夫婦情感 今日: 0 | 主題: 42798

積分: 202

1^#

發表於 19-2-10 16:23 |只看該作者 |正序瀏覽 |打印

咁多年嚟，有時因為一啲事唔開心同老公傾訴下，最後只會更唔開心，仲會鬧大交。每次我都好後悔自己點解會同佢講，亦好多次決心唔再表示意見，唔講感想，但有時疏忽忘記左，就會演變成辯論鬧交。幾年前我同佢講我地唔夾，無辦法相處，佢唔肯放棄，我地又有兩個仔，雖然都大個，但好難話分開，不過我有時真係好辛苦，唔想應酬佢，但佢好多嘢講，我唔同意都唔敢表達意見，費事鬧交。佢係一個無同理心嘅人，舉個例子：佢由細玩到大嘅女性朋友因為丈夫返大陸做嘢有外遇，向佢傾訴，佢第一個反應係同個女性朋友講：你老公揾小三你都有責任。唉，人哋已經咁慘咁唔開心，特登揾佢出嚟訴苦，佢仲踩多一腳，但佢覺得佢係實話實說，結果個女性朋友仲要同佢辯論話自己無錯，係老公錯，人哋已經心情咁差，但仲要同佢辯解自己立場，結果個女性朋友好耐無揾佢，差啲絕交。呢啲情況在佢同朋友之間發生過好幾次，在我身上就發生過好多次，每次我都好後悔同佢傾訴，因為之後我只會心情更差，我真係好攰，唔想同佢相處，因為講唔到心底話，講嘢又要就住，而且要日日對住，好辛苦。

0 0 1

私人傳訊

積分: 202

46^#

發表於 19-2-23 23:41 |只看該作者

做個靚太發表於 19-2-23 09:30
依加個社會，好多嘴賤無同理心嘅人，會用心直口快，來合理化自己嘅行為~
我相信有人係真係心直口快嘅，不過 ...

我都好贊同你講嘅好多人用心直口快嚟合理化自己嘅自私行為，心直口快有時其實係言語欺凌

私人傳訊

積分: 202

45^#

發表於 19-2-23 23:26 |只看該作者

做個靚太發表於 19-2-23 09:30
依加個社會，好多嘴賤無同理心嘅人，會用心直口快，來合理化自己嘅行為~
我相信有人係真係心直口快嘅，不過 ...

其實小三呢件事，我嘅重點唔係佢講嘅''雙方都有責任''呢句話合唔合理，而係當朋友揾佢傾訴時，其實係希望佢安慰下佢，支持下，我覺得佢應該先照顧對方心情，然後先分析件事，如果換轉係我，第一個反應唔係講責任誰屬，我會問下佢瞓唔瞓到，有無食嘢，或者話俾佢聽心情低落時可以揾我，我會陪佢，慢慢先婉轉啲講下會唔會佢有啲表現或相處方式令大家感情唔好（呢啲就係講緊大家都有責任，不過唔係直接講而已），就算再有道理嘅說話，都有一千萬表達方式的，有些雖然係道理，但也會很傷人。

私人傳訊

20150618bb

珊瑚宮

積分: 109193

2026勳章 2024年龍年勳章虎到金來勳章牛年勳章 2018復活節勳章開心吸收勳章

44^#

發表於 19-2-23 16:03 |只看該作者

Coffeewine 發表於 19-2-10 16:23
咁多年嚟，有時因為一啲事唔開心同老公傾訴下，最後只會更唔開心，仲會鬧大交。每次我都好後悔自己點解會同 ...

