夫婦情感 今日: 0 | 主題: 42771

積分: 7378

1^#

發表於 19-3-5 00:44 |只看該作者 |正序瀏覽 |打印

三個小朋友，大的兩個2歳8個月，細嘅就快7個月。同好多典型家庭一樣，小孩出世後，家庭關係就變得不同了。大家對於照顧及養育方式期望有落差。未至於找婚姻輔導，不過曾經找社工傾過，說要多欣賞對方。踢一踢肯郁一郁，不過如果佢唔認同就唔做，又質疑點解要佢跟我嘅方法，但過程不肯討論，即使想傾就會話係要求佢，唔做看不過眼又很激氣，久而久之一係就唔出聲，一出聲就好似埋怨鬧交。佢不用我關心他的工作及日常，以前我會主動分享每日的事，現在已經沒有了，

點評

tansyneko

發表於 19-3-5 13:20

0 0 0

私人傳訊

pollybaby1988

大宅

積分: 3549

25^#

發表於 19-3-9 16:58 |只看該作者

csc1016 發表於 19-3-8 01:18
咁話說我今日又試下踏出一步同佢傾溝通嘅問題(其實每次都係我raise 出嚟講，因為佢唔aware係問題或者唔會 ...

其實我覺得佢用佢既方法時，你就唔好比意見，咁做c6就覺得佢樣樣做，你都唔滿意！最終可以解決件事既就唔需要執著。

私人傳訊

sweetapplebb

積分: 8338

24^#

發表於 19-3-8 17:37 |只看該作者

回覆 gilgil39 的帖子

零溝通2公婆一起耐左大部分都係平淡。我同老公都係，佢收工就打遊戲機，唔會同我分享d咩事，無乜講野。放假，又係打機。我習慣了。

sweetapplebb

私人傳訊

積分: 7378

23^#

發表於 19-3-8 01:19 |只看該作者

至於溝通嗰part其實佢都係冇回應過，佢甚至覺得已經有，我問佢唔係係今天我提出討論呢個agenda，咁平日溝通了「甚麼」？你有同事約你食飯都有嘢講吧，我就日日lunch帶飯對住部電腦自己一個啫。whatsapp問有冇早餐，要買咩，同個工人whatsapp佢要買咩有何分別？這是你所指的溝通了嗎？
上面啲問題open-end，不是要他即時俾答案我，我想大概都有10分鐘時間，話題完結。之後我去沖涼，沖完出嚟已瞓咗。

私人傳訊

積分: 7378

22^#

發表於 19-3-8 01:19 |只看該作者

咁我咪問其實你覺得我地兩個之間每日究竟應該怎樣溝通？係咪唔溝通就已經係你嘅溝通方法？由放工7點返到屋企到嗰陣9:30其實溝通咗乜?我話純綷self reflection，習以為常係咪等於正常。我用埋呢兩日老師學校自殺單嘢做例子，我話你估校長唔知問題咩，唔去正視係咪就當冇事。佢有提返分房瞓或者前後腳食飯而家暫時解決唔到。

私人傳訊

積分: 7378

21^#

發表於 19-3-8 01:18 |只看該作者

pkbkek 發表於 19-3-6 20:26
教肓理念不同, 我相信是不少夫婦亦有面對的...
我亦有經歷過, 但一定要其中一方先讓步, 否則只會令件事越 ...

咁話說我今日又試下踏出一步同佢傾溝通嘅問題(其實每次都係我raise 出嚟講，因為佢唔aware係問題或者唔會改變情況)。喺討論前我都已經講明唔係鬧交/為爭論而講。最簡單去到一個位，阿女喊，咁我會試下不同方法令她不喊，咁啱嗰陣佢孭住，咁我話你除了拍佢背都可以叫下佢名同佢講嘢「暗」佢瞓。佢就覺得佢扭眼瞓，唔講佢喊多幾下累就瞓。咁其實講嘢係咪真係咁困難?阿女未識講都識聽。跟著又話佢講得比我多，做咩我唔講，我話我唔係要同你鬥多少(嗰陣我食緊橙然後凖備去冲涼)，其實都只係提個建議方法啫，已經又好似起哂摃咁，又覺得我「要求」佢咁做。

私人傳訊

gilgil39

積分: 12727

20^#

發表於 19-3-7 21:57 |只看該作者

csc1016 發表於 19-3-5 16:07
我是沒有權要求對方改變性格，但現實環境改變了的時候，真的可以繼續唔變嗎？即使我不care他丈夫的角色，哪 ...

明白樓主！我也有類似問題；當然媽媽會上心D，但另方面是不是爸爸的責任感太低？
你c6會跟你拗又煩，我c6是乜都冇意見，乜都問我，乜都唔諗，日子久了，我覺得好攰好攰，好大壓力！

私人傳訊

pkbkek

大宅

積分: 1034

19^#

發表於 19-3-6 20:26 |只看該作者

csc1016 發表於 19-3-5 00:44
三個小朋友，大的兩個2歳8個月，細嘅就快7個月。同好多典型家庭一樣，小孩出世後，家庭關係就變得不同了。 ...

