吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 越來越憎我老公，好想離婚

夫婦情感今日: 0|主題: 42796

收藏本版

發帖

返回列表

跳至頁

查看: 15551 | 回覆: 40

越來越憎我老公，好想離婚 [複製鏈接]

12 3

chrusluvb

複式洋房

積分: 132

1^#

發表於 19-1-4 06:48 |只看該作者 |正序瀏覽 |打印

我同老公拍左十年拖先結婚，結婚前佢都係脾氣火爆既人，但次次發完脾氣都會好快TUM返我。
直至個仔出世後，所有野都唔同晒，經常鬧我，我坐緊月既時候，已經因好少事鬧我到我喊，總之呀仔有咩事都係我錯。所謂既有事，只係雞毛蒜皮既事，例如呀仔半夜醒、食野食得唔好。我影呀仔相同VIDEO，佢就話我自私，淨係掛住SHARE D相比人，其實我影黎都係比自己留念，SEND都係SEND比我同佢屋企人，咁都有錯？佢近來成日打我，幾乎次次嘈親都打我，因為我覺得佢經常雙重標準，而且無理取鬧，所以佢鬧親我我都會駁返佢，佢就話我串，唔夠我講就打我，仲衰到話一定要用爆力先解決到問題。

我而家係FTM，生仔前幫佢手做生意。但佢生意無咩起色，成日要借錢，我都幫佢借埋一份，但佢從來無感激我幫佢。呀仔出世後，佢仲成日話我無本事唔識搵錢幫唔到佢，但佢自己又成日喺屋企唔知做咩，生意上既野又唔理，淨係不停怨我幫唔到手。大佬我又要湊仔又要要做家務，邊有咁多隻手？佢成日話我湊仔湊得唔好，咁我話一係我出去搵野做由佢來湊仔，佢又踩我話我做野慢脾氣唔好唔洗兩個月就喊住返屋企。咁又唔得咁又唔得，其實我都唔知佢想點。

我覺得唔可以在同佢生活落去，呀仔仲係BB，但佢成日喺個仔面前打我鬧我，我覺得呀仔好慘。而且我同佢已經溝通唔到，次次有佢講無我講，再唔係就出手打我。

我而家唯一就係為左個仔，唔想佢無個完整家庭，先再考慮下離唔離。同埋雖然佢對我極差，但對個仔好好。我同我呀媽講想離婚（我媽只知佢成日鬧我唔知佢有打我），我呀媽叫我為左個仔唔好離婚，因為男人十個有九個都係咁衰，再識個第二個都未必更好。但我見我身邊朋友D都公都好錫老婆，人地生完仔屋企樂也融融，點解我咁陷呵？自問又無做錯D咩，我先三十幾歲，點可以咁樣過人世？？？有時我諗情願自己帶住個仔單身都仲快樂。

0 0 0

私人傳訊

f2256701

洋房

積分: 38

41^#

發表於 19-1-9 04:24 |只看該作者

最不能容忍係出手打人！

私人傳訊

bananaGi

珍珠宮

積分: 31726

40^#

發表於 19-1-9 02:41 |只看該作者

chrusluvb 發表於 19-1-4 06:48
我同老公拍左十年拖先結婚，結婚前佢都係脾氣火爆既人，但次次發完脾氣都會好快TUM返我。
直至個仔出世後， ...

宜家唔係你離唔離婚, 而係佢一定會繼續打你！！

唔會停架啦’

你想繼續比人打？你一定要諗後路！娘家？錢？

私人傳訊

CherryChan1123

洋房

積分: 61

39^#

發表於 19-1-9 00:46 |只看該作者

chrusluvb 發表於 19-1-5 17:51
我媽唔知佢打我架

如果你媽知道佢打你會叫你忍嗎？100％唔會！你自己有個仔將來比老婆打你會叫佢忍嗎？走都走唔切吧，我婚姻欠缺溝通我都快忍不住了，何況你？去找社工幫手，佢哋好願意亦幫到你同小朋友的，想忍兩年？忍多兩日都忍唔到吧？相信我找社工，我朋友大住個肚比老公打都係可成功搬走，你都可以的，有人幫你的

私人傳訊

MCEsc

男爵府

積分: 6959

38^#

發表於 19-1-5 18:20 |只看該作者

chrusluvb 發表於 19-1-4 06:48
我同老公拍左十年拖先結婚，結婚前佢都係脾氣火爆既人，但次次發完脾氣都會好快TUM返我。
直至個仔出世後， ...

樓主，你無收入又成日被家暴，不如搵個社工傾傾，睇下有咩幫到你？

祝你好運。

私人傳訊

chrusluvb

複式洋房

積分: 132

37^#

發表於 19-1-5 17:51 |只看該作者

sueyee 發表於 19-1-5 08:41
你忍，可以忍到幾時？你老公只會變本加厲，為個仔好唔想離婚，但佢睇住你地咁樣打鬧，真係會好咩？你媽知佢 ...

我媽唔知佢打我架

私人傳訊

冬瓜籽

男爵府

積分: 9201

36^#

發表於 19-1-5 09:33 |只看該作者

郁手真係好無品

私人傳訊

sueyee

伯爵府

積分: 17755

35^#

發表於 19-1-5 08:41 |只看該作者

回覆樓主:

你忍，可以忍到幾時？你老公只會變本加厲，為個仔好唔想離婚，但佢睇住你地咁樣打鬧，真係會好咩？你媽知佢打你，叫你為左個孫就唔好離住，你反問下佢有無為個女著想下？你媽難道唔心痛？十個男人九個衰，再嫁未必好，咁咪唔好嫁囉，邊個話無男人唔可以生存。

私人傳訊

chrusluvb

複式洋房

積分: 132

34^#

發表於 19-1-5 05:04 |只看該作者

小可愛11 發表於 19-1-4 18:32
出手就一定唔得。
男人爛滾爛賭都無打老婆咁衰。

做女人真係好惨，所有青春金錢都比晒佢，辛苦埋個仔出來，到頭來除左一身債同殘到爆既身心就咩都冇。當然我仲有個仔，佢而家係我唯一既快樂之源

私人傳訊

chrusluvb

複式洋房

積分: 132

33^#

發表於 19-1-5 05:03 |只看該作者

小飛亞發表於 19-1-4 20:49
樓主要小心處理兩個人之間問題,坐低慢慢傾。

佢次次郁手都係話因為佢話我時我唔肯認錯頂返佢轉頭，成日話我甘叻頂咀有本事就出去揾錢，成日踩到我一無是處。我頂狀佢既原因係因為佢實在唔講道理。任何事都冇商冇量一味淨係識閙我，三句吾埋兩句就話「信唔信我冚X你丫嗱!」。

我深知佢只會變本加厲而且對個仔有好壞影響，但我已好多年冇出去打工，同社會脱晒節，又有好大經濟壓力，離婚談何容易。不過如果佢再郁手我就唔再忍喇。一係以後佢話我時我當耳邊風堅忍唔出聲，但成世流流長咁過日子有又咩意思?