吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 想生BB› (長文)小產4次後分享

想生BB 今日: 1|主題: 109518

收藏本版

發帖

返回列表

跳至頁

查看: 25130 | 回覆: 31

(長文)小產4次後分享 [複製鏈接]

a000051

複式洋房

積分: 418

1^#

發表於 20-5-11 17:03 |只看該作者 |正序瀏覽 |打印

本帖最後由 a000051 於 20-5-13 11:38 編輯

因為第四次小產後心情難以平復，又覺得身邊的人不明白自己，也少同人講自己的心情，所以上嚟post下自己的生育路。
自己在2016年第一次懷孕，不過懷孕過程也非常不順利，好多次大出血，幾次都以為要失去bb了，醫生都話胎盤有撕裂嘅情況，頭4個月幾乎全bedrest, 好不容易才keep到我個仔，佢都好叻，一直黏得我好實。
生完仔仔後一直好享受湊bb的日子，到佢嵗半大，兩夫婦都有意追多一個，try了2個月就bingo了，自己覺得呢胎一定會好順利，開頭也的確無任何事情發生，9W去照過胎，心跳一切都好正常，就如常等下一次產檢，全家也很期待bb的來臨，只是在9W1D在街俾個男人大力撞左我盤骨一下，之後自己又無出血，所以也無理到。
到左11W中期再做產檢，竟然發現bb停了心跳，size停留在9W1D，所以我一直覺得bb係俾人撞死左。之後入院選擇左食藥，原來食藥係咁辛苦，好似死過一次咁，食完排出了bb和胎盤，bb已經有五官，手指，腳。。。我永遠都會記住佢個樣，頭一年不時會拎bb的'相片'嚟睇，每次睇完個心都好痛好痛。
之後食完藥一星期返去照，子宮未清，所以再食一個cycle，之後都唔清，醫生話要做手術，我選擇左出去自己睇婦科醫生開hormone藥俾我製造假經期，連續食左2個月後先真正清曬，過程都令我內心好折磨，好自責自己出街無小心避免俾人撞，我無怪其他人，因為人地唔知我懷孕，係我自己唔小心。加上知道bb無心跳時剛好在新年前，令我成個新年都無去拜年，只留在家喊。

半年後決定再試，也是第二個月bingo了，bingo的一刻真的開心過中六合彩，決定今次一定要更小心，但個幾星期後有一晚坐巴士回家，架巴士開得好快，車上又少人，超級拋，第二日中午就開始出血，立即入院，已經照唔到有胎兒在。所幸這次只是5-6W, 內心無咁傷，也不用食藥清子宮，但內心也是十分自責，覺得明知懷孕了，就不應該坐巴士。
第二次小產後身體明顯差了很多，連續病了3個月，就決定睇中醫，連續睇左2-3個月後決定再試，竟然一個cycle就bingo了，但PT一直好淡色，5W中去睇相熟的婦科醫生，佢話5W都咁淡色可能係化學性懷孕，連USG都無幫我照，叫我下星期再返嚟睇，果然2日後出血又入院了，照左話子宮都係無胎兒，證實係化學性懷孕。
所以我呢次無太傷心，覺得係自己唔好彩，即刻再Try，都有驗排卵，所以好清楚知道幾時排左卵，然後又立即bingo了，也在5W中去睇相熟婦科醫生，終於照到胎，不過話size細了一周，所以立即開了安胎針同藥俾我食。呢一次我非常緊張個胎，從知道懷孕後，除了返工便不再外出，連仔仔叫我陪佢玩，我都盡量避免，所有安胎針同藥都好準時食同打，另外每星期返去覆診一次，之後胎兒都有慢慢長大，不過仍然比正常細一周，到8W中時已經好明顯聽到bb心跳了，不過醫生話羊水少，個胎囊好細，當時個胎1.35cm, 胎囊得1.9cm，不過醫生話都唔洗太擔心，也無野搞的，繼續食藥打針。
我亦去睇中醫，中醫話要食多d野，其實自己懷孕後真係好乖，乖乖只食對孕婦有益的食物，放假幾乎都在床上休息，希望可以好似仔仔咁bedrest多d, bb大快d, 所以1個月內我肥了3kg。另外我又完全無懷孕期的不適，反而係訓覺差左好多，可能係人太緊張。到10W返去再照，點知bb又停了心跳，果刻我情緒完全失控，接受唔到又一次失去了bb!
然後又係入院，今次決定做手術，點知我非常唔好彩，等到第三日先到我做手術，期間唔食得野，我竟然完全唔餓，不過個人好乾，所以第二日在我要求下俾我吊水了。住院期間思緒一直好負面，喊到眼都腫曬。

0 0 0

私人傳訊

a000051

複式洋房

積分: 418

32^#

發表於 21-10-9 09:32 |只看該作者

happy666888 發表於 21-6-27 08:24
回覆 a000051 的帖子

樓主，其實您算係不幸中嘅大幸，每次都可以2星期就bingo到，有好好好多人一生想bingo ...