有時[真實]係好難接受,但又有什麼問題呢?每個人有自己性格活到現在又何必為別人生活

私人傳訊

做個靚太

水晶宮

積分: 51139

43^#

發表於 19-2-23 09:30 |只看該作者

回覆樓主:

依加個社會，好多嘴賤無同理心嘅人，會用心直口快，來合理化自己嘅行為~
我相信有人係真係心直口快嘅，不過唔多囉…
最起碼尼種人，話人開心時，俾人話番唔會嬲先，因為由心而發，唔會諗咁多，所以唔會句句都賤，自然都唔會嬲咁多~
賤心嘅人，就句句都賤~而且唔俾人話得~因為出發點，根本就係想攻擊人地~
就你老公話小三尼件事，錯唔晒，我都覺得有時係兩公婆有問題，先會將另一半推向小三~
其他佢係點，我就唔知啦～

私人傳訊

積分: 12727

42^#

發表於 19-2-22 22:57 |只看該作者

Coffeewine 發表於 19-2-22 22:50
我同你一樣，以前啲仔仲細，我將啲精神時間放在仔身上，有咩想做想買都自己一個去。你講嘅相處情況，好多結 ...

明白你嘅難處！有冇試過坐低慢慢傾？

有時候哎少少交也是溝通，互相了解的方法。一方太沉默真的吾知佢諗乜。

私人傳訊

積分: 202

41^#

發表於 19-2-22 22:56 |只看該作者

gilgil39 發表於 19-2-22 08:15
亞氏保加會沒有同理心嗎？

係呀，亞氏保加其實係高功能自閉症，係欠缺理解其他人感受的能力，亦唔係好識睇人眉頭眼額，所以有時會作出唔適當嘅對話反應咁，上網search有特徵資料參考的

私人傳訊

積分: 202

40^#

發表於 19-2-22 22:50 |只看該作者

gilgil39 發表於 19-2-22 08:20
我都係由孤獨變做獨立了。有時好enjoy自己一個的時候。

我覺得唔係純因為佢讓我囉！其實同佢平時都冇咩溝 ...

我同你一樣，以前啲仔仲細，我將啲精神時間放在仔身上，有咩想做想買都自己一個去。你講嘅相處情況，好多結婚多年嘅夫妻都會咁，係平淡，你都仲好，可以鬧你老公佢都唔出聲，我係唔可以唔客氣咁同我老公講野，會鬧交，所以有時想講啲嘢都會吼時機同埋諗下點用詞，好煩。

私人傳訊

積分: 12727

39^#

發表於 19-2-22 08:20 |只看該作者

Coffeewine 發表於 19-2-22 01:45
好明白你講嘅嗰種孤獨感覺，到後來我已經習慣了，有時寧可自己一個人，有一段時間確係好似在同一屋簷下各自 ...

我都係由孤獨變做獨立了。有時好enjoy自己一個的時候。

我覺得唔係純因為佢讓我囉！其實同佢平時都冇咩溝通，除咗佢返工有壓力嘅感受，食物好味與否嘅感受，好似其他都冇咩感覺咁。

私人傳訊

積分: 12727

38^#

發表於 19-2-22 08:15 |只看該作者

Coffeewine 發表於 19-2-22 01:33
回覆歌莉亞的帖子

我最近都有諗過佢可能有少少亞氏保加，因為我懷疑佢爸爸係，我62係無法理解別人的感受 ...

亞氏保加會沒有同理心嗎？

私人傳訊

積分: 202

37^#

發表於 19-2-22 02:31 |只看該作者

回覆 Coffeewine 的帖子

事緣我自己屋企都係阿媽鬧阿爸，我媽鬧我爸時我爸爸一向唔出聲，咁我媽就好激氣，話佢無反應，當時我老公就同我講：男人唔出聲其實係讓緊女人。當然不能一概而論，但也提供了一個想法。

私人傳訊

積分: 202

36^#

發表於 19-2-22 01:45 |只看該作者

gilgil39 發表於 19-2-18 21:11
樓主我同你差不多！不過我同C6好少變哎交，最多只係我鬧，因為佢係冇反應，冇回應嗰種；所以我地關係都越 ...

