吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 時政擂台 › 時事熱話› 阿sir就快撐唔住，大家一齊集氣啦！

時事熱話今日: 0|主題: 3950

收藏本版

發帖

返回列表

跳至頁

查看: 3784 | 回覆: 56

12 3

積分: 2135

1^#

發表於 19-9-4 09:55 |只看該作者 |正序瀏覽 |打印

前線警察感言

我好少會打咁大篇野，不過已經出動左接近兩個月，港九新界全部暴亂地方我大部份都有去過，我真係有啲感受。

大家見到差館地下瞓喺度休息嘅警察，佢嘅依班着普通制服嘅已經唔算係最攰嘅人，因為佢哋主要係防守差館內部，雖然都好辛苦，但差館入邊有嘢食，有廁所去。

我哋響街着綠色防暴衫掃蕩嗰啲同事仲辛苦，孭住三四十磅野，最長連續三十個鐘頭同班人對侍，攰到通街瞓馬路坑渠邊，攞啲爛水馬，紙皮箱墊住當枕頭我都親眼見過，條街好似「屍橫遍野」一樣。

一日三餐，送到來行動地點，就只可以輪流叫一小部份人暫時離開防線，坐響後面「十零二十米」內馬路上快食，因為有嘢發生要即刻走返返上嚟，琴日就係咁，有啲人啱啱輪到佢攞到個飯食咗一啖，前邊就有嘢發生，結果佢就返上去燒催淚煙向前推進，佢嗰餐飯，等左成六七個鐘先輪到佢，就咁就冇咗.......

試過幾次根本送唔到啲飯嚟，因為啲路比暴徒塞住晒，送返啲同事都俾人打，最終連續十個鐘不停消耗體力但冇嘢食

依家大家學精左，有得食都盡快食，但都唔敢食得多，因為食得多冇地方去廁所仲大鑊，另外女同事，去廁所有幾唔方便大家應該明白，除咗忍辱負重，忍屎忍尿都已經變成習慣，加上長期唔夠瞓，近排好多人病，但都唔敢攞病假，你自己病缺席，少咗人，即係令到你啲同事危險左，不時見到同事自己攞包藥出嚟食，警察總部更加爆發手足口病，因為大家打緊仗，冇人會考慮儀態，通地瞓，通地食。衛生自然變差。

依家就好似打仗咁，你任何情況都唔可以行開，現時對面 D 人隨時掟個汽油彈過嚟，磗頭好似落雨咁樣飛過嚟，我琴日都俾人用丫义，俾類似石頭嘅嘢射中，好痛，但好彩冇爆江流血，幾間差館俾人放火，通街都有人打大交，我哋好想去處理，但根本冇辦法離開已經被衝擊緊嘅防線

香港亂咗咁耐，除咗警察仲有咩政府部門有大力幫過手？最心痛嘅仲係有唔少公務員，一齊幫街外人攻擊政府，出賣我哋，冇錯警察都有啲地方做得差，忍唔住過咗火，但係我哋都只係凡人，有血有肉有感情會受傷，我唔係機械人，都有啊媽生的....點解全世界要圍攻我哋？！

我唔介意大家廣傳出去，特別係比仍然有良心，支持我哋嘅「沉默大多數」。

0 0 0

私人傳訊

nanaaixi

男爵府

積分: 8220

57^#

發表於 19-9-5 23:49 |只看該作者

weldrick 發表於 19-9-4 09:55
前線警察感言

我好少會打咁大篇野，不過已經出動左接近兩個月，港九新界全部暴亂地方我大部份都有去過，我 ...

支持警察

做人，5好難为自己

私人傳訊

hihi585

大宅

積分: 1469

56^#

發表於 19-9-5 14:58 |只看該作者

weldrick 發表於 19-9-4 09:55
前線警察感言

我好少會打咁大篇野，不過已經出動左接近兩個月，港九新界全部暴亂地方我大部份都有去過，我 ...

見到警察著住制服瞓喺街邊休息, 真係好心痛好心up.

大家一定要支持警察, 維持香港治安.

唔好再比暴徒搗亂我們的家.

私人傳訊

CMMa

子爵府

積分: 13874

55^#

發表於 19-9-5 14:36 |只看該作者

支持警察嚴正執法! 加油!
香港大多數市民都支持你地! 辛苦晒!

私人傳訊

Angelamama

大宅

積分: 2359

54^#

發表於 19-9-5 13:34 |只看該作者

所以啲人賺埋啲陰質錢，自己人打自己人，真係等天收。

支持香港警察。

私人傳訊

carloktat

大宅

積分: 2698

53^#

發表於 19-9-4 23:31 |只看該作者

本帖最後由 carloktat 於 19-9-4 23:35 編輯

開工暴徒打, 收工有人斬, 家人大起底, 宿舍比人圍, 全家被咀咒; 黃媒亂咁吠, 黑護多阻撓, 司法幫打壓, 議員帶頭罵, 曱甴扮好人........能夠係咁惡劣情況之下仍然能克制忍讓, 只有全世界最優秀香港警察先可以做到.
香港警察加油, 有良知守法巿民會睇到同支持.