中. 我感到很欣慰, 真又好, 假又好, 我再可以有多一次照顧她們的機會, 自己都有一點微笑起來, 所以我現在都很珍惜他們.

這個夢除了更珍惜太太外, 亦領略到很多東西, 令自己思考多了.

0 0 0

私人傳訊

做個靚太

水晶宮

積分: 50704

29^#

發表於 18-12-12 02:07 |只看該作者

回覆樓主:

我都試過，夢見到老公出意外，以後都唔番尼啦～真係喊到我，醒左都仲喊梗，見到老公仲係熟睡中，即時攬到實，心諗，每日都要當最後一日咁過~

私人傳訊

Siammama

男爵府

積分: 6602

28^#

發表於 18-12-11 17:27 |只看該作者

珍惜見前人

私人傳訊

積分: 15242

27^#

發表於 18-12-11 12:01 |只看該作者

本帖最後由 PTMCYS 於 18-12-11 17:50 編輯

wing1388 發表於 18-12-6 18:18
我唔係話唔信有靈體，我親眼見過，甚至有交流過嘅都有。我細個時住鄉郊地方，冇街燈，行夜路要靠電筒照明 ...

所以CHING若然你真係成日講「要搞就搞你」----> 這個道理我好明白, 所以我去生保的地方, 唔會亂講野. 該次係比較特別, 我一定要這樣諗, 才能保護太太, 而不是挑機. "飄"的想法係可以當人差不多, 無端端話唔信它, 叫它出來攪自己(好似我朋友, 同事咁) 就係on 居. 但尊重它, 用自己來保護家人的一句話, 一般都理解的....., 太太意志太薄弱, 她受不了的, 真係有事, 都係我煩, 反正係, 自己頂左去...

以我的經驗, 有些無惡意, 有些有, 有些無能量, 亦有些有甚至可以襲擊人, 它們留戀人間, 當然亦有些走不到, 等超道, 它們會八掛, 會學做人形, 雖然叫飄, 但有能力的, 係可以有腳步聲....

私人傳訊

積分: 47018

開心吸收勳章

26^#

發表於 18-12-6 18:18 |只看該作者

PTMCYS 發表於 18-12-6 17:12
係, 這個亦係關鍵, 我從未見過, 只係感覺到, 所以我之後都唔會主動同人講, 免得比人話我膽小, 心理作用等. ...

我唔係話唔信有靈體，我親眼見過，甚至有交流過嘅都有。我細個時住鄉郊地方，冇街燈，行夜路要靠電筒照明，但眼睛漸漸適應，基本上有月光嘅晚上都唔需要照明了！猶記得山上多山墳，有時大水會將墓碑甚至屍體，枯骨...等等沖落山，我哋會索性用墓碑嘅花崗石鋪路，所以每日都係踏住墓碑來回屋企。

真正嘅靈體望上去同真人相差無幾，一樣有色有相，只係顏色比活人黯淡遍灰，眼肚通常發黑眼神空洞...望人經常都有一副恐懼嘅表情。我從小到大善嘅惡嘅都見過了，大部份都不足為懼，只係有啲會比較「貪玩」，所以CHING若然你真係成日講「要搞就搞你」，終有一日會求仁得仁的，切記！

百花叢裡過，片葉不沾身。

私人傳訊

starrymama

積分: 37269

畀面勳章

25^#

發表於 18-12-6 17:45 |只看該作者

私人傳訊

積分: 15242

24^#

發表於 18-12-6 17:12 |只看該作者

wing1388 發表於 18-12-6 16:38
但你次次都只係話感覺到，即係未親眼見過，會唔會只係你心裡覺得係某啲嘢咋？畢竟「疑心生暗鬼」吧！

係, 這個亦係關鍵, 我從未見過, 只係感覺到, 所以我之後都唔會主動同人講, 免得比人話我膽小, 心理作用等.... 亦唔可以證明到D 咩.

但有好多次, 都係同事/朋友/家人感覺到, 聽到, 比野攪後, 反問我, 我才出聲話一早已知. 有些朋友本來好大膽, 強壯得一個打3個, 完全不信有飄, 當晚一齊經歷後, 喊住跪係床上, 求鬼大哥唔好攪佢.

我把我經歷跟我不信有"飄"的大姐夫講, 因為佢話唔信, 我話你聽我講完, 你解釋下點解會咁...., 當我講完, 佢話: 咁你真係要搵人睇下你點解成日遇到了.....

但我又唔係成日遇到, 以前只係隔幾年一遇咁, 當然希望唔會再遇到.

我興幸看不見, 不然未必可以咁瀟洒...