教肓理念不同, 我相信是不少夫婦亦有面對的...
我亦有經歷過, 但一定要其中一方先讓步, 否則只會令件事越攪越壞的。
最後影響了夫妻感情就更加唔值得~

你只要有個信念, 大家都是為小朋友好而已, 只是觀點不同吧~
如果你不想因教育小朋友的問題, 影響夫妻關係的話。
或許你可以嘗試先行一步, 希望有互動的情況下, 關係慢慢得到改善吧

私人傳訊

CCHINGC

積分: 12113

18^#

發表於 19-3-6 12:23 |只看該作者

有小朋友家庭係好唔同，起碼睡眠、飲食、假日活動都唔同，雙方唔合拍好難攪，不過提提媽媽係緊張d，我自己都係，適當時候放鬆一下

私人傳訊

積分: 7378

17^#

發表於 19-3-5 17:21 |只看該作者

小氣人妻發表於 19-3-5 16:25
其實大家當初都想生小朋友定只係你一個想生？就咁睇，佢好似都唔太鐘意小朋友咁。
...

基礎共識係有的。之前社工上門家訪，大家當面攤開傾，唔係話佢完全0付出，佢都有做一啲嘢(例如清潔），但大家的觀點角度期望或者要求層次不同。而就著打鬧問題，我都有同佢阿媽講，佢媽都有話佢，三歳前性格未形成，但小朋友trouble 2或者開始有一些壞脾氣點樣引導學好係需要花心機時間及方法。之前上playgroup 老師也講過成家人個個套方法唔同也是問題。但佢就會覺得做咩要求要跟其他人的方法。

私人傳訊

小氣人妻

別墅

積分: 734

16^#

發表於 19-3-5 16:25 |只看該作者

csc1016 發表於 19-3-5 16:07
我覺得小孩做得不對要教，佢覺得要鬧同打，對住個兩歲好似敎小學生咁然後質疑點解以我方法教了兩年仲係咁。 ...

其實大家當初都想生小朋友定只係你一個想生？就咁睇，佢好似都唔太鐘意小朋友咁。

私人傳訊

積分: 7378

15^#

發表於 19-3-5 16:07 |只看該作者

我覺得小孩做得不對要教，佢覺得要鬧同打，對住個兩歲好似敎小學生咁然後質疑點解以我方法教了兩年仲係咁。不懂教育唔去學，小孩要買乜唔理，覺得買書買玩具上playgroup 多餘，繁此種種。唔係我想圍住小孩轉，但有小孩的家庭就原來真的有很多事忙要去適時處理。

私人傳訊

積分: 7378

14^#

發表於 19-3-5 16:07 |只看該作者

我是沒有權要求對方改變性格，但現實環境改變了的時候，真的可以繼續唔變嗎？即使我不care他丈夫的角色，哪麼他覺得自己在家庭中父親角色有role嗎？
所謂的爭執就是，我忙緊一些事，BB喊他不看，問他爲何不看，佢話一哭就要看嗎？我覺得要陪小孩看書玩玩具，佢覺得小孩自己玩就得，為何要規範點玩。放假小朋友已起床，大人要起身準備早餐各樣很忙，佢繼續瞓，食少餐冇所謂，咁如果我同佢鬥hea唔係唔得，但害了小孩冇早餐，沒有早睡早起習慣。

私人傳訊

積分: 7378

13^#

發表於 19-3-5 16:06 |只看該作者

回覆樓主：

本帖最後由 csc1016 於 19-3-5 16:10 編輯

第一胎是有計劃的，第二胎是意外。事實上未有孩子之前也預計到之後有機會因為照顧、教養方式等產生問題，只是一日未行到下一步，一日唔知實際情況。分房睡無疑是增加了隔漠，像同屋住。不過我也不認為即使假如現在無分房睡情況會改善或還原。有細B就是生完第一年之後voice out過係咪繼續打算長期瞓廳。孖寶是ivf，所以沒想到一次就中了細B。事實亦證明關係並沒有因為走在一起而改善。所以到現在生完差不多7個月，我不用半夜起身泵奶，也不會再主動提出相同問題，反正佢瞓邊都唔關我事。

私人傳訊

jeremylui83

積分: 14244

畀面勳章

12^#

發表於 19-3-5 10:11 |只看該作者

如果你件事係真的話，因為有啲位真係好難明，分房幾年，但最細果個得七個月，最大孖仔係2歲8個月，成件事好似好矛盾咁。。
感覺你兩個都好硬頸，其實大家為小朋友多行一步，距離就會再拉近一點點，
爭執個原因，通常係大家都認為自己係最啱，不如多聆聽少說話，
每次想嘈交的時候沉默十秒才表達意見，關係才有望改善。。

私人傳訊

HOPEFORBB