吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 椎間盤突出，有冇過來人或正面對此痛患既人？ ...

自由講場今日: 2210|主題: 1359749

收藏本版

發帖

返回列表

跳至頁

查看: 4475 | 回覆: 10

椎間盤突出，有冇過來人或正面對此痛患既人？ [複製鏈接]

f_hoheyhoo_k

民房

積分: 17

1^#

發表於 19-9-29 12:18 |只看該作者 |正序瀏覽 |打印

朋友佢條腰既椎間盤有5節突出，睇左政府醫生，政府醫生建議佢做手術，但亦講個案複雜，有突出軟骨比較接近神經線，做手術有一定風險，有嚴重既後遺症，例如條腰唔得影響性功能，嚴重可大小便失禁，下半身癱瘓等等⋯⋯⋯其實佢對於個手術都好徬徨⋯⋯⋯

佢有針灸過，佢聽到連針灸既都話只可以舒緩唔可以康復佢好灰，諗到自己等時已經會行唔郁呀，大小便處理唔到呀，搵工都要坐住輪椅呀之類⋯⋯⋯

我想問下哩度有冇人可以分享下唔做手術可唔可以有其他方法？或者有冇d 整骨/啪骨師父介紹？

感激

0 0 0

私人傳訊

Gunsche

男爵府

積分: 7348

陪月勳章

11^#

發表於 19-11-10 10:34 |只看該作者

我都有，我突出9mm, 最痛果陣係難以入睡，但佢係會慢慢好的，只要你吾做啲動作郁到佢，身體係會自己調節返，我而家都暫時冇痛，果陣醫生都叫我做手術，好彩冇聽佢講。

私人傳訊

evahui619

男爵府

積分: 7118

畀面勳章叻叻勳章 wyeth冷知識勳章

10^#

發表於 19-11-9 22:15 |只看該作者

f_hoheyhoo_k 發表於 19-9-29 12:18
朋友佢條腰既椎間盤有5節突出，睇左政府醫生，政府醫生建議佢做手術，但亦講個案複雜，有突出軟骨比較接近 ...

我媽兩三年前聯合做左手術。佢係某天突然痛到郁唔到，去左私家照，知道係呢個病。之後我地睇多左一個私家醫生，決定去聯合做，因為唔做微創怕易番發。同埋要上鑼絲叫複雜case. 都係政府做好d。果時醫生都係講最嚴重後果。但佢痛到郁唔到，其實無的選擇。

做完手術後好似住左一個多星期醫院。回家後要人照顧，不可隨便移動要休養。

做完之後好左好多，佢又keep 住游水。但呢排常做粗重野（拉鋪頭鐡閘勁重），又開始痛。而家休養緊希望可以無事

私人傳訊

mollybach

大宅

積分: 4486

9^#

發表於 19-11-9 06:54 |只看該作者

對我阿爸嚟講絕對係大手術，呢兩次手術都分別做咗7、8個鐘。
大前提係，手術完咗都唔好旨望會回復以前狀態，只係將嚴重問題減輕唔好再惡化，最緊要係術後保養，要姿勢良好，借用拐杖去行路。

私人傳訊

mollybach

大宅

積分: 4486

8^#

發表於 19-11-9 06:51 |只看該作者

回覆樓主：

本帖最後由 mollybach 於 19-11-9 06:56 編輯

我爸爸比呢個舊患纏繞咗十年，試過睇公立搽藥膏唔得，然後睇骨科食止神經痛藥，時得時唔得。最後，痛到佢忍唔住，前兩三年透過家姐（佢工作上認識唔同科嘅醫生）帶佢轉睇另一個骨醫，照x-ray，第3到第5節都突出壓住神經線，引致佢股骨至小腿都麻痺痛及無力行路，後來做削走突出嘅骨手術，由於佢長年累月姿勢唔好，脊背好似s型令到嗰兩三節骨突起，所以削走突出嘅骨之餘，仲要加螺絲釘鞏固移正佢已變危樓嘅脊椎，卧床一個月。
當時佢已經78歲，舒服咗一年，但係我爸唔生性，以為做完手術就好似以前後生咁就，又搬粗重嘢又唔好好休息保護，結果上年再做多一次，足足卧床兩個月。

私人傳訊

jyjy1684825

侯爵府

積分: 24538

7^#

發表於 19-11-9 05:47 |只看該作者

f_hoheyhoo_k 發表於 19-9-29 12:18
朋友佢條腰既椎間盤有5節突出，睇左政府醫生，政府醫生建議佢做手術，但亦講個案複雜，有突出軟骨比較接近 ...

我打衝擊波嘅物理治療師係專醫坐骨神經痛, 但我唔知椎間盤突出是否佢專長, 可以打電話問下.

私人傳訊

doris1710

複式洋房

積分: 109

6^#

發表於 19-11-9 01:39 |只看該作者

回覆 f_hoheyhoo_k 的帖子

其實每個case情況唔一樣不能一概而論，我只可以分享我媽個case俾你聽。我媽十年前都有椎間盤突出，亦都嘗試過針炙同其他方法，但結果做完仲痛，差啲想跳樓咁滯。但當時政府醫生話佢都未失禁情況唔嚴重唔肯同佢做手術😒，如果去私家做就最起碼要幾十萬落樓。跟住聽人講廣州有骨科醫院有得做手術兼做得唔錯，雖然對內地醫院都唔係太放心，但睇住阿媽喺屋企痛到要生要死，最後都怕左佢同左佢喺廣州骨科醫院做手術，但差不多瞓左成個月醫院先出得院。做完手術開頭半年都有少少腳痹，但後尾游左水就冇左呢種情況。So far而家過左十年都冇再有事，之前喺香港政府醫院檢查時醫生仲話個手術做得好好。當然我唔係鼓勵大家返大陸做手術，當時只係冇辦法中的辦法。而家既然香港政府醫生都肯做就當然喺香港做好啲啦，至於手術風險我唔係醫生唔可以俾意見你，不過如果負擔到我諗你可以揾多個私家專科醫生黎俾意見，有時不能盡信一個醫生的意見。