好耐無上bk，依家先睇到😅
好多謝你的回覆和分享😉
的確一個bb得來不易！你的經歷也很不容易呀！十分強大的意志力，佩服你！

私人傳訊

a000051

複式洋房

積分: 418

31^#

發表於 21-10-9 09:28 |只看該作者

葉婷發表於 20-12-2 21:46
我也是小產了一次出院前醫生轉介我去內科因為ANA陽性但冇顯示係幾多請問你也是醫院轉介內科之後選擇私 ...

Sorry, 依家先睇到。
上年尾因為ANA高而睇陳億仕後又Bingo左一次，由懷孕前開始打針食藥，可惜最後都係9周停左心跳要做手術，所以之後決定真真正正睇免疫科的醫生，依家睇余嘉龍醫生醫免疫方面，每2個月抽血睇指數和覆診。婦科方面就睇蔡柏霖醫生，覺得咁樣幾好

私人傳訊

happy666888

複式洋房

積分: 259

30^#

發表於 21-6-27 08:24 |只看該作者

本帖最後由 happy666888 於 21-6-27 10:45 編輯

回覆 a000051 的帖子

樓主，其實您算係不幸中嘅大幸，每次都可以2星期就bingo到，有好好好多人一生想bingo一次都非常非常非常困難。既然您有第一個小朋友時都係長期臥床，我真係建議您，如果想再有小朋友最好辭左份工佢，屋企個大佬睇下可唔可以請阿媽過嚟幫手4個月或請個工人姐姐幫手照顧住，到生左第二個先再揾過份工。
您聽落去好似好奢侈，唔洗做又請工人，但您要個小朋友就係要付出頭4個月嘅代價，我答您係值得架。
初初有左要保住個小朋友真係好難好難好難非常難，建議您唔可以太粗勞，如果您要每朝趕住返工，行路郁嚟郁去，對佢嚟講，佢喺入面已經十級海嘯，好難保到佢。
我簡單分享一下自己嘅經歷，我為要懷孕一早辭左份工，到5週時流血，睇急症話作小產，但阿b有心跳仲喺度，我返到屋企即刻瞓床，除左食飯、去廁所、沖涼之外，我就係瞓床。
我誇張到打個克痴都流血、連坐起度食飯嗰廿幾分鐘，都即於流血、大便更加唔夠膽用力，疴少少就即刻返上床平瞓。如是者到8週幾，突然冇再流血。
人地個個都話懷孕要做運動，我冇做架，我連郁都唔敢點郁、又唔敢舉手，連哂衫都唔敢呀。
當時我瞓到腰骨都痛埋但都要繼續瞓，當我意志唔好嘅時候就祈禱，求主賜予阿b生命、賜予健康、求主唔好收走佢啦、又幻想阿b喺個肚度，應該食得好住得好啦、佢醒左喺個肚度晨運緊啦、我養得佢好好啦等正面思想。我係去到二十週左右先敢出門行陣街咋。
係好誇張，但係無辦法呀，如果唔係咁樣我保唔住佢。我到30週6日突然覺得個人唔舒服，量血壓大約125/100,我嗰日即刻去左屯門醫院，駁血壓機量左2個鐘，血壓大約153/110唔降，醫生話:而家即刻要拎阿b出嚟，你有妊娠毒血症，如果唔係阿b保唔住」，我喊住話「唔得呀！阿b而家得嗰30週6日咁細唔可以拎出嚟呀，我要出院走呀」，醫生話咁你簽反對手術同意書啦，我即刻簽左反對做手術。醫生冇幾耐打電話比我老公同阿媽，叫佢地嚟勸我要即刻開刀，我先最後好唔願意咁開刀拎阿b出嚟。
阿b出到嚟雖然好輕得30週6日出世，但佢身體實際有32週咁大，佢喺我肚度都好吸收，出到嚟而家有一歲半，比足月bb仲要重，好感恩。
懷孕真係唔容易，無人知阿b可以喺個肚度住幾耐，我生完阿b後學到，好多事情都係「盡人事而後天命」。樓主，您可以咁容易就bingo,上天其實對您好好了，我識幾個70後，80後嘅朋友，佢地結婚後十幾年都未bingo過。
如果我係您，我會安排好哂照顧阿仔嘅人手先，只要頂4個月就夠喇，然後再同老公加油，bingo再瞓床，除左食飯去廁所要落床外，其餘時間都瞓床，咁樣我相信您呢次實掂