私人傳訊

積分: 47018

開心吸收勳章

23^#

發表於 18-12-6 16:38 |只看該作者

PTMCYS 發表於 18-12-5 17:50
只有屋企, 沒有其他主場.

就算在以前的公司OT, 都試過百葉簾被指甲刮掃的聲音(之前同事都試過, 話要拿拿 ...

但你次次都只係話感覺到，即係未親眼見過，會唔會只係你心裡覺得係某啲嘢咋？畢竟「疑心生暗鬼」吧！

百花叢裡過，片葉不沾身。

私人傳訊

積分: 15242

22^#

發表於 18-12-5 17:50 |只看該作者

wing1388 發表於 18-12-5 16:56
發火？主場意思係屋企？

只有屋企, 沒有其他主場.

就算在以前的公司OT, 都試過百葉簾被指甲刮掃的聲音(之前同事都試過, 話要拿拿聲收工), 行去究竟, 又沒有風口吹, 簾又沒有郁動, 怎麼10點幾突然會有怪聲呢? 坐埋位繼續OT, 怪聲又出現...., 又望一下簾, 心想: 比我加到10點半我會走..,
回個頭繼續做, 又刮幾下, 我都無理了, 就放低D 野走人, 又唔係怕咩, signal 話佢要用這地方, 咪由佢囉, 我D 野都唔係急成咁o者(其實除了這些怪聲, 幾個同事都遇到其他的怪事), 大致上過了10點後, 遇到的機會越大, 係當時好勝, 唔理咁多.

所以其他地方都會由佢....

私人傳訊

積分: 15242

21^#

發表於 18-12-5 17:35 |只看該作者

wing1388 發表於 18-12-5 16:18
我同你啱啱相反喎！我每次都會同旁邊啲「隔籬鄰舍」打個招呼，仲會上埋香...禮多「人」不怪吖嘛！
...

記得有一年, 仔仔暑假期間, 晚上在九龍仔公圍練習, 第一晚, 我和太太晚飯後, 由樂富步行去接他, 但我們行錯了路, 沿著最貼公園邊的行人路走, 諗住一見樓梯, 就可以行上去, 點知越行越多大車泊在路邊, 亦越來越多大樹, 把街燈蓋著, 而且比想像中路途搖遠..... 越行越黑, 當時沒有害怕, 只想著行多陣就會找到樓梯口, 之後更有點好勝, 放下太太的手, 行快兩步找樓梯.

當我步行多一段路後, 感覺太黑了, 而且開始感覺陰深和不舒服, 心感不妙, 回頭望著太太, 已遠離我約二十米, 亦被漆黑籠罩著, 馬上箭步跑回她身邊, 拖著她手, 攝出大車之間, 跑到對面有燈光的行人路上, 並親了她一下咀(太太應不明白為何我咁突然錫她), 心裡堅定說了一句, 要攪就攪我, 不要攪我太太(其實我很少說這些話), 之後沒有事情發生, 亦很快找到了入口接仔仔.

這件事情雖然不代表什麼, 但令我再次思考, 自己行的路要顧及家人, 不境路不是自己一個人行.

私人傳訊

積分: 47018

開心吸收勳章

20^#

發表於 18-12-5 16:56 |只看該作者

PTMCYS 發表於 18-12-5 16:46
各人有命弱和強, 先天是註定, 但後天的改變亦是重要的. 我只會說不要犯我, 如果打擾它我會走, 如果係我主 ...

發火？主場意思係屋企？

百花叢裡過，片葉不沾身。

私人傳訊

積分: 15242

19^#

發表於 18-12-5 16:46 |只看該作者

wing1388 發表於 18-12-5 16:18
我同你啱啱相反喎！我每次都會同旁邊啲「隔籬鄰舍」打個招呼，仲會上埋香...禮多「人」不怪吖嘛！
...

各人有命弱和強, 先天是註定, 但後天的改變亦是重要的. 我只會說不要犯我, 如果打擾它我會走, 如果係我主場, 就會發火, 不會有交道的. 陰氣亦會令自己運氣和身體不好, 所以敬而遠之為妙!

屋企人教, 拜山裝香, 會裝埋隔離鄰舍, 但不會在其他地方裝香給他們.

私人傳訊

積分: 47018

開心吸收勳章

18^#

發表於 18-12-5 16:18 |只看該作者

PTMCYS 發表於 18-12-4 15:12
好似C 兄話齋, 無得避.

反而用人不犯我, 我不犯人的心態便可. 亦要令自己處於開心和意志堅定的狀態, 這是 ...

我同你啱啱相反喎！我每次都會同旁邊啲「隔籬鄰舍」打個招呼，仲會上埋香...禮多「人」不怪吖嘛！

百花叢裡過，片葉不沾身。

私人傳訊