好明白你講嘅嗰種孤獨感覺，到後來我已經習慣了，有時寧可自己一個人，有一段時間確係好似在同一屋簷下各自生活。不過，若果只係你鬧，你老公唔出聲的話，在好耐好耐以前，我老公曾經同我講："男人唔出聲，其實係喺度讓緊你。"唔知咁樣諗你會唔會個心舒服啲呢？

私人傳訊

積分: 202

35^#

發表於 19-2-22 01:33 |只看該作者

回覆歌莉亞的帖子

我最近都有諗過佢可能有少少亞氏保加，因為我懷疑佢爸爸係，我62係無法理解別人的感受和需要的，也是無同理心，以前只覺得他有點怪，但後來對亞氏保加認識比較多後，就覺得有啲似

私人傳訊

積分: 12727

34^#

發表於 19-2-18 21:11 |只看該作者

Coffeewine 發表於 19-2-10 16:23
咁多年嚟，有時因為一啲事唔開心同老公傾訴下，最後只會更唔開心，仲會鬧大交。每次我都好後悔自己點解會同 ...

樓主我同你差不多！不過我同C6好少變哎交，最多只係我鬧，因為佢係冇反應，冇回應嗰種；所以我地關係都越來越淡！
我生仔、湊仔、挨夜，做手術，佢吾會鄧我辛苦；我比工人激，比仔激，吾開心，擔心，佢都吾會感受到我嘅感覺，有時覚得我C6 吾止冇同理心，直頭係冇感覺嘅人。
以前拍拖時都係玩多，吾擦覚咁多嘢，可能一樣只可以共富貴。
對方鬧下，我都知佢諗乜，冇反應真係

其實即是冇溝通，佢好似唔識表達自己內心咁；平時講嘅都係D無聊嘢；我都有孤單嘅感覺，乜都係自己面對，以後D日子點過

私人傳訊

歌莉亞

伯爵府

積分: 18220

33^#

發表於 19-2-17 15:35 |只看該作者

Solarflare 發表於 19-2-10 22:26
你老公情商 = 0。
交際技巧 = 0。
請問你係點解會嫁比佢???

亞氏保加

私人傳訊

prettycutemama

大宅

積分: 2584

MommyPanel勳章好媽媽勳章畀面勳章

32^#

發表於 19-2-17 04:09 |只看該作者

Coffeewine 發表於 19-2-10 16:23
咁多年嚟，有時因為一啲事唔開心同老公傾訴下，最後只會更唔開心，仲會鬧大交。每次我都好後悔自己點解會同 ...

一輩子真的會很累

私人傳訊

858D

珍珠宮

積分: 38358

31^#

發表於 19-2-13 04:11 |只看該作者

Coffeewine 發表於 19-2-11 13:01
回覆 858D 的帖子

你真係EQ好高，好佩服你，我真係無辦法做到好似你咁。你係一個大好人，不過真心，女人一 ...

哈哈，我的EQ係磨出來的。
我知道女人一定要留個錢傍身。
我亦考慮過，基於我前夫的軟弱，如果我留個錢，佢會一蹶不振。佢個人心地好，意念正，只是沒有入世的能力，EQ。
我生活要求需要好低，我的工積金應該夠我退休的清間生活使用。

Love is when the other person’s happiness is more important than your own ~ H. Jackson Brown

私人傳訊

小豬澄

珍珠宮

積分: 47485

畀面勳章環保接龍勳章

30^#

發表於 19-2-12 22:26 |只看該作者

Coffeewine 發表於 19-2-12 19:47
回覆小豬澄的帖子

從你嘅描述，你老公對你好好，冷漠可能係佢唔係咁主動表逹自己，或者比較慢熱而已。我 ...

我老公都係成日鬧嫁佢以前有鬧我不過鬧完我又唔比反應佢鬧到無氣而家好少鬧我
再唔係我會用眼淚浸佢

佢係對我好好但對其他人就好麻麻
把口刻薄毒辣

不過我選擇性去聽同我會等佢心情好先傾下個問題

祝你早日搵到個辦法去解決個問題

我只要求我老公出街盡量唔好講咁多刻薄野番屋企我話知你

私人傳訊