私人傳訊

cc218

複式洋房

積分: 335

29^#

發表於 20-12-8 08:02 |只看該作者

提示: 該帖被管理員或版主屏蔽

私人傳訊

821027

複式洋房

積分: 311

28^#

發表於 20-12-7 22:30 |只看該作者

cc218 發表於 20-12-7 22:13
不如我哋開個慣產流產g**互相鼓勵和扶持呀，呢兩年真係好唔開心(emoji)覺得冇人明白我哋嘅感受，同朋友關 ...

我之前都話想開
點知俾人del 左話犯規吾準開

私人傳訊

cc218

複式洋房

積分: 335

27^#

發表於 20-12-7 22:13 |只看該作者

提示: 該帖被管理員或版主屏蔽

私人傳訊

cc218

複式洋房

積分: 335

26^#

發表於 20-12-7 22:09 |只看該作者

821027 發表於 20-12-4 09:00
我都想知...

樓主完全明白你嘅心情，我今年小產兩次，去年小產一次，一共三次、我宜家成個人好抑鬱，唔想見任何人，好負面，宜家凖備去做一個詳細檢查，Check清楚邊度出現咗問題，考慮做ivf

私人傳訊

821027

複式洋房

積分: 311

25^#

發表於 20-12-4 09:00 |只看該作者

葉婷發表於 20-12-2 21:46
我也是小產了一次出院前醫生轉介我去內科因為ANA陽性但冇顯示係幾多請問你也是醫院轉介內科之後選擇私 ...

我都想知...

私人傳訊

葉婷

複式洋房

積分: 422

24^#

發表於 20-12-2 21:46 |只看該作者

a000051 發表於 20-11-3 11:36
你試下睇醫學生育方面嘅婦科醫生幫你check清楚原因。我7月睇陳億仕醫生，做咗好多test同treatment ，而家又 ...

我也是小產了一次出院前醫生轉介我去內科因為ANA陽性但冇顯示係幾多請問你也是醫院轉介內科之後選擇私家嗎如果等政府排期唔知會唔會得到同樣的治療咧同埋陽性係咪代表已經好高已經係流產的原因呢哎最近都好害怕

私人傳訊

a000051

複式洋房

積分: 418

23^#

發表於 20-11-6 07:41 |只看該作者

太平公主發表於 20-11-3 12:36
想問你做咗咩treatment ? 佢幫你搵到原因？

因為小產左好多次，所以之前醫院有幫我抽血，發現ANA高，不過政府醫院無任何醫法，咁我網上揾左資料就揾左陳億仕，佢再幫我抽左好多血，發現我除左ANA高，仲有葉酸代謝問題。依家每日食一堆藥，每3星期吊一次針

私人傳訊

a000051

複式洋房

積分: 418

22^#

發表於 20-11-5 17:23 |只看該作者

Nbs 發表於 20-11-3 20:29
恭喜你我剛剛先睇到呢個 post
我都係經歷過3 次小產後再懷孕，而家15 週。嗰3 次都係8-9週照到有 ...

都恭喜你呀！你好叻呀！其實有時佛系先好，無咁大壓力🤗

私人傳訊

Nbs

水晶宮

積分: 62232

21^#

發表於 20-11-3 20:29 |只看該作者

a000051 發表於 20-11-3 11:36
你試下睇醫學生育方面嘅婦科醫生幫你check清楚原因。我7月睇陳億仕醫生，做咗好多test同treatment ，而家又 ...

恭喜你

我剛剛先睇到呢個 post
我都係經歷過3 次小產後再懷孕，而家15 週。嗰3 次都係8-9週照到有心跳之後先停，手腳都開始見到，bb 都見到郁。
呢次懷孕，驗到有係完全無感覺，即使6 週同13週時流過少少鮮血都無睇醫生，完全順其自然。我同老公係打算過二十週所有都正常先會開始諗之後的計劃（執屋小裝修，請工人，train 個大女自己瞓，買bb 嘢等）。完全佛系。